Cali-Mex Bar & Grill (愉景北商場) (已結業)

🌟整體評分: 8/10🌟❤️味道：8/10🧡環境：8/10🩵服務：8/10💚性價比：8/10💗小朋友喜愛度：8/10呢間墨西哥餐廳鄰近愉景灣酒店，夜晚會有音樂聽超有氣氛！無論大小朋友嚟，或者情侶黎都好正！今次叫左Olives oil baked shrimps, 呢度餸真係冇得輸！仲有Crispy taco with beef, 牛肉好香口，小朋友追住食！Burritos with pulled pork, 豬肉辣得來好惹味，大人獨享！當然唔少得Classic tacos with avocado~~正正正！

🧑‍🏫性價比：🟢🟢🟢🟢🟢🧭美食體驗：愉景灣北商場餐廳。去開果邊影相真係可以試下幫襯📸打咭體驗：就到聖誕節，愉景灣又有超靚的聖誕裝飾可以影相，但果頭真係好難去，首先要去中環坐30分鐘船，然後再係果度坐穿梭巴士去北商場先有最靚的燈飾/飄雪果啲影。想影靚相就要睇你誠意夠唔夠了。去得到果頭影相，就好難再出番中環先食野，多數就直接係北商場度隨便食少少野就算。呢間鋪我覺得係幾值得試下食。佢分店都比較多。🧑‍🍳服務：全部都係鬼佬侍應，要叫野食都係指下餐牌咁，問題不大🍳食物搭配：叫左個豬肋骨超級好食，飲野都有驚喜，佢個特飲成個菠蘿咁上，好特別，你話好好飲又未至於，不過影相幾好玩咁囉。野食的話叫個拼盤份量都多。唔洗話一人叫一個餐咁，會食唔哂的

Just don’t wanna say anything ! Wasted my 45mins have nothing to eat ! Order a ribeye steak and ask where is my steak then they said already served! What ? Then where is my order ? What the ?

叫左兩個 taco, 一個 sharing plattertacos 都算係咁, 唔難食既, $48一隻脆皮冇晒, 只可以簡 tortilla 但講起個 platter 就嬲 難食到呢corn chip 勁薄冇味雞翼冇味morzarella 尖椒 唔好食corrizzo 攞左去炸黑晒 咬唔到收$188真係難食又貴到燥 咁都有咁多分店音樂大聲都算服務又差 好似唔憂做咁冇咩必要都千奇唔好黎食食落都唔覺得佢特別 authenic兩樣野加埋10% service $312

今晚適逢酒店渡假，晚上輪選後最後決定墨西哥菜。餐廳裝潢略有美國墨西哥風格。餐牌走混合風格但略主打墨西哥菜式，款式不多但用心制作。餐牌有中英文，餐廳內有不少香港人點過量食物，其主要原因應該大部朋友都不認識或不了解墨西哥食物或份量。有些上餐時充滿驚喜(比意料大份)，由其烤肉及配菜。。。有不少情侶同時點夾餅餐(一套五件)，炸豬仔骨配濃芝士通粉，pizza，二件烤餅及牛油果脆片。。相信佢應該非常飽肚。。 **惜食，不要浪費食物**我哋今次有烤牛扒，蜜糖雞翼，牛油果脆片 ，豬仔肉夾餅。牛扒比預想略薄半吋，美國肉五分熟肉汁多夠juice，有粗鹽調味，香脆薯仔配墨西哥大辣椒。如果肉扒能厚半吋就更完美。傳統雞翼有二款美式醬及二款墨西哥醬適合一家大細牛油果脆片，新鮮牛油果泥配速食(非自家制)脆片。如果有鮮蕃茄粒伴牛油果會口感更好豬仔肉夾餅，墨西哥夾餅是什麼？ 係手工拍餅還是toy story中薯仔太太為薯仔先生於幼兒園準備逃脫換上那片軟軟餅皮！？ 哈哈，都是相同東西。 慢煮豬仔肉多汁唔柴肉質夠軟但調味醬略少

Book 左愉景灣酒店 staycation, 當然要去小休一下, 嚟個 happy hour 飲番杯丫!🍻(corona 買一送一抵飲🍺)🌮street taco (crispy) 配香辣手撕豬肩肉-比較失望, 一向好鐘意食 taco, 但呢個口感同味道都唔夠滿足😅🌮半份 quesadilla -份量大, 配有 nacho, 牛油果醬 + 蕃茄, 味道唔錯, 芝士都好多, 好味!🌮mac and cheese-小朋友最愛, 芝士味濃, 好似好少, 但好飽!🍔double down 雙層芝士漢堡-巨型! Brioche bun 好香好好食, 牛肉唔算鞋, 都幾 juicy, 仲有好多配菜, 非常足料!

