Casa Cafe & Bistro

營業中

休息中

今日放假無所事事周圍遊下車河想食個tea諗起呢個位有間cafe就張架車泊左係附近既游泳池行過黎1分鐘路程😊岩哂想帶狗狗出街或者去完彭福公園想食d 野既主子因為呢間係pet friendly cafe!!狗狗同主子們可以坐outdoor seats前面就係海濱都算舒服.當然伊家天氣咁熱我又無狗狗就緊係簡入面坐😆.叫左水牛城雞鎚同埋佢個招牌burger+薯條burger有牛味，juicy唔dry薯條炸得好好味🥹🥹係我鍾意食有薯仔肉果隻厚身薯條！份量仲要好多勁開心😍檸檬水就自助吧自助無時限又唔趕你走

餐廳近海濱長廊，除左景色怡人，坐在餐廳內，光線充足，心情舒暢。有機藜麥紅菜頭柑肉沙律，黑醋汁有益爽口嘅沙律菜，有機藜麥，新鮮嘅紅菜頭、番茄仔、微甜嘅柑肉，黑醋汁帶酸有益之餘又開胃。泰式冬陰功大蝦野菌意大利粉冬陰功味嘅大蝦肉質爽，醬汁令意大利麵條入味，質感彈牙。 Casa 素食精選全日早餐新鮮嘅牛油果，炒香嘅雜菇 ，焗豆 、脆薯餅薯味濃又脆，有機藜麥乳酪好滑溜又健康，新鮮沙律 ，微酸嘅燉蕃茄，食埋酸種麵包好滿足。美式班戟伴鮮雜果 配蜂蜜焦糖漿切開軟糯的班戟，口感微暖，伴上清新嘅香蕉、藍莓、士多啤梨，再沾上糖漿，入口更好味。焦糖脆脆鮮奶咖啡（凍）鮮奶咖啡本身唔係好甜，配搭焦糖脆脆，帶出甜味，口感豐富左。野莓派對香橙、士多啤梨、波波寒天飲落有橙嘅香、士多啤梨嘅甜，配以透明嘅波波寒天，形成漸變色，味道酸甜。

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼隱世咖啡店「Casa」坐落於馬鞍山海濱長廊附近，靠窗位置設有落地玻璃，讓食客可邊品嘗美食邊欣賞景色🌊性價比最高一定要數星期一至五會供應嘅下午茶餐，選擇豐富之餘，食物質素亦值得一讚🫶🏻🔸溫泉蛋煙三文魚豆腐沙律 配日式胡麻醬份量十足，沙律清新爽口，配搭鹹香煙三文魚及滑嫩溫泉蛋，別有一番風味✅🔸Casa 全日早餐➰玫瑰鮮奶咖啡（熱）豐盛抵食之選💥有酸種麵包、脆薯餅、炒雜菇、烤番茄、焗豆、煙生文魚、香草腸、炒蛋及沙律菜，飽肚又滿足呢🙆🏻‍♀️🔸煙燻三文魚 班尼迪蛋 伴酸種面包➰焦糖脆脆鮮奶朱古力（凍）酸種面包外層酥脆，內裏鬆軟💋上面放有嫩滑富油香嘅煙燻三文魚，再以帶流心效果嘅班尼迪蛋作伴，滋味滿溢👍🏻🔸香烤蜜糖雞中翼（5件）➰棉棉鮮奶朱古力（凍）雞中翼燒得金黃吸引，肉質嫩滑鮮美，面層塗上蜜糖更添香甜🍯🔸黑松露松子仁野菌忌廉汁意大利粉意粉爽彈煙韌，掛上creamy忌廉汁🍝再配搭香氣濃郁嘅黑松露、鬆脆松子仁及爽口野菌，不論味道或口感都令人相當滿意😋🔸美式班戟 伴鮮雜果 配蜂蜜焦糖漿賣相精緻誘人，一層層口感綿密鬆軟嘅班戟以香甜蜂蜜焦糖漿調味🎉

