Cali-Mex Bar & Grill (電氣道) (已結業)

本身我自己好鐘意食魚，所以就試下墨西哥式嘅炸魚柳。先講下啲French fries 🙂份量都好多，幼身，但好重薯仔味，炸得好脆，吾算好鹹，金黃色，賣相非常好！主角炸魚！粉漿好薄，而且加左少少鹽調味。魚柳大過我手掌，好足料。啲肉都好厚身，啖啖肉！佢好細心，因為佢提供埋檸檬俾你，怕你覺得好腥同冇味！環境會佈置得好似酒吧一樣，又可以睇足球比賽，啲座位都好闊敞，坐得好舒服。佢lunch set會送湯，個湯係蘑菇忌廉湯，非常之濃郁而且有蘑菇粒， 真材實料。

我和他逛到這裡，看到這間餐廳像是不錯，便入座了（我們都餓壞了）。門面不錯吧，好像去了外國。店內亦有不少外籍客人價錢算可接受，不算貴。spinach and artichoke dip，$78，醬夠果，芝士夠濃可拉絲，比想像中份量少。Burrito bowl, $88，正常，味道一般，算新鮮。quesadilla(half), $88，墨西哥餡餅，還好，皮是脆，餡料正常，不是太大驚喜。先來一杯virgin margarita ，$58，行完街曬完真的需要飲一杯。原本想叫mojito，但沒有貨，要了sunrise，同價，都是$88。他說想來一杯啤一啤，$76，他很興奮。

tea time過黎。係happy hour時間。枱面有個beer tap好吸引。可惜要番工唔可以飲酒。happy hour只可以叫a la carte。食物定價偏高。叫左個mini burger同墨西哥薄餅。mini burger肉絲算多。味道唔錯不過偏濃。比較適合重口味人士。墨西哥薄餅好大份。中間餡料有好多款可以自選。揀左雞肉。中間除左夾左雞肉仲有芝士。個餅夠香脆。面頭有牛油果醬同sour cream。不過略嫌啲醬份量太少。一食已經俾芝士搶哂味。場內好多蚊滋飛來飛去。喺枱上面就殺左兩隻。😑侍應態度麻麻。毫無笑容。問拎多份刀叉就只係俾支叉。見到有外國客人去拎多兩張紙巾。有侍應露出不屑嘴臉。食物味道其實唔差。不過性價比不高。環境衛生麻麻。侍應態度需改善。

近排唔想食太多野 又想食fresh D. 諗左好耐食乜都比gf band😅 最後去左好耐無幫襯嘅 Cali-max. 之前幫襯已是數年前灣仔, 是快餐店的感覺。 現在北角的, 已是Bar 嘅感覺。 一打開餐牌, 有更多嘅選擇。 我點了 Pizza 咁嘅 (quesadilla) 同 burger (rumble in the bronx). Pizza 揀左original beef 中辣 但唔夠辣 所以叫佢比支辣嘅tapatio. 意外地好味。 Burger 點左medium 亦比想像中juicy. 埋單300 so far 我好滿意 覺得好過去高街食。 應會再黎幫嚫 但可能Soho East 因為多個境 😎

係北角有2間想食，經過附近諗住試呢間先，行入去想坐低同問下姐姐會吾會知另一間係咪附近。叫左5，6聲，企門口阿姐扮聽吾到，叫左勁耐先好吾耐煩咁話Yes!，當下即刻吾想食。我拎左另一間餐廳出黎問佢知吾知，係咪係附近，佢勁差態度話No！我即刻轉身走，走到出門口，佢出黎拉我，指住我部電話，讀到間餐廳，再指住佢鋪頭名，讀比我聽。先唔講我會吾會食，就算係普通問個路，你着住制服，係咩態度。一世都吾會食🤬🤬🤬🤬

知道呢間係連鎖店，但係未試過，用咗app book位。價錢都偏貴，但係Burrito Bowl, Tacos都合理。有兒童餐。兒童餐 - 炸魚及薯條（$68）係細份，但係好味。粗薯條幾脆，炸魚嘅漿夠薄。細路覺得好味😋香煎魚柳（$158）份量太細，又冇薯仔或者意粉，冇澱粉質。味道唔錯，但係唔抵食。經典沙律配安格斯牛粒（$88+$20）有好多牛肉，好抵。牛肉腍，可能因為細粒。沙律幾新鮮Burrito Bowl大碗飯（$88）我第一次食Burrito Bowl太好味啦😍飯係應該加咗黃薑粉，所以黃色嘅。我揀咗黑豆同埋雞肉，雞肉係一絲絲嘅，撈埋番茄醬，個人覺得甜咗D。我覺得沙律菜夠新鮮😕叫咗小辣（我食唔到太辣），成碗野好惹味😋我下次會再點。香濃芝士焗通粉（$68）因為係前菜，所以份量比較細。但係好飽肚，因為都濟嘅。味道幾好👌🏻總括，食物質素幾好，漢堡包同埋肉類嘅價錢較貴，服務如果周到D就好啦。

