Cafe Siam (科士街) (已結業)

今日想食啲刺激啲嘅嘢，搵下西環有冇泰國菜食，見到哩間評價咁好就黎試下，見間餐廳幾chill幾舒服幾啱成班朋友食所有坐位坐滿晒，裝潢高級不失fancy感，好多棒場客，我地一坐底店員就為我地推薦新菜式今次我地叫左個Pad thai，好正宗，甜、酸、鹹都好均勻，賣相同味道都一流，金邊粉唔會偏甜，色香味俱全，除了新鮮嘅羅望子，仲加入茄汁、椰奶、椰糖和炸乾蔥，令成道菜式更加香，加入醬汁炒淋，芽菜、韭菜、乾蔥和雞蛋這些配菜，煎了一個蛋網包住Pad Thai，賣相更誘人。芒果沙冰，以甜味為主，但芒果味十分香濃，亦都冇過多的碎冰，不俗。泰式飛天通菜，帶微甜的通菜份量非常多，既爽脆又易入口，又唔會太辣，大力推薦！總括而言，呢間餐廳係我食過咁多泰國餸入面最好食嘅餐廳，依家1,2月份仲有三周年優惠，招牌嘅泰式甜品低至3折，一個芒果糯米飯原價$78，但依家都只係$23.4，不過由於我地太飽所以冇食到。

天生有個不一樣嘅胃，注定要疫流而上，出去食個飯撐吓市先得！唔可以俾其他人睇小香港人嘅內需市場㗎嘛，係咪？見佢寫住黃金，以為係蛋黃啦，原來係指個甜甜地嘅梅醬，用嚟點又脆又彈牙嘅蝦餅，真係黃金組合呢個套餐係跟埋黃金蝦球、船麵同蝶豆花青檸梳打，抵喎船麵唔惹小，好大一個碗，龍蝦仲誇張，上演一場龍游淺水遭蝦戲，咁大份，等大胃救佢出淺水，果然啖啖蝦香河粉好煙韌，索晒湯嘅精華豬頸肉就咁食已經好正，加埋泰式醬，好味到懷疑人生泰茶就飲得多，泰茶smoothie就少見Phad Thai係走唔出大胃牙罅嘅，不太濃味反而啱我口味好掛住咁嘅泰北菜，青檸唧落泰式醬度，簡直係昇華，豬柳本身又嫩口，好味到呢倒啲糯米飯出嚟，椰香滿瀉，咬落煙韌纏綿，配埋豬柳，舌頭懷孕了最後梗係食甜品啦，黑白糯米淋上濃厚椰汁，加上好甜嘅芒果，唔想呢餐完呀一個甜品太天真喇，南瓜布甸咁特別，梗要試啦，焦糖布甸與南瓜肉完美接合，又唔會死甜，正呀呢間都幾多外國客，相信嚟緊會多啲本地客識欣賞呢度

朋友住堅尼地城，我就放工過黎搵佢一齊食飯，原來係地鐵站c出口，過左條馬路之後，就見到好多餐廳，我地最後就選擇左食泰國菜cafe siam餐廳環境裝修好令，令人感覺舒服，好似去左西餐廳咁我地叫左精選拼盤$138有串燒(香口，肉質結實)，荷葉包雞(雞肉嫩滑，有陣荷葉香)，蝦餅(食落彈牙，有蝦鮮味)，春卷(炸得香脆，配上裏面蔬菜一齊食，唔會覺得油膩)冬蔭蝦湯$88味道酸酸辣辣好開胃，香料味道濃，蝦有蝦膏，食落鮮甜青咖喱配雞肉$98，油酥餅$32味道唔算太辣，有青檸同奶香味，雞肉入味，加上脆口薄餅，有雙重口感香芒黑糯米$68芒果清甜，糯米加上椰汁，又香又滑有新春優惠~船來運到$178套餐有不同選擇，我就選左炸蝦餅，牛肉船麵(牛肉味濃，麵吸左湯底，更香濃，而且爽滑)，青檸梳打，非常抵食

