Chatterbox Express

營業中

休息中

人大了，生日都想平凡一點過🥰， 老公今次帶我到太古一間以星加坡口味為主既餐廳食🤤。 簡直係我至愛。（5⭐️最高）星洲海南炸豬扒飯（5⭐️）甜甜酸酸嘅汁配上炸豬扒， 滋味十足， 而且飯量都可以滿足一人份量👍🏻。 而且配菜則有多款蔬菜， 如蕃茄、青瓜、洋蔥等。好健康😘招牌二食（迷你海南雞飯、擔擔湯麵）（5⭐️）一次過可以食晒兩種特色食物、海南雞🐤用油飯做底，而且雞肉好嫩滑。擔擔面嘅花生醬，亦都好吸引，食落一啲都唔辣🥰。 配有三色海南雞專用醬及豆腐湯。好似去左星加坡食甘😝。 炸素春卷（5⭐️）已雜菜、蘿蔔絲、青瓜絲、為主的春卷好適合素食者食用😙。牛肉沙嗲串（5⭐️） 牛肉一啲都唔硬，而且沙嗲醬好滋味，亦都唔太辣😍。

難得去開太古城，今晚就去左Chatterbox Express，剛巧呢排餐廳出咗新米芝蓮推介既菜式，於是點左黎試下： 招牌兩食·迷你麻婆豆腐丼＆迷利擔擔麵（$98）：套餐包一罐汽水、咖啡或茶，兩者都有少少辣，但好惹味，擔擔麵湯頭濃郁，麵條亦有掛汁，整體不錯。雖然寫係迷利，但豆腐丼都有一碗飯既份量，愈食愈惹味。 另外仲叫左招牌既文華海南雞飯（$102）：一碟海南雞都有大概9件雞件，仲包一碗豆腐湯，海南雞除左雞肉嫩，最緊要係醬汁，加埋油飯整體感覺不錯。 咸蛋王雞翼（原價$58，套餐加購價$48）：一碟有4隻雞翼連翼尖，咸蛋王好足料，每隻雞翼外層都包裹住大量咸蛋，雞翼亦炸得香脆可口， 餐廳不用加一，埋單共$248

知道有呢個名銜，見價錢又唔貴，一於試一試佢。咖喱豬肋骨煲配白飯給香脆薄餅（$112）：朋友唔食得辣，呢個咖喱唔係好辣啱晒佢。豬肋骨大大嚿，有四舊左右。肉質唔會太林，仲keep到彈性，骨肉之間嘅部份肉質爽口。呢個煲仲有秋葵，茄子同埋迷你薯仔喺入邊 ，好豐富。期間限定-招牌2食（$98）： 迷你擔擔湯麵：香濃嘅花生擔擔湯底帶少少辣味，加上醃得夠味既肉末同湯麵一齊食，好夾。入邊仲有兩條菜，中和返油膩感。迷你文華海南雞飯（加$10）：迷你版都有六嚿雞件。雞件唔算多脂肪，雞肉嫩滑。冇加到太多嘅調味料，反而仲更加食得出雞嘅鮮味。日式四川辣子雞（招牌2食套餐加配價$28）：雞粒炸得香脆。唔覺唔覺食晒成碟。四季柑檸檬薄荷梳打（招牌2食套餐飲品升級價$12）：味道酸酸甜甜，加上爽口嘅梳打口感，有消滯嘅感覺。

Chatterbox Express餐廳位於港島太古太裕路7號建安閣地下.餐廳裝修簡約以木係為主調,環境光猛乾淨衛生,枱與枱之間都算寬闊,餐廳主打星加坡菜,以海南雞飯最出名,還有肉骨茶,貴刁和喇沙供客人選擇,餐廳以自助形式購票,服務員好快將食物送到客人枱前.服務員招呼到位。文華海南雞飯$102升級至雞髀十$10升級至套餐十$8餐飲熱咖啡海南雞真的很嫩滑,配有薑蓉,辣椒醬和醬油,還有一碗豆腐湯,咖啡香爐順滑。招牌二食套餐$98迷你麻婆豆腐,少辣,豆腐入口嫩滑.肉碎份量都不少,夠入味。迷你擔擔拌麵,微辣,每條擔擔麵都掛滿肉碎和醬汁,麵身軟硬適中。餐飲配有機茶,茶味香濃。套餐十$16素炸春卷熱辣辣的素炸春卷,入口香脆。套餐十$19椰子雪糕椰子雪糕入口香濃,食落有椰絲嘅口感。

