Chef's Stage Kitchen (愉景新城) (已結業)

我係因為好想食鵝肝先會行入嚟呢間舖頭估唔到愉景新城會有呢間餐廳🍴今次叫咗三樣嘢，沙律🥗鵝肝同埋牛扒，仲有杯幾特別嘅飲品叫鴛鴦😂介紹咗杯飲品先，其實佢只係將咖啡雪成冰，呢個睇個餐牌係吸引，但係飲落就好普通😂 其實叫嗰三樣嘢都好有水準，唔係間間舖頭食沙律你都會覺得值得嗰個價錢 但係依間係值得嘅！成碟好快就清哂個牛扒整得啱啱好，五成熟，無多無少，仲好食過啲專食牛扒嘅餐廳🍴，落少少鹽，成個牛味出晒！ 超值得食！但係牛扒比較大，應該一個人食唔晒

今日嚟到荃灣愉景新城附近食個下午茶❤️❤️好多朋友都極力推介呢間餐廳✌🏻✌🏻今日決定去試一試先😋😋先講呢度嘅裝修先啦 佢哋呢度嘅座位亦都好舒服☺️☺️俾人感覺好舒服聽住佢啲英文歌氣氛真係好好❤️❤️成個人都好輕鬆啊呢度嘅食物都好多種類 有意粉啦❤️漢堡❤️啊沙律等等❤️我嗌左一杯嘢飲同埋兩款食物呢三樣嘢我都好推薦味道10分美味先講佢杯咖啡 拉花拉得好靚👍🏻👍🏻👍🏻仲有佢碟意粉 份量好少咗啲啲但係食完真係好想嗌多碟

現在食返晚市堂食既日子真係好珍貴, 所以一定要搵最好食既。今日同朋友黎到Chef's stage kitchen 真係冇黎錯。朋友之前試過元朗舊店, 我地就黎試荃灣lee間。叫左佢2人餐。 服務員非常恩勤解釋招待。首先頭盤既沙律同露荀龍蝦湯已經幾正。 蜜瓜配巴馬火腿更當然係絕配。 擺盤好靚, 蜜瓜本身都好甜配火腿既咸香, 真係好享受。今晚既意粉係黑松露配雜菌芝士。 好香味, 但唔會太濃, 佢地既醬汁, 芝士同黑松露唔會太搶, 各帶出鮮味。本以為太濃味會食唔落主菜。 不過主菜黎到真係吸引到不得了。炭燒牛板腱扒併香草牛油龍蝦尾, 真係超吸引。 令人食慾大增。牛板腱5成熟, 超好味。 難得5成熟發揮到塊扒既原味, 最緊要一d都唔韌，冇筋。 而龍蝦都好鮮甜爽滑, 真係非常高質。 最正係連配菜都好好味，真係不容錯過。最後, 飲返杯Rose Cuppuccino同竹炭朱古力, 真係非常滿足既一餐。希望下次都可以試埋其他既分店。

餐廳外面睇落似酒吧，由頭盤、BURGER 到主菜都有多元化選擇，當然唔少得咖啡同酒精類飲品，就要求咗店員推介啲菜式比我地。相機食先的要注意， 呢度擺盤好有心機，食之前要幫佢拍個靚照！餐前小食香草麵包同鬆脆餅乾條，麵包偏乾身，有酸的SOURSE 用黎點麵包，啱哂用黎開胃。BAKED CHEESY FRIES 香濃芝士焗粗薯條 ($78)炸到脆一脆的薯條鋪滿厚厚CHEDDAR同MOZZARELLA，新鮮出爐熱辣辣，可以拉起一條長長的芝士，另外配上SOUR CREAM 同茄汁點薯條，令呢個咁正的薯條多兩種不同嘅風味，我個人鐘意SOUR CREAM 多D。炭燒美國天然極黑厚切豬鞍扒（$248）塊豬鞍超厚！好容易切落去，每切一下，啲汁就會流落個碟到，肉質軟熟咬落去唔會柴柴的，醬汁可以配燒汁/雜胡椒汁/牛乾菌汁，醬汁適合重口味人士，因為唔洗點醬都已經好正。薯菜可以選擇粗薯條/鮮薯蓉/焗薯，焗薯軟滑，似加咗少許芝士，還有少量蔬菜伴碟中和豬鞍的油膩感。PENNE CARBONARA 卡邦尼長通粉 （$148）因為前面兩個菜已經好出色，顯得長通粉較為普通，但睇到佢用心製作，煙肉炒得好香，唔同一般的卡邦尼

