Chatterbox Café (AIRSIDE)

營業中

休息中

Chatterbox Café (AIRSIDE) (九龍城).香煎腐皮卷.腐皮卷炸得好脆同偏薄，沾酸甜汁.咖喱豬肋骨.豬肋骨平時係西餐都經常吃，今次第一次食用咖哩汁嘅煮法，效果都唔錯！豬肋骨完全滲透哂咖哩味，不過略嚴有少少辣，鐘意食辣嘅朋友不彷試下！.海南雞飯.我地叫左呢度嘅招牌菜海南雞飯，雞肉非常嫩滑，有三款唔同嘅醬汁可以點視乎自己嘅口味，我個人最喜歡醬油，食落甜甜地！.Chatterbox Café (AIRSIDE) (九龍城)九龍城啟德協調道2號AIRSIDE B1樓B114號舖

最簡單的美味，永遠需要最好的廚師。就好似海南雞飯。以其濃郁的口味和獨特的調味料，在全球范圍內贏得了廣泛的認可。今日我同小鮮肉老公去啟德拍拖。決定食返個靚靚海南雞飯慶祝。一、文華海南雞飯：海南雞飯是星加坡最著名的名菜之一。這裡的海南雞飯鮮嫩多汁，雞皮爽脆。油飯香氣撲鼻。入口即化。飯粒吸收了高湯的美味，散發著香氣。此外，搭配的醬料也是文華海南雞飯的一大亮點，醬料的酸辣味和鮮美口感讓整道菜更加完美。二、白胡椒肉骨茶配白飯：濃郁的肉骨茶經過長時間的熬煮，湯汁濃郁鮮美，肉骨則軟嫩入味。而且豬肉十分鬆化。搭配白飯，讓人更能品味到湯汁的美味。而白胡椒的加入使得湯底更加香辣，增添了一絲特殊的風味。白胡椒肉骨茶配白飯的這道菜，絕對是一個味蕾的享受。三、鹹蛋雞翼：嫩滑的雞翼裹著濃郁的黃金鹹蛋醬，吃起來口感豐富。鹹蛋醬的味道鹹香鮮味與雞翼的鮮嫩肉質形成了完美的結合。讓人在每一口中感受到鹹蛋醬的奇妙滋味。令人一啖接一啖。欲罷不能。四、斑蘭蛋糕配椰子雪糕：蛋糕的口感柔軟，而斑蘭葉的香氣使其更加獨特。椰子雪糕清香爽口，搭配斑蘭蛋糕，營造出一種濃郁的椰香口感。這道甜點既可口又清新，是結束一頓豐盛海南雞飯的完美結尾。

母親節飯食嚟食去都係中菜西餐，今年搞搞新意思，搵咗間星加坡出名嘅餐廳，順便帶佢哋行埋啟德嘅新商場。👍🏻二人餐✨海南雞雞皮滑嫩雞肉帶汁，一碟份量頗多，配搭三款醬汁各且特色，香油飯點綴得恰如其分，仲有一大碗雞湯添！✨馬來海鮮炒貴刁色水夠深得黎味道不算太濃太鹹，海鮮包括咗魷魚、帶子、大蝦 ，河粉滑捋捋。✨黑醬油炒蘿蔔糕（半份）鍾意香口嘢嘅朋友不能錯過，蘿蔔糕一口Size，咬落香甜不太油膩，唯獨份量偏少。💡套餐亦都包含咗兩杯簡單嘅餐飲、一碟油菜，當晚由於係四人同行，所以亦都散叫咗以下嘅美食：👍🏻雞肉喇沙喇沙湯底非常濃郁，椰味香重，掛湯力不錯；米線並無煮得太淋，不過略嫌唔夠辣度。裏面配嘅魚片頭、豆卜都夠爽口夠入味，雞肉同樣嫩！👍🏻鐵板蠔餅用上咗多隻雞蛋，咬落去蛋香味濃，厚度十足，蠔肉唔算大隻但滿腔鮮甜，面頭仲灑上大量嘅芽菜加添爽口度。環境都幾光猛，幾舒服