今日同家人黎左港島南區食晚飯，e 間泰國餐廳裝修好別緻😌門口有泰國嘅「督督」做reception 嘅裝飾。入到入面以胡桃木餐桌為主，有圓桌同方形桌，都幾岩喜歡靜靜地傾下計嘅客人☺️目測都見唔少外國會黎食😋同埋最緊要係佢地桌與桌之間都有距離。唔會好迫，所以好放心咁食飯🥰餐廳2月份做緊3周年優惠😆我覺得賀年3寶同甜品都好抵😍因為出面食都唔平嫁😆餐牌都有唔少泰國特式菜，有咖喱，串燒，仲有特式焗飯等等。新出左仲有船麵😍當然仲有甜品喇😌我地叫左以下幾樣😋原隻波士頓龍蝦船麵套餐，套餐包左小食同飲品，我地要左蝦餅，同泰式奶茶。小食炸蝦🍤餅好彈牙，仲係新鮮炸嘅，送黎嘅時候仲係熱辣辣。值得推介👍🏻龍蝦🦞超大隻😍😍食落啖啖肉好鮮甜，船麵係泰色河粉好滑，配埋佢個湯味道好好🥰佢個湯底好濃陏🤤泰色奶茶都幾似當地嘅奶茶😌淡淡地☺️椰汁🥥焗雞飯食落椰汁味好重😍同埋真係用椰青黎焗🥰仲配左少少腰果，好有特色👍🏻😆全部飯都沾左椰汁配埋雞肉一齊食好夾👍🏻仲有少d 椰肉絲食到🤤雜錦沙嗲串燒串燒燒得岩岩好，唔會太燶😋有少少炭燒味，點埋佢個沙嗲醬，仲更加有層次感🤓雞肉串係嫩嫩，牛肉唔會好老，豬肉肥瘦岩岩好😆飲品我地叫左個椰青，多水夠

喺西環呢條街平時就食西餐多，經過見到有間食泰國嘢，最近口淡淡，就一於去試吓。-空間幾大，枱同枱嘅距離都幾遠，最近話要同人保持六個階磚嘅距離呀嘛，喺呢度都做到。唔使驚隔離枱嘅飛沫會傳到過嚟😂-佢都有好多fusion菜，最近promote緊船面，慶新春呀嘛！不過今次想食招牌菜咖喱蟹，馬拉盞炒通菜，再加個白飯就啱啱好啦。-咖喱好香椰汁味，入邊仲有好多芹菜，送飯一流!!蟹鉗已經扑開咗，唔使自己開，好貼心啊。啖啖蟹肉！-馬拉盞炒通菜唔會太辣，份量都幾多。-最後叫咗一個椰青同埋青檸梳打，好滿足呀！

泰國菜何時都那麼深受香港人青睞，尤其優秀的泰國餐廳，時刻座無虛席，Cafe Siam便是其中一間，每次來總有意想不到的體驗。最近Cafe Siam為慶祝開業三周年，推出3周年限時優惠，分別是午餐三送一，賀年三寶和招牌泰式甜品三折，我們最感興趣賀年三寶。平常吃肉碎生菜包都是豬肉為主，Cafe Sism還有牛肉和雞肉可選，我們當然吃點與別不同，選吃牛肉肉碎生菜包。生菜包由豬肉轉換成牛肉，牛肉纖維更細緻，容易地吸收辣椒與香料味。肉碎伴隨爽脆的生菜一起入口，口感層次豐富，辣味突出夠香。賀年三寶我們選了黃金蝦餅，原隻波士頓龍蝦船麵與蝶豆花青檸梳打。黃金蝦餅一上桌氣勢驚人，光是現炸的那股濃濃蝦鮮味已令人口水直流。脆脆的外層下滿是鮮蝦的鮮甜和彈性，甚有咬勁，蝦餅沾上酸甜醬吃，每一口都是滿足。原隻波士頓龍蝦船麵香味比起一般泰國船麵濃郁許多，且河粉比較紮實，泡在湯中，吸飽湯精華亦不會過軟，甚具水準。湯底花了十二小時慢煮豬肉熬成，極具深度，入口即感受到一股濃郁的豬肉鮮味直撲而來，實在厲害。波士頓龍蝦蝦膏鮮美，蝦肉厚實彈牙，與船麵完美結合。暹館大蝦金邊粉包蛋美輪美奐的，金邊粉外層的包蛋相當精緻，且蛋香濃重。

