Cafeholic (已結業)

假日悠悠閒閒，諗唔到食乜好，誤打誤撞就入左Cafeholic...記得之前係沙田食過一次。 今次叫返上次食過既豬扒同芝士pizza🥩🧀🍕 豬扒雖然都好好食，但始終覺得沙田果次好食啲😋😋😋😋Pizza 就keep 唔到水準嚕，食落去個感覺好似生生地，咬感好古怪，硬硬地咁🙈🙈Pizza 有待改進喇..... 至於杯mocha ☕️個公仔好得意呀，好難得跟餐既野飲都整得咁靚，絕對唔係hea 架。啲員工都好funny 而且笑容同服務都好好👍🏻👍🏻👍🏻

在這家餐廳吃了好幾年了,平均一個月起碼3次.覺得以前的食物質素比較高,價錢便宜.現在加了很多新菜式,反而質素下降了些.這次去吃剛好遇到午餐時段很多人,稍微等了一會兒.我們一行4人有BB.本來要分開坐.最後剛好遇到有人用完餐,服務員特意幫我們拼桌.這點正的很贊👍.見到我們有BB還馬上拿BB椅子^&^.食物:烏冬面有點過鹹了,龍脷柳夠脆,但是飯有D太軟和濕.最好吃意粉味道無得彈!飲料:即磨咖啡每次必點,泡泡奶很適合小朋友同大肚媽媽喝,完全不用在加糖已經很夠味.他們家最好吃的還是,牛排同豬仔骨.

勞動節前夕，約咗朋友去鳳凰山睇日出🌅，所以一放工就即刻入到去東涌準備出發。出發前就喺富東商場嘅cafeholic食一個豐富嘅晚餐。餐廳地方雖然唔大，但裝修得有格調，八點幾嘅時候人數唔多，唔使等位就可以入去喇！🤤是日餐湯係磨菇忌廉湯，湯熱辣辣得嚟亦夠濃，質素唔錯。🙂第一道菜係珍珠帶子海鮮欖油意粉，比較失望嘅係帶子十分細粒，同想像有落差，令味道較單調。🙄第二道菜係香煎虎蝦配黑松露忌廉燴飯，兩隻虎蝦煎得夠香，肉質鮮嫩彈牙，黑松露配意大利飯十分香甜，令人不禁食指大動。🤗最後四色芝士薄餅配蜂蜜，味道層次十分豐富，既有不同的芝士香味，亦有蜂蜜清潤嘅甜味，值得推介。😋兩個人食飽飽大概$350左右，性價比算唔錯，就算下次唔去東涌，都可以去其他分店再食過。👍🏾👍🏾

放工走入東涌同朋友聚舊，朋友推薦去富東商場呢間Cafeholic，平日晚上7點幾都幾多人。餐廳環境寬闊開揚，坐得舒適，好適合傾計聚舊。菠菜龍脷柳卷蟹籽忌廉汁意粉$98一上枱見兩大卷香噴噴的龍脷柳，中間仲有大量蟹籽，立即食慾大增。龍脷柳肉質幼細口感滑溜，唔駛15分鐘內清晒！泰露筍煙鴨胸牛肝菌汁扁意粉$86蘆筍新鮮幼嫩，食落無渣，無草青味。煙鴨胸有五塊，不太肥膩。扁意粉質地煮得唔錯，份量適中。牛肝菌汁做到掛麵的效果。總括來說，公屋商場晚市套餐包餐湯同飲品，CP值一般，上菜時間要俾少少耐性，僅僅合格啦。

行山前食個好lunch, 不過有啲貴，7個人share 5個餐。叫左四個set lunch同一個egg benedict。冇加錢要沙律或餐湯，因為個餐本身好貴，加埋又唔抵同over budget。餐飲叫左錫蘭奶茶，好香好濃，唔需要加糖。明太子魷魚帶子忌廉意粉- 出奇地好味，個味好搶，食唔停口。魷魚又林，推介！吞拿魚海蝦忌廉扁意粉- 相對明太子就遜色好多，冇咩味，同埋吞拿魚有啲腥Egg benedict- 好好味，煙三文魚夾埋菠菜一齊食個味剛剛好，唔會太膩同咸。煙肉鮮菌茄醬長通粉- 甜甜地酸酸地好開胃，不過份量略少，唔夠喉鴨胸焗飯- 唔係我叫唔知咩黎，雖然賣相麻麻，不過個鴨胸好好食，好林又厚，食完先滿足到個胃。

