Cafe La Vita (已結業)

見食評唔錯又唔使等位就去試，點知所謂既意大利餐廳卻賣中式菜。。。粟米肉粒，萄式咖喱雞，炒意粉，煙鴨胸，煎豬扒，煎西冷。。。叫左個萄式雞加鴨胸。。。先上稀既雜菜湯。。。得幾粒雜菜，無香草味，只有蕃加酸加濃黑椒味。。。不過不失因為黑椒蓋過了。。。再上葡式雞。。。不得了。。。得兩粒薯仔，雞就全部都係雞翼，仲要細仔到無啖啖肉既口感。。。一隻開兩份。。。個雞無椰汁味，只係辣。。。咁應該叫咖喱雞而唔係葡式那種。。。個意粉更加太林身。。。完全無味！唔lo咖喱汁，根本食唔落。。。個鴨胸更嚇人。。。一上枱係黑色既。。。燶到暈，上枱個下話隻鴨著哂火，個waiter都唔理照上。。。咬甩塊皮，淨返既肉灰灰白白。。。咬左好耐先吞到。。。個汁又甜滋滋。。。配落很奇異。。。個意粉得幾啖。。。完全唔夠食。。。食d伴碟三色椒啦。。。一掃開。。。黑色椒先啱。。。。面青青咁飲咪杯朱古力閃。。。點知。。。朱古力粉加糖水。。。稀到。。。早知叫阿華田好過。。。無下次

話說情人節都係同男友慶祝既日子, 但小妹未有著落既時侯, 就邀約左朋友試下佢既情人節餐..因為佢既a la carte 都已經好唔錯, 唸住試下佢既情人節大餐得唔得...但結果係..a la carte既meau好食過情人節meau...由於佢情人節meau個甜品係cheese cake..所以我將佢轉左我既最愛心太軟, 因為都想比朋友試下佢既味道....total有七個course...第一, 先黎個蠔同蝦...都係依然咁fresh 同爽口...第二, salad 第三, toast...就係配個蕃茄肉加something.. (忘記左影meau,所以唔記得個名), 但味道唔錯, 落左小小black pepper, 香口又開胃..第四, 三文魚湯....佢既三文魚做法係半生熟, 如果掌握唔好就好似變腥, 所以今次就係出現呢個情況, 味道真係唔太好...因為真係好難整得好食...食過咁多地方半生熟既三文魚, 暫時得一間認為做得比較好...第五, 墨西哥辣肉腸意粉....冇特別驚喜...第六,  ribs eyes and fish...ribs eyes今次個肉質就實左d, 而且肥肉較

特登星期日訂位 去到好細 包場咁想嗌咩都無咁 三文魚同pizza都無而且價錢唔平一個西冷三百幾跟餐要四百酒店咁嘅價最終叫了個海鮮意大利飯及燒春雞味道其實可以份量也正常每樣都熱呼呼上枱但真係唔平未必是抵嘅選擇

呢一間餐廳一直我都好想試，睇埋openrice既食評，我更加想試下!!但由於openrice資料寫佢星期三休息，咁14年1月1日咁岩又係星期三，我就打電話去問下有無開啦!!好好彩，有人聽，話有開，咁我咪話book位啦，果時係8點，我就話book8:30啦，點知個職員(語氣好奇怪)，佢話要睇下先，之後我就話9點都ok嫁，跟住佢答我9:30先得，咁我咪話太夜，下次先啦，但其實我又住附近，我咪同老公去睇下係咪真係咁full啦!!一去到，唔係ma，竟然一個客人都無，係吉既， 佢門口係掛住"營業中"既牌，咁我咪同老公入去啦!!明明無人，點解個職員要我9:30先去呢??係咪唔想做生意呢??真係好奇 咁之後無再諗啦，亦都無問點解啦!!好，點菜!!我老公就要"安格斯肉眼扒"(單食$3xx)，加多$60轉餐，(加$60轉餐---有1隻生蠔，沙律，餐湯，餐飲)另外，老公再加$60，加一份煎鵝肝!!而我就點左黑毛豬，點知無貨，最後諗左好耐，改要"燒春雞"(單食$2xx)!!首先黎份"餐前麵包"，有4件既!!(相中係2件，因唔記得影相先 )呢個好好食，有少少甜味，少少脆，唔搽牛油都得!!食完呢個包，我同

