CEO Neway (已結業)

我鍾意唱k每次唱k都會考下食下啲小食最平加廿幾三十蚊就有下午茶都幾扺㗎今次試咗吉列豬扒同埋芝士薯角兩樣嘢都新鮮炸起夠曬熱豬扒大大件又厚扺食芝士薯角係流心㗎而且芝士都幾多所以都好正仲包2杯野飲唔錯㗎

我6月26日去幫襯唱k食buffet, 我丈夫那天正日生日，我打電話訂枱時已告知，佢地話送枝香檳比我地，我滿心歡喜的。結果到取位時，我再次告知，佢地叫我進房後10分鐘致電reception說送香檳事宜，我便照做，結果到走10時多都無送過來。首先，我們二人特選這裡慶生，那天消費都過千，亦照足貴店要求的一一做妥，還有那天貴店也不是多客人，但一枝香檳也捨不得送，真的很cheap. 非常失望，最後決定從此不幫襯。

這些年來，一向都認為k-buffet屬劣食。每次避不開要吃k-buffet的時候，惟有盡量揀些較好的食物，但往往一碟起兩碟止，結果總是吃不飽，只好專心唱k啦。唯獨是銅鑼灣ceo，那是該集團旗下我最滿意的k -buffet，吃得滿意吃得飽。當然啦，先旨聲明，不能用星級酒店比較。由下午開始唱k,下午茶就沒吃了，留肚食六點開始的k buffet。有生蠔、龍蝦等，都算很不錯了。生蠔沒腥味，吃得過。焗龍蝦，蝦肉不霉，加上芝士和醬汁焗，好有高級西餐的感覺。刺身一般，外表、味道也不吸引。沙律多款式，材料新鮮。其他熟食有好有差啦，按自己喜歡的啦。個人推介蒸魚。平時較少機會吃到這樣大的原條蒸魚。心太軟是限時供應，出爐時間前早一些去排隊就可以了。這個心太軟好香好好食，一切開，朱古力就一瀉而下，味道很濃郁。外皮也能做到有蛋味和牛油味的混合香味。比外面有些甜品店還要好。其他甜品都在水準之中。不過某些稍甜要扣分。

好耐冇去唱K, 大食妹嘅K癮又發作所以weekend就約埋朋友仔去銅鑼灣Neway CEO K lunch。貪佢~$140都幾抵, 而且可以一邊唱K, 一邊食晏<京都排骨配白飯>京都排骨嘅調味同咕嚕肉有幾分相似, 配料有洋蔥、菠蘿同埋酸甜醬。排骨份量都幾多, 有五六舊, 配上菠蘿都幾開胃白飯有少少乾, 但係以K Lunch嘅standard嚟講, 水平還可以接受, 唔會太好食, 亦未至於太難食

話說今日同朋友去唱下午茶時段，因為之前未食嘢，所以一去到K房就急不及待叫咗一個粟米汁吉列魚枊飯。大約等左七分鐘，野食同飲品就到啦。賣相麻麻地！感覺冇heart，個吉列魚比平時食嘅炸得深色左🙈，不過味道出奇地好，外面炸到脆卜卜，𥚃面嘅魚唔係平時食嘅雪魚，咁當然唔係石斑啦！粟米汁冇乜粟米兼且汁太少唔夠餸飯，不過味道幾好，明顯係自己調教出嚟而唔係罐頭湯嘅質素。$33抵唔抵食就見仁見智，如果佢有炒粉麵飯就更好啦！

周未連加一約$300位，包2杯冇酒精飲品～ 可以同朋友仔坐下傾下計，攞野食，唱通宵，非常抵！銅鑼灣這間CEO食物算不錯，有些特別的食物如焗龍蝦&蒸扇貝需預返指定時間排隊，每次只限10份。手快有手慢冇😂燒烤食物好受歡迎，而其他熱食既款式會不斷轉，所以可能你攞左一次，未必會再出架喇😜生蠔是日本的，好新鮮&肥味，每次限攞2隻，師傅開得都說快，唔洗等太耐！另有素菜區，多款唔同既素菜不段更新，所以食素既人士都唔怕冇野食喔😉