Tried a few restaurants of the Cali-mex chain, none met my expectations honestly. This time no, the draft beer was not fresh. It was very sour and metallic... Sign of a keg that's been opened for more than a week, or it's already the bottom of the keg. The nachos were not cheap either. Taste was just average. I bet I can make better nachos at home with more toppings and crispier chips.

尋日食完呢 Cali-Mex 就發覺銅記分店好過佢好多，食物一樣但招呼影響食慾。是咁的，屋企兩位長老話好耐無去過愉景灣，就約埋其他家庭成員一齊去愉景灣。兩個星期前我都食過銅記間 Cali-Mex，就覺得啲雞中翼，Tacos同肉眼扒非常好食。所以去到愉景灣見到有就強烈推介啦 (依家諗返就覺得非常後悔)。接待員態度差：1）未入去就見到個接待員同一對情侶有小小嘈吵聲。原來係因為接待員堅持要求對情侶一定要用手機安心出行二維碼 (唔接受紙本或康復證明書) 先比入座。兩位長老就叫我幫佢哋搞個二維碼，因為佢哋係康復者，所以佢哋一向都係用紙本針卡或康復者證明書，再加上佢哋係唔多識用智能手機。我哋企咗喺度成15分鐘先整完，行去掃就比個接待員話一定要係針卡二維碼唔係康復碼。我哋即塲出現黑人問號？(乜政府廣告係假㗎？乜食肆係可以龍門任佢擺？)，所以我哋知道嗰對情侶點解會同佢嘈。2）阿嫂話要求見經理，接待員就話經理行開咗，仲暗示叫我哋走同 “唔好令佢難做“ 咁。後來有位女職員 (感覺上好似經理) 叫佢比我哋入，照掃咗我哋啲二維碼，合格就比入。點餐：兩份肉眼扒，龍蝦，雞同牛tacos各一份，炸魚薯條，同4杯凍飲

假期同朋友去左愉景灣玩，晚上去左酒店附近嘅一間墨西哥餐廳Cali-Mex Bar & Grill晚餐，餐廳菜式充滿墨西哥特色，更多是一間酒吧，好多外國人去飲酒，我Order左墨西哥風味肉眼扒，濃厚的肉汁，配有墨西哥飯及黑豆沙律及辣味燒洋蔥，一個人的份量似乎有點多了，朋友order捲餅，餡料可以選牛，豬或雞，我朋友就揀左雞，捲餅是一塊薄薄的餅皮再包住墨西哥飯及雞肉，配菜是墨西哥脆脆及牛油果醬🥑，另外我地仲加左6隻炸雞翼，兩個人食到非常之飽，我地兩個今次冇飲啤酒，飲左杯雜果賓治同青檸梳打，感覺又特別又夠飽，很滿足的一餐☺️

已想不到在愉景灣較偏僻的地方都可以食到高質墨西哥菜！我哋四個人叫咗一個American BBQ Platter 同埋一個Guacamole with Corn chips ,仲有一個傳統墨西哥沙律，整體都好好食。先講個platter,好夠食亦都好juicy，冇諗過會咁豐富！👍🏼諗住分享拼盤通常啲份量都會細啲，但係佢畀做好足料如果係四個女仔食我諗都已經飽😂 牛扒真係完全做到五成熟😍裏面做鎖住啲肉汁粉紅色肉質。豬肋骨就正正常常。迷你漢堡好出色，因為一咬落去啲肉質爆曬出呢，仲有煙肉同芝士，一啲都唔hea。個沙律個汁好開胃，但係唔記得影相😂最後四個人大約二百零蚊，滿足的走！