今天是平安夜, 但因為工作關係, 太忙了, 沒有時間及心情plan 特別的節目. 心血來潮想到家附近這小店吃西餐, 臨時致電book 位 ( 當時, 已接近下午3時了 ), 點知仲有位! 而且個聖誕餐有成 "10個course", 都係 $788(2人前)!!! 簡直係抵呀! 因為平時來晚飯, 也要$200-300 一人. 如果真係比佢劏, 我覺得好過比出面市區的食肆劏, 因為大廚好了得! 在意大利工作了十幾年, 自己又是學法國菜出身, openrice 上的食評更好到不得了(0喊面). ho ho ho!  最後, 當然不是被劏, 而是在屋企附近, 好好享受了一頓美味的晚餐.第一道菜: 香煎凡立貝 pan-fried scallop, 雖然不太厚身, 但鮮味夠濃! 聽侍應們說, 由於廚子以前在油店工作, 所以現時也從酒店的供應商取貨, 所以海鮮食材特別新鮮.第二道菜: 火雞沙律. 廚師特別造了一個甜甜的士多啤梨汁, 淋在沙律菜上, 很特別! 而且, 火雞的肉質不太鞋口.第三道菜: 龍蝦湯. 較為失望 ><, 因為與平時這店的招牌蕃茄湯相似, 不太嚐到龍蝦味. 反而,

講真, 元朗好少一間餐廳會令我再去食多幾次都覺得值, 而且亦會想去介紹人入去食既地方...呢間都算係其中一間, 認為大家可以一食再食既餐廳...今次都係我第二次去食呢間餐廳, 味道依照係咁好...記得第一次去個陣, 係因為佢mention話係法國菜, 所以想去試下究竟正唔正宗....因為開係新界區, 的確令人有點好奇, 是否能做真正的法國菜....雖然位置唔係市中心, 內部環境較細, 但勝在細得黎有情調, 只係好簡單既裝修, 唔算太華麗, 配合一d英文歌, 感覺真係唔錯....記得第一次去, 見到manu 就好似係cross over 意+法式食物, 我好記得叫左兩個set, 一個係牛扒, 另一個係意大利飯....個set係會送蠔比你食..唔好以為佢送既就唔新鮮, d 蠔係超爽甜...而且有re-fill 包飲你食...個意大利飯同牛扒味道都算唔錯...依家係元朗都甚少食到咁好質素食物...當然, 喜歡甜食既我, 每次dinner後, 我一定會食甜品...而每個地方都有心太軟的話, 我都一定會叫, 可能我對心太軟本身有點執著...所以我一定會點呢個甜品...當然, 佢的確冇令我失望,

因Openrice 才得悉這隱蔽小店, 穿過爽爽麵店旁邊的巷仔就看到店家的牌小店環境舒適, 可以靜靜的聊天主菜+$60 可以轉套餐, 當中有餐湯, 沙律, 生蠔一隻及餐茶最先到的是微暖的香草麵包, 牛油太凍不好塗, 4片之多可以墊墊胃慢慢等上菜再來生蠔, 友人代勞, 友人大讚配生蠔的新鮮蕃茄醬, 應該是自家製沙律菜份量剛好, 菜有點點苦, 但海鹽及醋中和了苦澀味大愛這裡的蕃茄湯, 沒有用大量茄膏, 濃稠度剛剛好, 非常對胃海鮮意大利燴飯, 每一口也是海鮮, 有3隻青口, 每一啖也有海鮮 (當然是雪藏的, 不過沒有雪味), 飯煮得剛剛好, 有咬口, 喜歡它的醬汁沒有太creamy, 所以不會有太膩的感覺燒春雞焗得剛好並用香草, 辣椒粉醃得入味, 肉還嫩, 皮掃上蜜糖, 看起來簡單的燒春雞吃起來卻非常滋味用餐後店員亦親切詢問意見,期待下次再試試小店的肉丸意粉用膳後才發現, 20:30前結帳有85折, 而21:00後入座更有8折看到小店內放了一個外賣牌, 雖然有菜式點點格格不入, 但希望更多人支持小店用心製作

