Cafeholic (已結業)

晚上見唔洗排隊就入左去食，環境幾好。選擇唔算多，偏貴小小，但不會令人失望。我叫的熏鴨胸番茄意粉唔錯，番茄醬汁新鮮，好評。但老豆叫的窩蛋牛肉焗飯就麻麻地。套餐配有田園沙律，但係居然有煙燻三文魚，唔中意，田園沙律居然有肉。

東涌餐廳選擇少，所以好多時都要大排長龍，今日經過cafeholic見冇咩人唔使等位，決定入內一試！夜晚有幾款晚市套餐選擇，有湯/沙津，主食，同餐飲餐湯係蕃茄忌廉渴，酸酸甜甜，幾開胃！主食我嗌左龍蝦肉明太子意粉，份量好大，醬汁都算多，但配料比較少，不過不失！飲品加錢嗌左杯cappuccino，賣相不太討好，咖啡味偏淡，不推介今餐大約百二蚊，間唔中食下都ok嘅~

好貴 仲要加一 茶餐廳既水準 服務態度差 咖啡味好淡 This is the worst restaurant I have ever tried ! Horrible service and Dishes So u might need to spend around 80 each person in this restaurant for poor service and terrible cuisine . I highly don't recommend you to try this restaurant in your entire life !

近日越來越多人來這裡食午飯，今日剛好經過有位，last 幾日在東涌上班了，捨不得這裡的美食啊！必點:: 牛肝菌汁帶子意粉lunch set 冇架！要散叫。超級無敵好食帶子煎得剛好，不會太熟。意粉是Al dente 的！配上牛肝菌汁，真係好正食過嘅朋友都話一試難忘。另外還點了lunch set 的紅咖哩吉列豬扒飯。咖哩都算辣的那種！ 飯有點乾硬，汁有點偏少，不夠撈飯啊！ 但吉列豬扒做得不錯炸得很脆，又不太厚粉。熱朱古力也十分推薦雖然要加錢，但那濃郁的朱古力味及那個拉花圖案，也是值得的我想我之後也沒太多機會來這裡午餐了！好珍惜這段跟同事們在東涌食好野的日子

本人認為這是全東涌最好吃的意大利粉。牛肝菌汁的味道就是非常美味，帶子煎成外脆內軟，蝦亦爽口彈牙，非常吸引亦非好吃！再來一杯熱朱古力！欣賞一下店員作成的拉花圖案，一樂也！餐廳環境方面，地方稍嫌狹窄，坐位較擠迫，特別是中間那數張圓桌，當滿座時顯得特別擠迫。服務方面，店員倒算是友善，但店員的數目看似不足，特別是晚上。送餐方面，總算是在合理時候將食物奉上，食物溫度仍適中，不錯。在東涌來說，此店的食物質素是不錯的了。

老老實實依家食個M記都要廿幾30幾蚊，呢度都係30幾蚊但個環境好好多，質素都好好多😂😂。仲要本身差唔多轉午餐， 但我嗰陣朋友都仲未到，佢照比我嗌早餐，等埋我朋友，過咗個早餐時間先到都俾佢都嗌早餐☺️☺️👍🏼👍🏼

寒冷天氣警告下郊遊，當然要覺去食個早餐先，呢間餐廳在東涌排名前幾位，去到唔使等位，餐廳面積三尖八角，樓底高，西式田園感覺，枱好細，早餐選擇唔多，落單之後食物好快到！黑松露鮮菌炒蛋配厚多士（$33）炒蛋上放咗好多松露油，聞落好香，但食落又無乜味，蛋比較老，厚多士鬆脆，鮮菌比較韌，爭咗少少鹹味！太淡！鮮蟹棒滑蛋茄汁湯長通粉配厚多士（$34）朋友食，賣相幾靚！即磨咖啡：普通白瓷杯，咖啡夠熱，聞落幾香，不過偏苦，要落糖先飲到！檸檬茶：朋友飲！店員唔算勤快，無乜表情，正常要做嘅事做完就圍埋傾偈！行山前食咗早餐開心出發

