Cha:rm

營業中

休息中

阿妹之前黎食過 話炸雞同飯卷好好味 今晚決定再encore😬一行五人 可以嗌多啲吾同野食 <海鮮泡菜煎餅 해물김치잔>依個要俾10個讚 👍🏻✖️🔟海鮮大大舊 無呃秤😯因為太好味 最後叫多一碟<蜜糖炸雞 허니치킨>依個外脆內軟 比出面炸雞好食 但其實吾算特別 可試可不試<甜酸芝士雞 치즈양념치킨>依個酸酸甜甜 好味好多 可以再試😋👍🏻我個人中意依個多啲<芝士辣炒年糕 치즈떡볶이>依個好難整得吾好食 只係芝士未熔哂 一粒粒 不過大置上都ok<什菜炒粉絲 잡채>評語: 普普通通 清清淡淡 見人見智<芝士牛肉紫菜飯卷 치즈소고기김밥>材料好豐富 好好味 阿妹最愛加推介

今日同舊同事聚舊，因為兩位都係東鐵沿線居民，所以就選jor中間位小小既太和，黎哩到係因為以前有個韓國oppa帶過我黎；試過味道唔錯所以再黎～我地7點左右到已經full曬（但係星期二wor）最後有人走可以有台～我地三人嗌jor一個吞拿魚芝士紫菜飯卷、一個鐵板牛肉同海鮮豆腐湯；後面兩個都有跟飯既～我地三個女仔食到好飽，份量足夠最後埋單每人75倘若有住附近既居民想食韓食可以唔使去尖沙嘴咁遠啦～而且裝修內景都唔錯～最近要款式多！不過佢個廁所格好細...建議大家唔好去寧願去商場廁所

出太和站後穿過太和邨，就在斜右方見到間餐廳。餐前小食，泡茶，後悔食得太快，應該留黎夾飯卷食。我地叫咗1）韓式烤牛肉 $982）嫩豆腐鍋 $663）芝士吞拿魚紫菜飯團 $62總共$225先上飯團，味道尚可，不過最左邊的兩舊就比較乾身。三個餸最好食係呢個鍋，豆腐果然嫩，入面蛋同肉，少少惹味，撈飯一流。我們食到一滴不剩！呢個就麻麻地，原來咁水，但啲湯水又無得撈飯。啲牛肉無乜味，整個餸比較淡。但係有菜食都唔錯，叫做健康。服務就一般啦，叫倒白開水，淨係識倒一杯，唔會幫晒全枱人倒埋......😂😂😂

呢日放工約左兩個閨蜜出尼食餐飯，佢地都係大埔人，其中一個話呢間韓國菜唔錯，咪尼試吓7點半尼到，唔洗等位，一入座送上泡菜，不過食完之後收碟冇問我地要唔要refill, 唔知係咪得一碟架呢通常尼到韓國餐廳，我都會揀呢罐提子汁飲，因為裡面有果肉架，仲有提供梨汁同桃汁tim ($12)我地叫左一個水冷麵，都幾多下，店員送上醋同辣椒醬跟住叫左個可頭鍋飯，一上菜要撈勻呀唔係會痴底，加左豆瓣醬之後撈勻，熱辣辣好好食泡菜牛肉飯卷，其實我不嬲都麻麻地紫菜飯卷既，因為會食到好論盡，不過味道OK既卡邦尼年糕，其實只係白汁加兩塊煙肉，冇蛋味，年糕量少但煙韌既

同男朋友o係太和覓食～之前經開CHA:RM係韓式野食～都多人等位～見倒menu又唔算貴，決定下次黎試今次終於有機會喇～唔洗等位～太好～餐廳佈置有心思～～Menu 選擇都幾多，但兩個人試唔倒好多野～揀左兩款最想食ge先～泡菜牛肉紫菜飯卷好味道～～用料好足～飯唔會太硬太lum～份量多又夠飽肚～正～海鮮煎餅依個整得出色～～好好味啊！！唔會太油膩～好香口～～ 食物份量夠大～飯又夠飽肚～價錢公道～～ 好抵食～下次一定會再黎試其他野食！

