Canadian Pizza (青菱徑)

營業中

休息中

最好食系加拿大人。意粉同雞翼多人食都會叫套餐。平日午餐份量pizza都好大。不過有時味道覺得濃d.飲品芝士奶蓋芝士較小，所以通常叫奶茶類。奶茶仙草最好飲。pizza覺得友愛分店最好吃。

食個lunch先$56意粉 真係一分錢一分貨好似啲叮叮意粉意粉偏硬本身想飲coffee，但佢得啲台式飲品叫多份pizza，夏威夷pizzaPizza幾好食，$40咁大件都好抵食

晚上唔想出街，利用叫餐app ，揀左呢間pizza 店，唔想咁熱氣，剩係唸住叫兩個意粉算，一個白汁海鮮意粉，一個焗肉醬意粉，落單後20分鐘度已經送到，海鮮意粉有三大隻蝦，爽口有調過味 唔係冇味蝦，仲有吞拿魚碎、魷魚、洋蔥、菇 ，配料足味道正常。肉醬意粉多汁多醬味道偏茄膏的濃。******************************

昨天同事打電話去canadian pizza 叫3-4人餐外賣自取279蚊，6月9日用openrice叫外賣自取要342蚊，同一個餐貴63蚊，都係自取，賣左返黎同openrice 外賣自取一樣份量，食水太深，太太過份以後都係打去canadian pizza 叫外賣好過，平咁多。

之前聽男朋友嘅建議試咗一間Pizza外賣，於是同幾位朋友一齊就叫咗一個四至五人套餐。終於明白男朋友講咩估唔到Pizza外賣都好好食，原來真係好好食。四至五人套餐包括兩個意粉或者螺絲粉，包兩個標準pizza，而且仲有一支1.25公升可樂，六個人食每人大約$80左右，覺得同朋友聚餐，每人個價錢還可以。講吓啲Pizza先，個加拿大人口味嘅Pizza真係足料，睇個外表已經好吸引，識落嘅味道好豐富而且夠哂味啊！個Pizza焗得唔會乾，上面嘅料好夠。真係好推薦大家去試吓！另外一個口味夏威夷口味，雖然材料剩係得菠蘿煙肉同蕃茄醬，但係唔知點解個Pizza個味道依然豐富夠晒味。雖然加菠蘿唔係正宗食pizza嘅食法，但係鍾意食菠蘿加喺Pizza上面嘅你一定要試吓！雖然呢間餐廳主打係Pizza，但係佢嘅意粉同螺絲粉都好好食，就例如個白汁三文魚西蘭花意粉個白汁唔會好鹹，而且個汁嘅份量足夠包住啲意粉，食落夠味。另外個白汁雜菇螺絲粉啲菇嘅份量適中，味道都好好食。大家想試吓其他小店嘅Pizza可不妨試吓叫呢一間

終於唔洗再食pizza Hxx 外賣啦！ 剛搬入景𡶶附近，見到呢間pizza ， 賣相ok 即刻叫左個4人餐有兩個普通批，兩個意粉或飯，一款小食炸雞翼，一支大可樂， $4xx 好抵食Canadian pizza : 材料豐富，有辣肉腸，肉碎，青椒🫑黃椒等等，口感豐富， pizza 厚度適中夏威夷風情：小朋友大人都愛食，菠蘿火腿芝士配合番茄醬，簡單又好食😋白汁三文魚意粉：最有驚喜係呢個， 白汁味濃，仲有大量西蘭花洋蔥🧅，好好食👍🏻肉醬意粉：不過不失， 幾好食， 超多肉醬，反而食到有d流😅😅整體係大件夾抵食既👍🏻👍🏻可以再叫

今日約左朋友食飯，我話不如食pizza啦，咁耐無食。咁食pizza第一時間都係諗到pizza box / pizzahut，點知一同朋友講佢就話我唔識野。好！咁我就話你咁叻你帶路囉，好串咀，唔好食我唔比錢嫁，睇你帶我食咩好西。如是者，佢就帶左我入屯門，原來係去到虹橋呢邊，有間叫「Canadian pizza」既鋪頭，門面都ok既，見佢show出黎啲pizza都幾大件同足料，咁我就小試牛刀買一件咁大把try try，費事佢把臭口伏左我。我買左一片，$40，一打開都好大份！仲要一分為二左，其實係兩塊，食起上黎方便啲。一入口，嘩！餅底卜卜脆！Even pizzahut啲薄批都無咁脆，真係出色！其次係好足料，上面啖啖肉，今次我叫既仲要係好有特色既三文魚餡，好少見，上面醬汁亦好濃味，正呀！食完之後好後悔買得太少，所以又返轉頭買多份推廌呀！

呢間鋪好仔細細，未有限聚令之前夜晚好多人排隊等位及叫外賣，所以未入去試過， 今日下午經過見唔使排隊所以入去試下， 試咗凱撒沙律夏威夷薄餅， 沙律夠大碟，薄餅夠熱、足料及餅底夠脆， 果然無令人失望，終於明白點解咁多人排隊，絕對有下次。