🌼💐【 𝐂𝐚𝐬𝐚 𝐂𝐚𝐟𝐞 & 𝐁𝐢𝐬𝐭𝐫𝐨 】 🌷🌸⋄ —————⧫♟⧫————— ⋄講起馬鞍山嘅美食，Casa Cafe & Bistro一定榜上有名🎖️位於海澄軒地下，就喺馬鞍山海濱長廊隔離，係不少居民及區外人士打卡之選📸 平日下午來悠悠閑閑食返個下午茶，勁chill、勁寫意🌳🌿🥗溫泉蛋煙三文魚豆腐沙律 配日式胡麻醬($88)健康低卡之選，三文魚份量都幾多，整體清新好味😋🍽️Casa 全日早餐($110)呢個全日早餐非常豐盛，包括：意式香草腸、炒雜菇、煙三文魚、脆薯餅、烤蕃茄、酸種麵包、牛乳炒蛋、焗豆及田園沙律，$110真係好抵食💚🐣煙燻三文魚 班尼迪蛋 伴酸種面包($88)材料包括水波蛋、煙三文魚、蕃茄、火箭菜，以及牛油果醬🥑所有材料混和一齊食，味道好夾👍🏻酸種麵包質感仲好軟熟，一啲都唔硬，我自己幾鍾意!🍄‍🟫黑松露松子仁野菌忌廉汁意大利粉($90)忌廉汁勁creamy🤩🤍黑松露香氣馥郁，好推薦👍🏻🥞美式班戟 伴鮮雜果 配蜂蜜焦糖漿($58)Pancake共有四層，份量極多😳配新鮮香蕉及士多啤梨，加埋蜂蜜焦糖漿，也太吸引💯🍗香烤蜜糖雞中翼（$44/5件）雞翼唔算好大隻，但烤得香噴噴

馬鞍山friend最近喺區內搵到間幾chill嘅cafe, 環境同食物質素,據佢話係美食沙漠中嘅甘泉, 堅持拉我去試下😀Casa 喺馬鞍山海邊, 裝修簡約, 如果天氣合適坐户外應該更正。馬來西亞喇沙湯海鮮天使麵 $78 - 海鮮好豐富有青口、蜆、蝦球、魚柳, 馬拉濃湯底同天使麵好夾, 份量大味道唔錯, 好抵食👍 加配matcha latte有靚靚拉花,改配燕麥奶既健康又好飲😋8安士紐西蘭肉眼牛扒配薯條紅酒汁$138 - 足8安士牛扒配大量粗薯條, 好滿足。雜果乳酪 $22 - 解下油膩感大家唔趕時間就叫多兩份$25小食, 酥炸魷魚圈同炸雞翼, 望住靚靚海景邊食邊吹水, 侍應爽快又有禮貌, 仲要冇收加一😂, 朋友真係冇介紹錯。

我今日約同好友去位於馬鞍山鞍駿街29號海澄軒地下4號舖的 Casa Cafe and Bistro 食個悠閒下午茶。環境優美，面對吐露港和遠望八仙嶺，心情愉快！我點左個 Holiday Brunch（11：30 至17：30）的 Grilled American Top Beef Short Rib with Sourdough 燒美國頂級牛小扒伴酸種麵包 $128，好友點左個 Casa all day breakfast 全日早餐 $110；另外點左 French Tart 的 Lemon Meringue Tart 檸檬蛋白撻 $40，Passion fruit & mango Tart $40，餐飲係 Burdock with Red Dates Honey 養生牛蒡紅棗蜜茶 $38，Caramel Crunch Latte 焦糖脆脆鮮奶咖啡 $45。牛小扒煎得香口，牛味濃郁；全日早餐的材料豐富及新鮮；2款撻都好好味👍，養生茶好飲，鮮奶咖啡好味道。

本來很喜歡來這裡坐，覺得食物也ok,之前都有餐跟薯菜， 但而家轉了餐牌，所有餐一的蔬菜卻冇，得果兩粒番茄，十分不健康，次次問佢有冇一啲餐多些蔬菜都話冇，以後不打算再去

最鍾意發掘海邊附近嘅餐廳原來馬鞍山海濱都有間café 煙燻三文魚班尼迪蛋牛油果醬伴酸種面包$88一上碟比想像中大份表面滿滿嘅三文魚中間班尼迪蛋切開流出蛋汁加埋牛油果醬一齊好夾8安士安格斯牛肉漢堡 伴蜜糖芥末汁 配薯條$108好推薦呢款漢堡牛肉厚身而且煎得好好中間仲保持粉嫩多汁唔過熟薯條份量都好多男士食呢份都飽Casa 焦糖脆脆Affogato$52提供Affogato嘅舖頭唔多估唔到呢度居然有😍熱熱的expresso配上creamy雪糕口感即時變得甘醇湯力咖啡飲到湯力本身甘香嘅獨特口味同埋coffee本身嘅香醇層次好豐富係度用餐有種遠離繁囂嘅感覺

