Chatterbox Café (AIRSIDE)

營業中

休息中

2024年4月11日中午時分到店食海南雞飯套餐，海南雞飯餐味道不俗，例湯夠味，有清味蕾的作用，飲品四季柑茶值得推介。但可惜的是，此店的待應服務態度如同大家樂大快活質素。是緣在等食期間，見到一個客人希望坐卡位，但駐店待應因只有一個人為由，要求客人轉坐單人位，客人因而要求離開，待應嘗試補救但最後不果。我看見客人表情十分失望，揮袖而去。轉坐問題不大，但當時餐廳只有數位食客，大量位置空置，為何不可以讓客人自由選座。請經營餐廳負責人能正視問題。比你好的餐廳如恆河沙數，為什麼客人想進來用膳，雖說新加坡文華酒店旗下品牌，但在港如斯營運實在有點那個。

位於啟德商場裡面的新加坡菜餐廳，主打海南雞飯、喇沙等特色地道菜式。地方寬敞，空間感很大，環境優雅寧靜，佈置了很多植物。以手機掃二維碼下單，十分方便。小食：馬來特色香煎辣魚餅魚餅薄薄一大片，入口有一股茶香，味道微微帶辣，配搭麵包蘸醬一起吃，層次豐富。如果麵包烘成多士，口感更佳。招牌菜：招牌雞肉喇沙上枱時一陣陣椰香味撲鼻，湯底顏色顯出其濃稠度，味道濃郁，帶蝦及椰奶香。米線麵條特別掛湯，所以要趁熱吃，麵條慢慢把湯汁吸收。雞肉就採用了海南雞，浸泡在湯裡。另外配料還有豆卜、魚片、芽菜及雞蛋，份量大碗。飲品：四季柑汁大大杯的果汁飲品，味道是青檸汁混合金桔檸檬，酸酸甜甜，很清新，解渴。

呢日黎Airside行下市集行下商場咁，原本打算喺foodcourt 嗰邊搵下野食，但真係比較多人同又真係幾肚餓，就轉攻地下同地庫搵下野食，黎到Chatterbox Café門口，望一望個menu，雖然價錢唔算好平，但係望入去環境好似幾舒服同都想食海南雞既原故，就入座啦。坐低侍應再俾埋個2人餐既menu我地睇，$338 有1份小食2份主菜1份蔬菜2杯飲品，咁抵食即叫啦。想特別一提，覺得呢間餐廳上菜既侍應都好好，擺野上枱仲會幫我地安排一下擺位，唔似得出面好多時遇到都係求其見位就掉上枱，呢個價錢有種服務真心超好，原本想喺服務俾5粒星，但又因為叫埋單叫咗超多次等咗超過10分鐘先有張單仲要牛頭唔搭馬咀，所以扣咗啲啲分。野食都幾好食，唯獨個XO醬炒蘿蔔糕太碎，口感不夠好。

得閒都會黎啟德airside商場行吓，近排又開咗新餐廳啦，chatterbox cafe 都開咗過嚟，食飯又多一個好選擇，餐廳闊落好坐 裝修環境有東南亞風格。餐廳主打新加坡菜式，依家仲做緊二人滋味套餐HKD338黑醬油炒蘿蔔糕（半份）用黑醬油炒，真係風味一流，蘿蔔糕綿密，半份嘅份量都幾多。醬油生菜好似食住家飯咁，有埋生菜超級有營養，生菜新鮮，淋上醬油非常好味。招牌大蝦喇沙 HKD178最鐘意佢哋嘅喇沙，好多款可以揀，呢款大蝦喇沙賣相好出色，湯底夠香濃充滿椰香味，大蝦肉質飽滿彈牙，肉質唔錯。甜品食埋椰子雪糕配斑蘭蛋糕就大鑊滿足啦。

今晚同個friend去Airside行街，見到都好多野食揀，試吓呢間好多人排隊既Chatterbox cafe特色咸蛋雞翼 4隻👍🏻👍🏻超好食呢個雞翼，炸得非常香脆，個咸蛋黃醬都好香，咸而不膩，必試之選黑醬油炒鮮蝦蘿蔔糕 👍🏻👍🏻炒得幾出色，鮮蝦大大隻，蘿蔔糕餡料都豐富文華海南雞飯👍🏻👍🏻呢個全店最出名就緊係要試下啦，雞肉又香又滑，有雞味，肉質都好嫰，油飯都唔錯蒜蓉炒小棠菜👍🏻👍🏻小棠菜清新，火侯岩岩好