2021年12月12日 今日天氣好好又係我TONY哥同老婆大人四圍去尋找美食日子 今日去遠啲 愉景灣啦 因為咁大個仔都未入過去行下 於是就由青衣城坐東涌線去到欣澳站 再轉巴士坐20分鐘便入到愉景灣北落車入去廣場行下先 地方唔夠赤柱大 見到有個沙灘 又入去行吓 原來好多工人姐姐喺度扎營 行咗半個鐘 有啲肚餓 入到廣場見到呢間頗多人食 於是便坐扺叫個炸魚薯條 一杯生啤 一杯芒果奶昔 先談個炸魚先⋯⋯我一用叉拮來食已經散哂‼️未試過食咁差嘅怍魚，而薯條⋯⋯m記好食過佢好多⋯⋯杯奶昔呢？唉 只飲到奶味而冇芒果味‼️以上埋單$348，上址食店d職員比我感覺係冇禮貌‼️‼️下次請我都唔會去食呢間野🔥🔥🔥🔥

Friday night 來到這裡，見到呢間餐廳都幾多人，又有每日廚師精選，於是入去試試😋來到美式墨西哥餐飯，梗係叫一份牛扒食下啦，另外也叫了一份墨西哥自家製千層麵。上菜時仲附有一份大薯條+墨西哥脆片配牛油果沙沙，唔清楚是那一道菜附送，總之就大快朵頤啦😙...Mexican Lasagna 墨西哥自家製千層麵： 大量芝士&蕃茄肉醬，鍾意濃味同芝士就啱哂..Rib eyes 肉眼扒：唔會失準之選😆

愉景灣的晚上餐廳比想像中少人可能因為大多數住酒店嘅人都會係酒店食自助餐反而餐廳就多本身喺愉景灣住嘅人食脆餅好好食脆卜卜牛肉餡 真係好多肉 好足料Burger包皮好脆裏面嗰塊漢堡肉 好多汁成個包冇得頂雞翼都係正常味道杯Cocktail都好好飲

今天和友人們一起去愉景灣玩一天，中午時，我們去了這間墨西哥菜的餐廳。我們三個人叫了一個分享拼盤，有墨西哥薄餅，表皮香脆，入面有芝士和雜菜，清新但又不乏香濃芝士味。另外，有墨西哥夾餅，這個大力推薦，中間的炸魚，炸得金黃香脆，魚肉十分嫩口，入面有一些酸酸甜甜的配菜，還有惹味的千島醬。分享拼盤還有一個自家製千層麵，這個千層麵十分有驚喜，入面的肉醬十分香濃，千層麵焗得恰到好處，十分滋味。最後，還有一個脆片配沙沙醬，這個友人們十分喜歡，牛油果沙沙醬和脆片配合得天衣無縫，簡直絕配!

冇乜嘢都唔會專登去愉景灣，特別係而家呢個時勢，宜家呢個氣候，真係熱到一個點🥵不過因為好朋友兼前同事結婚，咁又唔同講法喇。好似大鄉里出城咁舟車勞頓，不過整體上又比我想像中快，可能前後一個鐘頭鬆啲已經可以由觀塘去到愉景灣。由屋企轉小巴落觀塘轉地鐵去欣澳再轉Shuttle Bus去到愉景灣。大汗踏細汗，不過又因為天公做美，令到成件事都好靚。不論係個天啦、個景啦 ，最緊要梗係一對主角啦。約咗3:00觀禮之後就等到食晚飯，中間呢個時段除咗周圍行吓睇吓之外，就梗係搵個地方chill下Hea下啦, 難得去到一個背山面海嘅地方, 人煙稀少, 真係好似離開咗香港咁, 喺附近求其搵咗間飲嘢嘅地方. 呢度好有氣氛，好多外籍人士。大家都唔係為左食嘢而係諗住hea 下chill 下。由一開始四個人一路坐下等吓真係越多人，就好似我哋舊公司團聚一樣。每人嗌咗一支唔知咩味嘅手工啤酒🍻大家share嚟試吓，最終我自己一支都飲唔晒已經滿面通紅，酒量真係差🤪氣氛好好，我哋四個人一台，都分開坐左三台，外籍侍應服務好好，我哋不斷要求影相佢都冇托手踭，仲好專業添！