Châteraisé

營業中

休息中

位於形點一期一田超市旁邊的呢間蛋糕店，真係一次都未幫襯過呢，好多啲買蛋糕都會去左西餅店、面包店。不過今次機緣之下入左一田，因為疫情關係，都無得去旅行，自然地目光就俾門口的日本大褔、日本製、北海道呢啲字眼吸引了。行左成個圈，所以有蛋糕，泡芺都好吸引，諗起喺日本食過的蛋糕同Cream, 真係好難返轉頭，真係好難揀，最後竟然俾來自日本的雪條吸引左。雪條有好多種口味，這個是脆脆香草朱古力雪條($12)，食落唔太甜，有好香的雲尼拿味，而每一口都係朱古力碎。朱古力薄薄而重叠的製成方法，令到雪糕同朱古力碎更融合，而且同時間食到兩種質感，唔會其他朱古力批，有朱古力太濃、厚、硬的感覺。食完呢條雪條，好想食埋味的雪條，仲有其他蛋糕呀，大褔呀咁，日本嘢食真係好難抵抗呀！

呢間舖頭嘅千層蛋糕聽講有17 cm，底層係海綿蛋糕，幾鬆軟有蛋香味，上面嘅千層大約有15層 ，每層餅皮做得夠薄，唔會覺得入口成層皮，鮮忌廉有奶香味，但早幾日食完donki 千層蛋糕，有對比之下，覺得佢比較甜左少少🙈.

Yoho mall 入面有間cake 店勁吸引，隔住玻璃櫃見到都想食，之前買過一次黎食，個蛋糕勁軟個樣勁靚，我相信佢個賣點係日本直運過嚟，但覺得價錢尚算合理，我哋就買咗6件做飯後甜品。而我揀咗抹茶紅豆千層蛋糕，佢人氣No.1.我食落都OK,有好多層數，軟軟地有少量紅豆蓉，好重綠茶味，都可以一試。但因為忘記了影相，之前見到玻璃櫃好吸引影了一張相。大家不妨經過買1件cake 食下，下次我會再買啲新款cake 再呃下like

呢間位於一田超市的日式餅店我去開都會買這款原味卷蛋整體不太甜蛋糕部份軟熟忌廉又軟滑輕身，又有奶香味原全是地道日本口味，正啊而且只售$15/件咋做飯後甜品最適合不過值得一試

無論食到幾飽，總有多個胃係用黎消化甜品☝🏻Chateraise嘅千層蛋糕、泡芙就食得多，雪糕雪條就真係未試過；花多眼亂之下最後揀咗兩款【Hokkaido Butter Serve Frozen Confectionery北海道牛油冷凍甜點$20】真係聽個名都知有幾肥☝🏻， 雪糕牛油味香濃而且香滑冇冰粒，唯有不足係雪糕筒已經唔脆🥺扣哂啲分【Choco Mint Bar薄荷朱古力雪條$15】薄荷味濃郁得嚟易入口，最吸引我之處係超多朱古力碎，決定下次帶個冰袋大量回購FYI 唔係每一間Chateraise都有雪糕雪條賣。

形點一田有分店，朋友生日都會係呢間買蛋糕，呢間既甜品都好出色，雪糕非常香滑，食過北海道牛油雪糕，同朱古力味雪糕，牛油味比較出色，另外瑞士卷都好Creamy，原味泡芙忌廉吉士好幼滑，份量都好多。整體以日式甜品黎講cp值好高。食形點食完飯再買個甜品真係好唔錯。

這家是連鎖的日式甜品店, 位於YOHO MALL一田超市內正門口當眼位置, 買了兩件蛋糕, 包括有栗子和抹茶千層蛋糕蛋糕的味道偏甜, 以忌廉奶油為多, 個人的首選是這裏主打的千層蛋糕, 一來工序繁複, 二來味道不錯, 是必吃自選其次有芝士疏乎厘蛋糕也是味道很好的, 但不是每次經過也有這裡的選擇頗多的, 但每次都要早一點來買, 否則好吃的味道都會被賣光光這裡沒有堂食, 只有外賣, 每次都是打包回家享受, 配上一杯咖啡, 作為晚飯後的甜品或下午茶的甜品是一個不錯的選擇