今日出荃灣搵朋友，行完街係愉景新城附近，朋友極力推介Chef’s stage kitchen，佢之前食過好好食，所以點都要再去點完餐先送上麵包同餅乾條，麵包好鬆軟，有陣陣香草味，餅乾條好鬆脆，醬汁酸酸微微，類似千島醬，配埋餅乾條好好味炭燒美國頂級1855西冷牛扒伴薯菜牛扒一上枱見到坑紋已經覺得好靚，我地點咗5成熟，砌開同5成差唔多，因為好多餐廳都會有過熟情況，所以廚師撑控得好好。西冷好腍，而且無筋，肉汁肉味香濃，好好食，粗薯條炸得外脆內軟秘製美國炸雞翼配茴香蛋醬伴秋葵雞翼炸得好香脆，肉質好嫩滑，用孜然、鹽、香料等做調味，食落好入味、好香口，再點少少蛋黃醬，令味道更有層次鮮藍蟹肉及露荀繪意大利飯配鮮蝦頭膏用鮮蟹肉配鮮蝦頭膏，兩樣配搭得好好，食落好香海鮮味，而且蟹肉好多，每啖都有蟹肉，再用香料、忌廉、芝士等調味，忍唔住一啖接一啖柚子蜜糖伯爵茶今季新出特式飲品，之前飲過其他餐廳都覺得英式茶好淡無乜味，但呢壺就有好香柚子味，蜜糖味又唔會太濃，唔會令到伯爵茶太甜，味道啱啱好偽鴛鴦偽鴛鴦真係好好飲，佢外型同味道模仿tiramisu，特濃朱古力做飲品底，再加上咖啡製成嘅冰粒，而冰粒上亦灑上朱古力粉，

今日又黎愉景新城Chef's stage kitchen❤️❤️上次食過weekend brunch, 今次食晚餐！記得上次墨魚汁意大利飯好好食但今次唔想食到成個咀黑蚊蚊🤣🤣一於試吓其他野食。炭燒澳洲肉眼牛扒牛扒肉質真的唔錯 炭燒一上枱已經好香$288唔貴啊 medium剛好的！❤️成晚傾計一定要嗌Nachos🥰🥰🥰可以飲野傾計慢慢食！蒜蓉蜆肉意粉超好食滿足晒意粉控😁😁Never disappoint you 😚

去荃灣行街肚餓，見到呢間西餐廳幾有feel，menu又唔貴，於是就入去試吓。入到去坐低都幾闊落同靚，想搵日夜晚嚟食。上網見好多人都食扒，一於就試試佢。先嚟跟餐送嘅餐湯，係薯仔煙肉忌廉湯，湯嘅薯味好濃郁，而煙肉味就輕輕咁帶出咸香味好夾。雜菜沙律都好新鮮。炭燒羊髀扒配雜胡椒汁 $138呢個羊肉好適合怕有騷味嘅朋友，因為佢係一啲騷味都冇架。肉質都幾稔，仲索曬啲雜胡椒汁嘅味道。份量方面都多，一共有兩塊同樣大size 嘅羊扒。另外佢配嘅烤薯仔都好香甜，口感好綿。炭燒紐西蘭肉眼扒 配雜胡椒汁 $148Order左7成熟，火喉都好準確。肉味比羊髀扒濃味，肉亦都好厚。一路食肉一路配蘆筍味道啱啱好。拖肥薑奶沙冰 $38薑味好溫和嘅沙冰，唔會辣反而拖肥味較出，甜甜地配埋塊咸餅乾好正。竹炭曲奇鮮奶 （熱） $38飲嘅時候要攪勻底部嘅Oreo同竹炭碎碎，口感同味道都幾特別，天氣凍嘅時候整返杯一流，好潤好warm，而味道嘅濃度我覺得可以視乎個人口味而攪勻幾多。總結：質素同價錢成正比，而且服務好好，環境又靚，拍拖嚟撐枱腳一流。

