Cafe Nirvana

營業中

休息中

又到快樂星期五，lunch 出去公司附近食飯。這次來的是永樂街的 Cafe Nirvana，是餐廳，也是酒吧。很奇怪的，除了西餐，這裡還提供泰式餐單，而外表卻是一家酒吧，裝修很別緻，開放式的廚房可以很清楚的看到製作過程。這裡逢週五晚上都會有live band music，晚上應該頗有情調。這裡12點半前結賬離座免加一，不過像我這種慢條斯理的人，也可以選擇外賣。外賣和堂食雖然只差了飲料和餐湯，可價錢可是相差不少。菠菜忌廉汁鮮蝦扁意粉 $98送餐哥哥仔估計是新手，上桌時，菠菜汁有點溢出來。說實話賣相不行，不過味道卻彌補了這個小缺陷。配料方面有 雜菌、五隻蝦、紅蘿蔔、洋蔥和青紅椒。菠菜醬汁濃郁Creamy，每根麵條也沾到大量醬汁，適合我這種「多汁怪」。扁意粉軟硬適中，份量也夠飽肚。是日餐湯南瓜忌廉湯口感幼滑，香！濃！柯華田竟然用上了啤酒杯裝上，頗有趣。由於柯華田味道極為普通，所以就不在此詳細形容了。Cafe Nirvana整體味道高質，但定價略高，偶爾可一戰，但不能成為日常飯堂，不然荷包要抗議了！

上環永樂街有間低調嘅餐廳，雖然叫 Cafe Nirvana 但其實係酒吧嚟。內部裝修傳統，以深色木為主，搭配吧枱同幾張高枱凳，近門口則有幾張正常高度嘅枱凳。晚上以合理價格供應生啤之餘，呢度嘅廚房都唔錯，泰國菜（炸蝦餅，香葉炒飯）之類都做得幾好，配酒精一流。平日午市則供應午市套餐，紅白湯+意粉/飯+飲品約$80~100。外賣再平一大截。今日要咗『忌廉汁黑松露虎蝦長通粉』，等咗大約15分鐘。隻蝦比較細隻，但忌廉汁夠香，意粉亦有咬口，$67食得過。

之前同事食過大讚呢間幾好食，今次就約埋幾個同事一齊去試下lunch！一入到去勁有酒吧feel，店員都係上左年紀既auntie uncle （有諗過會唔會日間做餐廳，夜晚就做bar甘）感覺俾我覺得好特別！我地一行幾個人嗌左唔同既lunch set！（搞笑既係竟然有張泰式既menu）我就叫左個意式焗芝士牛肉千層面，但食落酸酸地同平時既唔同味，加上太濟，最後食唔曬～另外同事叫左菠菜忌廉汁鮮蝦扁意粉，我覺得好好食，平時我唔會特別叫菠菜汁黎試，但經過呢餐我諗我以後可以試下😂整體食物既份量好夠，岩曬大食既朋友仔！

附近睇樓黎到呢度食lunch，餐廳細細間，但係幾有feel，出面嘅風混合室內冷氣伴隨啲好hea嘅音樂居然有一種去到熱帶國家嘅悠閒感。環境講完講食物，同媽咪一齊，叫左黑椒雞肉飯同煎halibut fish，都好好味，阿媽話雞肉好嫩好入味，我啲魚都煎得好嫩，同啲汁幾match。服務都係咁樣啦，又唔係五星級大酒店咪唸住將你睇做上帝啦，不過唔rude，都係咁話啦。覺得香港而家覺得好少咁樣嘅餐廳，反而會好可惜。以後黎經上環應該仲會黎呢度食。

灰白頭髮載眼鏡的那個中佬態度很差。我們二人第一次幫襯，食午餐，他不在，吃得開心。今次我們二人第二次來，吃晚飯，他在，完全影響整個餐飲體驗，中佬無禮貌地大聲、催促落單，我們已叫了一杯紅酒，並跟他說另一杯稍後再叫，因為我們想先吃飯，個中佬立即不滿，抬高聲線話「唔緊要，最低飲品消費都30蚊，你唔叫都計左架啦」。於是我們立刻叫多杯紅酒，問佢咁樣夠唔夠，佢擰轉面走左去無回應。唔肯加水。成間餐廳無乜人。碟炒金邊粉鹹到不能。已blacklist這間餐廳，虾兩個女仔，以後不會再來。

