Cafe Nirvana

營業中

休息中

上環永樂街有間低調嘅餐廳，雖然叫 Cafe Nirvana 但其實係酒吧嚟。內部裝修傳統，以深色木為主，搭配吧枱同幾張高枱凳，近門口則有幾張正常高度嘅枱凳。晚上以合理價格供應生啤之餘，呢度嘅廚房都唔錯，泰國菜（炸蝦餅，香葉炒飯）之類都做得幾好，配酒精一流。平日午市則供應午市套餐，紅白湯+意粉/飯+飲品約$80~100。外賣再平一大截。今日要咗『忌廉汁黑松露虎蝦長通粉』，等咗大約15分鐘。隻蝦比較細隻，但忌廉汁夠香，意粉亦有咬口，$67食得過。