Chatterbox Express

營業中

休息中

新加坡人氣過江龍海南雞飯！新加坡文華大酒店的Catterbox以文華海南雞飯成為人氣名物❤️呢間Chatterbox Express係快餐version，餐廳裝潢簡單光猛，可以用QR code或者到收銀落單，然後店員會送餐到座位上，好方便👍文華海南雞飯 $112套餐包括有機茶 (紅樹茶/蘋果茶/雜莓茶)海南雞份量頗多，分別有雞胸同雞脾。雞肉嫩滑多汁，皮薄爽滑，雞味濃郁且已經去骨，方便享用；附送的雞清湯配有豆腐同椰菜絲，味道濃郁；油飯以濃雞湯及香料烹煮，份外香濃但唔會覺得肥膩；另外三色醬的黑醬油、薑蓉及辣椒醬蘸雞件同食，非常滋味！咖哩豬肋骨煲配白飯及香脆薄餅 $122套餐包括錫蘭奶茶一個煲仔盛載著豬肋骨份量足夠，炆得夠淋又入味，而配料都好豐富，有茄子、秋葵同薯仔粒，全部都索晒咖哩汁，好鬼正☺️咖喱香味撲鼻，味道香濃帶點微辣，好適合下飯，薄餅炸得好酥脆，薄餅蘸咖哩汁同食，好惹味！椰子雪糕 +$19凡惠顧左一個套餐，就可以用優惠加配小食、時蔬或甜品各一客🤗我就加左個椰子雪糕黎食🤩椰子味非常濃郁，味道清香天然，椰子雪糕口感綿密扎實，仲加入左椰絲增加口感，食落更滿足。

勁掛住新加坡個斑斕蛋糕，次次去新加坡都會買幾個做手信，見到呢間有就去食下。斑斕蛋糕配椰子雪糕班蘭蛋糕鬆軟可口，用咗新鮮班蘭葉去整蛋糕，斑斕味道芳香撲鼻，蛋糕味道不會太甜，椰子雪糕椰子味道濃郁，加上椰糖味道更上一層樓。凍美淥恐龍美祿味道濃郁，淡淡可可味，加上朱古力脆脆喺面頭，飲落有口感。文華海南雞飯我哋轉左雞髀，海南雞入口嫩滑，雞皮爽口彈牙，加上醬汁配搭10分惹味。炸素春卷春卷炸到脆卜卜，入邊包住蔬菜，再點上泰式辣醬，10分脆口美味。

早前已在K11食過呢間＜新加坡文華酒店＞的過江龍東南亞菜。今日見太古都開左間Chatterbox express，一於入去再回味一下。人氣海南雞真是名不虛傳，經上湯浸煮皮爽 、雞肉嫩滑且富彈性。油飯用獨特香料炮製香味十足。每日鮮打的薑蓉及特制的豉油，用嚟點雞件同吃更添美味。湯底有好多配料，味道夠晒正宗， 有大蝦、 魚片頭、 豆卜、芽菜 及 雞蛋等……湯頭是叻沙的美味靈魂，一碗兼具甜、鹹且微辣的濃濃南洋味湯麵，大大刺激夏天不振的食慾。最後，喝一杯蘋果茶和豆漿涼粉冰 ，解渴又怡神。

之前成日行musea都見到呢間專食海南雞飯嘅Chatterbox Cafe，賣相吸引有質素太古呢間係快餐version，一樣都有高質海南雞飯🐥🐥文華海南雞飯💰$112雖然唔係雞髀位，但肉質都算滑，點埋三款醬汁，同雞油飯一齊食夠油夠晒好食🍜新加坡肉骨茶麵線💰$112平時都鐘意肉骨茶，有少少藥材味，好滋補咁，呢到嘅唔會太濃烈，都好易入口，襯熱飲最正，麵線好滑好鐘意！全部都食晒飲晒！🥤凍美祿恐龍💰$38/ +$16小朋友實鐘意飲，美祿唔稀仲有好多美祿粉，發覺浸住食美祿波波化好食🍋熱檸檬薏米水💰$30/ +$8有益健康，清甜滋潤🚩Chatterbox Express (太古)📍太古太裕路7號建安閣地下G515號舖