呢度係一間酒吧+餐廳，收工時間會見到好多外藉西裝友飲啤酒。lunch時間都多人架，店面人手唔多家庭式經營，店面的裝修睇落都有一定嘅日子。之前店主會泊車在門口，車上有兩隻很大的狗狗。lunch set都有成十款，加埋泰式野有好多選擇。呢個吞拿魚長通粉好濃味，唔似平時嗰d白汁長通粉咁款，濃味得黎又唔係味精，而且係熱騰騰。唔好睇碟長通粉份量好細，食落都好飽架，而且比較重口味，都會幾漏。個餐跟紅或白湯，白湯係磨菇湯，出似意料係好飲嘅，雖然冇磨菇粒，但唔係罐頭湯味。凍奶茶就失色左d，成件事好似水、冰、奶、茶分開晒咁。不過呢度又始終唔係茶記。

今次去既餐廳雖然位於中環，但價格都唔算太貴！一入到去，你會見到一個吧枱，廚師會係吧枱入面煮野食，而旁邊既餐枱放上左一張張紅色格既枱布，為餐廳增加一股舊式美國風！雖然餐廳既內部裝潢以美國風為主，但除咗一啲歐陸既菜式，餐廳仍然會為客人提供一啲泰國既特別菜式。午市套餐可以選擇餐湯或沙律，配主菜，包一杯熱飲。呢次同朋友揀左一客鮮茄燴海鮮意粉和比目魚扒。跟餐沙律並唔係普通西式沙律，而係泰式沙律，配上泰式酸辣醬，味道酸甜，可惜生菜同青瓜略帶苦澀味。而海鮮麵材料充足，有頗多既海鮮，麵條硬度適中，配合濃烈既蕃茄味!而比目魚味道鮮甜，能夠保持魚既鮮度，且無煮得過耐，魚肉滑嫩。

到中環辦點事，約了朋友在附近午餐，他帶我到了永樂里尋找美食，嘗試這家特色小店。裝修是酒吧風格，牆上有很多別緻的裝飾。午餐約有十款，價錢大約$60至$100。我點了紅酒汁咸牛脷白飯配雜菜湯及熱飲。雜菜湯材料極豐富，有大量蔬菜，包括椰菜、西芹、洋蔥、紅蘿蔔和蕃茄等，新鮮爽口。湯的味道包括了濃郁的蔬菜味，酸甜開胃，刺激食慾。主菜賣相頗佳，牛脷和配菜放得整齊，顏色鮮豔。牛脷煎得乾身，很有鹹香味。配菜鮮甜，而紅酒汁味道濃。食物質素不錯。稍為欠佳是人手不足，以及空調不夠涼快。

未食就已經谷鬼氣,話說本人lunch hr時間想同老公去呢間試下新野, 我就早少少去搵定位, 入到去帶位個姐姐仔一黎就比menu我要我落單,我就表示左未人齊等埋先一齊order, 點知坐左十分鐘左右(果時已1點鍾),有名頭髮長到膊既中年男人,埋黎比說話我聽啦, 話我坐咁耐阻住佢做生意,我就答佢黎梗架啦(因為老公lunch 1點),佢一路都唔好態度,之後,有4個客人入黎,佢就叫我比返張枱出黎比佢D客坐!! 真係火都黎埋囉,坐左有幾耐呀果十分鐘, 如果係未人齊唔比入坐既就一早講啦,洗唔洗咁叫人走呀! 呢間野真係bad list囉咁既態度!

