影片
以上資料只供參考, 請與餐廳確認詳情
食家推介
今次咁啱經過旺角，特登排隊試下呢間店嘅招牌奶茶，落單到攞到飲料，等咗大概10-15分鐘(๑•̀ㅂ•́)و✧1.正宗泰國綠奶茶- **價格**：$32- **食評**：呢杯正宗泰國綠奶茶顏色清新，因為泰式奶茶一般都偏甜，我嗌咗少甜，飲落都有少少甜，不過起碼味道無伏。奶茶都算茶香濃郁，口感滑順，唔會過於膩口ﾍ( ´∀`)ﾉ總結泰式奶茶味道正常，得閒嘅時候可以飲下，如果要排隊就未必會再買，好想去泰國飲正宗嘅泰式奶茶ヽ(✿ﾟ▽ﾟ)ノ
繼續閱讀
老婆今日終於鼓起勇氣行入去食雪糕，點解要用鼓起勇氣呢四個字，因為我老婆係好怕食甜嘢，泰茶出左名好甜。而好多人話呢間泰國奶茶一向都好甜，奶茶已經冇得控制甜度，所以佢都好擔心杯雪糕會唔會太甜。因為佢一直擔心太甜冇食過，所以我同佢講不如你試吓啦，如果真係太甜就俾我食啦。於是我買咗俾佢食，佢食完一啖之後同我講，試完返唔到轉頭，佢話好香茶味又唔會太過甜，下次一定要在 encore 食多次。#thaicha #泰茶雪糕
繼續閱讀
今日試咗呢間網紅泰國奶茶鋪，叫咗兩杯招牌飲品，即刻同大家分享感受！第一杯衝住泰奶來嘅，但飲落有啲失望…… 茶味濃到有啲澀，奶味反而被蓋住，甜度明明揀咗標準糖，點知苦澀味搶晒戲，飲到後尾覺得有啲膩滯。珍珠煙韌但幾腍，可惜被茶底拖累，怕苦嘅朋友記得唔好走甜或者揀淡茶版啦！呢杯真係意外好飲！荔枝味好自然，唔係死甜死膩嘅香精味，綠茶底夠清涼，少糖版本剛剛好，飲落喉嚨有陣陣果香，夏天飲絕對醒神！推介俾鍾意清新口味嘅人，盲買都唔會錯～泰奶表現麻麻，但荔枝綠茶真係讚！下次會再試其他水果茶，鍾意泰式風味又怕苦嘅話，記得避開傳統泰奶啦～
繼續閱讀
在旺角行行下街經過ChatraMue老婆突然想買一杯泰式奶茶，於是便走左入去了，見到選擇非常多，最後我們都係選擇了正宗泰國奶茶，味道非常正宗泰式，濃郁茶味再加上甜味，跟港式非常之大分別，下次一定要再試試雪糕。
繼續閱讀
就算唔識讀呢個品牌嘅名，一見到呢個紅色標誌，都一定會知道係泰國知名度好高嘅奶茶店，每次去親泰國都會飲佢地嘅奶茶！呢排食咗咁多好野，見到 menu 上面寫住排毒瀉茶系列，諗住係時候飲返杯排一排毒都好！到落 order 嘅時候店員提醒咗飲完會有輕瀉作用，我又諗擺得出嚟賣手搖飲品嘅唔會瀉得好犀利姐，咁無問題啦，同友人分別要咗 泰國蜂蜜玫瑰花茶 & 泰國玫瑰花奶茶。見杯野飲個包裝又幾靚，好有少女 feel，就打下卡先，而且有淡淡嘅玫瑰香味，味道可口，又夠解渴。沿路一邊行一邊飲都冇咩事，行咗三四個鐘左右就開始要去廁所…… 原來呢杯排毒瀉茶堅係有料！
繼續閱讀