Airside 都有唔少餐廳進駐今日我哋想試下新加坡菜Chatterbox Cafe入到餐廳，環境其實都幾優雅有種東南亞嘅悠閒感覺食物方面係主打新加坡菜有喇沙，海南雞飯等等尤其二人餐性價比就比較高包小食，油菜和飲品鹹蛋黃雞翼呢個小食真係邪惡嘅代表咬落去又好濃鬱嘅鹹蛋黃味道雞翼肉汁亦鮮嫩值得推薦文華海南雞飯海南雞肉身夠滑雞皮厚度適中，唔會太肥食落相當爽口加上佢有三種醬汁味道相當唔錯香炒河粉燴牛肉呢個有驚喜河粉炒得相當有鑊氣好似出去食小炒咁樣牛肉當然係相當冧醬汁濃郁，所以食起上嚟好惹味醬油生菜清清地跟個菜幾健康唔會油膩熱奶茶熱奶茶嘅茶味夠濃最特別嘅地方係佢用傳統嘅方糖

Chatterbox Cafe新店開在Airside B1層,餐廳闊落，裝修環境以木質為主調,搭配綠色元素擺設,很有東南亞色彩。QR code落單非常方便，夜晚仲設有二人套餐，選擇都幾多。因為Airside系寵物友善商場，餐廳門口張大枱都係特別為帶寵物嘅客人設計，都幾貼心。海南雞飯套餐配有黑醬油、薑蓉、雞醬、油飯、豆腐湯、例牌海南雞，雞肉可以加10蚊轉雞髀，雞皮爽滑，雞肉都幾嫩滑，最鐘意雞油飯，香噴噴雞油味。香脆腐皮卷炸至金黃，豆腐皮薄脆香口，非常惹味。椰子雪糕配斑斕蛋糕賣相唔錯，好大一球椰子雪糕，椰子味突出，最鐘意斑斕蛋糕，口感細膩充滿斑蘭香味。Chatterbox Café (AIRSIDE) 九龍城啟德協調道2號AIRSIDE B1樓B114號舖

今晚同老公去啓德airside 行街兼食飯，帶佢去食chatterbox海南雞飯，之前係太古城同我Daddy食過一次，好好味，見到airside 開左分店，所以試吓。我哋點了二人滋味套餐，有一個小食、一碟菜、兩個主食同兩杯嘢飲，自由配搭。黑醬油炒蘿蔔糕（半份）比預期中細份，不過d 蘿蔔糕食落都幾惹味，唔會太油淋淋。蠔油小棠菜碟菜份量多，d菜望落去好新鮮，賣相好靚，蠔油同菜比例合適，食落去清爽。文華海南雞飯來自新加坡文華酒店的知名海南雞餐廳，來到必要點黎食，雞肉嫩滑，雞皮爽滑，皮同肉之間有層啫哩，雞油飯夠香，油度適中。個飯跟碗湯，價錢比其他地方食既係貴少少，不過當食完之後就會覺得物超所值。星洲海鮮炒貴刁海鮮配料好多唔同種類，蝦、八爪魚、仲有大大粒爽滑帶子，貴刁唔會油淋淋，黑醬油好惹味，食完碟麵，係乾爽既，師傅炒功一流。食物質素唔錯，除咗海南雞飯係出名之外，其他都係十分之好味，而且唔會細細份，食得飽又滿足。

之前係K11食過呢間覺得幾好味，原來AIRSIDE都開左分店，今晚晚餐就食佢。咖喱薄餅薄餅炸到脆卜卜，咖哩好惹味。炸素春卷外皮香脆可口，入面好多蔬菜。蠔油小棠菜平時好多食菜，出去食飯通常都會叫碟菜，新鮮爽口。黑豉油炒蘿蔔糕醬汁味道甜甜地，蘿蔔糕吸收哂，熱辣辣好味。文華海南雞飯特登轉左雞脾，雞脾肉入口嫩滑，雞皮爽口彈牙，油飯濃郁雞油香。凍錫蘭奶茶錫蘭茶底濃郁甘香，奶味香甜。凍美祿恐龍好足料，美祿味道濃郁，冰塊融左都唔會淡，上面仲有好多脆脆，好有咬口。

呢間餐廳之前喺尖沙咀都食過，估唔到佢今次開到黎airside,咁就方便啲我可以食啦❤️餐廳係食新加坡菜，當中最出名嘅梗係佢嘅海南雞飯，除此以外有其他飯，肉骨茶、喇沙同咖喱，仲有二人餐同四人餐添👍🏻我哋叫咗兩個飯：我就梗係叫佢最出名嘅招牌海南雞啦，仲加$10轉左雞髀😍呢個海南雞真係冇得頂，佢每塊雞都係肉一層啫喱同埋皮，超級嫩滑，仲有佢嘅油飯真係恰到好處，唔會太油膩，但係又有油香感👍🏻朋友就想清清地，佢就叫咗個雜菜煲飯，原來入面都相當豐富，其中最鍾意佢嘅豆腐，表面煎過香口得來入面仲保持到豆腐嘅滑😋呢間分店果然都保持到水準，下次就唔使去咁遠食😆