今晚經過這間高檔的泰式菜館，門口見到有3週年限時優惠，折扣和款式都挺吸引的，午市有三送一優惠,招牌泰式甜品只須三折, 還有充滿新春氣息的套餐名叫船來運到，主要有多種小食選擇再搭配一個麵食做主菜, 配一杯飲品的優惠套餐。我們便先選一個炸軟殼蟹沙律，軟殼蟹炸得金黃酥脆，表皮有黑芝麻酥香鬆軟, 浸泡過的沙律酸酸辣辣的，讓人食指大動，再配一口鮮檸薑蜜，驅寒又有豐富維他命C，在這個乍暖還寒的時候增加身體抵抗力。然後再來一個香脆椰子蝦，外脆內嫩，外皮脆卜卜，吃入口湧出濃郁的椰子香氣。暹館精選拼盤有四款經典泰式小食, 包括黃金蝦餅、班蘭葉包雞、脆炸素菜春捲和沙嗲豬串，配上沙爹醬和甜酸醬，口感相當豐富，再配杯冰凍椰子菠蘿飄香，非常爽快。大家覺得吃得挺滿足的, 便再點了一個泰式椰子大頭蝦湯暖暖胃。這個湯加入大量椰奶，湯裡用上特大大頭蝦烹煮，蝦膏及油香滿瀉, 又有魚露、草菇、花奶、椰汁等。最後當然要來一個經典泰式甜品，芒果黑白糯米飯椰香濃郁、賣相吸引，甜美多汁的芒果， 加上軟熟的黑白糯米同香濃又邪惡的椰漿， 簡直係人生一大樂事！

哩間泰國菜館裝修走fushion風，西式餐飲設計，見佢有優惠就入左去食晚飯，野食同服務都幾好呀！燒豬頸肉青木瓜沙律 $128豬頸肉同青木瓜都係我食開泰國野必點item，基本上想食沙律都叫哩款，豬頸肉中意佢爽口多肉，配埋青木瓜真係最佳配搭。椰子蝦 $98特色菜所以試下，真係幾特別，大蝦爽口，連埋椰子絲炸多左層口感，點酸辣汁更開胃。船來運到套餐 $168 - 小食：香炸魚餅新年就點左個咁好意頭晚既套餐，魚餅新鮮炸好香口，冇骨啖啖魚肉，有青豆同少量香料，加埋一齊好食。主菜：豬肉船麵超多料意想不到，湯底鮮味，原來用左12小時慢煮豬肉去煮湯，有豬肉丸、豬潤、肉片，特別一提肉片好林。熱泰式奶茶跟餐飲品，低糖，香濃茶味，但個人中意飲甜d。炒金邊粉 $98賣相好靚，蛋絲網包突顯功夫，但配料唔多，得二隻大蝦，可加多d料，味道係好食。南瓜焦糖布丁點都要留肚叫埋甜品，因為好抵，係餐廳週年優惠，我見哩個未食過叫黎試下，南瓜又甜又林，好食，食完飽飽了。

留咗喺屋企home office多日，前兩日終於出街接男朋友放工再一齊晚餐。呢排出街食都要好小心，寧願食貴少少，都要搵間乾淨啲嘅！西環都幾多選擇，見到Cafe Siam嘅裝修好企理又好有泰國風情，所以食呢間。每次食泰國菜，都有幾樣食物一定要食！其中一樣就係泰式沙律，我同男朋友都好鍾意泰式沙律嘅調味配搭，又酸又辣，而且好多蔬菜好健康。今次我哋叫咗泰式燒牛肉沙律，呢個燒牛肉好高質，中間係粉紅色，肉質嫩滑，配埋啲新鮮蔬菜同埋酸辣汁，好開胃，勁推介！另一樣必食係燒豬頸肉。今次係炭燒豬頸肉伴酸子醬，豬頸肉外面燒得香口，肉質彈牙，配埋香辣嘅酸子醬，非常惹味！主菜方面，我地食咗炒金邊粉同椰汁焗飯。炒金邊粉賣相好吸引，有蛋花皮包住。金邊粉炒得有鑊氣又唔油膩，亦好足料，兩隻大蝦新鮮彈牙，絕對係水準之上！太耐無出街食，今次我哋好大食，仲叫咗個椰汁焗飯，真係食到好飽！呢個椰汁焗飯好有誠意，好足料，差唔多每啖飯都食到條新鮮嘅椰肉，仲有雞粒同青豆，呢種足料嘅程度真係唔係好多間做到。我哋仲食咗泰式飛天通菜，通菜爽口又有鑊氣，我哋都好滿意。甜品本來想食芒果糯米飯，可惜當日無芒果，店員推薦我哋食南瓜焦糖布甸。我哋未食

