California Pizza Kitchen (已結業)

每次去Mega Box，差唔多都係想起California Pizza, 會去幫襯。瑪加列特薄餅 - 傳統意大利薄餅。意大利蕃茄，新鮮馬蘇里拉芝士，羅勒及巴馬臣芝士。食落pizza個餅底好趣口及皮薄。蕃茄好新鮮及芝士好好味。泰國風味爽脆沙律 - 爽脆蔬菜，芫茜及雞肉，加上脆香花生，雲吞皮及米粉。配以泰式花生沙律醬。再加牛油果。沙律份量好夠，蔬菜好新鮮，沙律配料很夾，很不錯的沙律。因我哋有張California會員咭，免費送一杯特飲。我哋要左一杯芒果味。

一行四人去Megabox行街，預計到星期六會多人，所以用OpenRice app 訂位，一去到就安排枱俾我地，唔洗等位。叫咗一前菜三主菜前菜係芝士薯條，有點失望，好多青色辣椒，真係有啲辣，同埋芝士份量少，Ruby Tuesday 芝士多啲，同好食啲。主菜一係Carbonara，落青豆好似怪怪地，意粉味道都ok，份量四個人差不多。主菜二係牛扒，呢個好滿意，沙律菜可以清清油膩感，薯角新鮮炸起，好脆，牛扒五成熟，剛剛好，好juicy，無痴牙，四人分剛剛好。主菜三係Pizza，雞肉少咗啲，但味道好食，餅底都香脆，所以食到一半先記得影相。幾年前嚟食過，今次好味咗好多，希望下次唔好退返步😊

早兩年黎一大班人黎食，都算係咁，黎到megabox想食意粉又唔想食ikea，兩條友就黎食cpk，去到門口都已經有d卻步，出面餐枱位下又有紙巾食物碎，或者多家庭幫襯，今日又係星期日，人多執唔切啦。入去到坐卡位，其實都係唔企理，枱底有唔少食物碎係地。叫左二人餐：墨西哥忌廉雞肉菠菜面雜菌pizza菠菜面味道正路，雜菌pizza就攪唔掂乾爭爭食緊個大蔥油餅咁配杯冰茶先食得曬無做大曬鬼服務還好吧，好young嘅侍應，食最後一round截單清場，清空曬枱面但無抹枱，收鋪一次過清潔？大班人，家庭樂枱大闊椅可能就會好適合坐。但清潔度真係有待加強，行出門口覺得自己係劈場出返黎咁......

我最好嘅公司buddy要走啦佢揀咗呢間餐廳要我地幫佢farewell咁佢話唔想食餐，想散嗌。咁我哋就嗌咗好多小食，有肉丸啦，有牛油果餡餅啦，又有芝士薯條啦不過冇主食硬係爭小小，所以我哋嗌咗兩個lunch set ，因為見到佢有湯包埋，咁我哋就每款湯都叫一個試下，一個係青豆薏米湯，一個係南瓜湯，兩個湯都杰撻撻，對我來講我就覺得好正，但有啲同事覺得杰得滯，好似食粥咁其他意粉薄餅都係保持水準之作當然我哋成班都覺得個薯條同埋個牛油餡餅係最好食

飲食業員工向來充滿挑戰，每天要面對五花八門的顧客，即使是優秀有良好質素既人，初始時對人勤善有禮，但做得耐左也難免礳滅呢份熱情。幸而今天晚上遇上兩位態度很好的男服務員，細心留意為客人主動添飲及為pizza 加添芝士粉。頓時覺得吃起東西來時更添愉快。

環境都係普通門面...感覺暗左dd服務普遍都合格...門口招呼不錯👍🏻👍🏻👍🏻👍🏻👍🏻（少有）入面既人就踢踢都會郁郁...食到一半都唔識比水我地要叫先比.而且叫野食時冇介紹冇講解.今時今日只係叫做岩岩pass食物水準反而幾好...一行9大1BB...食左4個pizza仲有叫其他野食👍🏻👍🏻👍🏻👍🏻👍🏻❤️❤️❤️價錢...入左會冇7折...都係$1200😍推介：肉丸👍🏻.牛油果pizza.意式辣肉腸pizza.

