Chez Shibata (已結業)

Chez Shibata The perfect place for girlsWorking in central always allow me to bump into dessert or coffee heaven, as this area is full of surprises!Today my colleague brought me to a place decorated with pastel colors and floral elements. What a place for girls gathering!We found that there are different brands within the the store, when passing the entrance, there’s a bakery brand called Beat Bakery, and I just couldn’t help getting one cute sweet potato shaped bread! It looked so soft and yum!

經常喺港島區嘅我最近又發現多一間唔錯既甜品店。成間店舖嘅裝潢行時尚品味路線，湖水綠同木色配搭得非常好，望落去令人感覺好舒服。加上好多花藝裝飾即刻增添一點夢幻感覺。講番甜品先，有好多款甜品選擇，每一款望落已經好精緻，睇落每款都好好食，真係唔知點揀好。最後好艱辛先揀咗三款。小紅帽櫻桃酒朱古力蛋糕外型好cute呀，上面有塊紅色朱古力，真係有啲似小紅帽哈哈哈。中間嘅朱古力蛋糕裡面融合左櫻桃酒，不過就冇咩酒味，主要係食到櫻桃淡淡的酸甜味，適當地中和左朱古力嘅甜味。心形野莓蛋糕名副其實係一個心形，旁邊擺咗幾粒野莓，食落都係酸酸甜甜唔會覺得好膩，中間仲有一層好似啫喱狀既moses。加埋個earl grey tea解下膩，環境又舒服，真係可以坐一個下午。

每個女仔一個月硬係有一兩日唔方便，硬係特別想食甜嘅嘢。為咗精神上鼓勵自己，我就同同事去咗公司附近嘅一間日本cafe食甜品。一行入去嘅時候仲以為自己去錯咗鋪頭，原來係間鋪分開咗做三部份，最出面嘅係賣麵包要行入去先至係Cafe。而cafe 既裝潢就非常之適合港女呃like打卡，有優雅嘅大理石枱面之外，亦都配襯左非常之浪漫嘅花束，配上各件精美嘅甜品，影起上黎就真係360度無死角。雖然同同事只係得兩個人，但係因為件件甜品睇落去都非常之精美，三心兩意揀咗好耐最後都係決定點晒最想試既三件黎食。我呢個士多啤梨狂人，當然係見到有士多啤梨嘅甜品就即刻心心眼啦！所以呢件半熟芝士蛋糕係第一件扑槌決定嘅，除咗係比士多啤梨吸引之外，佢嘅味道同口感都冇令我失望。半熟芝士蛋糕唔會話太甜，口感軟糯仲有少少濕潤，有士多啤梨嘅加持之下酸酸地，成件蛋糕又唔會話好膩，完全唔會話食完呢件就食唔到其餘嘅甜品。第二件食嘅呢就係呢件焦糖吉士棒棒，平時我都好怕啲甜品太甜，例如係買朱古力都會揀返海鹽味中和下甜度。除咗降低甜度之外，亦都令到成件甜品更加有層次。海鹽加埋吉士嘅配搭非常之出色，如果泡芙可以再脆口少少就更加完美啦。最後呢件小紅帽

唔講唔知道，原來中環有一間麵包、蛋糕同正餐於一身嘅休閒咖啡店，係有三個唔同品牌嘅店舖。今日就去咗take a break, 試試呢度嘅蛋糕。店員同我推薦一款比較多人選擇嘅蛋糕，草莓忌廉蛋糕。我一向對草莓情有獨鍾，以忌廉蛋糕都係我嘅favorite, 呢個combination深得我心。草莓忌廉蛋糕嘅造型別致，層次分明，四四方方非常美觀。忌廉都真係幾細滑，奶油香味濃郁。草莓甜美，海棉蛋糕軟身，係一件高質素嘅蛋糕。推薦比鍾意蛋糕嘅朋友，下次會再帶埋我嘅閨密黎茶聚！

行過中環，見到呢度好特別，粉色系甜品店Chez Shibata。環境寬敞，座位多，天花佈置花海，仲要係主打粉色系，好有少女feel，同姊妹黎食甜品影相正啊﹗呢度嘅蛋糕款式都算多，款款都係細細件，好精緻，選擇困難症下，我最後揀左呢兩款食~都幾有驚喜~小紅帽–櫻桃酒朱古力蛋糕 $42見佢寫住香港限定，所以揀左呢款!個樣細細件，精緻可愛，食落真係有驚喜。朱古力味超濃，蛋糕入面有紅桑子果醬和櫻桃酒，融入朱古力味，酸酸甜甜，口感層次豐富。鐘意朱古力的話，真係必食!半熟芝士蛋糕 $32向來鐘意芝士蛋糕，所以一定會試唔同甜品店的~呢款真係幾好味!芝士口感實在，食落好濃郁芝士味，甜度適中。最特別係餅底加左脆口果仁，同芝士夾得黎食完都不太膩，芝士迷必食﹗整體黎講，呢度環境唔錯真係~好岩同朋友傾計食野，坐幾耐都唔怕!而且感覺舒服，地方都幾大，仲有佈置上，岩哂我地女仔影相haha大家有興趣都可以黎食!甜品正~