星期五的中午絕對是個寧靜用膳的好時間，不用逼不用趕。十二時許來到，可說是偶然的包場。午市套餐的選擇並不多，一隻手，五隻手指數得完。午市套餐包餐湯或沙律、主菜和餐茶，設加一服務收費。蕃茄濃湯蕃茄完完全全地被煮溶至濃縮，每口都是豐富的茄香和熔融的茄渣。雖然質感上來說不是我喜歡的幼滑類型，但是可以感受到烹煮的充分。而且茄香以外是微微的香辣味，只是香科的那種惹味，異常地香口。紐西蘭肉眼扒 (五成熟)件頭算是頗大，厚度也可接受，外皮煎得均勻可口。可惜內裡受熱不均勻，部份位置顯然過熟，而且肉汁早已流失了不少。雖然不致於乾身，但是鬆軟度上已大打折扣，而且本身也缺油花，未夠香口，不過以肉眼來說肉味卻頗出眾。值得一提的是紅酒汁，微微的甜味溫和地與肉眼搭上，也補足了濕度。香煎龍脷柳外皮煎得香脆，沾有黑胡椒的部分更脆口，這種效果並不常見。至於魚柳身其實偏薄，魚肉是夠滑，鮮味卻很大程度地被兩面的表皮調味覆蓋了。伴菜薯蓉意外地軟滑，牛油味突出可口，算是不錯。凍咖啡飲品選擇不多，凍咖啡算是穩妥的選擇。

星期六晚，九点多落街揾食，試了間未食过的餐廳 La Vita！地点比較隱秘，但多了点寧静！店內可容納二十多人，不太大！都是抱着一試冇防心態試試！Dinner set 由$168起， menu內有亦其它选擇，如鵝肝， seafood platter $5xx.我同hubby选擇了香煎比目魚同蜆肉意粉！ 頭盤有新鮮生蠔兩隻，不太大但有海水味！我當然唔知边個国家！湯是蕃茄湯，飲得出不是罐頭貨，好香濃，好想再添飲！附上的餐飽也不馬虎！真是外脆內軟！ 還有沙津，看得出是認真之作！蔬莱很新鲜加上欖油撈拌，合格有餘！ 食完以上三道莱都很滿意，唯獨上莱較耐，可能要食好嘢係要等………… 等了又等，再上蜆肉意粉，蜆肉成品較細，頗多沙！但意粉很好吃！ 到比目魚，嗰汁內有很多什莱粒，食刭有点酒味！魚很嫩滑，再加上底部有薯蓉，很飽足了！ 晚餐不包甜品，聽説心太軟好得，要下次試了！飲品叫了咖啡，濃度適中，是我喜愛的！ 這晚结帳後已10点45分了！overall, 很滿意的晚餐！ 同 chef 傾開，小店只有一個樓面同佢，所以上莱会較耐！及而反映了蜆肉問題！

Cafe La Vita的驚喜美食, 實要分享一下。地點不在元朗一般大街上, 要花小小時間行到, 但勝在地點清靜, 食得舒服。驚喜美食餐湯: 蕃茄湯, 不是罐頭貨式, 好好味沙律: 鴨肉沙律, 調味很好, 醒胃.主菜: 牛肝菌意大利飯, 肉丸意大利粉, 烤春雞, 兩份牛扒牛肝菌意大利飯: 超好味, 不會太多油, 肉丸意大利粉: 肉丸很新鮮, 意粉硬度適中, 好味烤春雞: 賣相一流, 看出廚師的用心. 味道當然也非常好, 很嬾很滑的雞肉牛扒: 牛扒水平之作, 值得一讚是薯蓉貼心服務是晚六人加一BB車, 店鋪雖小但仍安排我們足夠位置放BB車, 還在我們用餐時幫忙看顧BB, 一百個讚。食物和服務都是超水準之作, 一定會再來幫襯

第一次寫食評，cafe la vita 實在係一間需要多多支持，非常用心既小店意大利餐廳，地點確實比較難搵，食物方面由頭盤至甜品都是充滿誠意製作！生蠔新鮮到不得了！帶海水味👍磨菇湯熱辣辣, 絕非罐頭湯feel！來佬沙律菜，正！主菜比目魚，份量十足，煎得外脆內軟！甜品非常有驚喜！意式奶凍，充滿vanilla seed，極之香滑！正！

