Chef Nathan Cafe

營業中

休息中

今日來到天水圍Chef Nathan Cafe!客人好多，等位都等得比較耐！餐牌相片除咗有西餐，還有港式常餐，all day Breakfast😆🔹黑椒汁牛脷焗意粉可以選洋蔥汁或者黑椒汁，份量都幾大！汁好多，芝士份量都唔少！有5塊牛脷都大大塊👍🏻焗意粉最忌時間過長，意粉會變得又乾又硬，今次時間剛剛好，味道不錯！🔹焗豬扒意粉味道穩穩陣陣！豬扒都幾大塊！每份西餐還配上一杯飲品👍🏻整體OK不過不失職員笑容較少，語氣比較趕急，可能太忙吧因為始終人流都多，長期有人等位😅

今晚無煮飯，去了重新裝修的西餐廳。新開就有唔少小棒場客。等咗6張枱先到我哋。坐底係中間梳化位，感覺餐廳乾淨咗，但最唔好都係冷氣口吹住個頭。最後叫咗2個扒餐同1個意粉，食左三份一先醒起影相😂⋯⋯澳洲肉眼扒最唔值，雜扒最豐富，意粉就不過不失，應該無得揀再嚟幫襯了🙈。

餐廳環境：以藍色為主調，有點地中海風，望落去都幾舒服。.呢日係平日下午茶時段過嚟，人流唔多，可以一個人坐卡位，舒舒服服咁慢慢坐都唔怕。食物：午餐同下午茶餐都幾多款式選擇。雖然係下午茶時段，但仍可以揀午餐，我見午餐款式啱我多啲，所以今次揀咗個午餐～雞扒飯配太陽蛋，自選黑椒汁。.隻太陽蛋都煎得幾靚，雞扒煎得個皮有少少脆，肉質都幾淋，另外仲配有少少椰菜，唔錯！.價錢：呢款午餐$46包熱飲，食物質素ok亦坐得舒服，所以呢個價錢都幾抵食

間Café喺屋企附近商場，豬扒雞扒整得特別好食，奶茶好有茶味，所以經常來幫襯。呢個鋪位之前做過好多間餐廳，但冇間好味，每兩三年就換一間，只有呢間做得住，經常滿座，食物亦係最好味。焗鮮茄鴛鴦扒意粉 $58Café廚師整豬扒、雞扒、魚柳好好味，牛扒就一般般。今次點咗焗鮮茄鴛鴦扒意粉，熱辣辣上菜，豬扒雞扒醃得好入味，乾煎之後再焗，外皮香脆，肉質幼嫩，番茄汁和芝士嘅分量都好有誠意。不過意粉就煮過咗少少，口感唔夠。Café嘅食物分量都算幾足，但餐具就令人有啲小尷尬。焗飯、焗意粉用不鏽鋼碟，但隻碟好輕，用刀叉切扒時隻碟會轉嚟轉去，感覺好似喺郊外食農家菜嗰種feel~~奶茶就好好味，茶味濃郁，以Café嚟講算有驚喜。

餐廳裝修左，感覺光猛左，久唔久都會約朋友在呢度食，野食唔算好特別，但比起前身韓小館，係算唔錯！不過侍應姐姐都會落錯單呀，又或者漏左單😅😅呢日去左朋友家食飯慶祝生日，然後就經商場去搭輕鐵，經開呢間餐廳，當時都差不多凌晨12:00，已經見到餐廳門口已放滿麵包，但見餐廳營業時間已過，又無職員在內，即係話呢啲麵包會由12:00放在門口，一直到佢地開鋪即刻令到我對呢間餐廳大打折扣，其實食材放在門口已不衛生，仲要放係度咁多個鐘，米奇小強可以大開party啦😅我已經決定唔會再去呢間食野lu😮‍💨希望佢地可以注重下食物安全！