由於武漢肺炎，最近都唔想出街，但係星期五放工想輕鬆下，所以決定出街食，見到呢間餐廳乾淨，員工戴曬口罩 ，而且可以將架車就咁泊係門口，所以一於試下。1月同2月有3周年優惠：午餐3送1、甜品3折 & 期間限定賀年三寶，都幾抵小食叫左黃金蝦餅同生菜包。黃金蝦餅好彈牙，外面炸到好香脆好食。生菜包個肉炒得好乾身，而且好夠辣， 個味調得好適中而且辣辣地，好開胃， 呢個都好好食。主菜叫咗一個炒大頭蝦 同埋咖哩牛肉 。啲大頭蝦都幾大隻，食得出好新鮮，有蝦味， 而且煮到啱啱好，仲好彈牙， 個汁好嘢味，鹹鹹哋，配飯一流！！！個咖哩牛肉都好有驚喜 ，咖哩汁好香濃，夠曬香料， 啲牛肉好嫩滑，唔會韌 ，火候控制得好好 。最後仲叫咗個甜品，黑白芒果糯米飯， 糯米飯唔會煮到太難 ，加埋椰汁， 鹹甜鹹甜， 畫上一個完美嘅句號！

同朋友去咗堅尼地城附近食晚飯，朋友就話想食泰國嘢，最後就決定入咗呢間米芝蓮推介食府食😚_精選拼盤 $138嚟到食泰國嘢真係好鍾意食佢哋嘅小食拼盤有蝦餅，素菜春卷，香蘭葉包雞，沙嗲串燒所有野都係即炸即整，上菜嘅時候熱辣辣，最愛蝦餅，食落去好彈牙，配埋泰式辣醬一流_冬蔭蝦湯 $88原隻大頭蝦可以同朋友分享，冬陰功湯好惹味香口入邊亦都好多料，鍾意飲冬陰功湯嘅朋友就一定要叫黎試吓_椰汁青咖喱配油酥餅 $98+$32青咖喱食落去五算好辣，咖喱亦都可以選配雞肉/牛肉/豬肉/蔬菜或蝦，平時習慣咗食咖喱會配油酥餅，呢間都唔錯_期間限定：賀年三寶 $168-$208呢個亦都係餐廳三周年優惠其中一個之一套餐包咗前菜、主菜及飲品，都幾抵食我哋就揀咗上等牛肉船面+黃金蝦餅+蝶豆花青擰梳打份量非常足夠，而且主菜可以選擇牛肉、豬肉或波士頓龍蝦，味道亦都唔錯㗎🥰_食完主菜之後當然要食呢度嘅泰式甜品啦我哋就叫咗一個香芒黑白糯米$68糯米非常有口感，配上香甜的芒果十分配合三周年第二個優惠就係招牌泰式甜品三折，大家食完個主菜不妨叫一個甜品同朋友一齊share啦

有朋友住喺西環區，就同佢去食啲嘢，附近比較一間特別小小嘅就係Cafe Siam，係一間比較西式feel嘅泰國菜。餐牌選擇豐富，而且新年有啲新優惠，又有賀年三寶，又有甜品三折優惠等，都好吸引⋯我哋就揀咗個賀年三寶船來運到賀新春原隻波士頓龍蝦船面$208會見到佢上面個波士頓龍蝦好大隻，而且啲肉質都比較新鮮，口感彈牙。最重要係個湯底好好食，唔會太鹹但係夠香，裏面除咗河粉之外仲有啲比較嫩嘅通菜，芹菜同埋芽菜，芫荽，令味道提升幾個層次。另外以上套餐可以選擇一個小食同飲品我哋就揀咗春卷，裏面有好多款唔同嘅菜，爽口而且又好香脆 ，點埋個秘製醬汁就更好食。蝶豆花青檸梳打顏色好靚，紫色係因為有碟豆花藍色再加埋酸嘅青檸，就會變咗紫色，不過味道都係青靈梳打嘅味道，甜味適中。暹館大蝦金邊粉包蛋$98呢個真係算係幾抵食，見到佢賣相咁靚，整嗰個但都好有心機，上面仲有啲鹹香大蝦，更有一些花生碎作點綴～ 炭燒豬頸肉$108豬頸肉都係一樣，鹹味比想像中更加適中，仲有個特色醬汁，有少少香辣，同有彈性嘅豬頸肉好匹配。 香芒牛柳粒$178如果鍾意食芒果嘅更加唔好錯過，裏面啲香芒整到熱辣辣，另外啲牛柳粒就比較淋，都幾Match