錫蘭奶茶☕️熱本來就很香，但筆者嫌上桌的奶茶未夠熱，飯吃到一半，茶已經凍了。滑蛋洋蔥和鏗魚汁混和得很好，而飯選用大粒米，食感算較好，平日不加一，晚市盛惠72元，屋邨日料來說，味道和價錢都尚可接受。惟一分錢一分貨。豬扒雖炸得熱騰騰，但偏硬口感，沒甚麼肉味。

上星期日天寒地凍，我同朋友去左鳳凰山行山，落山後實在太肚餓，就係東涌搵嘢食，我地經過呢間西餐廳見到有下午茶餐，即刻入去試一試餐牌有cake,三文治，意粉，烏冬等選擇，但因為我地太凍，大家都揀左熱食，就係雞肉蕃茄汁意粉，可以選擇扁意粉或普通意粉，下午茶餐另外再配一杯飲品點餐後都算快上菜，意粉質地煮得不錯，可惜雞肉太少，另外我覺得茄汁味偏甜，我最後加左黑椒去調味而我同朋友叫嘅兩杯熱飲就令我地覺得驚喜，我地分別加左$16同$18點左一杯焦糖熱奶及一杯棉花糖熱朱古力，賣相好靚，熱朱古力上嘅棉花糖真係有用火槍燒過，朋友話黑朱古力味濃郁，我下次一定要試一試，而我杯焦糖熱奶就味道正常整體來說餐廳環境舒服，下午茶時段坐得鬆動，不過有位男職員態度有點hea,呢樣可改善

今天下午吃其午餐，味道也不錯，可是我們點了二份午餐，他們只是來了一份，我等了十分鐘也未來，我便和侍應說，嗰位女侍應很遠咁問我＂要什麼？＂我跟她說了後，她聽了後沒有答我，咁我唯有再等，等⋯再等了十分鐘，我見其他比我們後很多入來的顧客的枱的食物也來了，我再問侍應，這次是一位男侍應，他聽了後就和其他侍應說話，1分鐘後就將我的午餐無聲地放在我的面前，我感覺像被人玩弄!我以後也不會再光顧他們！

位於富東商場下層，街市隔離的Cafeholic，帶給你驚喜次次去到東涌都好似冇咩好食，唔知食咩好，東薈城嘅食肆全部都係集團式同埋好多人，過去對面富東商場就有更多選擇除咗set dinner之外，餐牌裏面叫任何主食可以加錢就要沙律，湯同埋餐飲，我哋就加＄28有湯同埋沙律- 羅宋湯都幾足料，就略為較甜- 沙律🥗新鮮，面仲有幾舊八瓜魚肉，不錯- 黑松露帶子白蜆欖欖油意粉 $94 -意粉質地好好，al dente，帶子就只有2粒，都幾多蜆肉，鮮味就一般啦- 四式芝士pizza 配蜂蜜糖漿🧀🍕 $94 - 真係有驚喜，開頭覺得芝士鹹鹹地加蜂蜜糖漿甜嘅會怪怪地，食完就咁芝士原味，已經覺得幾好食，熱辣辣又夠脆，芝士份量又足夠，再加蜂蜜糖漿試下啦，點知一食落口即刻yee ，得喎，味道層次提升咗好多提升咗，好味咗，勁好味😋😋😋- 燒汁鮮菌牛肉半熟蛋焗飯 $78 - 呢個就好一般，唔係太夠汁- 燒烤汁焗豬仔骨🍖 $108 - 肉質不錯，唔係烚熟再焗嘅，有d痴骨嘅呢個價錢有7-8枝骨，抵食

同朋友去撐枱腳，叫咗田園沙律加煙三文魚同三文魚白汁焗飯。我田園沙律好新鮮，啲菜冇咩苦味，特別係個煙三文魚，一共有三大塊，完全唔驚唔飽。個焗飯都好出色，唔似其他餐廳咁Hea煮，雖然本身無expect好高質，但個賣相真係唔錯，味道亦都幾好。