元朗的Café La Vita，很隱蔽，如果大家在公開飲食網站查資料，會發覺它跟名店爽爽麵店相同，要兜番入內巷才能找到。筆者山長水遠、尋幽探秘來到這小店，不單因為是試食，還有另一任務，就是應邀接受一大學生的訪問，協助她完成Final Project，訪問內容當然是圍繞食和寫。不要說現今的九十後做事馬虎、冇責任感，這位學生Stella很早便到達現場打點，又打燈又有大長咪咁，安排得妥妥當當，表現專業，是值得大家學習的。事不宜遲，爭取時間邊吃邊影邊訪問。這一道煙燻三文魚，用了咖啡去醃製，面頭鋪上沙律菜，咖啡味道只是象徵式，沒有蓋過三文魚的鮮嫩。反而底部的熱情果汁，雖是十分美麗的點綴，不過味道十分突出和醒胃，原本跟三文魚是很合拍的，但似乎就浪費了採用咖啡的功夫和心思，尤其是如果客人喜歡把三文魚沾汁吃的，咖啡味是完全消失得無影無蹤。隨之而來的蕃茄湯，面頭沒有忌廉作裝飾，卻是實而不華，質感濃稠得宜，蕃茄味亦討好，沒有過酸，但最抵讚的是溫度，放入口仍然是燙的，個人很怕那些溫溫吞吞的湯水，中西式的亦然。再來的肉丸意粉，看上去是平平無奇，吃過便知水準了得。意粉口感Al Dente，撈埋開胃的茄醬，簡單而

繼前文，今晚寫一場特別的晚餐，當晚FHY除了肩負試食的任務，同時也要接受採訪，好不忙碌! 　 其實這是上回Nova採訪記的下集，小記特別想拍我們試食的過程，但實在有太多餐廳不願被拍，小記努力之下終於找到這裡願意邀請FHY試食，同時接受拍攝。收到餐廳名後上OR一看，咦，原來地點超近我家，正正就是位於名店爽爽麵家背後，作為元朗達人真是失覺了! 　當晚要讚CEO一早來到，打點好大家試食項目，正如小記也提早抵達，準備好所有設備，基本上我們來到只需要食食食，以及如常傾計就可以了，非常輕鬆開心。以質素正常、勝在夠熱暖的麵包開胃後，首先頭盤有自製煙三文魚沙律($128)。要讚成品超精美動人，那新鮮又厚切的三文魚還被咖啡煙所薰過，吃下來帶有約隱約玩的幽幽咖啡香氣，再配合清新又醒胃的熱情果醬，口味集新奇、清新、健康與美味於一身，個人是十分喜歡! 食友覺得咖啡味還可以再濃了，其實對我來講是足夠了。接著有忌廉番茄湯，成品的忌廉味不算濃厚，更突出是蕃茄的清甜味，口味較為天然，湯身也較稀，因此我放心給也有幸成為座上客的寶寶飲用，為食豬可是喜歡得很呢，雖然一早在家吃飽粥仔，來到也搶到飲了半碗之多!　俗語有云「平凡

在忙碌的一個星期中, 跟幾位好朋友也抽了一晚的時間, 幫助一位學生完成她的畢業功課. 知道她近日的事故, 希望她能好好過吧. 說回這個畢業功課, 其實就是在一家餐廳內進行訪問, 並拍攝我們試菜時的情況. 是晚除了亞茵及劉總之外, 亞龍及Matthew仔也一同出席, 好不熱鬧.是晚的目的地是Café La Vita, 地點或許不太好找, 其實就是在爽爽的後面, 如果從元朗西鐵站走過來, 也不用十分鐘. 這裡雖然是小店, 但裝修也不錯, 擺位不會太密, 見是晚就有客人在這裡一邊晚飯, 一邊喝紅酒, 也是幾舒適的. 是晚吃的, 就由主理人兼大廚安排好, 一共八道菜色, 相當豐富的了.麵包: 先來的麵包, 剛剛焗起的, 自然是熱辣辣, 幾鬆脆的. 不是說笑, 有不少高級餐廳也不能提供熱辣辣的麵包, 這小店反而在這細緻位上沒有偷雞, 是有誠意的.自製煙三文魚沙律 $128: 7分, 頭盤是自製煙三文魚沙律, 大廚特別用上咖啡去煙薰三文魚, 不過味道只算是淡淡的, 不太突出, 或許是被那熱情果醬掩蓋了咖啡的味道. 當然, 熱情果的味道酸酸甜甜的, 也相當醒胃. 煙三文魚的質感就是對辦的, 配上沙律

已經不是第一次幫親,午餐同晚餐都係一流! 地方好易搵, 係停車場附近.可以係優優閒閒既地方享用晚餐.琴晚既番茄忌廉湯真係好好味, 配料十足, 味道一流, 好有驚喜!2份dinner set都有好多野食,包括:生蠔,餐湯,吞拿魚他他, 法包等…主菜叫海鮮意粉&義大利飯,意粉汁味道香濃,義大利飯軟硬度適中,軟得黎有口感.餐廳菜色, 同埋老闆都好有心機.