自這間店開業就幫襯。早午晚，下午茶，咖啡都係非常好。份量，味道也中上。價錢係$80左右一個午餐，主菜+咖啡、茶。直兩年前，我唔知轉咗廚房，還是什麼。待應態度差，食物連基本嘅熱都做唔到。街坊生意，態度差係大忌。從此無再幫襯。今日想睇下有無轉變。午餐，我點咗L3, 醬汁豬肋骨配白飯，飲咖啡。餐一嚟到，飯係一小球，連暖都講唔上。半生熟。那些醬汁肋骨，乾到完全無光澤，又靭又鞋。唔知煮好幾耐，或者暴露於冷氣幾耐。咖啡亦係唔熱嘅。質素比波仔叮叮還要差。或者假日大把"遊客"會幫襯。有勇氣嘅，可以去試下，如果你唔介意態度差，食物唔熱又乾嘅話。完。

一行四人準備沿着東澳古道步行前往大澳，出發前先在東涌醫肚。餐廳內的吊燈別有格調，座位舒適，讓食客能一邊享用食物，一邊享受悠閒的生活。是日午餐的選擇不少，有飯、意粉還有烏冬，好幾款都想吃呢。非常巧合地大家的口味相同，一共點了四份黑松露意粉。扁意粉有咬口，因為是用欖油煮的緣故所以整體偏油身。蝦肉跟魷魚圈的份量都不算少，但沒有鮮味，應該是雪了很久的急凍海鮮。意粉吃起上來散發陣陣黑松露的獨有香味，黑松露味不會過份濃烈而掩蓋了其他配料的味道，令人不禁一口接一口地吃。午餐加一後，以接近九十元一碟意粉來說價錢絕不便宜，但幸好食物的味道以及品質搭夠，有機會都想再來試試其他菜式。

真係好鬼鐘意入東涌，覺得景觀好有大山大水的氣魄，市區傍邊就有好大自然嘅feel，對於我呢d週六日一定要到郊外抖吓新鮮空氣靜靜hea吓，俾個腦袋空白一吓的人嚟講，真係勝地嚟 東涌食肆選擇不多，想避開人山人海的東薈城，我覺得對面的屋邨商場地舖的《CafeHolic》是個幾好的慢hea地方 是日下午3點，正好嘆個輕盈下午tea，點了2份水果pancake tea set，好清新的新鮮水果切片（有哈密瓜，火龍果，士多啤梨等），pancake是很可愛的迷你版，有兩片，還灑上了一層薄薄的糖霜麵粉，配有小杯糖漿，感覺很討喜，好啱tea~time想食少少墊一吓，但又唔想太飽的女仕們喜歡這裏的錫蘭奶茶，奶質口感比較輕盈，入口感覺0負擔 店面雖小，但環境雅致舒適，燈光柔和，兩邊都有大玻璃窗，外面有樹景，嘆個午茶都幾寫意㗎，而且價錢相宜，水果pancake set連一杯熱飲只係$34，茶餐廳價錢，就有cafe的舒適感，抵呀 hea完一輪tea，再出去海邊沐浴一吓陽光散吓步，就乜嘢煩惱都忘記得一乾二淨啦