🏝️Casa Cafe & Bistro靠近馬鞍山海傍長廊，環境簡潔温馨，氣氛悠閑舒適。Cafe主打西式Fusion，假日午市由11:30-17:30pm供應，更免收加一服務費，今次點了兩份Holiday Brunch🚲🍔8安士安格斯牛肉漢堡伴蜜糖芥末汁配薯條 (Hk$108)：漢堡口感柔嫩，夾有芝士、牛肉、蕃茄、生菜等，微甜蜜糖芥末汁令搭配更清新，中幼身薯條金黃酥脆🥗Casa 素食精選全日早餐(Hk$98):有 鮮牛油果｜炒雜菇｜焗豆｜脆薯餅｜有機藜麥乳酪｜田園沙律｜烤蕃茄｜酸種麵包，健康養生，營養均衡🍰熱情果芒果撻(Set+HK$25): 熱情果芒果酸香開胃，解膩之選🍫70% 朱古力可可撻(Set+HK$25):撻皮鬆脆富牛油香，朱古力香甜微苦☕ 海鹽榛子鮮奶咖啡(Set+HK$22):香濃咖啡味滲出海鹽味，順滑中層次豐富🍹橙汁(Set+HK$14): 清新橙汁含果肉，幫助消化夠開胃📍Casa Cafe & Bistro馬鞍山鞍駿街29號海澄軒地下4號舖(港鐵馬鞍山站 A1 出口, 步行約9分鐘)

馬鞍山區內少有的悠閑cafe 天氣炎熱 實在很需要留在室內享受冷氣 享受一杯冰凍咖啡chill一下近海邊的Casa Cafe & Bistro環境優越 可以遠眺吐露港 輕鬆在炎夏chill一下～燒美國頂級牛小扒伴酸種麵包$128牛小排口感tender 肉質厚實又嫩滑多汁肉質非常好好 完全可以單獨拿出來作main course菜單酸種麵包大大一片 而且烤得脆脆的 外脆內煙韌加上焦糖洋蔥、火箭菜、芝士片和照燒汁 口感豐富 味道有層次桂花鮮奶咖啡$45 （+$5轉燕麥奶）幽雅的桂花香配latte十分配搭加上邪惡的忌廉 美味又消暑

Casa 無諗過係朋友下塌的酒店下就有間幾好食的Café ~ 值得介紹一下。特色是好大份，基本上要2人前 sharable 的熱情果芒果撻 vs 檸檬蛋白撻酸酸甜甜，味道幾好，我覺得比起檸檬蛋白更加出色～ 因為味道更加豐富d.熱的紫薯鮮奶當日馬鞍山落咗一場大驟雨，飲杯熱飲暖暖身。餐廳有得選擇健康嘅燕麥奶。飲品嘅底部都有紫薯蓉～ 有實料。我朋友就叫咗森半抹茶鮮奶。我試飲左兩啖仔，我覺得算係少甜的甜度、綠茶味不是很苦澀的那一種。美式班戟伴鮮雜果配蜂蜜焦糖漿燒美國頂級牛小扒伴酸種麵包🥖牛小排的份量比我想像中更加豐富！入口都易咬、肉味和調味都足夠。

估唔到馬鞍山開左間隱世cafe,cafe位於海澄軒地下，近海邊位置，沿着海邊行會見到。餐廳全日免加一，好抵食！🌟溫泉蛋卡邦尼意大利粉配香脆巴馬火腿 $98意粉份量多，口感煙韌彈牙，加左已馬火腿同野菌嘅卡邦尼口感豐富好creamy,仲有芝士香味🤩溫泉蛋同意粉mix埋令意粉更滑更好味😋🌟泰式冬陰功大蝦野菌意大利粉 $98有驚喜嘅意粉😳 係泰式+意式fusion菜，大蝦爽口彈牙，仲有成5隻咁多🥰每條意粉都掛上香辣冬蔭醬汁，食落非常惹味🤤🌟韓式香辣水牛城雞鎚 $48加入韓式辣醬嘅水牛城雞鎚好惹味，辣得黎有少少酸味，食落好有層次😙🌟Casa 焦糖脆脆Affogato $52即係甜品又可以飲嘅affogato，仲加左焦糖脆脆🤤咖啡配雪糕呢個組合無得輸🥰🌟熱情果芒果撻 $40芒果同熱情果呢個組合好夾，都係酸酸甜甜嘅夏日水果☺️食落唔會太甜太膩🌟紫薯鮮奶 $40紫薯味香濃，口感香甜細膩，係我近期最愛嘅飲品💓