之前行圍方嘅時候已經留意到呢一間餐廳，價錢唔算太貴，而且食過味道都幾正宗，今日同以前嘅舊同事行開啟德新商場，他直接入咗呢一間熟悉嘅舖頭。坐低當然必嗌佢嘅海南雞飯，份量比起一般嘅算多，雞肉好嫩口，亦都可以因應個人喜好點豉油或者其他醬汁！另外一份主食揀咗馬來海鮮炒貴刁，貴刁彈牙，睇落去顏色好深，但係整體嘅調味做得唔錯，唯獨海鮮嘅份量唔算太多。小食方面就揀咗佢嘅鐵板蠔餅同炒蘿蔔糕。兩款小食都做得幾出色㗎，而且能夠做到色香味俱全，兩款都唔會太過油，太過煎炸，朋友都大讚好食🤤蠔餅外皮雞蛋好厚，口感一流。可以選擇佢嘅二人套餐或者四人套餐，食落去就相對划算！另外我都幾鍾意佢嘅空間環境，比較寬敞光亮。

啟德Airside一間靚裝星馬Cafe係basement1 啟德地鐵站一出就會望到呢間燈光運用比K11 Musea更直接和暖光感覺舒服精神 環境的確幾好香炒咖喱鮮魷魚$138濃郁咖喱 配合埋九層塔菠蘿洋蔥同魷魚一齊炒鮮魷本身質地鮮嫩，口感彈牙+$48有一碗白飯及飲品食咖喱香味為主，唔會太辣黑醬油炒鮮蝦蘿蔔糕$98蘿蔔糕被切成小塊 經過炒煮後 外層變得香脆，內部保持了糯米糕的軟嫩口感黑醬油味道濃郁而醇厚 蛋花 鮮蝦 通通被染上黑醬油顏色

來到啟德覓食，想吃點特色菜發現這家，就決定去吃一波啦😎。店舖位置挺方便，從地鐵站逛過去不用2分鐘，悠閒風的裝修環境舒適，還有包房可跟朋友用餐。午餐有套餐選擇，跟餐有指定飲品附送，也可用優惠價升級飲品或小吃🙈。-▪︎熱玫瑰咖啡｜凍薑蜜玉桂牛奶咖啡飲品有跟餐優惠升級，咖啡飲品挺多選擇欵。熱玫瑰咖啡味道挺香😚，除了有拉花還有玫瑰花花瓣做點綴，同時間飲品淡淡玫瑰和咖啡味道🤭。凍薑蜜玉桂牛奶咖啡層次分明，味道較清新，咖啡味道不會太重。-▪︎鐵板蠔餅 HKD$118這個是期間限定菜式，可以加$48白飯及飲品欵。熱辣辣送來一陣“滋滋聲”，這個味道也很香，趁熱吃的味道較好。蠔餅質感微脆，蠔肉鮮味爽口，醬汁微甜惹味，用來拌飯感覺可以😏。-▪︎奶香咖哩雞配白飯 HKD$88這個是午餐餐牌點的，這個感覺較特別的感覺，填相跟平常咖哩雞不同。金黃色賣相外脆內軟，肉質鮮嫰帶肉汁。咖哩味道香濃，微甜帶點辣味，醬汁拌飯挺好下飯欵。-

Chatterbox Café (AIRSIDE) (九龍城).公司係九龍灣翻工，撞啱假日前屋企人又未黎過airside呢個商場，就去嗰到食個晚餐再行下.▪️$338二人滋味套餐▪️.二人套餐幾抵食，包一個小食，兩個主菜，一份菜同埋兩杯飲品.主菜叫左個海南雞飯，香油飯勁香又好食，海南雞有得沾蒜茸，醬油等.另一個主菜叫左星洲海鮮炒貴刁，甜豉油炒味道有啲類似港式乾炒牛河，但海鮮版本，有帶子，大蝦，八爪魚🐙.小食我地揀左個黑醬油炒蘿蔔糕，佢切得比較細粒會比較入味，唔太似蘿蔔糕.另外套餐仲會包一客菜，叫左個蠔油小棠菜，擺盤勁靚仔！.📌 Chatterbox Café (AIRSIDE) (九龍城)九龍城啟德協調道2號AIRSIDE B1樓B114號舖

