Chef's Stage Kitchen (愉景新城) (已結業)

放假係愉景新城行街兼搵食，見到依間西餐廳。之前係佢嘅將軍澳分店食過，味道同環境都唔錯，特別係厚切豬鞍扒最難忘，好想再食。所以就決定試吓依間餐廳。餐廳座位闊落，我哋六點幾入座冇乜人，七點後就幾乎坐滿。一坐低，店員就即刻走嚟幫我哋針水，殷勤有禮。餐廳都有好多選擇，有小食，沙律同主食，仲有套餐。我哋主要想再食豬鞍扒。落單後，店員即送來兩款麵包小食，一款卜卜脆，由外脆到內，另一款軟棉棉，點着自家製醬汁，酸酸地夾着香草味，打開胃口。巴馬火腿及蜜瓜配火箭菜 伴黑醋：擺盤好有心思，甜甜嘅蜜瓜夾埋火腿咸香，再伴着黑醋，味道好夾。初榨純橄欖油蒜香白酒煮紐西蘭海鑽蜆扁意粉，個名已經好豐富，大大隻蜆鮮味十足，蒜片炸到甘香，平時蒜片會擺埋一邊，但今次就連蒜片都清埋。意粉微辣，非常野味。炭燒美國天然極黑厚切豬鞍扒，依然冇令我失望。今次配焗薯，薯蓉裡充滿牛油香，又滑又香。厚切豬鞍扒份量十足，外面燒得微脆，內裡仲充滿肉汁，沾上自製醬汁，肉質更顯鮮甜柔軟。飲品鮮奶綠茶和tropical forest, 抺茶香濃。

去完宜家傢俬買野，然後去咗愉景新城睇吓有咩食，閑日去商場冇乜人，連晚市乜都唔使排隊，然後揀咗好多好評的chef’s stage ,環境不錯，有啲似美式裝修餐廳。坐低叫咗個黑松露薯條，但坦白講有啲Hea同普通，純粹買支任何人都買到嘅黑松露沙律醬，然後放少少上去，就賣$88，有啲失望。然後叫咗個德國鹹豬手，中規中矩沒有特別，夠脆夠鹹囉。坦白講，好彩嗰日唔使排隊，唔係嘅話，排完隊食，然後價錢又唔平，質素又冇乜特別，可能會比劣評。

愉景新城是香港著名的親子商場 有很多商店及設施都非常適合小朋友玩樂 今天我也是為了這個原因 午餐就在這裏吃 左挑右選之下 揀了這一間網上評價很高的西餐廳 可能時間尚早所以不用等位 門面採用半開放式的設計 面積不大 坐得有點擠逼的感覺 可能為了製造情調 燈光有點暗 餐牌有中英對照 英文的字體比較大我們四人一共選了四款 其中有驚喜的是鮮蟹肉扁意粉蝦膏蟹膏配忌廉汁 鮮味十足 稍嫌份量偏少煙肉白菌車打芝士通粉 濃香的芝士 配上軟硬適中的通粉 芝士迷一定不可以錯過燒豬肋骨是今日廚師推介 果然沒有失望 分量十足 配上南瓜蓉又香又滑比較差一點的是炭燒澳洲肉眼扒 始終澳洲牛質量較差 唔夠滑口 雖然選了五成熟 口感仍不好 應該是材料問題 套餐另配有飲品 收費不算貴 如果多個選擇 加收少少 配有麵包及餐湯就更完美了

玩左一日 訂咗呢間餐廳主要因為佢夠近同埋因為我訂咗蛋糕而呢一間餐廳嘅切餅費比較平$50🤣🤣見食評佢都有蛋糕其實都好吸引最窩心嘅係佢蛋糕出嚟嘅時候都會播放埋生日歌睇咗佢餐牌set餐有湯有野飲我就叫左3樣嘢先叫左牛扒配鮮薯蓉set個薯蓉好滑牛扒好得🤤🤤🤤再來一個蜆肉意粉蜆肉大大隻冇沙意粉有少少辣最後叫左個薯條 不過因為佢留單 黎既時候都唔記得左影相值得讚嘅係我哋坐左好多都唔信 佢哋都冇吹我哋埋單服務員都好nice

