Cafe Siam (科士街) (已結業)

今日放假所以同媽咪去西環行吓影吓相，順便嚟食個lunch，之前都行過呢條街好多次，都冇食過，聽朋友講佢哋全部都係泰國嘅廚師黎，仲係Thai Select 皇家認證正宗泰國泰國菜！而我地又咁耐冇食過啲特別野今日就試下呢間泰國菜啦！一入到去都已經好有泰式風味，全部木枱木凳枱面仲有手標奶茶個罐嚟裝餐具，牆上有啲泰國篤篤車既畫，仲有啲泰文招牌，環境好大好舒服，傾計真係一流佢哋都有lunch set，因為我哋想食多啲野所以我哋最後就叫咗個二人套餐我哋二人套餐就叫咗（前菜）炭燒豬頸肉拌酸梅醬，冬陰大頭蝦湯。（主菜）香葉辣椒炒肉碎，椰汁青咖喱(豬肉）再叫咗兩杯半價飲品同甜品椰青，泰式香濃奶茶飛雪，芒果黑白糯米飯，泰式手工雪糕🍦(泰式奶茶/榴槤)呢間都算係我食過最好食嘅泰國餐廳不得不讚係佢個椰汁青咖喱豬肉，真係冇得輸！通常食嗰啲椰汁青咖喱都會係好濟！但佢完全唔會又唔會過稀，仲有少少辣辣地中和返，我直情會飲埋佢啲汁😂而佢啲豬肉係超級超級嫩，超級無敵好食！真係冇食過咁好食嘅豬肉仲有啲泰國綠色茄子，所以呢道菜我真係超級推介！仲有佢個冬陰大頭蝦湯，係中環老店獲米芝蓮必比登推介，味道有保證！又好正宗通常喺出邊飲

呢間由泰國廚師主理既泰國餐廳，食物質素好有泰國風味夠正宗🇹🇭🇹🇭店內以和諧色調為主，充滿時尚感仲有bar area泰式燒茄子沙律呢個沙律酸酸地，好開胃茄子燒得好，唔會淋到無口感冬蔭大頭蝦湯最欣賞呢個冬陰公湯味道酸辣好適中大頭蝦超級大隻，仲有蝦膏添真係必食之選呢個冬蔭公湯係中環老店曾獲米之蓮必比登推介，味道有保證紅咖喱燴燒鴨當中有椰香的，所以唔會好辣而且質感好細滑燒鴨係啖啖肉架，無骨，仲一啲都唔肥膩香葉辣椒炒肉碎每次食親泰國菜，呢道菜永遠都係我既最愛今日食既呢個亦無令我失望炒得好香，又有啲辣味，撈飯一流芒果糯米飯 都十分出色有紫米&糯米！糯米飯熱辣辣又夠軟綿綿不過對於我黎講就甜左少少！芒果汁青黃雙檸飛雪

其實大食妹都幾鍾意食泰國野嫁之前見到堅尼地城嘅Cafe Siam好似唔錯, 就同屋企人試試<原隻泰式燒春雞>我哋嗌左原隻泰式燒春雞呢隻燒春雞好香, 雞皮係脆皮嫁, 可惜雞肉比較瘦, 如果唔係應該更好味燒春雞同泰式甜辣醬好夾, 大家可以一試<鑊炒青胡椒紅葱牛柳粒>鑊炒青胡椒紅葱牛柳粒都唔錯, 本身以為好辣, 原來係偏咸嘅又幾特別喎<泰式飛天通菜>食左咁多肉, 當然要食返份泰式飛天通菜通菜好脆好有鑊氣<暹館大蝦金邊粉包蛋>暹館大蝦金邊粉包蛋就一如既往咁好食到停唔到口味道酸甜偏酸, 開胃之選<Mai Thai>食野又點可以唔飲野? 但大食妹一飲就後悔啦藥水味<雜果清新梳打>媽媽飲嘅雜果清新梳打味道唔錯, 但價錢偏貴<荔枝薄荷梳打>荔枝薄荷梳打味道幾fresh, 但同樣價錢偏貴, 性價比唔高<芒果黑白糯米飯>食完晚飯又點可以唔嗌個芒果黑白糯米飯呢軟糯嘅黑白糯米係熱辣辣㗎, 配搭鮮甜芒果同椰汁, 為呢個晚餐畫上完美嘅句號

同佢真係比較少泰國嘢食呢度呢開咗幾年嗰一直裝修呀服務都唔差嘅我就之前成日買外賣最鍾意佢個木瓜沙律雖然價錢一啲都唔平呀不過勝在真係有泰國味囉佢有一個同埋炸軟殼蟹都係好好食完就好味嘅都唔係成日食呀因為都唔係一般平價外賣呀 . 食過佢個 泰式嘅炒飯啦唔錯呀加杯嘢飲都要過百蚊㗎中上價錢不過係幾好嘅家庭餐廳嚟嘅