去完青衣城睇戲，搭多2個站過左東涌嘅outlet城行街，晚餐時間睇勻水牌都冇乜野啱食，仲要間間都勁多人等位😟行左好耐，最尾見到呢間茶記feel嘅cafe就求其入左去喇😂我地二人坐餐廳最入嘅二人枱，座位幾闊絡，夠位擺啲一袋二袋👍🏿我地嗌左一個dinner set - 鮮茄帶子雞肉意式燴飯(名太長，唔太記得)同埋單嗌一個carbonara~食物都好快到齊，幾好幾好，因為嗰陣餓左好耐😵先講餐湯，普通嘅羅宋湯，冇可能失手啦。另外個餐包睇落覺得幾好食，食落有啲硬，牛油味太重，尚可接受啦👌🏿之後就上carbonara喇，見到個樣嗰下即刻頹左頹😵一啲都唔好睇，睇落汁太多，同相入面感覺上用左足料蛋黃醬嘅carbonara相比，係兩回事。不過都要頂硬上食嘅....幾好食喎😨😱😱初頭仲以為係因為自己太肚餓而覺得好好食，所以試多幾啖發現原來真係整得幾好😱😋最尾我都成個食曬喇~煙肉唔太硬同埋撈勻左啲汁之後，成個意粉嘅𠹳身度適中👍🏿可以改善嘅係落多啲蛋黃醬加強個味道同埋整靚個樣就perfect la☺️另外個燴飯一食落覺得好甜，唔似食緊飯😟幾奇怪下👎🏿👎🏿👎🏿啲飯粒唔太硬👌🏿不過呢已經cover唔到個飯好甜帶子偏

昨日一場大雨過後，今天竟然放睛得有點雀躍。是郊遊的好時機，一於入大嶼山走走吸收一下新鮮空氣。要慢活享受今天，來個豐盛的早餐再出發吧！煎雙蛋，牛角麵包和麥皮，實在豐富。麥皮煮得好好味，熱烘烘，因加了奶煲煮非常綿滑。牛角麵包軟熟配牛油一流。這𥚃的咖啡我一向都欣賞，品質高，回甘餘韻強，好飲！

約了幾位好友到迪欣湖走走，所以先到東涌午餐。假日的東涌太繁忙，就連連鎖快餐店也滿是人龍，看到這Café還有座位，只好一試。店內裝飾雖沒有什麼特別，感覺上還算是西式餐廳格局，滿是誠意的。餐牌色彩豐富，滿好看，有午餐供應，於是點了兩份午餐。先送上滑蛋珍珠帶子鮮菌飯，說實在，賣相一般，並沒有什麼特別的感覺。蛋是滑，蛋香味豐富，珍珠帶子容易咀嚼入口，蛋汁配著珍珠米，帶出不錯的香味，倒是有點意外。香煎有骨豬扒配白飯、餐菜及燒汁，豬扒厚厚的，容易切開，配著燒汁也有不錯的口感，反而餐菜的鮮甜，比豬扒更為吸引。飯後的餐飯選擇熱咖啡，習慣了的口味，可是此店的咖啡是帶點酸味的那種，個人並不喜愛，只好加多點糖，不過咖啡的香味沒受影響。朋友就要了一杯朱古力特飲，滿滿的忌廉，卻又不太甜，朱古力味香濃香滑，倒是想不到凍飲也可以如此香滑的感覺。座位感覺舒適，沒有茶餐廳或美食廣場的擠迫，可舒適的享用午餐，倒是不錯的地點。

今日行完山落番東涌搵食，但係原來東涌搵食都有難度，因為tea time東匯城好多人，連M記都爆，於是行行下就去左富東個邊搵到間cafe。呢度個tea menu都算多選擇，咸點甜點都有。最後我決定嗌個碎蛋沙律，吞拿魚法式多士，飲凍檸茶。其實個賣相同味道都唔錯，以呢個下午茶價錢，佢地一d都唔馬虎，仲好抵食tim。

星期六的晚上，連東涌的餐廳都擠滿了人，難得cafe不用排隊，太好了。三文魚pizza - 很美味呢，三文魚還算大片，芝士味挺濃，香氣十足，加上餅底很脆口，好評好評。雞翼味道很香，配個炸蒜的香味更濃。（雞翼一向不會難吃吧哈哈）海鮮意粉 - 這個超讚呢！！味道超香，意粉的硬度剛剛好，醬汁的配合加很多分。巧巧味喔！！芝士雞肉焗飯（對不起我忘了是否真的雞肉喔），這個也很不錯，喜歡芝士的朋友應該覺得很和味哈哈。真的要一讚，屋村美食～