上環地鐵站附近的「煙竇」，經常路過卻一直找不到理由來，因為大部分朋友都非煙民。飯局之前，打算約食友來個happy hr傾傾計，轉折下變為同靚女食友撐檯腳之局。可以訂位的，但收工時段，看樣子是訂了位還是要等，早來到，佔下四人檯，吃著花生等人到。鬼佬、鬼婆，點起煙飲著啤，氣氛好得不得了；對酒精味道愈來愈抗拒，happy hr唔叫串燒、炸物的話，飲水好過，大支sparking收$42，叫生啤的話可能仲平。靚女食友到步後，頂唔順煙味，又嫌地方侷促，一口氣喝下大杯sparking，轉陣到附近繼續歡樂時光；也是個氣氛不錯的happy hr好地方，若是煙民的話．．．

某次同同事一齊去上環搵野食，好奇地入左依間餐\廳。老實講，我覺得餐\廳環境唔太好，但係驚喜地發覺食物o既味道唔錯！蝦湯味道ok，沒有腥味。我order左一個beef lasangne，覺得好有以前在英國食過o既風味！材料都好足，而且係每份都係用小盤在oven裏bake。我同事就叫左個燒羊比，portion比想象中大得多！而且味道都很好。一個lunch大概$80，雖然比較貴，但係都會再去食！

O個日落去上環中遠開會, 咪近近地去呢度食囉, 當時已經過左LUNCH HOUR, 無人食晏, 開始有D鬼佬飲酒, 我叫個LUNCH D 伙計好似愛理不理咁, 爭D好似我係透明咁, D野食完全係求其"叮"返熱俾你食咁, 難食! 班伙計掛住溝鬼佬, 怱怱食完半碟找數走人, 無俾貼士, 話過以後唔去!

番工番到好頹,無時間搵野食,但係為0左我個openrice page既延續,我都係繼續盡量搵下食. 近來個目標地點,當然係中環同上環la.lunch set都好多choice,有西,有thai.我要0左個白汁野菌鮮雜菜長通粉,lunch set送洋蔥湯,iced coffee.個白汁野菌鮮雜菜長通粉真係好好好食呀..因為佢個汁係自家制的,好creamy,但係唔厚身,唔會好似平時d canned 白汁咁一pat pat,又無味,佢好香,有少少牛油味,一流呀! 野菌同鮮雜菜都好新鮮同切得好仔細,有咬口得來唔會大件到食唔到,又無渣wor.好呀~個湯唔好飲,好似係用史云生雞湯煮洋蔥咁.個coffee都唔係太好...怪怪地.因為個pasta好,所以我俾笑面.仲有,佢要我地坐係一個少少的room中間,好唔comfortable...

姐姐終於大學畢業回來，還帶了陪伴著她兩年的小貓咪ＮａＮａ．．．跟ＮａＮａ在家裡玩了幾天後，我想出去逛逛，順便看看有什麼貓玩具可以買午餐我來到了Ｎｉｒｖａｎａ，全因為以前經過時，看到它的名字；極樂世界．．．ｗｏｗ　覺得很玄．．．　加上裡面的佈置帶有神秘的味道．．．　就很好奇想要試要了一份Ｓｅｔ　Ｃ：紅酒燴羊肉配意粉，前菜要了ｓａｌａｄ（也有餐湯可以選擇），餐飲是Ｃｏｆｆｅｅ沙拉的醬汁還蠻特別，是Ｏｒａｎｇｅ的顏色，卻沒有Ｏｒａｎｇｅ的味道．．．　應該是泰式的吧．．．　還蠻ｆｒｅｓｈ的羊肉的羶味尚有，但不夠重．．．　而且嘗不出什麼紅酒味來．．．但肉質算嫩．．．意粉就還不賴啦．．．整體感覺平平，又是Ｃｕｒｉｏｓｉｔｙ惹的禍．．．

走出了地鐵站口, 就下著滂沱大雨, 滯留了片刻, 路經此店門前停步看餐牌, 西式的又夾有泰式食品, 見有三文魚扒, 心想巳沒吃鮮三文魚很久了, 今趟熟的也不放過。入座後也不需多考慮, 就點了香煎三文魚扒, 加熱咖啡, 跟餐的還有個熱騰騰又帶鮮茄味的番茄雜菜湯, 不知是否近期魚類, 伴碟有薯茸雜菜的兩片魚扒, 其外表煎得香脆之餘內裡也熟得過透, 香草白汁的味道香濃誘人, 跟店員讚說好味道, 她巳主動問我是否需添汁及加薯茸。不熱的餐啡只屬一般, 但勝在飲後不苦澀。