認識我的朋友也知道我鍾意食甜品, 早前係友人介紹下, 去了位於中環, 來自名古屋日本殿堂級甜品店 - 柴田西點 Chez Shibata食甜品.我點了草莓忌廉撻和栗子蛋白脆餅.另外, 加錢點了熱泡沫咖啡.兩款甜品賣相精緻.草莓忌廉撻. 草莓甜中帶酸, 夠醒胃.加上幼滑的忌廉, 兩都好夾, 可以起中和作用. 而係撻中間仲有草莓醬和吉士, 多重口感. 甜度適中.栗子蛋白脆餅. 外層係栗子蓉.內裡係忌廉, 最啱鍾意食忌廉的我. 而中間就係蛋白脆餅, 這個比我想像中無咁甜. 食蛋糕當然要配咖啡, 兩者係最佳拍檔. 這一餐真係大滿足.

因為今日要開會，所以過咗中環一間西餅店打算買一點西餅請其他同事吃。原本見到佢有一個套餐係一件蛋糕加一杯咖啡，但原來要三點後先至有，所以就索性淨係買餅就算！我見到佢個餅櫃有形形色色不同的餅，每一個嘅款都非常吸引，有一啲係法式西餅，有一啲係富有獨特日本色彩的西餅。所以就樣樣都買咗啲我好鍾意佢嘅紙盒，以黑色為主色調，非常之高級和型格！不過令我覺得強差人意係佢嘅外賣餐具一啲都唔及正，是非常非常之普通的膠叉。。。以中環來說佢嘅價錢唔算太貴，而味道方面，我比較欣賞由上嘅伯爵茶朱古力蛋糕。因為伯爵茶嘅茶香能夠帶動到朱古力味獨特的可可味。同時間佢亦都唔會太過甜和令人吃完之後太過飽的感覺。至於左上的蛋糕是餐廳的特色蛋糕，我自己覺得只是不過不失，佢嘅芝士濃度係平時喺日本一啲好高級嘅Cafe所食嘅眩惑芝士，與他的忌廉混合一起的時候那份芝士的味道不會太強烈，因為我是較喜歡吃硬芝士的蛋糕，而且晏芝士當中的芝士味比我們平時吃的美式芝士較相似，那份完全不是我杯茶。不過我亦非常欣賞他的製作方式是10分高技巧，我有同事都非常之鍾意食！而另外其他蛋糕都幾好食特別係泡芙所落的吉士醬和朱古力醬也10分亂畫，是屬於超值的泡芙。

平時行完街好攰又未到食晚餐時間，通常都會搵間咖啡店坐下食下蛋糕🍰喺中環行完街去到行人天橋嗰邊附近有一間未食過嘅蛋糕店，啲蛋糕睇落好吸引。所以就叫咗兩杯latte 再加多兩件蛋糕，咖啡好大杯但係飲落都唔會好淡~呢度嘅蛋糕除咗個樣吸引之外，味道都唔錯。栗子蛋白霜脆餅，採用左日本嘅栗子，食落好濃郁好滑。成個蛋糕食完都唔會覺得好甜😛另一樣揀咗草莓忌廉蛋糕，忌廉都係用咗日本嘅忌廉，食落同香港嘅忌廉真係爭好遠！奶味好重又唔會甜，而且蛋糕都好鬆軟😻

與老媽子吃完拉麵，繼續沿斜路往下走，遇上一間來自日本名古屋的夢幻甜品小店 - Chez Shibata。愛上它，無他也﹗只因，它的裝潢，有小妹最愛的湖水藍﹗ 蛋糕櫃內，放著色彩絢爛，形狀不大的誘人蛋糕，教人眼花撩亂﹗ 蛋糕時刻Me Time，包一件蛋糕和一杯飲品，索價由$38至$63不等，在中環區來說，挺經濟實惠的﹗ 店內裝潢夢幻，繞富少女風，適合三五知己圍在一起，邊聊天，邊呷茶吃餅。 點餐後不久，店員以托盆送上食物﹗母女倆，也開始享受悠閒的下午時光了…… (+$38)，具有驅寒、暖身和去水腫的功效，啱晒女士享用﹗ 呷一口，果茶不太甜，薑味卻頗為突出。 雲呢嗱味脆脆泡芙$20，香脆富牛油香氣的脆脆內，盡是香滑的雲呢拿忌廉，一硬一軟，一脆一甜，完美配搭。面層那一塊刻有店名的白朱古力，作點綴之餘，也增添一分味兒。 新店提供了兩款香港限定糕餅，分別是「小紅帽」及「紫醉金迷」。小紅帽櫻桃酒朱古力$42 ，帶有白色點點的紅色朱古力，從上向上望，頗像一頂立體的小紅帽。外層黑古勒突的朱古力慕絲，據說創作的靈感，是來自香