突然想食星馬菜，尤其係班蘭蛋糕，平日下午茶時間經開附近，就諗起呢間嚟嚟自新加坡文華大酒店嘅海南雞餐廳品牌文華海南雞飯 $112轉雞脾$10係呢度嘅招牌菜，嚟趁都會點，想啖啖肉就轉雞脾，嫩滑無骨雞肉迷你招牌雞肉喇沙 $54因為要留肚食甜品，所以點咗迷你喇沙鮮班蘭蛋糕伴椰子雪糕 $74超軟熟蛋糕，班蘭特別香，配有椰糖，味道天然，唔會甜到漏，連平時盡量走糖嘅我，都差唔多清哂，有椰肉嘅椰子雪糕，呢個配搭太正了！

今日收工後喺太古城附近，搵吓有咩好食，發覺原來呢度都有Chatterbox嘅分店，係express。比普通Chatterbox分店環境冇咁好啊，落單係自助形式，但係價錢平好多。試咗啲食物質素一樣keep到，叫咗個海南雞飯，海南雞依然好滑，油飯好好味。另外試咗佢一個新米芝連餐牌，入邊有個雙拼，平咗一個淡淡面同埋迷你版嘅海南雞飯，兩樣都好食。另外仲可以加配小食同埋甜品，我哋就加咗一個鹹蛋黃雞翼，鹹蛋味超重，食得好過引。環境方面有少少快餐店嘅模式，但係一樣有人拎個餐上嚟枱嗰度，唔使自己去拎。

新加坡過江龍嘅Chatterbox係港島開左分店，就打算來試試這間分店採用快餐店自助形式，自己搵位，然後去counter落單，或者可以透過掃描餐桌上嘅QR Code手機落單但係自助區好多嘢都冇，碗餐具又擺得唔夠，水又要問佢攞😐文華海南雞飯（$112）比想像中無咁出色 雞滑但無雞味🙁 普普通通 同其他外賣海南雞店不相伯仲個飯都乾身嘅—𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: no💳 𝗉𝗋𝗂𝖼𝖾 $120 𝗉𝗉🌟 𝗈𝗏𝖾𝗋𝖺𝗅𝗅 6/10📍 Chatterbox Express太古太裕路7號建安閣地下G515號舖—𝖿𝗈𝗅𝗅𝗈𝗐 @𝗈𝖺𝗍𝗌𝗇𝗐𝖺𝖿𝖿𝗅𝖾𝗌 𝖿𝗈𝗋 𝗆𝗈𝗋𝖾!

中午時段忙得不可開交午飯也沒有吃，等到下午茶時段完成手上的工作便來品嚐了一道星加坡特色美食-海南雞喇沙，這絕對是一個讓人難以忘懷的滋味。海南雞的雞肉鮮嫩多汁，每一口咬下去都能品嚐到雞肉的鮮美和柔軟口感。而喇沙湯則是配合海南雞的絕佳伴侶，湯底鮮香濃郁，擁有豐富的香料和椰奶的香甜味道。它的辣味和酸味均勻分佈，營造出一種讓人著迷的滋味。喇沙湯中配有豐富的配料，每一口都帶來不同的層次和口感，讓人愛不釋口。這道海南雞喇沙還有一個亮點-配搭的面條。綿軟順滑的面條完美吸附了湯底的滋味，每一撮都能帶來濃郁的口感。面條與海南雞、喇沙湯的結合，創造了一個平衡且美味的味覺體驗。總的來說，星加坡海南雞喇沙絕對是一道值得品嚐的美食。它融合了各種香料和配料，帶來令人驚艷的滋味和口感。無論是香辣愛好者還是尋找新鮮口味的人，都會對這道菜讚不絕口。

太古城呢間出曬名嘅海南雞飯-chatterbox express 已經唔係第一次食。除咗海南雞之外，呢度嘅星洲炒貴刁都係我的最愛之一！星洲炒貴刁$108, 上檯熱度十足，貴刁口感豐點彈性唔黏口。炒貴加入海鮮、 臘腸等配料相當有風味。 配一杯冰凍嘅美美祿恐龍就最夾！小食同甜品同樣出色！炸素春卷＄32，脆度十足！牛肉沙嗲串燒 ＄68，牛肉帶點焦香，肉質腍滑。甜品必點椰子雪糕咖央三文治＄32，烘熱嘅餐包非常軟熟夾起椰子雪糕，啖啖滋味。