上次試完元朗果間都已經好想再去，今次出開荃灣，知道有chef's stage kitchen分店喺愉景新城即刻book嚟食。呢間裝修同元朗的相似，以木材為主，燈光柔和加上播放住輕快英文歌，感覺好舒服我和老公被安排帶到右邊的半開放座位，枱與枱之間都有一定距離，所以私隱度唔錯，唔怕畀隔離聽到講啲乜嘢首先嚟咗餐包盒，有兩款麵包加醬汁，都係暖暖地的而且很脆口和醬汁很夾。之後再上就是藜麥牛油果沙律（雜錦沙律菜+牛油果+蕃茄+黑醋）每樣食材的份量十足，酸酸的好開胃。Carbonara都很出色，蛋黃醬汁掛在會條通粉上，唔會好稀流流的，而且通粉煮得很彈牙，火候剛剛好。炭燒美國天然極黑厚切黑豬鞍扒，估佢唔到咁出色，睇個樣仲以為會好韌，點知食落肉質好淋，冇諗過咁易入口，而且有陣炭香味，真係好好食 ，個配埋個好味棉滑的薯蓉，超正今晚成餐飯嘅食物再配埋hoegaarden嘅玫瑰啤簡直一絕，啤酒更有第二支半價優惠。成餐飯都好滿足價錢又唔貴更有泊車優惠，極力推介大家去試

愉景新城在荃灣區屬於大型購物及飲食，供小朋友玩樂的商場，今日推介這間裝修簡潔的開放式西餐廳，價錢合理，品質值得品嘗！今次食咗意粉、漢堡、沙律和嫩滑的豬肉件，非常美味，最值得一讚的是，他哋的漢堡肉是由本店廚師100%自家制作，肉汁更鮮美，比起其他以製成品所造的，更能保存原有的肉味，所以肉汁十分香濃，另外個薯條炸得很恰當，金黃色的脆皮，絕冇跟別處會返炸的口味。意粉嘅Lim度恰當，醬汁都沾滿到每條意粉.

終於可以出黎食飯啦，我地特登揾左間好有情調既餐廳—Chef's Stage Kitchen。燈光帶點矇矓昏暗，周圍有好多葉子既擺設，真係好靚，比人一種好舒服的感覺。店員先奉上兩款麵包，醬汁味道酸酸甜甜，給人很開胃的感覺。鮮芒果及扒虎蝦肉沙律$128清新之選，芒果鮮甜，蝦肉厚身大隻，沙律菜種類多且新鮮，份量更是意外的大🥰炭燒美國頂級1855肉眼牛扒伴薯菜 (12安士) $348 擺盤好靚 ，份量都幾大～烤過嘅外層帶微微嘅焦香，肉味都幾濃而且入口肉質軟冧，有少少肥膏位，細緻軟嫩，食落口感都唔韌，肉汁都好豐富下。薯蓉調味啱啱好，好好味😋到而家都念念不忘！高級的牛扒絕對無誤。。意大利藍芝士烤啤梨意大利飯$148我對燴意大利飯飯一向興趣不大，但今次配上意大利藍芝士又是另一番風味，藍芝士經發酵所以味道比較強烈，味道好獨特。意大利飯質感啱啱好，食落好creamy，啤梨份量唔少，始終有用藍芝士作食材嘅餐廳唔多推介，如果大家中意食不妨試下呢間！！竹炭曲奇鮮奶 +$38(SET) 心型拉花！Oreo加牛奶沖，再配上竹炭。飲落帶有淡淡的Oreo味，口感creamy但唔會太膩，底下有少少oreo碎，旁邊的

今日早收工去咗荃灣行街，經過愉景新城「Chef’s Stage Kitchen」就決定去食個晚飯。店內裝修以木系為主，配合綠油油的綠葉，充滿田園風味，感覺好悠閒～餐牌上嘅食物選擇都好多種類藜麥牛油果沙律雜錦沙律菜好爽脆，加入左黑醋油，酸酸的好開胃，仲有藜麥同牛油果🥑好健康呀黑松露牛肝菌蘑菇濃湯一上枱已經有好香濃嘅黑松露味撲鼻！湯嘅質地頗濃稠，能夠細味到牛肝菌蓉及蘑菇蓉，同時散發着陣陣黑松露香，不得了哦香草焗原條法國海鱸魚每日數量有限嘅原條海鱸魚🐟加入咗香草及檸檬一齊烤焗，保留咗魚肉嘅鮮嫩口感及肉汁，配上餐廳秘製嘅白酒忌廉汁，勁好食！另伴水煮新薯及雜菜，夠晒飽肚波士頓龍蝦尾、帶子、藍青口及海鑽蜆龍蝦汁燴意大利飯意大利飯口感軟硬適中，加入龍蝦汁烹調，香濃味美，好鮮味！豐富嘅海鮮有帶子、藍青口、波士頓龍蝦尾同海鑽蜆，款款都好鮮甜又新鮮，好好食黑糖紅棗薑茶最後叫咗壺黑糖紅棗薑茶，微微甜，仲有唔少紅棗片同薑絲，飲完個人即刻暖晒