平時好少行去海澄軒個邊，今次專程去左 #CasaCafe ，呢間cafe裝修簡約舒適，岩哂同朋友傾下計chill 下🍗韓式香辣水牛城雞鎚（5件）呢個 #韓式香辣水牛城雞鎚 香辣，辣得好過癮，食完一舊仲想再食。辣味刺激味蕾，食完唔覺得膩。🍗🍗🥖燒美國頂級牛小扒伴酸種麵包呢個 #燒美國頂級牛小扒 係我哋嘅最愛，牛肉質地嫩滑，燒得剛剛好，配埋酸種麵包真係一流。牛肉嘅肉汁豐富，味道非常濃郁。🥩🍞🍞🍞🍞⭐（4.5分）Casa 全日早餐呢個 #Casa全日早餐 內容豐富，有雞蛋、煙肉、香腸、沙律同埋酸種麵包，真係好滿足。份量適中，味道非常好。🍳🥓🍞🥗🍽（4分）飲品試咗#海鹽榛子鮮奶咖啡（凍） 同 #湯力咖啡（凍）。海鹽椰榛子鮮奶咖啡帶有淡淡榛子味，又唔會過甜；湯力咖啡口感清爽，熱辣辣個時飲夠哂消暑。🥤☕️☕️（3.5分）下次可以試埋其他先😆

今個月超忙勁忙但都唔知忙乜難得放假比我抖下啦( ･᷄ὢ･᷅ )海濱長廊旁 落地玻璃望海景環境舒服 非繁忙時間靜靜地好啱放空只有平日才有下午茶哦～整體價錢唔算貴 食物中上飲品可以唯一可惜係天氣太～熱 冷氣感不足如係店外加上簷篷可能會好少少(?)🍴 除甜品大多都炸 只有一款係粉▸ 自家制意式風味炸意大利飯波 $𝟖𝟓.𝟓外脆內軟糯帶忌廉感飯唔太多加上有香草(?)整體不覺膩▸ 脆炸魷魚圈 $𝟖𝟓.𝟓外酥脆肉身軟彈帶嚼勁魷魚無去皮一齊炸 韌性較強難咬斷兩者都配有酸忌廉沙律醬點埋一齊食解膩又開胃☕️ 飲品跟餐半價 轉燕麥奶+$𝟓▸ 海鹽榛子鮮奶咖啡 (凍/單點$𝟒𝟓)以一杯普通的鮮奶咖啡來說啡味香且滑 入口溫和非酸性忌廉甜甜的配合咖啡不錯但海鹽唔覺 榛子果香亦唔覺▸ 紫薯鮮奶 (凍/單點$𝟒𝟓)滑順不太甜 紫薯味有但淡飲過用紫薯打爛而成的所以感覺呢杯係用粉沖🤨🥗 夏天就係唔想越食越熱溫泉蛋煙三文魚豆腐沙律配日式胡麻醬 $𝟖𝟖份量 配料都有唔少煙三文鮮香 豆腐溫泉蛋滑上加滑配埋少少胡麻醬夠哂清爽🥞 大食的我要點甜品收尾美式班戟伴鮮雜果配蜂蜜焦糖漿$𝟓𝟖三、四塊鬆軟蛋香Pancake夾埋香蕉、草莓、藍莓等生

假日小編去咗馬鞍山踩單車，踩到冇幾耐，就見到有一間Cafe，所以就走咗入去食返個豐富嘅早餐，佢哋嘅早餐呢就去到11:30 ，雖然之後都會有brunch，不過早餐就性價比相當高啦🤪班尼迪蛋煙三文魚伴酸種面包：酸種包超厚身，上面就有牛油果蓉，蕃茄片，火箭菜，再配上水煮蛋+荷蘭醬同煙三文魚，份量相當多，食一個真係飽足成日早餐時段，仲包咗杯餐前果汁，係一杯好清爽嘅蘋果汁，飲完之後好fresh另外，我同朋友都另外再加咗杯雜果乳酪，係無糖嘅乳酪，再配上水果同堅果，好健康焦糖脆脆鮮奶咖啡（凍），由於天氣太熱啦，所以呢一定要跳返杯凍咖啡，再配上焦糖脆脆忌廉，唔會話太甜，攞嚟打卡剛剛好🤗至於Casa 全日早餐，份量都好豐富，當中包括咗沙律，薯餅，腸仔，炒蛋，炒雜菇，煙三文魚，酸種包，茄汁焗豆，焗蕃茄夢幻甜心：粉色系列，好夢幻，味道就係蜜桃荔枝梳打熱情果芒果撻：小編覺得味道好特別，熱情果配芒果呢個組合好正，而且唔會有甜嘅感覺好健康，而且撻底都好薄 ，作為甜品就最適合不過😜Casa 焦糖脆脆Affogato：依家天氣咁熱，咖啡熊嘅朋友一定要叫返杯affogato ，先滿足到自己🫢