Chatterbox Express - 在太古城中心的快餐店。我們享用了海南雞飯味道不錯但沒有太大驚喜。比較特別的是他們的餐廳裝潢十分現代化，讓人感到放鬆和舒適。海南雞飯好出名 - 這家餐廳提供正宗的海南雞飯，是當地非常受歡迎的商標之一。我們品嚐了一碗勁正的海南雞飯，肉質軟嫩，口感美妙，連醬料都很好吃。強烈推薦給喜愛雞飯的朋友。餐廳新潮 - 餐廳佈置時尚現代，氣氛很舒適。價格有些貴，但環境和味道是值得一試的。美錄哥斯拉湯飲品，這杯上面擺滿了冰塊，雪糕和朱古力球等配料。我的朋友點了炒河粉，黑醬油的味道非常正宗。總而言之，這家餐廳提供各種豐富的美食選擇，味道也很美味，很值得一試。

一向對海南雞飯好有要求嘅朋友介紹我試呢間位於太古城嘅chatterbox express. 嚟到呢度，首選當然係文華海南雞飯($112), 無骨海南雞金黃油潤，肉質超級嫩滑，配上三款醬料，我就最鐘意沾點薑蓉。香飯粒粒都充滿油香，單係食個飯已經好好味。星洲炒貴刁($108)炒貴刁上檯時熱烘烘，襯熱食就最正，蝦肉夠新鮮，整體調味剛剛好，油份亦不會過高。 呢度嘅甜品同樣出色，椰子雪糕咖央三文治($32)椰子雪糕同咖央三文治一拍即合！

😉椰子雪糕咖咉三文治，為咗佢我必定會叫的甜點，留肚都要食佢，雪糕加上咖咉三文治美味到一個點呀！😉文華海南雞飯，係依度嘅皇牌，當然係必叫之選，雞肉嫩滑無骨，雞皮爽口晶凝，真係齒頰留香喔。😉海鮮炒貴刁，好有鑊氣，我鐘意佢嘅貴刁，夠質感，吸收晒海鮮嘅精華，而且個醬汁好香濃，好嘢味，真係包你食過一定會返尋味呀！！😉錫蘭奶茶，香滑加上錫蘭嘅獨有味道，正呀😉熱豆漿，豆香味撲鼻下次再嚟食過，sooooo yummy 😋

海南雞飯嘅表表者！ 我一定係推介Chatterbox. 一間係我食完會再食同再食嘅餐廳！太古分店係輕鬆食雞飯首選！同之前一樣，第一件事必點最出名嘅文華海南雞飯! 雞肉食左咁多次都仲係好保持到水準！鮮嫩稚滑！最最鍾意❤️！個油飯又係不得了！唔會太油膩同時又可以做到粒粒分明！星州海南炸豬扒配香米飯雖然個豬扒炸左，但係都無影響個肉質！同樣出色！ 美祿哥斯拉 大家知唔知 美祿哥斯拉 同 美祿恐龍🦖 嘅分別？ 就係哥斯拉有雪糕😂 椰糖咖啡☕️就是美味🥰

寫字樓落去周邊最近太古城屋苑海南雞飯，叫左個文華海南雞飯 $112.名就好似好勁。冇加一服務，去counter排隊比錢，坐低放電子感應，做好就會有人自動送上餐，包一杯飲品。上枱一set好靚整齊，可惜食落海南雞冇味道，3款沾醬亦唔好食，海南雞橙色醬偏淡味道，薑蓉連咸味都冇。飯是暖，湯唔熱。唉～……去食太興切雞飯好過。飲品叫咗即磨咖啡，咖啡非常劣質。 揀無可揀，也不要去。坐位坐得唔舒服，快餐店形式，枱與枱之間坐得近， 感覺侷促。