服務態度極差，3個人叫左4樣野食，食左半粒鐘到，食左7788，個大陸口音阿姐係咁問仲要唔要，係咁吹服務態度極差，3個人叫左4樣野食，食左半粒鐘到，食左7788，個大陸口音阿姐係咁問仲要唔要，係咁吹

韓國的食肆真係越開越多呢，但質素高的可能價錢較貴，要搵一間抵食親民又有質素的真的有點不容易呢！好彩屋企附近就有這CP值高的韓國餐廳選擇啦！！放工相約友人一起進餐，7時許已經坐滿人啦！餐廳已型格簡約風為主呢！食物選擇繁多呢！分有紫菜包飯、湯麵、蓋飯、煎餅及炸雞等！價錢十分親民！！吞拿魚紫菜飯卷$52～份量十足，材料十分多滿滿的。飯卷內包著吞拿魚、雞蛋、紅蘿蔔、青瓜、火腿等，口感十足！泡菜煎餅～同樣是份量十足！煎餅煎得微焦，令煎餅更香口，而且內有不少泡菜，酸酸辣辣，十分開胃呢！大部分食物約$50-70價錢來說，份量及味道也不錯，親是貼地的韓國料理選擇！

試過1次後經常心思思想再食, 不過非大埔人入太和有點遠,加上這店多人排隊的, 今晚終於趁有空又比較夜有機會入太和再食啦！last order時間到達,快快點菜! 蜜糖炸雞加薯條是必食項目,蜜糖惹味,炸雞香脆卻無熱氣感! 太好味!!! 芝士海鮮薄餅亦是大愛, 又香又多海鮮, 煎得唔膩! 蔬菜飯卷都唔錯! 正確是甚麽飯卷也美味! 最緊要是自己喜歡的口味便沒錯!3個人3款食物, 再加每人一罐梨汁!食得飽又美味! (令人回味!)每人大概接近100元。如果住大埔太和相信會成日去食!! 有另一分店在附近街尾, openrice寫那間收23:00, 原想去那間諗住食耐些, 但21:30去到已無人並說已過last order準備關門唯有行前去這間openrice寫22:30關門, last order是21:45這間。幸好上菜快, 飽食滿足 有空一定再光顧

餐牌上有好多唔同嘅選擇，有部分食物嘅價錢係晚上只係貴過午餐$10，非常抵呀。而餐廳入面嘅裝修都幾特別，有好多figures。叫左個烤牛肉蓋飯，都只係$55。份量都幾大份，而且味道不錯。

同事一齊住大埔的確係好事，可以放工後搭車番大埔先食，食飽飽步行番歸都得，真爽天氣咁凍好似食韓國嘢都幾好，就去同事未食過嘅韓國嘢啦一嚟到就放低泡菜比我哋醒醒胃，呢道嘅泡菜應該自家制，同平時係超級市場買嘅唔同味，食完仲可以再加，非常好，啱曬我呢d泡菜lover叫咗午餐肉芝士包飯，除咗午餐肉同芝士，仲有大量蔬菜同旦，飽肚芝士泡菜餅，嚟到夠熱，芝士可以拉絲，勁正，又夠多泡菜我對海鮮刀削麵始終係零抵抗力，去到邊只要見到有，我都會食，今次唔例外，中規中矩

Korean dishes are very authentic. Fried chicken and gimbap is just like the ones from Seoul! Gave us free drinks after we were asked to move tables! Will come back again!

