影片
港鐵中環站 D2 出口, 步行約3分鐘
繼續閱讀
營業時間
今日營業
11:00 - 22:30
星期一至四
11:00 - 22:30
星期五至六
11:00 - 23:00
星期日
11:00 - 22:30
以上資料只供參考, 請與餐廳確認詳情
我10月21號，大約晏晝13：30，去叫咗杯少甜正常冰（因為佢話唔比少冰，只有標準冰）嘅泰國茉莉花奶茶，見佢開咗間新舖，入去睇下，順便叫杯野飲。點知成杯都係冰，我由間舖行去landmark ，五分鐘都冇，已經飲哂。好老實我之前買其他都係算多冰（喺旺角嗰間買），但絕對唔會咁誇張，成杯都係冰。我起碼都飲到十幾廿分鐘。我唔係太清楚所謂嘅標準冰係邊度嘅標準啦，我要杯奶茶你比杯冰我？我要冰我自己去7仔買啦。我洗鬼比35蚊去買杯冰咩。
繼續閱讀
公司樓下ChaTraMue （中環店）有抵食泰式飯盒，今日落去買咗盒海南雞飯 $58，加多杯泰國奶茶都只係 $70。中環價，我覺得好抵食。 👍🏻不得不動筆讚下，$58 盒雞一啲都唔少，我亦十分好彩買正雞脾位置，但除咗啖啖肉無骨，啲雞肉好滑嫩有雞味，啲飯亦是香米飯，入口軟熟可口，跟飯有一個雞醬，非常好味，好特別，唔同其他海南雞的甜豉油、薑蔥油。佢哋雞醬汁比較惹味開胃的，好好食。而杯泰茶超抵飲，完全冇減細，同正常價一樣，整個餐咁高質數都只係 $70，性價比相當之高，但亦睇到現今餐飲業真係難做！ 👍🏻👍🏻
繼續閱讀
原來中環泰奶茶搬咗去德已立街，今日去買茶仲發現佢有泰式飯盒 set, $70. 我叫咗個海南雞飯加一杯泰式檸檬茶, 海南雞飯好高質, 雞肉嫩滑有雞肉味，唔係啲嚡口嘅白切雞配上香米飯好開胃。泰式檸檬茶都好飲，個人口味鍾意佢哋嘅檸檬茶少少澀澀地，好飲過好多乜乜鴨屎檸檬茶。中環呢個價高質扺食啦。值得推介係呢間中環店有麵包買，亦有幾款蛋糕。買咗一件牛乳蛋糕，超級好味，好重牛乳香味，新鮮軟滑，用料重手，裏面有厚厚一層嘅牛乳cream，鍾意奶類甜品嘅人，肯定喜歡，值得推介。 👍🏻👍🏻
繼續閱讀
上環返工我一直有幫襯100QRC 買泰茶，自認忠實fans, 星期五 lunch, 好有心專登行10分鐘去新店。感覺很好，整間店舖光猛優雅，裝修得好靚。我一向飲開泰茶，但見有杯無酒精啤酒，又幾得意，果然又幾好飲，芝士奶蓋扮啤酒泡，但味道同口感都配搭得啱啱好，好飲的。頗驚喜的是新店設有蛋糕櫃，有精美蛋糕及麵包售買，我一場黎到，幫襯多個牛角包，又都好味喎，熱辣辣。我這個午餐，簡簡單單，不愧 ChaTraMue, 質素唔錯，非常滿意。畧畧一提是落 order 個帶眼鏡女仔比較吋，板起塊面孔，買牛角包時多問一句，她愛理不理的態度要改善下，希望公司管理層可以聽到。
繼續閱讀