🐔呢日咁啱去太古城搵朋友，佢帶我嚟呢間chatterbox express 食個late lunch, 原來佢係星加坡過江龍chatter box 嘅快餐版，價錢更抵更方便快捷，啱哂返工食晏同外賣喎！ 我食過新加坡同尖沙咀嘅chatterbox cafe, 所以都好好奇呢個快餐version質素如何！🐔餐廳佈置整體簡簡單單但好光猛，食物係可以QR code 點單，好鬼方便！ 服務員會幫忙直接送餐到座位上。我哋咁啱到咗下午茶時間，所以除咗點個招牌- 海南雞飯套餐之外，另外點咗佢個下午茶餐迷你海鮮喇沙，加配咗個黑醬油炒蘿蔔糕，咸蛋黃雞翼，跟餐仲有飲品咖啡同茶！ 🐔首先個海南雞真係唔錯，加咗10蚊升級要肶，肉質鮮嫩，都幾滑，配埋個雞油飯同特制醬汁薑蓉，正👍🐔個喇沙湯底好香濃，少少辣，真係好好食，不過因為係下午茶餐迷你版所以份量會細啲，有啲唔夠喉😜下次要點返個正常portion 先😋🐔加配嘅咸蛋雞翼包滿好香嘅咸蛋黃，必食！ 另外嗰個炒蘿蔔糕都好香口足料，份量都唔少，抵食！🐔整體質素都算唔錯，性價比高，睇餐牌仲有好多好吸引嘅小食同肉骨茶，下次一定要嚟試埋肉骨茶！

平時嚟Chatterbox通常會食招牌海南雞同埋喇沙，今日我哋點咗餐牌上其他主食同甜品，同樣值得一試。📯新加玻肉骨茶配白飯好開心見到好耐都無食過炸到脆卜卜嘅油炸鬼。香港食肉骨茶都未必配比你，又或者細細粒都放到已經唔脆。肉骨茶入面嘅肉保持到腍身，唔會浸到太韌。食完暖心又暖胃。📯星洲海鮮炒貴叼3隻大蝦🍤好爽口，用上微辣參巴醬，再加埋蠟腸同埋魚片，雖然無可避免地有少少油，不過食落係好香口。📯椰子雪糕咖央三文治椰子雪糕食落有椰絲，用餐包仔夾住雪糕，塗上咖央醬，賣相非常精美。跟餐加配有機蘋果茶，可以幫助消化😌🐻‍❄️評分：🐻‍❄️🐻‍❄️🐻‍❄️🐻‍❄️4.5/5🗺️ 地址：太古太裕路7號建安閣地下G515號舖#chatterboxexpress #taikoo #hkfood #fastfoodfriday #finefoodbear #foodinhk #singaporefood

平日去開太古城學整麵包都會搵下附近有咩食當我覓食嘅途中比我搵到呢間由新加坡文華酒店係香港開設嘅Chatterbox Express今日決定同我媽兩個自私食同沿路嘅餐廳比Chatterbox Express就好似係漆黑中嘅一盞明燈🌟裝修乾淨利落以綠白黃為主，一入到餐廳已經聞到好香椰子味黎到無理由唔試招牌菜 - 文華海南雞飯 ＋16蚊要左我最愛嘅美祿恐龍媽咪就要左新加坡肉骨茶配白飯＋8蚊要熱檸檬薏米水文華海南雞用50分鐘慢煮，雞肉非常嫩滑可以配辣椒醬，薑蓉同黑醬油一齊食平時對雞皮十分抗拒但今日例外因為皮薄見唔到肥膏👍🏻 油飯由雞湯，雞油及蒜頭煮成粒粒分明，正🤤生菜豆腐湯加乾蔥令味道更惹味，但略嫌唔夠熱平時嘅美祿恐龍係面頭好多美祿粉，呢到係美祿粉再加美祿波波，又多左一份脆脆嘅口感重點係唔太甜！我like🤩新加坡肉骨茶都係以白胡椒湯底加蒜頭煮成一上檯已經聞到好香胡椒味，一字骨唔會太肥唔駛點甜豉油都好夠味媽咪大讚杯檸檬薏米水好足料Kaya Toast又係我最愛🤣Kaya Toast加椰子雪糕唔係唔試嘛椰子雪糕好Creamy食到有椰絲，加埋斑蘭Kaya，同烘到脆脆嘅牛油麵包Prefect Matc