今日咁啱經過東涌泊入個停車場15蚊然後就去左呢間cafe食午餐啦， 見咁多人排以為會ok啦， 點知中曬伏， 叫左個Lunch set 加個餐湯，湯先上好一般貨色，涷檸茶淡某某，跟住等左10分鐘左右個所謂雞肉牛肉半熟蛋飯 焗飯到咗， 首先見到個賣相已經唔開胃，個汁唔知想點，d雞肉同牛肉碎到一個點，然後一d鮮味都無既，同大記焗飯有一大段距離，都算啦，座位迫，選擇少，最後埋單92蚊，值唔值你自己諗啦，我就一定唔會再去架啦

行山大澳虎山😪食個小型晚餐啦，去左間cafeholic食，近富東商場果邊，我同友人分別叫左唔同野食，我叫左個set dinner，佢地兩個就散叫左兩個意粉，一個黑松露蜆肉帶子意粉同虎蝦海鮮龍蝦汁天使麵，上菜時間較耐，但味道還可以，香味撲鼻而我果個set dinner就係早到ge，係芝士蘆荀煙肉意粉，包餐湯同飲品ge，個餐湯飲落唔錯，配包黑胡椒依下幾貼心，跟住個意粉份量足夠同埋食落唔會太膩，恰到好處不過本身對蘆筍一般，今次食ge都可以接受，草青味唔會太勁，整體都可以ge，係價錢上有點兒貴，。另外，個檸檬水都唔差，飲得出算係新鮮檸檬

東環無咩選擇，所以入富東食埋先，上次食個間要等位，見呢間都好似ok，今次就試下呢間啦！臨近午餐同下午茶既交界，等左10-15分鐘位，未入得已經lunch last order，要拿拿臨係門口揀埋菠菜煙三文魚忌廉扁意粉個汁ok，juicy 得黎唔會漏，加埋啲菠菜同翡翠苗，食落fresh，不過啲煙三文魚有啲咸，同埋係熟哂個種，可能因為大塊左啲，一口咬落去大塊個啲覺得咸，細塊個啲無乜野，如果佢整碎少少，禁就可以溝得混啲，就會無禁咸！松露蟹柳蜆肉意粉意粉係最普通個啲意粉，禁我覺得扁意粉好似抵食啲我試左一啖意粉，松露以為會有白汁，點知原來成個意粉係乾撈個種，又唔係話唔好食喎，不過無汁……就真係食落有啲乾！如果有返啲汁會好食好多個fd叫左個tea set既卡邦尼意粉，好香，芝士味超重，不過我無試，望落都唔差，應該幾好食呢間店，如果食意粉，的確係多選擇，不過大餐牌上面，扒得一種，甜品又全部貼哂無公屋商場，食個lunch都成$80，雖然公屋係多富戶，不過一睇就知係for對面堆私樓啦餐廳環境就似高級茶餐廳囉整體都ok既，不過上次食個間正啲

cafe @  東涌嚟 outlet 買嘢先會嚟東涌 😂隨便揀咗間 cafe 食 tea setchocolate banana pancake 做得唔錯pancake 都算鬆軟面頭有幾片香蕉，賣相幾好餐飲揀咗朱古力好朱古力嘅  tea～ 😂

行山前當然要吃個豐富的早餐，才發現平時光顧的茶餐廳竟然要閉業了！失落之下去了附近的 Cafeholic，價錢比茶餐廳的貴一點，但環境和潔凈指數也高。鮮蟹棒滑蛋茄汁湯長通粉配多士 ($34)。絕對是高質的蟹棒，本以為是超級市場賣的急凍質素，但蟹棒竟然是有咬口，口感不會覺得粉，還有四、五條呢。而蕃茄湯也頗濃，但質地也非稠身，不過好喝而且喝完也不會很口渴。滑蛋炒得夠滑溜。整體十分滿意。朋友點的是精選早餐 ($38)，十分豐富！有豬柳堡，腸仔，火腿片，煎蛋，茄汁湯通粉和厚多士。朋友還加 $10 要了鮮奶燕麥，倒真開胃呢。。。