新開商場開咗一段時間平日最得閒嘅時候約咗朋友嚟到Airside 周圍睇吓，😅 呢間商場內舒服一個角落，我哋就喺度諗緊食緊咩午餐，見到呢間餐廳我最鍾意食海南雞一定同朋友試吓😍😍😍文華海南雞飯呢度最出名就係文華海南雞，雞皮薄內嫩肉汁好Juicy，三款醬汁最特別就係中間一浸酸香嘅味道點買雞肉一齊食更加令到雞肉香口，油飯一定配雞先係海南雞飯🤣奶香咖喱雞配白飯椰香嘅咖喱味比較突出，配製咖喱雞經過炸後再撈入去嘅醬料微微嘅咖喱香味大少少辣味，偏向惹味油香口，新鮮配搭。值得一試😍✨班蘭咖啡斑斕味唔係太出，咖啡味甘香濃郁，順滑嘅咖啡☕️配搭好夾👍🏻薑蜜玉桂牛奶咖啡另外我嗌左凍飲薑蜜再配上玉桂味，杯頂有一層cream好順，加埋一齊就會有一層薑辣再加埋咖啡味道都好出，唔會甜得滯飲落去啱啱好😊

以前由香港啟德機場出發，連接世界各大城市，讓香港與世界接軌。雖然啟德機場已完成歷史任務，但仍可以喺啟德嘅AIRSIDE 讓味蕾向世界出發，投入世界各國美食，今日就飛到新加坡嘅Chatterbox Café。文華海南雞飯嚟到新加坡，又點可以無海南雞呢？Chatterbox Café係新加坡嘅過江龍餐廳，所以食物出品還原獅城口味。海南雞嫩滑，雞皮肥而不膩，仲要無骨啖啖肉，食嘅時候非常滋味。最正嘅當然係油飯啦，油香十足，雖然邪惡，但絕對忍唔住口！招牌雞肉喇沙新加坡嘅美食選擇非常多，喇沙係我哋另一推介。喇沙通常配上大蝦，但因為A姐對蝦敏感，好彩餐廳亦有提供雞肉嘅喇沙選擇。喇沙非常香滑，帶有淡淡椰香，非常香濃，加上湯底濃稠，所以非常掛湯。

來到chatterbox cafe呢間來自星加坡的餐廳，你會有咩心水選擇呢？我同大多數人一樣都會揀海南雞， 呢度就叫做“文華海南雞飯”，由於係個set，因此仲有飲品。而我就試試熱嘅“有機蘋果茶”吧，見到加配食物好平，就要咗份“黑醬油炒蘿蔔糕”。雞好滑，而且份量都算多，仲有正宗三個醬汁跟，黑豉油，蒜蓉及辣醬；蘋果茶係茶包茶，但都真係飲到蘋果味，幾ok；蘿蔔糕切細件，配黑醬油來炒，又有蛋，好有東南亞風味。另一選擇係新出的"芽籠黑醬油海鮮福建麵"，海鲜有两大隻蝦，又有好多魷魚同埋加入咗啲豬油渣，非常之香口同埋好有特色，今日嘢飲就要個地道啲的“熱錫蘭奶茶”，當然唔會差，加配的甜品“雙球椰子雪糕” 好正吖，好香濃椰子味，上面又洒咗d可可粉，非常之可口。

今日我哋去咗Airside食chatterbox cafe ，呢度環境好闊落，有卡位又有門口位，啱晒放狗人士或者其他帶住寵物嘅朋友仔我哋下午三點去到，當時可以同時揀午餐或者下午茶，因為好肚餓，所以我哋最後揀咗午餐，一見到招牌大蝦喇沙$178 ，就已經即刻想揀佢，通常喇沙都係好辣，但佢個喇沙唔算好辣，唔食辣嘅我都可以成碗食晒，上面仲有五隻大蝦，隻隻蝦都有蝦膏，而且係接近手掌咁大嘅大蝦最後小食加配$25有兩球椰子雪糕，椰子味好香濃，好重椰子味，出邊用呢個價錢一定食唔到！必食！另外套餐係可以加配飲品，我哋叫咗兩杯特飲涼粉日本紅豆冰 同埋 雪糕日本紅豆冰兩杯飲品都唔會太甜，而且雪糕仲係椰子味夏日炎炎飲兩杯凍冰冰嘅特飲真係好舒服呢個商場而家做緊優惠，用滙豐信用卡仲可以有15% 折扣，咁啱我哋去就係平日可以用到呢個優惠，正呀

