Chez Moi

營業中

休息中

🇭🇰#香港捐窿捐罅記 instagram: foodkiller_dk前排搵返以前既補習老師食飯 咁當然唔可以太隨便 就搵左間法國餐廳🏣去食飯 貪佢環境🌳好 又有令景睇😆 其實間餐廳已經冇一年前咁正宗🌝 多左其他國家既元素🙂 不過隨便啦 食落去好味就得啦😋-首先係頭盤 我叫左個帶子牛油果🥑配蝦天婦羅 佢就叫左鵝肝🦆 佢個帶子好鮮甜加上creamy 既牛油果🥑唔會太重口味 啱啱好幾正😋鵝肝就好creamy 好邪惡😈之後就上左蟹肉野菌湯🦀 野菌湯落足料 夠濃味😆蟹肉就好甜好新鮮🦀 我都係第一次見到咁既配合 幾好☺️之後就係主菜M7 肉眼扒🐃 我之前都講過 澳洲和牛評分係由M1-M9 根據我記憶M7或以上先可以生食🌝可以做他他或者carpaccio😎 牛扒可以因為係肉眼關係 牛味夠重 而且係M7所以油脂分佈好 食落去好好味🤤好滿足👍甜品就正正常常 普普通通 冇咩特別 食過d更好既🌝啱啱合格咁lor -🎈銅鑼灣開平道1號Cubus 11樓-平均傷害：$540好味值：7.5/10

今次已經係第二次光顧，因為性價比高，所以朋友生日都帶佢嚟食。喺銅鑼灣、中環等市區地方，想食餐好少少，環境又靚可以打下卡，每人無返$1000都真係買唔到單，之前有朋友介紹呢間餐廳， $490連假日，仲free corkage，一定要encore。SetMenu已經有五道菜，今晚廚師推介蜆，所以我哋又嗌叫試吓，所以每一隻都好肥美而且好鮮甜，不過大概有五六粒左右未開，同waiter 講佢就叫廚房再煮一煮，都係咁樂食老實講呢間嘅麵包我就唔係話非常鍾意，對我來講太重蒜蓉味，不過勝在夠脆自己帶黎嘅紅酒鵝肝亦都乾身咗啲個南瓜湯10分推薦，好甜好濃郁我就叫咗黑毛豬，朋友就叫咗西冷，不過不失，呢個價錢來講算唔錯總括而言如果唔想花太多錢又有啲節日、或生日慶祝，可以一試

好耐冇食過法國菜！今次因為朋友仔生日、就去咗呢度食！當然啦！我哋有個setMenu，入面有五個course、我就叫左香煎法國鵝肝半焦糖蘋果配砵酒汁，鵝肝同蘋果配搭得好好！好好食！一啲都唔肥膩！豆苗忌廉湯伴蟹肉、呢個冇乜特別、所以不值一提雪葩、正正常常、都係冇乜特別龍蝦帶子沙巴翁伴天使麵、呢個就覺得好食啦！我仲要食晒添！最後食咗個蘋果卷伴雲呢拿雪糕🍦，都係正常嘅總結：氣氛環境係好好！服務員態度都好好，食物不過不失。可以再食！

餐廳嘅氣氛好好 好浪漫 但我竟然係同一班朋友黎食 哈哈 我地太多人 餐廳安排左一個角落比我地 將d檯砌成一張長檯望一望餐牌 價錢有驚喜 一個set dinner只係四百幾蚊 份量都唔係少架而且味道不錯 唔會hea sorbet我甜品就食左個拿破倫 好脆卜卜 另一個就冇到 淨係偷影人地果個😂 同埋甜品都有好多款揀 另外提一提 餐廳有露台可以出去食煙 方便吸煙人仕