上月初跟老公來這家分店唱k buffet試過這裡的室津蠔後就推介給朋友於是今個月跟好幾位朋友一起來多次k buffet！這家分店算是食過的k buffet中最好食，食物又最多選擇的一間～～這次當然也有室津蠔！蠔的size算大隻，蠔肉飽滿爽脆，帶少少creamy乾淨無沙，好鮮甜！大家都吃了不少！！刺身除了三文魚和八爪魚外還有鯛魚﹑劍魚和油甘魚等刺身味道都鮮味，不會有血水～～海鮮冷盤還有青口和凍蝦質素普通，凍蝦的肉算爽，不會霉！砂鍋碗仔翅，用料都算足夠夠熱騰騰！但芽菜不夠熟，好重青味！心太軟&梳乎厘pancake限時限量出爐！心太軟的size比較迷你外脆內流心，朱古力漿香濃但不過甜～梳乎厘pancake，雖然空氣感不是很強但都算軟熟，而且幾香蛋味！總結而言，這家k buffet的食物質素值得一再光顧啊！！

唱K的確係一個消閒之選，Join埋朋友唱K Lunch！3個人唱3個鐘，房間夠大！又有獨立廁所！而且各人包1杯飲品同自選午餐！除此之外11:00-13:00都有免費餐湯供應！越式扎肉檬粉沙律：比想像中大碗，檬粉唔算多，沙律菜超多，而且扎肉既份量超過15件，都唔錯，凍凍地又酸酸地幾開胃！日式玉子鰻魚飯：鰻魚都足份量，幸好鰻魚面幾多汁，個飯不至於乾爭爭入口，配玉子，飯唔算多，不過主打唱K為主！輕食唔錯！

今次要介紹呢間Neway CEO 係位於銅鑼灣，因為收工想幾個朋友去唱k鬆一鬆，順便食埋k buffet。咁岩其中一位係member就有會員優惠。對於我黎講，比我揀食野其實係重要過唱。呢間k buffet 食物種類都幾多下，因為我平均2-3個月會黎唱1次，見到有d食物都會轉。好似有成煲即滾碗仔翅同牛雜，味道都可以，唔算頹。我次次都會食佢既生蠔，以k buffet 既水準黎講算幾好，而令我最值得一食再食既係心太軟同梳乎里。不過要留意呢兩款係限量，要早少少排定隊先食到，不過性價比都高。

朋友生日所以我地book左唱k加自助晚餐，由7點半唱到晚上十一點，每位收費230$另外加一。-之前都黎過呢到唱自助晚餐，食物種類多今次仲多左個台式甜品區，有火鍋可供客人自己煮食。佢個生蠔又肥大仲超級甜，而且系即叫即開。銅鑼灣CEO既生蠔同魚生拎果時亦都好有秩序，不論上次定今次都不太需要排隊或者等好耐🤓 另外，果到啲甜品都選擇好多，每人每次限拎3件，而且系職員負責拎所以食物都罷放得好整齊同乾淨🤡甜品size方面其實都足夠，可能因為咁所以每次限拎3件😋-我地少於五個人但都被安排到大房，房間位置都好近自助餐既取餐區🤡

我哋是一行三人5月7號去銅鑼灣唱K buffet每人300蚊左右 由5點唱到第二朝五點CEO唱k好嘅好處係每間房都有一個獨立嘅廁所 而且有專屬嘅iPad點歌 還有音效是特別好房間很潔淨 仲有唔同嘅燈光效果 好有氣氛自助晚餐是由六點開始有自助火鍋吧，日式區，甜品區，熱盤區，凍海鮮區重點要食嘅係即開生蠔聽說是日本生蠔 而且很大隻 10分鮮甜 清洗都算乾淨因為沒有沙石 而熱盤區常常更換款式當晚就有清蒸海鮮 豆豉蒸鱔 椒鹽蝦 炒蜆 炒蟹 等等 而且有一個素食區提供4,5款素食而刺身方便有很多款式少見的有白玉豚希靈魚 好味道旁邊就是壽司檔 每人每次只限拎三款 魚子好大粒酸菜魚當晚仲有每人每次拎一份嘅牛雜煲份量 但牛雜做得好入味 唔會太淋好啱中意食內臟嘅我芒果拿破崙 芒果好甜 泡芙好味但最好味嘅係pancake 但要睇時段同每次限供應 大約十幾份 所以如果要食心太軟同pancake嘅話 就要早啲去排隊