喺太古呢一度想搵到好嘢食，除咗可以去AEON、太古城同埋康怡廣場之外，其實環繞着仲有高質嘅地下舖頭，仲要部份餐廳做到內外兼備。🥰坐得舒服，食得安心。 呢次我推介一間做到快狠準仲要味到超水平嘅東南亞餐廳。😚文華海南雞飯— 🐔食東南亞嘢點少得出晒名嘅海南雞飯，主打嘅就係無骨，而且肉質鮮嫩，🐔再配合埋三款正宗海南雞嘅醬（辣椒蒜蓉，薑蔥，黑豉油）， 款款滋味。🐔當然食得正宗海南雞當然要配埋佢哋嘅雞油飯。🐥真係粒粒金黃色，而且整體偏乾身，咁就唔會黐住一舊。 份量來講都算係一人夠飽有突🐥咖喱豬肋骨煲配白飯及香脆薄餅— 🍛呢一款咖喱就偏向似泰國馬莎文咖喱，濃郁度都控制得相當出色，🍛奶香同辣度都分別有少少，咁就唔會搶咗豬肋骨嘅味道。🍛至於原條豬肋骨除咗肉燉得相當柔軟之外，狀態有少少筋，🐽肉質飽滿之餘，仲有啲韌勁，至於個香脆薄片就口感十足🍛美祿恐龍— 🦖除咗奶茶同咖啡之外，原來美祿恐龍都係東南亞嘅一杯特飲，🥤喺原有嘅美祿上面再放上美祿波波同埋美祿粉🦖夠晒香濃，又唔太甜，重拾童年回憶🥤Chatterbox Express (太古)太古太裕路7號建安閣地下G515號舖

朋友嚟太古搵我食晏，問我有乜好推介。記得友人愛吃海南雞，所以就專登帶咗佢嚟呢間「Chatterbox Café」嘅快餐副線食個 late lunch。嚟到剛好過了午市繁忙時間，店內食客不多，可以隨意自選座位。餐廳裝潢時尚，環境光猛，座位寬敞舒適，十分適合打卡。我哋點咗兩個套餐：文華海南雞飯 ($112) 同 新加坡肉骨茶麵線 ($112)。加咗 $10 將海南雞升級轉做雞髀。雞肉用慢煮方式烹調，肉質嫩滑又多汁，加上已經全部去晒骨，啖啖肉，食得好方便。附上嘅黑醬油、薑蓉同辣椒醬亦唔輸蝕，各具特色，令雞件食味提升不少！油飯夠香又唔肥膩，配上以豆腐及椰菜絲烹調嘅雞湯，好滋味。另外呢客肉骨茶麵線，水準亦唔錯，肉骨茶醇香厚實，帶濃郁白胡椒香氣，麵線掛滿湯汁，更添層次。一字骨軟腍入味，而其他配料就仲有豆卜同金菇，加上香脆嘅油條，吃得非常飽足。跟餐飲品點咗罐汽水 同 凍涼粉豆漿 (+$16)，豆漿好飲有豆味，涼粉滑嘟嘟，同豆漿好夾。

呢間餐廳叫做Chatterbox Express，我試咗佢哋嘅文華海南雞飯、Milo恐龍同埋檸檬薏米水，感覺真係好好味！首先講下文華海南雞飯嘅部分。啲雞肉好滑好嫩，一咬就落口，好入味又唔會太油太膩。飯粒好飽滿，仲有啲雞油同花生醬嘅香味，令味道更加豐富。配菜方面，啲青瓜同埋醃姜都好清新，啲醬汁就唔會太咸，啲酸梅醬又帶啲微微甜味，同啲雞飯一齊食真係好開胃！再嚟講下啲飲品啦，Milo恐龍係一杯好好飲嘅飲品，有啲濃郁嘅朱古力味同啲鮮奶味，再加上啲恐龍脆脆嘅，飲落去好好味，又唔會太甜。啲Milo味道好濃郁，一飲就有種幸福感。最後講下檸檬薏米水。啲薏米好滑好爽口，啲檸檬汁又帶啲微微酸味，整杯飲品都好清新。而且啲薏米又有幫助排毒同埋美白嘅功效，飲完之後感覺好健康！總括黎講，Chatterbox Express嘅文華海南雞飯好滑好入味，Milo恐龍好特別好可愛，檸檬薏米水好清新好健康，真係一間值得推介嘅餐廳！如果你鍾意海南雞飯，一定要嚟呢到試下啦！