$490一位食到澳洲和牛M7的確吸引，又免切餅费及二支酒開瓶费，同朋友慶生的確不錯。去到有少少中伏，今晚碰正有人一枱廿十多人慶祝，我初初都為她們開心，但可能人數太多又開心十分，令我同友人傾計都要大聲先聽到，令人不禁煩嘈。但我明白這並不是餐廳問題！主菜和牛有點失望，可能佢地一煮就幾枱一起煮，本人即使叫了medium rare 五成熟，有一半同八成熟都差不多，而四人都叫了和牛，但其中一份就特别细，令大家一樣俾咁多$，但好似食少咗，希望係食物質數有待改善！最後，我叫了Mocca, 隻杯破了竟都俾客人飲，傷了口就罵，叫男職員換，他將原先的咖啡就倒入隻新杯，令咖啡presentation差晒，温度也上涷了，法國餐廳但服務質數平平，希望貴店有待改善，我們不是俾一百幾搭的西餐

西餐不會常食、但都會試過不少靚高價餐廳如morton ,呢間在第一次光顧後已覺得價錢跟食物質素絕對可以話合理平衡沒有差的感覺。到之後再三光顧也沒有失水準、尤其牛個蜆絕不能錯過！此餐廳信心堆介----

今次有朋友由上海回港探親，順道來個晚飯聚會，本來諗住去大坑，但其中一位朋友建議去銅鑼灣，比較方便！即刻諗起之前有同事介紹我去這家法國餐廳，所以立即訂枱。星期六晚上八時餐廳已經滿坐，我們被安排近電梯口位置，雖然近門囗，但感覺亦很舒適，可能有一面牆是落地大玻璃，所以很開揚。餐牌只有兩頁，左邊是special recommendation，右邊是set dinner，大家都選擇了5 course set dinner，價錢都只不過是$490。有頭盤、餐包、餐湯、主菜、甜品及餐飲。他們很細心餐湯與主菜中間加了一個sorbet，將你嘅口腔清新一下。整頓晚飯感覺很relax，亦很滿足，特別係食物質素很高，下次一定要試埋午餐。

在銅鑼灣食lunch，選擇真的很多，平的貴的好吃的出名的通通都有。今天我和同事決定到cubus闖一闖，當然我們不至於要花幾百元去食個lunch到達cubus，當然要openrice 不同餐廳的menu，在云云餐單中較為大眾的就是你 - chez moi2-courses lunch plus 10% 所有選擇都$200 有找Starter 可以選擇餐湯(法式洋蔥湯或尼斯沙律我和同事都不約而同想試ONION SOUP，可惜，今天的餐湯改了mushroom soup，待應在我們下單後隨即送上餐包，超好吃，有encore 的衝動但是我要留肚吃我的主菜MUSHROOM SOUP是現打的, 沙律材料豐富未上主菜已經十分滿意十分期待,而主菜更是令我們大讚 - 太超值了有西冷, 羊架, 鴨腿, 意大利飯,和牛, 新鮮魚 ，我選擇了慢煮鴨腿而朋友選擇的西冷medium講賣相，presentation 已經得哂分，講味道，西冷略嫌過熟，已達medium well，吃得到牛扒是有質素的，可惜過熟令其口感有點鞋鴨腿的分量比我想像中大，有少量肥膏，外脆內軟，用慢煮方法鎖住肉汁，略嫌味道單一欠缺鴨味，但值得一試

難得約左中學同學lunch 想搵個地方邊食邊傾、又要就香港區D朋友諗左好耐都冇idea 有個朋友極力推薦呢間restaurant 上Openrice 睇下D食評同賣相都幾好最重要價錢都好ok ($160up ) 有soup or salad Main course Coffee /tea 我地一行6人叫左幾款一去到restaurant 感覺好好有window seat 同環境好grand 好有洒店feel 由bread,soup,salad ,main course 都唔錯我地最後叫左dessert （加$40）最後一杯illy latte 完美的Happy lunch gathering 會介紹比朋友、真心like !