中學時代唱K必定活動……到現在成為人母，希望帶小公主經歷我所經歷的，今日終於約中學同學及第二代一齊去唱K。現在唱K的地方越來越少，香港島就只餘下兩間，銅鑼灣及灣仔。筆者揀了中學時代經常去的銅鑼灣CEO Neway。相隔廿多年，現代的K房已經轉變很大。電腦化的設備，燈效果有多種選擇如狂野、浪漫……等。小朋友不停轉換燈效果非常興奮。缺點……每間房間有私人廁所，不過這個厠所實在太重味道，一打開門已經不能再走前一步。記得以前強制性送上花生、蝦條，每款都收錢。今次不見到有花生、蝦條，太好！lunch K 由10:00 am 可以唱到 15:00 pm，中間包括1份飲品及午餐，11款午餐 大人$105~129 ，學生 $90~135，抵！叫了兩份午餐: 【沙嗲金菇肥牛粉絲煲配白飯】【香煎雞扒配台式香腸配薯條】唱K係重點，但呈上的食物竟然有驚喜。首先，份量大，大碟過茶餐廳。味道都不錯，比不少茶餐廳好。真係大件夾抵食！

之前個friend講話k dinner 有生蠔同其他野食，事隔幾年之黎我再一次食k buffet 。兩個人邊食邊唱，足足食左十幾隻生蠔。一堆魚生同一隻龍蝦。friend話雖然只係日本蠔，但都好新鮮同出色。除左海鮮之外其他熟食都唔錯，以前去親食k buffet 都一定會打邊爐，但今次因為食左好多海鮮所以飽到食唔落 😂如果可以食埋佢個梳乎里pancake就perfect ，但可惜最後一around八點就完所以趕唔切，下次會再後食龍蝦

昨日好得閒，同幾位學姐一齊約咗銅鑼灣唱lunch K。首先呢度可以由11點唱到下午4點，真係好抵好抵，咁對D吃嘅嘢就唔好要求太高吖。唱K地方有個咁大間餐廳真係好少見，真係幾靚㗎，呢日沒有lunch buffect K，但可以係11點半後喺度拿免費湯飲，有中，西二款湯選擇，任飲唔嬲。午餐我哋分别嗌咗105蚊嘅煎龍脷柳伴飯，忌廉汁吞拿魚燴意粉及129蚊嘅沙嗲金菇肥牛粉絲配白飯。一分錢一分貨，一致覺得肥牛粉絲最入味好吃，但意粉亦比想象中好，唔會太幹，算係咁喇，仲有D凍飲都够大杯。

伏到核爆。都吾係第一次去唱K架啦, 但真係第一次食到甘伏既野。平時去唱K, K lunch其實好抵, 因為又有野食又有得唱三四個鐘K, 夠晒皮都係百幾蚊。來親唱K, 都從來無對佢地既食物抱有期望。因為醉翁之意不在酒, 野食都係次要, 最主要係有得唱歌。所以, 每次我都係點好穩陣既野, 烏冬呀, 雞扒飯呀果類。點知今次屎忽痕想食個西一點既ALL DAY 食下啦, 甘就出事啦!直情係出左件大事!我估都應該無咩人order過呢個伏野。吾記得叫咩餐。好似係叫全日腸餐。我order 左一個鐘先到, 仲要係催左兩次先到既。真係大牌到呢。等得耐都算啦, 仲要勁難食。伏到一個全新頂點。佢係有四條腸架! 有兩條粉紅色既腸係一樣既, 我咬左一啖就無食。其實我肯咬一啖, 我自己都覺得自己好有勇氣。依家打番食評, 見到都打左個冷震。呢兩條腸超級無敵肥, 根本係成條肥豬肉既腸, 仲肥過肥臘腸。另外果兩條都好少少, 但係吾熱既! 係室溫!!!! 個粟米又係難食! 似係翻煮左好多次甘。得個牛角包係食得, 真心伏到喊。