今晚又同爸爸出外吃美食了今晚同爸爸來了愉景新城，呢間餐廳第一次來吃，估唔到咁正，又好味，環境又舒服是晚大約六點半入座，入座時不算太多人，不過一到七點後，而且坐滿了。看過了餐牌再點餐，食物都好快一一送到，份份都熱辣辣，香噴噴。下單後，餐前麵包好快就送到。軟綿綿既麵包，沾埋獨特好味既醬汁，酸酸的，十分開胃，仲有幾條脆餅乾，脆卜卜好好味。我們點了一份炸雞翼，賣相好靚，雞翼大大隻，外皮金黃香脆，中間好多肉，漲卜卜的，味道好滋味又juicy...好惹味。沾埋個蛋黃醬來吃，更為惹味，好濃好豐厚既口感味道，正。另外我仲好鍾意伴碟的秋葵沙律，又清新又好味。墨魚汁鮮帶子海蝦扁意粉，黑漆漆的，好有趣。味道好鮮甜好香，充滿海鮮味，而且海蝦、帶子份量都不少，啖啖肉又鮮甜，不錯不錯。另外都要大讚一下個墨魚汁扁意粉，好多時吃墨魚汁意粉都會怕有腥味，但呢碟墨魚汁意粉完全沒有腥味，只有鮮甜味，份量都不少，黑黑的，極為惹味。另外呢款西冷牛扒都必要提一提，第一次吃呢款1855的西冷牛扒，牛扒都有牌，真係第一次聽見。原來1855的意思是說創於1855年，在養既牛內，只有13%符合標準，牛肉出名脂肪分佈平均，被譽為極佳既牛肉

已經第三次食呢間（應該係⋯），好有食準嘅西餐廳，價錢又唔會好貴，520就同老婆再嚟食返餐。點餐後先上麵包同芝士條，芝士條好脆同芝士味都好出。麵包搭配埋餐廳自家製嘅醬，好好食！【鮮芒果及扒虎蝦肉沙律】芒果清甜，沙律菜滲透住清新嘅果香，烤過嘅蝦亦好入味好彈牙。【初榨純橄欖油蒜香白酒煮紐西蘭海鑽蜆扁意粉】每隻蜆都漲卜卜好飽滿，配合埋蒜香同橄欖油好鮮味，最欣賞係扁意粉火候啱啱好，唔會太稔有咬口。【炭燒紐西蘭羊鞍扒薯條配紫酥蜜糖醬】羊鞍餐廳推介4成熟，自己平時好少點咁生，但出來效果真係非常好喎！連油脂部分都覺得好香冇肥膩感！【凍鴛鴦】用咖啡做成冰磚，搭配奶茶，味道好特別，果然係店內出名飲品！【Tropical Forest】唔會太甜，食完主菜後飲返杯清新菠蘿加梳拉水，舒服晒！食過幾次都冇失望過嘅餐廳，食物水準相當高同穩定，下次又嚟過！

小編週末中午去左荃灣行下，發掘一下餐廳，推介比各位去試下，今次就去到愉景新城，愉景裝修左後，係一家大細週末好去處。小編今次Weekend Brunch餐牌推介食物☝🏻◾️L - 炭燒美國安格斯牛肉芝士漢堡配粗薯條 $128安格斯牛肉超級正，肉汁多，超Juice，成個配搭超完美，再配小編最愛粗薯條，簡直為小編帶黎動力💪🏻◾️G - 鮮蟹肉扁意粉配蟹膏，蝦膏及忌廉汁 $118上枱果下見到，小編同朋友都覺得個外貌一般般，但食落去竟然有意想唔到咁好味，意粉個忌廉汁配蟹膏同蝦膏，食完一啖想再食一啖，上面仲有小蕃茄同火箭菜。◾️餐飲 - 凍接骨木玫瑰花茶好濃郁既接骨木玫瑰花味，如果鍾意花茶既朋友試下啦。◾️自家製意大利芝士蛋糕 $68-$20=$48(套餐價)有驚喜的味道，雖然主要係Cream，但甜度適中，唔會膩，中間會有兩層海綿，但食落去唔會好厚，唔會覺得好海綿蛋糕咁，推介大家試下。

明天放假想食好啲我搵咗間餐廳同朋友食間餐廳係商場入面好舒服，門面裝修不錯一坐低好快送左個餐包同餅條就小食 幾脆口今晚晚餐首先點了個前菜，是一個有墨西歌風味的脆片，其份量十足，而且當中的牛油果醬及酸忌廉的配搭令它的味道多元化另外，我們點了兩個主菜第一個是忌廉蘑菇意粉，它的材料十足，醬汁也調得很美味，是我最喜歡的菜式第二道是炭燒日本豬腩，當中配了茄汁蔬菜、奶油薯蓉及牛肝菌汁，味道配搭很好！而且豬腩燒得很嫩滑！最後，我們點了兩杯特色飲品！埋單最後約三百元一位，食得都飽肚