我住係呢度附近，佢一開我已經去食。當時好木食，但前兩日去食，真係差左好多。個意粉差左好多，唔夠香，可能落少左白酒，d pizza 又料少左，不過都仲叫大份既。附近幾間都好過佢，希望有改進啦，而家真係好失望。佢地既茶飲本來好好，好有特色，但係上次飲既水果茶，甜到不得了，飲落怪怪地，我再去食下果d 生果。生果竟然係酸到死，酸到死既生果點會出到杯甜到不得了既水果茶呢，一定加左好多糖漿。如果想追求健康既朋友，真係要考慮下。

朋友話呢間好食所以叫外賣平台試吓，點知真係冇下次。個餅送到嚟全都是茄膏，極少芝士，打去問，𠳔話係咁，極度失望，芝士係咪Pizza嘅基本，冇芝士，就淨係食茄膏同餅底應該冇下次....

以前好中意幫襯佢CP值唔錯但最近真係愈做愈差食物差左 意粉唔係太鹹又太硬但服務態度差先係重點漏單 出餐超慢 員工態度又唔好 一係串 一係就愛理不理比錢買難受大家幫襯前請三思希望間店肯做改善啦

白汁海鮮意粉外賣，已同店員講明走洋蔥，單都寫明走洋蔥，返到去未開盒已一大陣洋蔥味，打開結果係多洋蔥少海鮮燴意粉😒你可以少海鮮，我真係唔介意，不過我真係食唔到洋蔥😭唉呀，又浪費一盒食物

2020.6.20 家人懶煮飯, 唯有叫pizza, 以前會叫薄餅屋。 囝囝話: 再叫canadian pizza!!我話: 吓! 又叫, 上次叫左都無黎!!(話說6月頭慶祝生日, 便由APP落單, 過左1個鐘都唔黎, 吓！原來APP自動取消左又唔通知我地。算啦, 拿拿聲落街買幾個小炒)囝囝話: 試下啦, 好好食。我話: 無問題, 都比機會自己食好野, 因為囝囝話佢同事對canadian pizza 既口碑好好。 到店取pizza, 回家仍熱(薄餅屋一定凍), 等多15分鐘人齊才開盒!! 仍暖~讚👍, 食材足料, 味道很好, 餅底仲好煙韌。 其他附帶食物, 都中規中矩, 無差很遠。 囝囝問: 下次仲叫唔叫薄餅屋我話: no囝囝話: 下次帶你去店食啦, 仲好味, 卜卜脆。

這間pizza店每個星期五也好多人等位，仲要好多人叫外賣，生意十分好，今天早了些來就不用等好耐，不過要齊人先可以安排入座。有Pastasides Dishpizza好多選擇仲有好多飲料一我們叫了二人餐，忌廉湯，飲到粒粒菜粒，好香好好味三文魚意粉，份量也唔少，西蘭花，紫洋蔥，意粉，好豐富的感覺。另外加了凱撒沙律，好大碟，好多沙律菜，車厘茄同麵包粒好味呀，好fresh。夏威夷pizza，中size，有8塊的，感覺好豐富，好多火腿同菠蘿，好多茄醬，pizza好鬆軟，好好味呀。

ＰＩＺＺＡ呢排真係食左好多次，簡直係頹人既首選。平時都係食開果１—２間，行開紅橘俾佢Ｄ特飲吸引左入去，就順便試埋ＰＩＺＺＡ。門口已經見到佢Ｄ　ＰＩＺＺＡ好大件，有Ｄ仲係方形，好搞笑。２個人叫左個２—３人餐，揀左中ＳＩＺＥ辣肉腸ＰＩＺＺＡ＋白汁黑松露野菌意粉＋湯，外加一杯芝士芒芒，應該都夠食。辣肉腸ＰＩＺＺＡ：一焗起就上碟，熱辣郊，可以見到芝士仲係半固體。食落個皮厚薄適中，餡料焗既時間岩岩好，好ＪＵＩＣＰＹ，茄汁同芝士既比例又係ＰＥＲＦＥＣＴ！勁高質！白汁黑松露野菌意粉：汁多，野菌都多，撈埋黑松露一齊食原來可以咁夾咁和諧，中間仲夾雜少少蒜香，令人食唔停口湯：忌廉西蘭花，佢將Ｄ西蘭花打碎晒，完全融晒落Ｄ忌廉湯，增加左好多口感芝士芒芒：茶底唔錯，有鐵觀音黎，芒果肉夠多，而且係鮮果肉，芝士夠濃，一杯先＄３０，完全完勝喜茶食左ＰＩＺＺＡ咁多年，佢算係我最喜愛既ＰＩＺＺＡ，杯野飲都非常出色，強烈推介俾喜歡水果茶既朋友仔。