見到openrice熱門有推介椰汁焗飯 諗住試下但點知中伏🥴首先，飯就多既，佔應該都有8成啦 係個椰青入面仲有好多飯 但真係好少餸，得啲肉鬆係面幾粒青豆幾粒腰果 仲好似有幾粒肉粒？嗰飯椰味又唔香 有啲以為自己食梗糯米飯但又唔係 完全唔好食🤮個飯原價好似都百幾近200 咁既質素下次真係no morePad Thai都ok既 正正常常 加左好多芽菜韭菜一齊炒 不過就感覺有啲油 黃金蝦餅係3個入面最好，不過我地都食剩2舊 同埋去呢間野記得戴水 如果你唔想飲佢啲特飲 因為一杯水係要8蚊架😉跟住入面女侍應 高既 會係咁望住你食完未 我就覺得佢想我哋快啲食完佢就可以執枱咁 感覺真係麻麻地 同埋最尾有個男侍應幫我哋執嘢嗰時倒瀉咗個黃金蝦餅個泰式辣醬🤔🤭總括，覺得呢間野啲野食麻麻，個椰汁焗飯好大進步空間 唔好誤信openrice個熱門推介呢間餐廳真係encore no more

大蝦金邊粉包蛋-$98見到呢間既金邊粉幾特別，係蛋包金邊粉 仲要將蛋煎到薄脆得黎又軟軟地咁，口感特別，蛋味又香份量都ok 所以黎到呢間餐廳，認為呢個金邊粉係必食啊Pad Thai, a variety of textures, is a national dish of Thailand. Take a closer look and you will see the Pad Thai is covered by fried grid-like egg which can enrich the taste and please savor each bite!🤤 Isn’t it a must-order at a Thai restaurant😝? 🍽Siam Pad Thai With Prawns $98

本身識依間餐廳係因為佢係中環嘅分店好出名 而且仲拎過米芝蓮 成日都有人排隊 所以見佢係西環開左分店 又去開果頭 所以就BK位試一試佢！唔知係咪受疫情嘅影響 鋪頭入面都唔算多客 門口放左架tuktuk係到做擺設 對去過泰國嘅朋友就應該唔陌生嘅 餐廳入面樓底都幾高 空間感好大 所以都坐得幾舒服 啲擺設都幾精緻 依到係冇免費水供應嘅 要加錢先有 所以我地叫左個椰青 好清甜 仲打埋個餐廳名印 不過略嫌有啲唔夠凍 炭燒梅子豬頸肉 豬頸肉外層脆脆地帶朝香 而且 咬落好多肉汁 唔會太油好醒胃飛天通菜 都幾惹味我哋仲嗌咗好多人推介嘅椰汁焗飯 椰汁味好重而且都好足料 不過個樣同椰青差唔多所以冇影相本身仲想試下個 芒果糯米飯 不過兩個人食以上嘅嘢已經好飽留返下次先試啦!

係西環地鐵站對面見到有架泰國篤篤車頭做代表嘅泰國餐, 疫情下無得旅行， 唯有食個泰國菜享受一下。  環境乾淨整潔， 餐廳一邊放了泰國醬料裝飾， 但設計比較西式化。  先嚟飲品先， 雜果清新梳打 + 啤酒。 雜果清新梳打放嘅都係新鮮生果， 有橙有芒果有青檸， 飲落好舒服。 冬陰公湯少不了， 叫咗個少辣味道啱啱好， 太辣我飲唔到喇。 材料好豐富又開胃， 2個人飲啱啱好。 樣樣都想食就最好叫個拼盤喇， 有蝦餅， 春卷， 荷葉包雞同串燒。 蝦餅彈牙， 春卷香脆， 裡面 d 料好豐富。  泰式炒金邊粉包蛋， 賣相好靚， 蛋絲好薄， 金邊粉炒得不油不膩， 價錢仲好合理㖭。 仲有我最鐘意食嘅蒜香椒絲炒椰苗， 椰苗好新鮮幼嫩。 

今日去堅尼地城搵個朋友，走既時候見到已經六點，諗住順便喺附近食埋先返屋企，見呢間餐廳門口有好大個廣告，做緊3週年限時優惠，芒果糯米飯3折，勁吸引，就入左去試！因為時間尚早，鋪內冇咩人，靜靜地，坐得好舒服！店員好有禮貌咁介紹而家做緊優惠，船麵餐配手工啤同蝦餅，船麵可以㨂龍蝦，個餐好優惠！不過我哋唔係好想食麵，最後叫左椰子雞湯、青咖喱牛、蝦餅、飛天通菜、蛋包金邊粉、芒果糯米飯同飲品！蝦餅比想像中大碟，食完都飽曬咁滯😂而個醬就偏甜！青咖喱好香，牛好嫩，個汁撈飯好正！飛天通菜都好味！椰子雞湯好多料，好好味！芒果糯米飯，白糯米好棉好正、黑糯米偏硬，還可以，芒果略酸，可能唔啱時節！杯芒果特飲偏淡，還可以！由於眼闊肚窄，叫得太多，金邊粉已經食唔落，我地打包返屋企，第二日翻熱食都仲係好味，我諗即場食仲正！