今日放工同朋友去位於荃灣呢間餐廳食西餐 semi-open嘅環境令人唔會感到焗束 非常適合幾個朋友放工呢到chill住食🥂🍴黑松露粗薯條 $88首先上菜時已經好震驚 好大碟 薯條份量非常足 而且炸得剛剛好 好香脆😙加上佢係粗薯條 面積大沾醬地方自然多 每條薯條都沾滿香濃嘅黑松露沙律醬 非常抵食！😋🍴鮮藍蟹肉及蘆筍燴意大利飯配鮮蝦頭膏 $188推薦呢個risotto俾鐘意海鮮鮮味嘅朋友！個飯嘅texture好好，唔會好水但又唔會太硬，非常creamy🤤parmesan cheese好香，但仍然食得出蟹肉同蝦膏嘅鮮味，同埋蝦頭膏本身自帶少少辣味，令到個味道更有層次😆🍴炭燒紐西蘭羊鞍扒 配紫蘇蜜糖醬 $258有好多人都好抗拒食羊因為怕陣騷味 但呢個羊鞍扒就完全冇羊肉獨特嘅味 而且仲煎得非常香口！🤤我地叫左medium rare 起初都怕會唔會太生 但竟然完全冇血水 軟腍程度just perfect! 👍🏻再配埋個紫蘇蜜糖醬 紫蘇嘅酸味大大減低左肉嘅油膩感 食多幾舊都唔怕！😚🍴接骨木花玫瑰茶 $38一飲落去就有好香接骨木花味 然後陣玫瑰味慢慢回甘🌹 又唔算太甜 推介！

日日返工冇假放同朋友慶祝生日嘅機會都冇時間😶專登搵間評價唔錯嘅西餐補祝~餐廳採用半開放式設計樓底高坐得舒服無乜壓迫感~餐廳由前菜、主菜、甜品到飲品都有好多選擇揀左好耐都諗唔到食咩決定問下侍應意見佢地真係好有耐性態度好好問左幾條關於我地口味嘅問題就成功make到order🤣我地order左沙律、意粉同一份牛扒落單後先上一小份麵包小食前菜先黎一個沙律🥗藜麥牛油果沙律 $78裡面主要有牛油果、蕃茄、火箭菜同青瓜再混入藜麥同honey balsamic vinaigrette~材料除左新鮮好似我依啲唔好沙律嘅人dressing有小小甜甜地更易入口😃唔會淨係得醋酸味墨魚汁鮮帶子海蝦扁意粉 $188扁意粉除左滿佈黑色嘅墨魚汁仲有好強嘅蒜香味真正嘅色香味俱全🤩帶子同埋海蝦大大隻煎得好香調味亦唔錯🦐👍🏼碳燒穀飼澳洲肉眼牛扒伴薯菜8oz $248今次order左medium rare向來3成熟煎起上黎都有啲難道上碟切開覺得稍微熟過3成🤔肉眼都好有肉汁係入面~味道岩岩好唔會過份seasoned 想食濃味小小可以加埋個gravy汁side order揀左焗薯加埋好夾嘅sour cream口感一流~原本諗住o

成日經過呢間嘢就覺得好似好好味，環境又唔錯，但係覺得應該都好貴下所以一直都唔捨得食。咁啱有次星期六日晏晝經過，發現原來有brunch menu又唔係乜洗排隊就入咗去！🤤 成個brunch menu都係講緊$88至$158左右，仲包埋野飲，都真係幾抵架🤑🧋冰磚鴛鴦 個餐本身就包咖啡茶，可以價錢轉特飲。見好似幾特意就嗌咗杯黎試下。一開始可能啲咖啡冰磚未溶，所以淨係飲到奶茶味😅 溶咗之後就同平時茶記差唔多味🤔 中規中矩，可以嗌黎呃下like（雖然我都唔覺佢有幾靚）。可惜我係實際派，下次都唔會再嗌啦！😜☕️凍原味鮮奶咖啡 黎到賣相就普普通通，冇乜特別。飲第一啖，OH MY GOD，嚇死我😱 甜到傻🥶 本身以為係冇糖，但係點知成杯全糖珍奶咁🤯 可能我見識少，平時去開嘅餐廳都係唔加糖，或者糖漿另上，所以好失望。但撇除呢點，我覺得都可以接受，咖啡唔會過酸（個人好憎酸咖啡），唔係咩靚豆但都唔係最cheap嗰啲。總之，唔鍾意飲甜咖啡嘅話就要記得嗌佢走甜啦～🥩美國安格斯牛肉片，白菌及瑞士芝士義大利軟包配洋蔥燒汁伴洋蔥圈 $108黎到之後淨係望都覺得好似好好味，食落更加不得了！😍 個包有搽牛油煎過，唔脆但都算