看了雜誌介紹大埔美食－新式韓式食品 + 甜品，於是便在太和火車站下車，跟著地圖去走。好不容易來到富來花園地鋪，卻吃了閉門羹，於是我跟著玻璃上的地址走去附近的分店，純黑的碗筷配上淺灰的牆壁，加上沒有開照明，室內環境比較昏暗，令我感覺有些不自在...本來不太餓的我只想吃甜品，但把餐牌看了幾次後都找不著，詢問店員後對方卻回應：這裡沒有甜品哦...(大哭)再想想有什麼好吃的？看到韓式飯卷的選擇挺多的，足足有一頁呢！有雞有牛有豬，有辣有不辣，我最後選了「海苔芝士辣炒豬肉飯卷」，再要半份「原味炸雞」(雖然炸雞有不同口味，但除了原味外，其他都要點1份)。飯卷份量挺大，有10件，跟日式飯卷一樣是涼涼的，裡面餡料豐富：甘荀絲、芝士、腌蘿蔔和豬肉，吃起來味道跟口感也剛好，但相信重口味的朋友會嫌淡。而炸雞是我特別推薦的！雖然看起來不怎樣，不過炸漿很薄，炸得很酥脆，雞肉多汁又嫩，用了薑黃粉腌過能去除雪藏味和腥味，同時令炸雞更惹味。隨雞附上的醬料甜甜酸酸的，但不會太膩，好吃！買單共$140，沒有加一服務費，我覺得一點都不貴！

唔知由幾時開始，韓式餐廳開到盛行盛市。由於木嘴平時都有睇下韓劇聽下Kpop，有時都會突然想食韓國野，幻想下自己係宋仲基或者宋慧喬。今日木嘴黎到太和，基於對太和既餐廳無乜認識，咁岩見到呢間韓國野有人等緊位，覺得應該伏極有限，決定試下呢間。好彩出面有櫈坐，否則以木嘴既宅宅體能特性，應該企無耐就會暈左喺條街度。等左一陣就入得去，入面有少少特色裝修，全部都係D超人呀BATMAN之類，但究竟同韓國有咩關係木嘴真係摸不著頭腦，難道佢地既祖先係韓國人？入到去已有泡菜擺枱面，可以無限refill，一坐低兩條友就餓狗搶屎咁食完一兜又一兜，因為實在太肚餓。之後叫左半份原味炸雞，炸得幾好食。D皮炸得鬆脆，雞又唔會炸到乾晒，亦都幾Juicy，唔錯。 唔知乜野芝士雞蛋卷唔好意思，太肚餓食左兩舊先影相，其實有六舊。味道都唔錯，入面仲混入左好多紅蘿蔔同洋蔥，木嘴比較揀飲擇食，唔太中意食蔬菜類食物，但都可以食得落。 泡菜豬腩肉炒飯一個字，幾好食。其實佢D份量都幾多，木嘴今次兩個人叫三樣野都食唔晒，如果各位好似木嘴同木嘴個朋友一樣咁細食既話，建議叫兩樣就夠喇，如果唔係食唔晒浪費食物貧困山區既小朋友係唔會原諒你地嫁。

一向如果食韓國菜都會揀尖沙咀韓國街，但叫碟炸雞都唔會兩個人食得哂，但今日嚟到依間就覺得好唔同，雖然位置唔係坐得咁舒服，尤其是個椅個背😥我地兩個人叫左3樣野，一個紫菜牛肉飯卷； 芝士辣炒年糕同蜜糖炸雞飯卷切開有10件，坦白講唔係好食得出有牛肉，反而旁邊嘅紅蘿蔔好搶，同整體飯卷味道唔足炒年糕係正，2-3個人食份量就啱啱好，好多餐廳做得份量太多反而食到唔想食，但依個唔會，味道亦好惹味到最尾，食韓國菜潮流係要食炸雞的，雞肉炸左但唔乾好juicy，而且全部去骨，但食炸雞嘅配角依度係欠奉的，唯有要左兩罐汽水，埋單都只係233, 仲想點

之前聽一個朋友推薦過這家韓國人🇰🇷開的韓餐店，專程跑來太和吃～兩個人點了：泡菜五花肉拌飯，半份的原味炸雞還有豆腐湯。最最最推薦炸雞，很好食，外皮炸的超級脆，內裏的雞肉相當嫩並且裡面也有收汁。拌飯一般，米略為硬了一些，但是海苔很有味。豆腐湯微辣，豆腐煮的嫩又軟，很有口感。