不嬲都好鍾意墨西哥野因為唔想食太多野既時候，都會諗到佢，要主食有主食，啲小食仲可以當主食，好似食零食咁，但因為佢地烤為主，唔係油炸，所以健康好多，同埋通常好多蔬菜夾埋一齊，豪食完都唔會太有罪惡感。中午兩條友食飯，黎左呢度，可能因為唔係旺區既關係，無乜人，一入去就有位坐。我地唔知無食乜好，好似樣樣都好吸引，所以揀左個大拼盤，份量好多，就咁一樣已經好夠兩條友飽曬出去。首先個個夾餅咁既餅，兩塊餅中間夾左好多芝士，熱辣辣咁，啲芝士仲可以拉絲，好爽。跟住用墨西哥脆片點牛油果食，即刻好fresh。食完再進攻tacos, 我鍾意開脆既粟米片皮既，佢呢個係軟身皮，但連埋啲雞肉同蕃茄食好好味，我諗係因為個醬好正。我最後先食個芝士飯，食到呢度都飽飽地，都堅持食埋個飯，不過飯我就覺得ok，可能因為飽左。大滿足

今年嘅情人節訂左呢一間墨西哥餐廳，原本諗住比一個驚喜女朋友，點知佢好似唔太鍾意墨西哥餐，但整體上呢間餐廳嘅嘢食都算好好，而且店員好好服務，見到女朋友好似唔多開心，就主動提出送香檳俾我哋，可惜我哋都唔太鍾意飲酒，就婉拒左其中我哋叫咗個小食拼盤，估唔到裏面都有好多嘢食，最基本嘅有墨西哥脆餅，食落去的確係好脆，點埋個牛油果醬可以中和返成個味道。另外有三款唔同嘅夾餅，我哋分別豬牛雞肉都有點到，可以試吓唔同嘅分別。餡餅整體上食落去都係好重芝士味，所以食完都覺得幾膩同飽。最好食嘅我覺得係個牛肉，因為佢切左一絲絲，有牛肉味得黎又容易咬。除此之外仲有一個類似千層闊麵嘅嘢，其實都唔太食到裏面有啲乜嘢餡料，因為有好多芝士係上面。整體來講唔算太難食嘅，但係大部份菜式都有好多芝士，好容易會好飽

Happy Friday 放工做完yoga 就約左朋友吃飯睇worldcup來到家中附近的calimex 店內地方吾係好大 但有三台大電視方便睇波我地叫左啤酒之外 仲叫左以下兩款食物.第一款係world cup nachos(japan version) 你可以叫自己心水ge 球隊 所以現埸氣氛不錯Japan nacho 有一粒粒ge雞肉同燒汁 味道幾好第二道菜有fish n chipsPortion 好大 魚好滑 抵食hahaha 不過服務就一般 因為有D想趕人走比下張枱..

香港真是吃貨的福地，連墨西哥菜也不乏。墨西哥薄餅、捲餅、tacos...大夥兒吃飯就是可讓中品嘗更多。配上香脆煙肉的凱薩沙律，口感清新爽脆，加上醒胃的黑醋汁，我們已準備好品嘗接下來的大餐。Tacos 份量算多，而且餡料充足，安格斯牛肉齒頰留香，配上番茄粉和生菜𢇃，口感更分層。主角的墨西哥薄餅果然不負眾望，皮薄餡靚！薄餅配着慢煮豬肉及醬汁同吃，盡是滋味。Fish & chips雖不是墨西哥名菜，但也同樣出色。炸魚外表炸得金黃香脆，粉漿算薄，雪白的魚肉肉質不粗糙，實在是上品。薯條雖然幼身，但並不空洞，薯蓉十足。而墨西哥捲餅則為我們的午餐劃上完美的句點。捲餅包得紮實，切開後露出豐富的餡料。雞肉、飯、菜蔬、胃小的朋友單吃這個便是豐盛，均衡的一餐。餐廳環境開揚舒適，設有卡位，合大夥兒聚會或只想品嘗墨西哥風味的美食愛好者。