今天要去荃灣行街因為太熱又想找個地方坐坐聊聊天走到愉景新城見到有間很工業風的餐廳於是進去點點餐❤️廚師推介沙律-香草雞沙律$88雞肉是香草醃過很清新的味道加上油醋伴沙律酸酸甜甜的十分開胃🧡法邊豆 蘆筍及風乾蕃茄羅勒青醬長通粉$138看似簡單的一送主菜本以為青醬味淡沒想到這道有濃濃的羅勒味加上乾蕃茄的酸把青醬味道帶出💛香草焗原條法國海鱸魚$268 伴水煮新薯及雜菜 白酒忌廉汁我最愛這道因為整條魚上很豐盛的感覺加上鱸魚用了檸檬去醃帶有清新的檸檬香十分清爽的味道而且魚入面也有放檸檬片令到魚一點都不腥反而有新鮮的味道💚黑松露牛肝菌忌廉湯（+$18）加張$18去追加的餐湯十分濃郁的鮮奶油味每一口湯十分滑溜加上牛肝菌帶咸香使湯品更有風味💙鴛鴦$58榛子很特別的特飲冰塊是咖啡做成的冰溶了不會使鴛鴦味變淡反正帶咖啡味帶出使原來的茶更有層次💜Princess heart $68顏色很豐富的一杯最底是加了士多啤梨醬和橙汁加上雪碧的汽使整杯更好喝總結：幸好有來這裡吃才能吃到有層次感的美食，加上出菜快，中間不會有冷場！吃到高質的西餐真的非常滿足📍 Chef's Stage Kitchen (愉景新城) (荃灣)

假日到荃灣愉景新城的Chef’s Stage 晚餐，看到此餐廳屬開放式格局，便興趣大增，在這裡吃晚餐。📍餐前包點有鬆軟的麵包和香脆條，蘸上芝士醬吃，滋味無窮。📍Caesar Salad $88來一道清新一點的沙律，這道凱撒沙律有麵包脆脆和風乾火腿，沙律菜清甜香脆，美味可口。📍Truffle Carbonara $168黑松露長通粉有滿滿的忌廉香，長通粉掛滿了香濃的醬汁，煙煙靭靭，筆者不禁吃了一口又一口。📍Set Aus Rib Eye 8 oz $278肉眼排烹調後仍保留清晰格仔紋，筆者選了最喜歡的配菜薯條，這裏的薯條是粗薯條，薯條炸得金黃香脆。另外，配菜有一棵迷你的獨子蒜，小巧可愛，吃起來香味四溢，帶點粉狀。餐廳食物出餐快，但份量偏少，有加一服務費。👅 味道：4.5/5💰CP值：4/5🕴🏻服務：4.5/5🔰餐廳環境：4/5👀回頭率：4/5🍽 餐廳：Chef’s Stage Kitchen 🌐地址: 荃灣愉景新城1樓1056D &1058號舖#foodie #hkfoodie #hongkongfoodie #852food #852foodie #foodstagram #hkfo

👫🏻難得出到荃灣，緊係去行下愉景新城，發現原來都有高質西餐。🍞餐前麵包及餅乾份量唔多，但搽麵包既橄欖油忌廉好好食。🦐芒果及虎蝦沙律🥗份量2個人都差D食唔晒，大蝦夠大隻燒得香，芒果勁甜，配埋酸酸既汁同蕃茄勁開胃。🍝初搾純橄欖油蒜香白酒煮紐西蘭海鑽蜆扁意粉意粉al dente有咬口，每條都充滿橄欖油香味，海鑽蜆第一次食，蜆肉細細粒但好爽身，非常鮮甜，必食。🐷炭燒美國天然極黑厚切豬鞍扒連骨豬鞍扒勁大塊，燒得顏色非常靚，熟度燒得岩岩好，骨位勁香，火喉控制技術抵讚，配菜酸忌廉焗薯同燒蕃茄都唔馬虎有水準。🥤野飲嗌左好特別既冰粒expresso配朱古力同榛子咖啡，expresso雪成冰取代冰粒，融左杯野都仍然無淡到。

喺Dpark打算是但搵野食，叫左個炭燒西冷、龍蝦青口帶子意大利飯、轉左一個做set,加左火雞沙律同朱古力tiramisu咖啡。個火雞沙律好好食，沙律菜完全無臭青味。另外個炭燒西冷牛扒我地叫左7成熟，牛扒好淋，好重牛味，超值得食！另外個龍蝦青口帶子意大利飯好濃味，龍蝦都好鮮味，不過食到最後個飯咸左少少。而杯朱古力tiramisu咖啡極濃朱古力，加埋tiramisu，超夾，呢杯飲品重有其他味簡，下次一定會飲埋其他味