去親愉景新城我最常光顧 Chef Stage Kitchen🍽 西式餐廳is always my favourite🤩 以前去開元朗嗰間🍽 荃灣呢間都算方便，愉景新城地下個層，隔離有toilet~ 終於年初二🧧都食到非中式食物🥰 （以前返家鄉過年🧨 三餐都係雞鴨鵝呢🥲）西餐廳都有農曆新年deco, 認真有心思！❤️同未婚夫一人一碟egg benedicts~ 佢要ham我自己整會用煙肉，比較香脆一點不過呢塊火腿都頗咸香蛋黃醬份量十足水煮蛋形美味美沙律菜可以多點醬汁，就會咁冇乾身我要smoked salmon~ 煙三文魚新鮮味美egg benedict除左隻水煮蛋要好食之外塊包都係重點！英式鬆餅🥞 都係精粹，口感煙韌，鬆軟度適中，係其他麵包不能取代的獨特質感！呢塊包樣好搶手，平時自己整，超市都有時缺貨架！最搞笑係，平時未婚夫唔鍾意食英式鬆餅，但一配落egg benedict到食，佢就鬼咁鍾意我自己整嘅就會加avocado牛油果🥑😋 不過自己整嘅蛋黃醬較稀，都係比較享受呢到食嘅味道同口感不過個人覺得煙三文魚唔一定要襯蛋黃醬，可以整light一點，例如加點香草🌿餐飲包接木骨玫瑰茶，清香又健康！

同男朋友提早慶祝情人節，2月13號去左愉景新城行。同事有推介呢間野食質素幾好，所以今次黎呢面可以趁機會試下。12點幾左右到，唔洗等位可以直入雖然餐廳唔算好大，但座位安排好好，一d 都唔迫。叫左lunch set 既扒同雞肉burger 食。扒好香吳又唔會乾，好食Burger 男朋友食都覺得大個（食左半個先記得影相🙈），入面d 醬汁都幾開胃。薯條食落幾新鮮set lunch 仲有包埋野飲，兩個人食加埋一冇記錯around $300左右，抵食又好味會再去食

之前食過晚餐覺得好正所以趁冇晚市之際 唯有食午餐冇諗過午餐既set好抵食肉眼牛扒餐都只係$148餐湯係椰菜花忌廉湯跟沙律及麵包沙律🥗都幾新鮮$18加左個粗薯條份量不少 味道一流主菜係肉眼牛扒 絕不馬虎肉質夠淋又有肉味肉眼中間一般有舊大肥膏但呢度唔會有 好有心思咁處理咗餐飲揀咗花茶 味精好又唔太甜食完仲可以儲印仔儲滿十個印仔會送一個set lunch A絕對係午餐既好選擇

朋友約我到愉景新城睇粉紅色芒草及台灣十分天燈市集影相打卡後，又係時候搵地方食午餐，見到有間半開放式餐廳，裝潢設計都很有獨特風格，柔和昏暗嘅燈光加上播放住輕快的英文歌，好有氣氛，當然要入去試一試我們叫了香煎比目魚配刁草忌廉汁$138及炭燒美國牛腹柳扒配燒汁$148，每款套餐配有沙律、餐湯、牛角包及餐飲呢款甘筍南瓜湯，清甜得黎好creamy,沙律菜很清新🥗，好有田園 feel ,牛角包🥐焗得微暖，好香口配埋個湯味道好夾😋比目魚煎得好香，肉質軟滑配上香滑嘅忌廉汁提升了魚的鮮味，配菜有燒薯仔及煙肉炒椰菜，分量十足炭燒牛柳七成熟，外層有炭燒香味😋肉質非常軟腍仲好 juicy 👍肉味夠香濃配埋薯仔及煙肉炒椰菜，好美味我們額外叫了一份 Tiramisu 🍰咖啡酒嘅份量控制得恰到好處，質感軟綿綿，食落好有驚喜💕我叫了季節限定的熱玫瑰抹茶鮮奶，香濃嘅抹茶🍵加上🌹花香味👍另一杯熱拖肥薑鮮奶味道很特別，香滑得黎又有暖胃的感覺🥰員工服務態度非常友善👍細心又窩心，為我們送上利是封