午餐有很多選擇，但我竟然選擇了一個墨西哥雞肉餡餅，如圖:餡料很少，完全不夠飽。另外我還想談談餐廳的服務質素 :1. 首先，我們一行十人中，有兩個午餐在點餐後，過了45分鐘還未到達。2. 另外，我們要外賣一個午餐 ，但經理說午餐不能外賣 ，但我們可以先點餐，他給我們一個外賣盒，我們自己把午餐放在膠盒中 。餐湯也沒有外賣盒可以承載，但當我們再三要求他提供一個普通外賣膠盒時 (每個$1)， 他才把湯放進了一個外賣紙盒中 。最後餐飲還是不能外賣 。我不太明白為什麼午餐不能外賣 ，而他把午餐先上枱然後要我們放進膠盒中，這個動作更是不明所以， 餐廳既要洗碟而最後客人亦外帶走午餐， 所以希望餐廳可以改進這條規例。

今日想同男朋友食吓美國菜, 揾個優美舒適嘅地方傾吓計, 我男朋友提議去Mega Box 嗰間California Pizza Kitchen！！嗰度主打美國菜同pizza!! 我同意呀, 因為可以順便去shopping !!我哋叫左小食韓國風味甜辣雞膇, 真係好惹味脆口, 不過好似細件左D！！然後主菜係蒜香忌廉汁闊麵配雞肉及蝦, 忌廉汁香濃, 慢慢浸出蒜香味, 都有不少雞肉同蝦, 意粉中我最愛闊麵, 彈口又煙靭, 加埋香草食剛剛好！！再嚟主菜烤鴨肉薄餅, 好有特色呀, 好似食緊傳统北京烤鴨咁, 面頭仲有薄脆, 好美味呀!! 食完一件又一件！！ 不過略嫌鴨肉太少！！甜品係意大利芝士餅, 超大份, 好有芝士酒香!!最後加埋無限添飲嘅檸檬茶！！终於我倆掛住食嘢, 計都傾吾到！！

每次黎mega box附近都會心思思想食呢間，好鐘意佢開放式廚房有大大個烤pizza既火爐，亦坐得舒服，今次又黎喇~西西里風味薄餅 ($142)典型西西里風味，有蕃茄醬、意式肉腸、辣味火腿片、沙樂美香腸、蒙特利芝士、馬蘇里拉芝士、巴馬臣芝士片同羅勒。 新鮮出爐，最正係薄身批邊脆到好似食緊薯片咁，我難得地想鯨吞哂d料快手食個邊。 最怕食pizza好似食緊包咁，呢個薄批似墨西哥餅皮咁薄，餡仲厚過個批，當然手拉厚批都一樣咁脆咁好食。香草野菌扭紋粉 ($108)手製意粉煙韌就唔洗講啦，形狀都幾特別，似係塊長方形既麵波浪型咁捲埋，吸到牛肉汁、芝士、百里香同蕃茜既香濃味道。 白蘑菇、冬菇同雞脾菇等用蒜蓉炒香，同粉既比例近乎一比一，見台台都有一碟。同pizza hut一樣，呢度部分飲品$33杯，可以無限refill。 叫左可樂同檸檬茶，想refill時侍應都好快手，叫得過。食物價錢相宜，份量亦好多，2個人叫2碟主食已經夠哂，一大班人黎食要小心預下份量唔好叫咁多。 座位分左兩個選項，餐廳內燈光昏暗有卡位、較浪漫，餐廳外亦設座位，較光猛同欣賞到溜冰場既景觀。 個人就偏好餐廳內卡位喇，雖然經常近乎滿座，但

這是我最喜歡去比薩和其他菜的地方。首先，他們有一些很好的品嚐比薩餅：原來的燒烤雞，有很好的紅洋蔥恭維它。聖菲雞，有很好的酸奶油和鱷梨醬。烤雞肉和土豆真的很好吃，因為這是唯一一個用馬鈴薯做披薩的地方，就像星期天的烤肉一樣！金槍魚融化，這是金槍魚和紅色萊斯特奶酪（橙色奶酪）非常微妙的組合。我最喜愛的開胃菜包括托斯卡納厚皮和玉米餅春捲。cpk的houmous食譜比其他食譜有點奶油。玉米餅春捲非常好吃，裡面融化的奶酪，紅洋蔥，黑豆和可愛的鱷梨醬。我訂購的味道是：BAJA雞肉烤雞胸肉，傑克和切達干酪，烤玉米，黑豆，火烤辣椒，紅洋蔥，香菜，淋上帕爾馬奶酪。配鱷梨醬。轉移到我最喜歡的意大利面是：-什錦飯-黑辣雞肉和蝦在一個辣小龍蝦醬，小龍蝦香腸和塔索火腿在香料fini和新鮮蔥配上辣。Portabello蘑菇餛飩迷迭香餛飩裝滿了波托貝洛蘑菇，香草和奶酪。淋上意大利進口番茄，新鮮羅勒和大蒜或大蒜帕瑪森奶油醬。也可用於香腸和蘑菇。嗯，我現在非常餓！

