Cali-Mex Bar & Grill (電氣道) (已結業)

知道呢間係連鎖店，但係未試過，用咗app book位。價錢都偏貴，但係Burrito Bowl, Tacos都合理。有兒童餐。兒童餐 - 炸魚及薯條（$68）係細份，但係好味。粗薯條幾脆，炸魚嘅漿夠薄。細路覺得好味😋香煎魚柳（$158）份量太細，又冇薯仔或者意粉，冇澱粉質。味道唔錯，但係唔抵食。經典沙律配安格斯牛粒（$88+$20）有好多牛肉，好抵。牛肉腍，可能因為細粒。沙律幾新鮮Burrito Bowl大碗飯（$88）我第一次食Burrito Bowl太好味啦😍飯係應該加咗黃薑粉，所以黃色嘅。我揀咗黑豆同埋雞肉，雞肉係一絲絲嘅，撈埋番茄醬，個人覺得甜咗D。我覺得沙律菜夠新鮮😕叫咗小辣（我食唔到太辣），成碗野好惹味😋我下次會再點。香濃芝士焗通粉（$68）因為係前菜，所以份量比較細。但係好飽肚，因為都濟嘅。味道幾好👌🏻總括，食物質素幾好，漢堡包同埋肉類嘅價錢較貴，服務如果周到D就好啦。