影片
港鐵宋皇臺站B2出口, 步行約4分鐘
繼續閱讀
電話號碼
93884423
開飯介紹
由前五星級酒店的主廚主理，供應高質歐洲菜、葡萄酒、啤酒等。餐廳以藍色為主調，走英式復古裝潢，氣氛浪漫舒適，打卡一流。
繼續閱讀
營業時間
今日營業
12:00 - 22:30
星期一至日
12:00 - 22:30
公眾假期
12:00 - 22:30
公眾假期前夕
12:00 - 22:30
*Last order :21:15
以上資料只供參考, 請與餐廳確認詳情
有關獎賞計劃
聖誕月份嚟到Chaplin已經有晒裝飾佈置，原本嘅古典裝修再提升唔少，真係慶祝勝地！每個套餐都會包兩款前菜，包括呢個雜菜沙律，酸酸嘅醋汁加埋色彩繽紛嘅菜真係開胃甘荀湯幼滑香濃蕃茄海鮮扁意粉蕃茄汁底唔錯，我唔鍾意食都覺得OK😆海鮮方面有大大粒帶子，煎得香又鮮嫩八爪魚墨汁龍蝦汁意大利飯八爪魚都嫩滑，墨汁可能唔洗加，只需要就咁配上香濃惹味嘅龍蝦汁意大利飯就已經好足夠Butcher's Cut 屠夫精選 $ 295每次嚟都會點，不過每次都係同一部位😆不過佢嘅肉係靚，所以重複都唔緊要，質素穩定但係配菜可能要改變一下！焗蒜再加一款綠色菜會更加靚同豐富，肉面又加生蒜變得重疊冇新意。車厘茄亦應該加以製作，不經煮製、開半就咁放上去有欠誠意。。。開瓶費原來需要超過人頭$350消費！？因為佢又認得我。。。所以呢次免咗，真心唔好意思🙇🙇🙇我其實都係食咗4次左右😂我地會再嚟酒聚，一係食物質素係好，二係上菜速度有管控，三係環境好elegant，四係店員有禮貌有服務！
繼續閱讀
朋友仔飯聚,要就大家返屋企的地點, 因為屯馬線所以揀去九龍城. 上網check有咩餐廳有水準又可以免收開瓶費,見到呢間D食評唔錯,咪去試吓啦.去到門口,餐廳唔大,但有3個侍應😉坐低問要暖水定樽裝水,冬天飲暖水啦☺️食物都幾多選擇嘅. 前菜點咗炸牛油果,腸仔配洋葱圈,海鮮盤,沙律. 每一樣都合格. 沙律上面有雞,三文魚同牛舌,比較特別,海鮮盤內有翡翠螺,青口,八爪魚,虎蝦,每樣都好新鮮👍主菜點咗白酒煮活藍青口,燉羊膝,燒封門柳,伯爵茶三黃雞,燒豬胺. 青口用新活藍青口,嫩滑可口,汁配多士,好正！三黃雞,上枱時陣陣伯伯爵茶香,雞又係好嫩滑,下面有菇菌飯,唔使一陣,食晒😋豬牛羊都正常發揮👍由於太飽,唯有放棄甜品啦😅免開瓶費,酒杯都幾好！ 下次約D酒腳再去😁
繼續閱讀
去九龍塘唔一定要食泰國菜嫁，今日經過九龍城但係又唔想食泰國菜，行行下就見到一間英倫風的西餐廳，由門口嘅玻璃窗望入去，見到入面由藍色格調做主題，望落好舒服咁一於就入去試下。夜晚有一人set ，又有sharing dinner。我地兩個人就選擇左3 course dinner。頭盤選擇左沙律同湯。湯有兩款，一款Daily soup 係蕃茄湯，蕃茄湯好有蕃茄味，味道濃郁同埋有蔬菜味，另外一款加左$60蚊嘅海港漁夫湯都十分好飲，足料嘅海鮮湯有蝦有青口有蜆，味道豐富主菜叫左咸牛舌燴伊比利亞腸肉醬麻花捲通粉$228，咸牛舌有4塊，塊塊香口軟嫩，咬落去咸香咸香好好食😋同埋捲通粉捲埋啲牛肉汁同肉碎，好正另一款主菜黑安格斯封門柳$380，出面西冷肉眼牛柳就食得多，封門柳做牛扒就真係少，上網查番封門柳原來位於牛的橫膈膜的肌肉，其肉質鬆軟，不易變韌，而且牛肉味極為濃郁而且每頭牛只有一條封門柳，部位刁鑽且稀少。原本叫嘅時候諗住叫七成熟，然後待應温馨提示我們因為封門柳嘅部位少油花，接近零活動如果七成會好鞋口，建議食三到五成。最後我地叫左三成，果然聽話嘅孩子有好嘢食，食落口肉質柔軟又腍，肉味又超級濃，配埋燒蒜一齊食，十級推介⭐️⭐️⭐️⭐️最後食到飽飽飲番杯檸水解下肥🫢同埋個杯好令🫣今餐十分滿意👍🏼，期待下次再試其他嘢🙆🏻♀️
繼續閱讀
Overall 調味都偏鹹唔明係點解意大利雲吞汁入面會有菠菜😦 明明menu 無提過佢嘅存在個人覺得唔係好夾😦薯條就不過不失，係新鮮炸出黎唔會淋哂，但都稱唔上係脆
繼續閱讀
同嗰個朋友響宋王臺嗰邊做完嘢想搵個地方舒舒服服食餐飯，跟住我就建議去返Chaplin，一來行過去唔係好遠，二來上次食完個牛肉都想試多一次睇吓係咪會唔同。今次去到已經做咗聖誕裝飾，感覺有更加重嘅英倫風嘅氣氛。因為今次得兩個人，所以叫咗個sharing combo，咁就可以試多少少嘢。另外加咗一份鴨肝多士，先講呢份多士，份量比想像中大份，外面微微脆，裏面啱啱好，係幾開胃嘅。兩個人分別叫咗兩款唔同嘅湯，兩個湯都好味，特別想提嘅係海鮮湯，足料得來真係飲到海鮮味道。Snack platter維持到上次嘅水準，今次同佢要咗多啲茄汁同埋多啲檸檬，直接將檸檬汁加落茄汁嗰度點嚟食更加好味。主菜方面分別叫咗一個黑松露忌廉牛肝菌戒指雲吞，同埋屠夫精選牛扒。個雲吞嘅份量足夠，重點係唔太膩，所以唔會食完覺得有滯嘅感覺，冇朋友好鍾意。屠夫牛扒就係我想返嚟試嘅原因，上次因為朋友嗌咗medium，我就覺得如果食生生啲會比較好，果然今次跟返我想嘅生熟度更加好味，當然呢個係個人口味啦。另外佢上面加嗰啲香葉同埋蒜蓉粒到好幫到手。特別想講嘅係佢個朱古力心太軟本身係好味嘅，但係個重點係響隻碟上面畫嗰張畫真係好有心好靚，絕對要俾個讚。最後題外話，我嗌咗杯Baileys Tiramisu唔係好濃味，但係好香，重點係親埋一套杯碟好靚。
繼續閱讀