今日我哋去咗啟德新商場airside食好出名嘅來自星加坡海南雞食店Chatterbox cafe我哋叫咗個午餐set 必點嘅文華海南雞飯$138，仲可以加$10升級去雞髀，一定要加！啖啖肉全部都係滑雞髀，而油飯好香，呢個頭銜真係抵比👍🏻👍🏻仲有埋湯，而佢嘅靈魂海南嘅醬汁，亦都特別好食另外我哋仲點左一份沙嗲串燒，豬肉、牛肉、雞肉各兩串，佢個花生醬汁真係要粗粒花生醬，好濃又夠甜而且當日我哋同埋小朋友一齊去，餐廳仲有提供兒童餐具，小朋友都可以一齊食得好開心，而且呢間餐廳地鐵站一出上電梯就到，地點好便利！

新加坡過江龍的餐廳，裝修以園林風為主，充滿東南亞風格，感覺很放鬆、忘憂。另外還有套餐，包括了小食、主菜、飲品等。文華海南雞飯招牌菜之海南雞飯，雞件蠻多，雞皮油光，肥美。雞肉已去骨，肉質滑嫩，帶雞香味，旁邊有三款醬汁，黑醬油、薑蓉及辣醬，可供客人配搭。油飯帶有雞油香，粒粒分明，不算油膩；還有一碗雞湯，滋潤喉嚨。雞肉沙嗲一共6串，燒得很香口，沾上沙嗲醬，味道更加惹味。美祿恐龍這一杯來自馬拉、星加坡的美祿加上大量美祿粉末及脆脆鋪面的飲品。美祿有奶香，味道濃郁，亦不會因溝太多水而沖淡了味道。

自從試過呢間餐廳的海南雞飯同埋肉骨茶之後，已經覺得好食。自己的性格食慣左就一直食同一款，今次下定決心試試新菜式！都真係無失望喎！上次已經想試，今次真係叫呢個「星洲海鮮炒貴刁」（$128），有2粒大大粒又厚身的帶子，仲有2隻大鮮蝦！食落去個炒貴刁味道咸咸甜甜的，有d似豉油王的味道，但加少少甜味，貴刁的質感好似河粉，但較厚身同粗少少，所以食落口感會豐富d，再加上佢用臘腸、蛋、蔥等炒，令到個味道更多層次。另外決定試下個咖喱豬肋骨煲配白飯及香脆簿餅（$142），個咖喱值得一讚，好惹味，可以送到幾碗飯，除左豬肋骨之外，佢的配菜有薯仔、茄子同埋秋葵，好入味，另外配塊簿餅，好適合配咖喱，劃龍點睛。

Chatterbox Café (AIRSIDE)地址 : 九龍城啟德協調道2號AIRSIDE B1樓B114號舖Chatterbox開業於新加坡文華大酒店，在香港也有幾間分店，最出名就係得獎的文華海南雞飯，今日終於有機會試試。⭐️文華海南雞半隻，當然要試下呢度既皇牌招牌菜，差不多每枱都必點，雞份量好多，皮爽，肉質嫩滑，連雞胸也不會鞋，無骨，皮與肉之間有一層淡黄色啫喱，食落淡淡肉，醬汁有三款，黑醬油、姜蓉和辣醬，各有千秋，點了更加惹味，絕對是一道令人垂涎三尺的經典美食，絕對值得一試！ ⭐️海鮮滑蛋河粉，海鮮有大蝦，帶子，螺片等，搭配蔬菜，菇類，河粉比平常的濶，爽又滑，吸收了美味的醬汁，帶來豐富的口感層次，整道菜色香味俱佳，令人食指大動。⭐️鹹蛋黃雞翼，熱辣辣，鹹蛋黃香濃幼滑，雞翼外皮酥脆，內部肉質嫩滑多汁，鹹香蛋黃醬包裹著整隻雞翼，香氣四溢，滋味無窮。餐廳面積很大，寬敞舒適，裝修雅緻，員工服務有禮，食物水準很高，果然名不虛傳，值得再訪！