喜歡吃泰國菜的我， 今天和朋友一起到西環這間餐廳吃晚飯。望下餐牌價錢都幾合理，亦都好近地鐵站， 所以入去試下。由於個人好中意食魚，所以通常食泰國菜，都會叫魚，今次試咗冬陰功泰式原條烤盲鰽($268)，呢個冬陰公底嘅菜式份量非常多，亦都好足料，入面有菜有菇，味道亦都非常濃，價錢實惠，更加重要嘅係成條魚嘅骨唔多，食得好安心，而中意食烏頭嘅人都可以點烏頭，呢個係大力推薦嘅招牌菜！今次仲叫咗個肉碎生菜包($98)，呢間嘅肉碎包一啲都冇令我失望，啖啖肉汁，肉碎味道香濃也夠火喉，份量都算多，平時出去食啲肉碎會有好多肥豬肉，但佢地一啲都唔會，真係好出色！而Pad thai($98)炒得乾身爽，材料非常之多，那些海鮮又新鮮又好吃，蝦嘅份量都多，出面仲有層蛋網，賣相同味道兼備。椰青味道唔會太甜，椰子肉都非常多，又唔會太硬。呢一餐兩個人食相當豐富，係1,2月期間仲有三周年優惠，除咗個人認為最抵嘅甜品三折優惠，仲有午餐買3送1，同埋賀年三寶優惠，呢個三寶包括前菜、主菜同飲品，價錢都係$168-226，整體黎講都好扺食，呢間餐廳完全令我覺得好驚喜！

在武漢肺炎疫情侵襲下，人人都盡量避免去人多擠迫的地方，甚至為了慳下一片口罩都不敢外出，我和老公當然也不例外，為了撲口罩，早前還瘋狂得每天 一用手機的時候，就利用社交平台的社交媒體瘋狂like及share某些網店的口罩post，期望自己能成為幸運兒抽中一兩盒口罩，但結果當然一盒都抽不到，但連人的智商、理性都埋沒了。所以奉勸大家千萬不要像我們一般見識，要保持理性及耐性，政府無能，唯有港人自救，實有解決的方法。避免在情人節當天吃昂貴的晚餐，就索性提早一日 到樓下揀一間質素好一點的餐廳去享受二人時光。Cafe Siam是我心目中頭幾位勝價比較好的餐廳， 也是唯一一間西環尾的泰國餐廳， 曾經和同事都來光臨過兩次， 大家的評價都不俗，所以今晚就帶老公過來好好品嚐一返。Cafe Siam就正正坐落在堅尼地城地鐵站C出口的對面，位置方便。 門外就有一架門框的篤篤車來迎面迎接，看起來十分盞鬼。一早於晚上六點鐘就過來 ，人流不多，可以慢慢地拍攝室內的環境。室內的空間感很大、樓底亦頗高，沒有一點焗促的感覺。灰色的牆身放置了不少泰國烹調的調味料和樽裝梳打水，佔盡地理的一線空間。 枱枱櫈櫈運用了樸實的原木色，來

環境 門口有格泰國tok tok, 滿有暹邏情懷的, 另人想起曼谷街頭左穿右插的風景 喜歡的朋友也可以留個倩影~入面有一個大bar枱 放有不同烈酒 只是燈光有點亮 但如果一大班朋友嚟吹吓水都幾有feel的, 始終樓底頗高, 唔容易有回音, 酒水cocktail都唔算貴, 亦有泰國特色馬沙文咖哩配白飯我地兩個都係第一次試，可選豬、牛或雞肉。我地最後選左雞,咖哩黎到香而不辣。咖哩有不少大塊的薯仔，餸飯一流。泰式燒鱸魚等左大概15分鐘就到，條魚燒到岩岩好，香噴噴，d魚肉仲好滑，雖然佢有配到個酸辣汁，但我自己覺得唔配汁條魚都夠香夠鮮味，我地兩個人好快就食哂成條魚。椰青喺香港好少飲到咁清甜多汁嘅椰青 食開辣嘢真係舒服好多 而且椰殼上燒有自家品牌嘅LOGO 誠意可嘉! 拎黎打卡都唔錯!椰子炸蝦炸蝦上配有椰絲, 有少少”利”，但更香口 亦都係香港少見的整法。份量唔多，只有四隻，有少少唔夠喉串燒6串豬牛雞各2 同友人一致認為雞係做得最好滑而不乾身，同時都好入味，唯一挑剔，係醬嘅份量唔多，可能我哋都比較喜歡重口味吧 馬拉盞通菜味道偏辣 見到我哋隔離放左支水就知有幾惹味了蒜蓉辣椒都是我們的最愛，但建議不