4人行，去 Chez Moi 食大餐，之前已經聽 friend 講話唔錯，今次就一於親身試吓！入到去環境幾靚，唔係好大，cozy 得嚟，又幾有格調，幾適合情侶或三五知己摸著酒杯底談心。🍷Waiter 服務周到，幾 nice，對我哋班 girls 幾貼心。先嚟 seafood platter，翡翠螺唔錯，oysters ok，都係 mainstream 法國貨，Gillardeau、Fine de Claire，🦐都新鮮！Starter，我揀咗 White Asparagus，都幾好食，係周邊配料同醬汁可更好，脆餅可能係香港太潮濕，淋咗...而D汁嘅 consistency 就怪怪哋，結咗D。Main course，我選擇羊 medium rare。開心嘅係真係做到 medium rare 比我，好有水凖！唔係平時 hea 我嗰啲，我試過有啲高級餐廳都好馬虎，有時真係唔知問嚟做乜。呢度就唔同！肉質都好好，配菜都 nice，整個配撘 good！整個 grilled shallot 好香口好味！Sausage 都正，總之我成隻碟清晒！總結都幾扺食，5 course set $490 per，

Someone invited me to dinner at this cozy French restaurant. It was quite small and I think the maximum capacity should be around 60. We were seated at a small private area near the lift which was pretty quiet. There was a balcony just a few steps away and it was quite a nice outdoor area for a chat with some drinks. We were first served with some garlic bread which smelt really good when they arrived. They were quite delicious but unfortunately were not refilled after we had emptied the bread b

話說本小姐生日，我向來食野都咀尖。生日前就同男友表明如果食西餐，必定唔可以係食飯/粉類的，想要fine dining類。然後男友就帶了我來這間。其實這間餐廳，我在它搬遷前也有留意過，但礙於價錢便宜，最後不敢嘗試。今次食完，覺得扒出色，尤其是我的和牛，連男友都讚另一塊西冷扒出色。熟度剛好，肉汁夠，不會多血水。另外，鵝肝亦比較普通。可惜食飯時發生小插曲，就是火警鐘嗚叫，最後火警燈及鐘又響又閃，令到大家都不耐煩。最後差不多半小時才完。

我人生的第一次也是餐廳的第一個婚宴午餐在chez moi舉行，非常美好的經驗。餐廳裝潢精美令我不需花太多時間去佈置，法國餐廳很配合喜歡法國的我，食物精緻美味，他們的服務也是一流。特別鳴謝餐廳經理Winson 為我安排一切，從菜單，佈置的瑣碎事情及座位安排也貼心為我跟進。在這裏，我和我的家人與來賓也很開心和享受，超級推薦想簡單舉行婚禮午宴的朋友。但人數約60人內會比較舒適，這次我有共44人，所以環境比較舒服。

今次同朋友慶祝生日 今次選了食5 course Set Dinnie,有兩支免開瓶費及免切餅費，朋友帶了香檳，雪左10分鐘已夠凍，可以一路晚餐一路飲，5個course分別有前菜 湯 雪芭 主菜 甜品，前菜及主菜都有3-4款選擇 我們前菜選擇鵝肝同吞拿海膽他他 主菜選了黑豚及牛扒 牛扒有炭燒味 反而黑豚係腩肉的那種黑豚 兩樣的味道都不錯 氣氛比較輕鬆 可以同朋友暢談 燈光比較昏暗 侍應幫忙拍照都好專業同有耐性 仲設有露台吸煙區及VIP房 所以昨天的晚餐好滿意 值得推薦^^

係銅鑼灣食好西場內環境高級和寧靜, 至岩情侶黎食!而且服務質素好好, 會為你推介今日的菜色和招牌菜。當日一大班人去食DINNER SET,頭盤簡左香煎法國鵝肝伴蕉糖蘋果鵝肝入口即溶, 加配上蘋果,做到一軟一硬的感覺兩者放埋一齊食,好match, 唔會好油意大利黑松露菌泡沫忌廉湯呢個湯做到好似咖啡咁樣而且黑松露的味道好重,又有咬感, 好飲!主菜:: 澳洲和牛肉眼扒(M7)叫左medium, 牛的口感岩岩好,唔會好血水.肉眼扒質感比較厚, 鎖住肉汁, 好JUICE!!而且好重牛味, 值得一試!!甜品係老闆推介的"芒果拿破倫"係呢度的招牌,老闆話做左咁多年都無換過甜品因拿破倫係當日下午做, 最新鮮的!真係無介紹錯,個酥皮好鬆化,入口脆卜卜吉士奶油香囗, 芒果又清甜, 配埋一齊真係PERFECT!!