去到YoHo形點商場行左一圈一田，就揀左d甜品當飯後甜品，揀左薄荷朱古力雪條同埋北海道牛油雪糕作為晚餐既句號。薄荷朱古力雪條($15)薄荷味濃郁，朱古力味較濃郁，甜度適中，唔會有太利既感覺，價錢$15/支，尚算合理，可以一試，包裝精美，最岩用黎打卡，作飯後甜品用。北海道牛油雪糕有d似雪凍左嘅牛油一樣,牛油味十足,牛油香味撲鼻，但甜筒雪到淋曬，擺入口食有d不足，比一般既雪糕易溶，要盡快享用，以免滴落。

行過想買件蛋糕番公司食，見呢款清清地所以試下。比平時系其他蛋糕店既蛋糕無咁甜，唔會食完要飲好多水。啲水果就一般無乜驚喜，總括而言就系比較適合啲唔太鐘意食甜野既朋友。

依個係抹茶加忌廉嘅泡芺，佢入面係一半係抹茶味嘅cream，另一半係忌廉味嘅cream，佢入面有兩個味嘅cream感就令佢冇咁普通，食落都會特別啲，冇咁單調，個泡芺係凍的，個外皮就好淋一啲都唔脆，但係感樣都唔會令個泡芺變得難食而個抹茶蛋捲都係凍嘅中間仲有啲紅豆，感樣令個味道更加好味，唔會正係得抹茶味我個人唔中意太多cream嘅蛋糕，佢個蛋糕就係唔會好多cream，佢個蛋捲都好鬆軟，唔會好乾真係好好味，口感都好好

今日經過元朗SOHO一田見到這間蛋糕店，見到原味千層蛋糕外貌不錯同Lady M好相似，而且價錢平好多就膽粗粗叫一件試下。可惜發現口感唔順滑之餘完全沒有"千層"的感覺，下次應該唔會再試了。

呢個宇治抹茶紅豆瑞士卷，抹茶忌廉嘅creamy令成個卷都比較濕潤，成個卷係有抹茶味，但始終唔夠濃，抹茶嘅甘澀都比較淡，可能係忌廉+甜甜嘅北海道十勝紅豆，令到成個卷都偏向Creamy~不過$15黎講都係值得一試🍵

朋友生日喺yoho一田買咗個蛋糕同 泡芙慶祝原味泡芙~ 泡芙內忌廉吉士各一半忌廉吉士幼滑'🤗🤗🤗 同日本食一樣咁好味!忌廉蛋糕~ 忌廉香滑' 蛋糕軟熟'士多啤梨好甜

喺元朗YOHO MALL一田超市入面有間蛋糕店標榜日本空運😍經常都會有新口味新產品我都食個蛋糕、窩夫、啫喱、瑞士卷我覺得蛋糕同窩夫最好味價錢亦都大眾化至於啫喱，我覺得冇生果肉亦都冇咩生果味道所以之後都冇再買😵今次新出左雪條同雪糕價錢$10至$16真係好抵😆😆😆雪條有三種味道我建議可以帶個冰袋去shopping一次過買晒咁多款如果冇帶冰袋，都會有乾冰提供👍🏻今次食咗咖啡夠凍👍🏻好重炭燒咖啡味道👍🏻甜到啱啱好👍🏻另外仲有兩款雪糕有一款好特別就係北海道發酵牛油值得一試👍🏻

今天經過一田，看到這家店有很多蛋糕，有出名的牛奶卷，還有很大一個果撻！自己本身很喜歡吃提子，所以看到這個批不期然想馬上買來一試，剛好朋友生日，便借花敬佛來一個試食！😎價錢不算貴，提子有兩個品種，職員說都是日本的，相當清甜。但吃下去卻有點失望，因為沒有想像中的清甜，青提比較好，但黑提卻有點藥水味道，不過口感上很脆，很新鮮。但吉士醬真的很好吃，批底不算太脆，有點過淋，希望下次可以再遇到好吃的果撻！下次再買其他甜品一試！😊😊