Mega Box 餐廳選擇多，為避免食飯人潮，特登早少少去食。今次揀呢間係因為可以一邊睇人溜冰，一邊聽歌，一邊食飯。小食：炸薯條配蒜蓉醬、藍芝士醬薯條即叫即炸熱辣辣，配2款醬都好好味。炸蒜都幾多，只係薯條份量相當少。主菜：蒜香忌廉雞肉寬條麵非常薄弱既蒜香味 (可以話係食唔出)+非常鞋既無味雞+份量偏少既寬條麵。瘋狂肉醬扭紋粉肉醬幾好食。但個粉係未熟(唔係 Al Dents, 係 Undercooked)，咬到個口真係有啲累。整體水平普通，試一次便夠。

呢間Pizza係我Pizza嘅首選，排行榜排行第一！新一年又可以做會員，之後全年食都有折，啱晒我！今日走咗去MegaBox行吓，梗係又要食下啦!不過講真自從轉左新餐單之後啲嘢冇咁好食，佢哋話成本增加，所以要縮減材料，冇辦法啦首先一定要叫一杯凍檸茶，雖然佢哋嘅茶不同茶餐廳的茶，西式一點，不過好處係可以無限添飲，不論茶，檸檬糖水都可以任加，梗係抵飲啦芝士白汁雞肉闊條麵，因為同小朋友嚟食，唔可以食辣，選擇唔多，不過對我來講這個唔夠香，我都係鍾意食有點辣的意粉，不過當然對小朋友來說這個味道已經好濃，每一條面都能夠掛上醬汁這個是我最鍾意食嘅薄餅，雜菌薄餅，其實之前是黑松露雜菌薄餅的，之前的香好多，現在這個的確差左少少，香味已經不夠突出，不過當然仍然我覺得都係好食嘅，唔使下下食咁多肉，菇味都不錯會員價埋單都係＄280左右，扺食

去California Pizza kitchen ,今次唔係食意粉，亦都唔係食pizza ,係試下佢地嘅甜品，叫咗個 Warm Apple Pie 蘋果批。唔好以為係一般嘅蘋果批，佢係用咗薄餅底，將啲蘋果鋪咗係薄餅上邊來焗，上餐時，仲有一個好大嘅雲呢拿雪糕球係中間，冷熱交配。薄餅底放上了新鮮嘅蘋果焗烤，更加入了玉桂粉，很香又甜，再配上一啖冰凍嘅雲呢拿雪糕，一冷一熱嘅感覺，都幾特別。不過，嚟到嘅時候真係要快啲食，唔係個雪糕會溶哂！😓我仲叫咗杯免費添飲嘅檸檬茶，一路食甜品、一路飲檸茶，生活係可以幾美好呢！😂😂

叫咗外賣自取，番到屋企已經凍哂，pizza邊硬到食唔到，同pizza hut比較，pizza hut好食好多，至少凍咗都唔會硬到食唔到。除咗pizza，仲叫咗沙津，雞鎚，蕃茄汁芝士蘑菇雲呑，蒜香意粉。味道幾好！保持水準！

假日Megabox都真係難搵位食野所以見到哩間餐廳咁多座位都快快拎位。現場都多人等候但好彩今次2個人，好快有位職員都有主動介紹是日推介，當日是秘製醬燒燒豬仔骨，由於話明推介所以都一試啦～之後叫左個香菌磨菇湯同新奧爾良鳳尾蝦意粉。首先，覺得假日職員唔夠，好多職員要四處協助，帶位，order，上菜都要做，所以人手唔太足夠。食物方面，個湯好香菇菌味，飲到由菇類攪拌到爛的粒粒，好飲！豬仔骨個汁唔錯，肉質都淋，切時都會骨肉分離。意粉個人覺得香草太多，唔太喜歡但相信有人喜歡濃味的。