同家人行新商場，見到呢間新加坡菜式餐廳，仲話係前文華總廚主理，就想試吓係咪咁好味😋我哋二人叫咗2個招牌，一個招牌海南雞飯，一個招牌喇沙雞米線 。加一個小食，沙嗲雞肉串燒。雞髀位會嫩啲，雞胸位都接受到唔會好老🐔但好似冇咩特別喇沙湯底好濃，好味 。雞肉串燒配沙嗲汁。沙嗲偏甜，香濃，有花生粒👍🏼👍🏼👍🏼雖然每串比較細串，但好香好味，唔會燒得好乾 。食午餐二人計埋加一，一共四百幾，平均人頭二百幾。

放工同同事去 Airside 既食飯同事話想食海南雞一於帶佢去 Chatterbox Cafe 試下先文華海南雞飯餐廳招牌菜黎gayummy好多人黎都係食佢㗎係經典又正宗既東南亞美食雞肉份量多又好滑都幾香㗎油飯既口感不俗仲有埋蘿蔔湯添星洲海鮮炒貴刁原本以為會辣ga原來唔辣㗎欣賞佢用上甘香臘腸作為食材💓💓食落真係唔同啲而帶子同蝦都好大粒, 正餐廳服務質素佳，好有效率上菜速度超快，環境都好ok㗎同事話下次再黎

今晚去的餐廳位於九龍城新地標Airside，餐廳主打新加坡菜，環境寬闊，十分光猛，座位舒適。海南雞🐓雞肉嫩滑，雞皮爽滑，雞味香濃，色澤金黃，十分吸引。配上三款不同的醬料，可以少少辣，可以少少鹹，可以少少蒜香，增加自己想要的風味。而雞油飯香噴噴，味香而不油。炒貴刁🍝 海鮮有帶子、大蝦🍤和魷魚🦑，帶子嫩滑、大蝦爽口，魷魚有嚼勁。貴刁鹹甜適中，配有清爽牙菜和香菜。最特別的是加了臘腸，味道濃郁，鑊氣十足，令人食指大動。

終於黎啟德airside商場行啦😝 真係好似k-11咁 好闊落舒服 夜晚就同朋友黎chatterbox cafe 食晚飯餐廳環境舒適 燈光明亮整潔 餐廳主打新加坡菜式 當然唔少得要食主打嘅海南雞飯 肉骨茶啦☺️ 二人滋味套餐 $338 🧆黑醬油炒蘿蔔糕（半份）呢個半份小食份量都唔少 而且味道濃郁 每件蘿蔔糕都入晒味 😋😋 🥗醬油生菜簡單嘅烹調煮法 灑上乾蔥蒜 香甜又爽口👍🏻🐥文華海南雞飯黎到主角啦 🤩🤩 揀咗基本嘅雞胸肉 賣相色澤金黃平均 肉質當然不及雞髀鮮嫩 但唔會食到鞋口 而且很有雞味甘香 😋 配搭香米飯 簡直令人不知不覺食晒整碗飯🤣🍜白胡椒肉骨茶配麵線（+$20）新加坡嘅肉骨茶嘅胡椒味道比較濃烈 無馬來西亞嘅咁重藥材味 排骨勁大件 每件排骨嘅肥瘦均勻 肉質軟腍配料嘅金針菇 豆卜都唔可以錯過 咬一啖已經滲晒湯嘅味道 🤩🤩 如果湯嘅份量再多啲就好啦😆🧋熱錫蘭奶茶 店員另外比你自由落方糖調味 紅茶味道較重 甘香不澀 唔錯嘅選擇❤️🍵熱有機蘋果茶聞到香甜嘅蘋果香氣 飲落酸酸甜甜嘅味道 感覺好清新🍃舒服😌 🍽️🍴總結 🍽️🍴餐廳環境舒服 😌 店員服務態度友善☺️☺️食物上菜速度快，而且仲熱辣辣味道😋😋

講起新加坡菜，Chatterbox都已經係不二之選，咁啱去開啟德Airside，一出地鐵站已經見到餐廳，地點非常方便。餐廳地方闊落，好適合一家大細食飯，食品種類又多，其實樣樣都好想食，於是叫個二人餐，樣樣都可以試啲。黑醬油炒蘿蔔糕(半份)蘿蔔糕切成細細粒，炒得香脆入味。文華海南雞飯轉雞脾位肉質更滑，雞咪濃郁，油飯亦好入味，雞油帶出香味但唔會好膩，每次嚟都一定係必點菜式。香炒河粉燴牛肉牛肉份量超多，嫩滑入味，河粉爽滑掛汁。班蘭蛋糕最後加多個甜品做總結，班蘭味濃，蛋糕唔會好甜又軟熟，非常滿足。