今日收工今晚想食下啲重口味嘅嘢，膽粗粗同朋友一齊過咗去太古搵吓好嘢食，意外發現咗一間新加坡過江龍，地點都算易搵，價錢又唔貴㗎～喺太古站大概行5分鐘左右就已經會到，門口非常光猛好易認，俾人一種好warm嘅感覺入到去店內環境好舒適，燈光光線十分充足，店員亦都勤於清潔，所以坐得非常舒服文華海南雞飯作為呢間餐廳嘅招牌菜，海南雞肉質鮮嫩，咬落口非常質感細滑，重點係餐廳好貼心幫我哋去咗骨，所以十分方便實用；附贈的蔬菜雞湯味道濃郁，配料亦很足夠；油飯的油香和雞香味十足，並不會過分油膩。新加坡肉骨茶麵線肉骨茶的精髓在乎於湯底，餐廳的湯底有濃烈的胡椒味，藥材味不會過分濃烈所以容易入口，飲完之後成個人都好似即刻暖左一下咁樣啦; 配料都好足夠㗎，肉骨充足，並且每一嚿都非常綿，直頭好似化骨綿掌咁樣；入面嘅豆卜金針菇同埋油炸鬼非常入味，值得一讚🫶🏻🫶🏻凍美祿哥斯拉千祈唔好以為呢杯只係平平無奇嘅美祿，上面加咗好好味嘅雲呢拿雪糕，同埋朱古力脆脆波波，三重口感加埋一齊甜，到入心入肺🥰🥰凍四季柑汁呢杯飲品，簡直係我嘅私心推介，酸甜嘅比例啱啱好，飲落去之後好開胃，亦都有少少似我哋嘅鹹柑桔，飲完之後喉嚨好舒服

高質。快餐。新加坡海南雞飯兩人滋味套餐❇️小食（鹹蛋黃雞翼四隻)🌀雞翼位置為中翼和翼尖，外層有脆口既鹹蛋黃，味道香濃，非常邪惡😝 ❇️主菜一：文華海南雞飯🌀店舖的招牌菜，份量適量，雞肉滑嫩，雞味濃郁，雞皮不厚，再配上自家製醬料：黑醬油、薑蓉、辣椒醬，很美味👍 同埋仲有好香既雞油飯+雞湯，海南雞控🩵❇️主菜二：炸豬扒喇沙🌀配料有豆卜、芽菜、魚片、雞蛋，炸豬扒另上，不會浸淋，所以豬扒好香脆，非常貼心👏🏻湯底惹味而不會太鹹。❇️甜品：斑蘭蛋糕配椰子雪糕🌀蛋糕鬆軟綿密，帶有淡淡斑蘭香味，不會太甜，岩曬鐘意低糖既朋友，另外仲配上椰糖同椰子味雪糕，食完滿口都充斥住椰子香味，口感具層次👍 ❇️飲品：錫蘭奶茶🌀味道正常，不過不失。

海南雞飯，賣相跟相一樣，先講油飯,用雞油加蒜頭一齊煮成，好香，飯軟硬程度適中，至於雞係無骨，肉好滑身，啖啖肉亦有青肉伴碟，同時有三款醬油，黑豉油同辣醬撈落飯度食好正😍。另外仲有雞湯入面有豆腐及菜絲，清清地，可以解膩好幫手。新加坡肉骨茶配麵-胡椒味重，有一字排、金菇、豆卜，另上油炸鬼，先講一字排，肉質鮮嫩，加小小辣椒豉油好正，豆卜入味，油炸鬼好新鮮，麵線幼身滑溜，絕對係好配搭檸檬薏米水-清涼解渴又順喉，薏米口感好，健康又可口熱幼茶-茶香好滑👍🏻椰子雪糕-非常香嘅椰子味，只加19蚊，飯後甜品算不錯整體2款都好好味，下次可試😍