Cafe siam 系一間西式小小既泰國餐廳首先交通方面 ，地鐵站距離餐廳 步行1至2分鐘左右 附近有小巴站巴士站 環境方面，乾淨整潔衛生 ，餐廳內設計較西式 ，門口仲有一㗎類似”篤篤”車，供食客打咭 概特別又有趣一入到去坐低 侍應好有禮貌 Menu整潔食物質素泰式炒金邊粉包蛋 賣相不錯而且價錢合理 金邊粉上面配搭蝦肉 蝦肉口感彈牙 不錯 蒜香辣椒炸軟殼蟹 外面層殻脆香 夠辣 但略嫌蟹肉不夠多泰式茄子煲 有少少辣咖喱味好香 送飯一流👍🏻泰式飛天通菜 蝦醬炒嘅通菜 味道不錯香茅辣椒烤魚 烤得啱啱好入面既魚肉 ，切開魚嗰陣時仲鎖住緊啲水份 食落去好軟滑飲品:草莓香蕉冰  Pure water 來自歐洲 唔似一般嘅pure water太多氣 價錢 比一般泰國菜貴少少 食物質素 環境 服務方面等不錯 所以價格合理

今天和朋友經過這間門口頗特別的泰式餐廳，有一架模擬篤篤車在當眼處供人拍照店內櫃架上放滿各式各樣的泰式調味醬料，新穎又有格調，服務員也很親切為我們推介店內焦點菜式。泰國海鮮產量豐富，很多以蝦入饌的菜式，當中有煎到香脆可口的泰式炸蝦餅，啖啖蝦肉 Q彈又鮮味，蘸點甜酸醬開胃怡人，真是女孩子的最愛！班蘭葉包雞吃時滲透著淡淡班蘭清香味。素菜春捲餡料有粉絲，芋頭，雲耳，紅蘿蔔絲，炸得金黃香脆，狀如金條，其中粉絲是精華所在，不但吸收多餘醬汁，還令嚼感的層次更豐富。沙嗲豬肉串以醬汁先醃過再烤更入味，跟惹味濃郁的沙嗲醬是絕配，甜甜的，帶點花生香味，令人回味無窮。脆卜卜的椰子蝦勝在夠脆，再喝一口冰涼可口的青黃雙檸飛雪更是滋味。炸軟殼蟹蟹香濃厚，蟹殼豐富甲殼素，蛋白質及多種礦物質，維生素，口感好之餘又營養價值高。沙律是經過泡醃過的，酸辣的口感讓人大呼過癮。椰子大頭蝦湯的酸味鮮美濃郁又開胃！ 另外新春期間有限定優惠，招牌泰式甜品南瓜焦糖布甸、椰汁西米糕、芒果黑白糯米飯等都有三折優惠。

自從自己喺港島返工就多咗喺港島搵好嘢食。今日嚟到位於堅尼地城嘅Cafe Siam。呢間係我嘅wish list 裏面都頗一段時間，今晚就同細佬嚟試試我哋大約7:30到已經好多人呢間高級泰國菜最吸引我嘅地方就係fusion，有點帶西式的感覺三周年限時優惠好抵食喎，原來只係做到二月底。本來都想叫芒果糯米飯但係因為太飽只能夠下次食。我哋睇咗餐牌就點左以下嘅食物香脆椰子蝦炸得非常香脆，食到停唔到口炸蝦餅都好好味喎，加埋個醬酸酸甜甜好開胃真係冇得彈大蝦米紙卷我就非常欣賞包得好實而且每舊都有蝦同菠蘿🍍加埋個芒果汁真係好refreshing 值得推介炒金邊粉賣相一百分💯整得好靚當然係相機食先啦，食落真係唔錯值得推介龍蝦河粉亦都係非常好味，龍蝦新鮮，湯底一流感覺冇乜用味精非常鍾意❤️每次嚟食泰國菜我通常都會點炒椰菜苗，原因係呢隻菜係泰國先有，其他地方比較少見整體吵得唔錯細佬就叫咗杯泰式奶茶，佢話好香茶味奶味及甜度適中而我就叫咗一個椰青，非常清甜而且係比較嫩，仲可以食埋裏面啲肉總結: 呢度嘅食物質素比到我一個正面嘅感覺，侍應生服務一流我可以大膽話係我食過咁多間泰國菜最好味嘅一間下次會帶埋爸爸媽媽來