今日再嚟到太古城做嘢 記得上次嚟太古城食過呢間Chatterbox Express 嘅海南雞飯 對佢念念不忘 所以就算得我一個都要嚟再食過 喜歡佢呢度嘅簡潔裝修同有禮貌嘅店員 令我坐得同食得都好舒服 今次當然繼續encore 海南雞飯啦 同樣都係皮脆肉嫩 加埋三款醬料同埋雞油飯 真係越食越滋味 雖然係雞油飯但一啲都唔肥膩 只係有好香嘅雞油香 仲有碗豆腐雞湯 豆腐夠滑又有豆香 好味👍🏻飲品我叫咗凍鮮磨咖啡 濃郁嘅咖啡香味又夠凍 透心涼 最後仲要埋飯後甜品—椰子雪糕 諗唔到咁好食 每一啖都有椰絲椰肉 又冇冰粒 唔似出面嘅椰子雪糕 令我有驚喜 大家嚟開太古城做嘢或shopping 可以嚟一試 會令你回味無窮

簡單約友人到佢公司附近食個晚餐，佢提議這間食海南雞飯，近佢公司加上食物好食再加上有位😂 OK就這間。搶眼的顏色配搭，用上鮮黃配上墨綠色，還有大大隻雞logo。•必食海南雞飯 $112 升級雞脾+$10來到這餐廳冇理由不點海南雞飯吧😂 肥美的海南雞(但不會太肥)，雞肉嫩滑入味，份量十足，滿碟的雞件。點上不同的醬汁，每啖不同的口味，油飯充斥著油香，粒粒分明，不會過膩，軟硬度剛好。每次來都會點來吃😛•沙嗲串燒拼盤 $86 點了一碟share食雞肉串豬肉串和牛肉串各兩件。豬肉串少少偏韌偏乾身，雞肉串中規中矩合枱以上，牛肉串最入味深得我心! •凍美祿恐龍 set meal +$16 (原價$38)點了邪惡的凍美祿恐龍 邪惡的永遠好食😂 朱古力味濃 配上冰凍的雪糕 再加上朱古力脆脆 多重層次和口感濃得來不會太甜 好飲！環境乾淨舒服，地點就腳，食下食下變我地食堂😂 •As usual, menu for ref : )

星期五晚約老公出外逛逛食個飯，諗起好想食海南雞飯，太古城內太古公園附近揾到《Chatterbox Express》。餐廳來至新加坡，新加坡獨有嘅肉骨茶都係呢度嘅名菜，見到隔離枱食喇沙都舐舐脷。地方簡潔，檯面QR code手機落單，信用卡畀錢好方便，出櫃檯八達通現金付款也可，落單之後就會有店員幫忙上菜。文華海南雞飯~賣相好吸引，海南雞飯一定配有幾款醬料，海南雞飯甜豉油，薑油及辣椒醬，雞油飯係我嘅至愛，雞湯入口清甜，有一件好香滑嘅豆腐；海南雞件件嫩滑，忍唔住都食咗一兩塊雞皮。新加坡肉骨茶配飯~呢度嘅肉骨茶味道唔會太濃，採用整個蒜頭，香濃蒜味，一字排炆得好淋，仲有兩件油炸鬼，索滿湯食。美祿哥斯拉(凍)~朱古力凍飲加球雲呢拿雪糕，仲有粒粒朱古力脆脆，呢個甜品好受大家歡迎。有機茶(熱)~公平貿易嘅香茶。