今日老遠行到去西環拜年，搞完一大輪之後就到夜晚。一家人行到堅城搵嘢食。見到呢間泰菜個門口有架車仔好打耳，於時入去試下。你間野成個門面同埋裝修都真係有誠意嘅，店員仲好招呼，介紹呢期有咩好食同優惠。原來新年期間有特別嘅船麵，甜品都有三折優惠，幾時我哋都叫咗一個船麵試吓船麵超多料。又有豬肉。豬潤。炸豬皮。豬肉丸。大大碗仲有加小食。我哋三個人仲叫咗一份羊扒，店員好好咁叫我地趁熱食，一人一舊，羊肉煮得好琳，又熱又好味。佢多汁有少少辣真係畫龍點睛。有一樣我哋覺得好特別嘅菜式就係咖喱鴨肉，冇諗過紅咖喱原來同鴨仔咁夾。而且佢真係有幾度泰國香料，成個咖喱都好有特色另外我哋都有叫其他嘢食，例如呢個泰式炸豆腐係勁大份， 炸到入嚟好趣好嫩滑， 仲要係非常大份， 我哋三個依家好努力咁食都食唔晒，加埋啲洋蔥同埋清椒味道啱啱好另外我哋都叫咗一碟鹹魚炒芥蘭， 味道都唔錯飲品方面呢就我就唔飲啦。不過家人叫左個椰青。佢有印好咗自己公司名係上面。有誠意。最特別係佢碟豆花青檸梳打，成杯野只藍色有漸變咁樣，幾靚。我哋三個人叫有咁多嘢真係太飽啦， 今次食唔到佢個三折甜品， 希望下次有機會試埋佢啦

＜帶你飛一轉泰國 - Cafe Siam>成餐飯都好泰國feel, 不論裝修定食物，而且大部份staff都係泰國人，好似飛左轉泰國咁，I love Thailand ❤️❤️❤️❤️❤️鋪頭位於一條集中西日韓美食既街道上，由堅尼地城港鐵站出行3分鐘就到，好方便，而且門口有大量泊車錶位，食完泰菜唔夠喉可以過隔離d酒吧chill一 chill😎＜精選拼盤 $138＞有蝦餅，素菜春卷，香蘭葉包雞，沙嗲所有野都係即炸即整，入口仲辣親小咀，蝦餅係人手打造，好彈牙，蝦味濃。沙嗲肉質嫰滑，唔會咬到牙軟。＜椰子雞湯$78＞酸酸地既椰子雞湯，份量適中，2-3人叫一客就足夠，好味。馬沙文咖哩雞 $98咖哩內除了有嫩滑既雞雞外，仲有薯仔，有菠蘿配埋油酥餅（$32）非常之夾。泰式蝦醬炒飯 $92有鑊氣，唔係一般交功課既炒飯，蝦醬淡淡地，同行朋友同我一致覺得好食，海鮮亦毫不吝嗇。新年期間仲可以點新春優惠：船來運到上等牛肉船麵 ＋ 脆炸素茶春卷 ＋泰式奶茶 只需$178牛肉絕對絕對唔係普通貨，食落似係用上安格斯牛，船麵湯底非常濃，而且食唔到有味精，真材實料😳😳😳😳

平時見呢間泰國菜餐廳嘅價位都偏高 (大概係同區同類型餐廳嘅1.5-2倍價錢），係網上見到呢間餐廳嘅 lunch set 做緊買3送1優惠，所以先來試試～前菜我揀左青木瓜沙律，青木瓜絲口感清爽，味道偏辣～泰式汁燒豬柳飯 ($108)燒豬柳肉質厚實得來都算嫩滑，佢另配嘅醬汁雖然幾惹味，但都幾辣下，係會辣到麻嗰種，我就食唔到太多啦...🙈 不過本身啲燒豬柳都有基本調味，所以就咁食都ok～唔記得影杯蝶豆花青檸梳打，蝶豆花&青檸味道太淡，一般般😅總結，豬柳飯味道唔錯，但價格比起同類型餐廳貴，整體性價比唔算高🙈😂😂