之前聽講過呢度有正正嘅蛋糕 屬於日本殿堂級甜品店 有來自名古屋甜品店嘅味道 念我勁有興趣 今日終於黎到試一試我同朋友留左肚黎揀左3件cake 2個人share 第一個係小紅帽 其實係櫻桃酒朱古力蛋糕 個賣相本身已經好可愛 食落仲更覺有內涵 朱古力味好香濃 吾太甜 入面有浸過酒嘅櫻桃 有要醉嘅感覺🤣🤣 好正另外叫左紅莓吉士盒 上面鋪左一層厚厚嘅焦糖 一開始要努力敲開佢先食到入面 真係睇得玩得又食得丫😎 玩左一陣終於有得食 入面嘅吉士醬甜度剛好 而且質感好滑 真心好食最後就係伯爵茶朱古力蛋糕 呢個朱古力味冇小紅帽咁濃 但係就有伯爵茶清清嘅香味喺口度徘徊 所以食得出佢朱古力味吾太濃嘅目的就係吾好蓋過伯爵茶嘅香味 有心思哦出門口果時見到隻可愛豹仔公仔 忍吾住影埋想🤣🤣

聽說這間店係由日本名古屋黎香港開店架，成日都想住要去日本，老公就話黎左=去左日本 😐一入到去就係甜品櫃😋點餐先！主要係咖哩飯同三文治咖哩滑蛋豬扒飯 - 推介呢個飯，滑蛋真係好滑，做得好👍🏻👍🏻👍🏻 豬扒炸得好脆，份量都幾大而飯係混合了蘿蔔、菇，本身已經帶點點的味道👍🏻👍🏻👍🏻👍🏻黎到梗係要食埋甜品啦！ Earl grey 愛好者梗係要食伯爵茶朱古力蛋糕， 上面層朱古力都幾厚，食到濃濃的朱古力之外都有伯爵茶的味道，但係甜度可能因源自日本，是略帶甜的， 個人黎講覺得好好味🥰

對女仔來說，食甜品好似無分時段？今日食完lunch，突然好crave for dessert。(why not go now?)幸好吃lunch附近有間吃日式甜品的餐廳，不出所料，蛋糕既精緻，價錢亦合理。經過一輪挑選(選擇困難症)，我最後揀左伯爵茶朱古力蛋糕及雲呢拿脆脆泡芙。前者由香濃朱古力，伯爵茶butter cream，杏仁碎等材料組成，層次感十足，很可口; 後者泡芙非常香脆，雲呢拿cream甜而不膩，非常推介。

Weekend 同朋友仔係中環睇完展覽後，落場大雨，我又開始肚餓就見到附近有間甜點店舖，嘩，過江龍日本殿堂級甜品店，所有甜品均由Takeshi Shibata San親自研發，來自名古屋甜品店嘅味道，擺滿好多精緻既小蛋糕🍰，每款小蛋糕都好美味咁😋😋😋！我揀好後就付款，之後店員就會送餐，呢度仲有免費Wi-Fi and USB頭可以充電，剛好電話冇咩電，真係貼心既服務👍👍👍紫醉金迷-紫薯忌廉撻$35: 肉質棉滑，滲透出香濃既紫薯香味，中間夾左一層忌廉，唔會太甜，而底部就係撻皮，口感好有層次！脆脆泡芙（朱古力）$22: 最愛食泡芙，仲要係朱古力味，一咬落口好脆口，而中間夾滿凍凍既朱古力cream, 好幼滑，超配搭泡芙既味道，愈食愈滋味！熱茉莉花綠茶🍵$18: 食完2件cake 嘆番杯熱茉莉花綠茶🍵最適合，可以幫助腸胃消化，飲完散發出茉莉花既味道，香氣撲鼻！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

位於中環的Chez Shibata，是日本名古屋殿堂級甜品店。又一間知名的甜品店來港，是各大甜品控的福音阿。三間餐廳同時使用同一舖位，包括: 麵包店，咖喱飯店和蛋糕店。讓客人在同一地方解決用餐煩惱，一次過品嚐正餐和甜品，非常方便呢。裝修走優閒風格，帶點可愛日式元素，相信是不少女孩聚會的好地方。蛋糕店由日藉甜品大師 柴田武創立，他是現仼日本西尾抹茶和法國知名朱古力Cemoi的大使，實力和功架當然不用多疑啦。每件蛋糕勻相當精美精緻，令人目不睱給。融合日本和法國的手藝，造出來的蛋糕猶如藝術品，令貪食的我一下子點選三個蛋糕!焦糖吉士棒棒 $26閃電萢芙造型的焦糖吉士棒棒，味道很有驚喜呀。萢芙皮焗至漂亮的深啡色，放上切粒芝士，撒上少許海鹽，內裡的焦糖醬甜而不膩，稠而不苦，甜中帶驚喜的微鹹，很不錯唷。草莓忌廉墶 $40三個蛋糕之中，最吸引我的，非這個草莓忌廉墶莫屬啦。大顆鮮紅的草莓，整齊的排列著，奶香重的忌廉藏有漬草莓，蛋糕和墶皮充滿牛油香，令人滿意。半熟芝士蛋糕 $32個人認為，雖是大師級的製作，但蛋糕絶對不貴，性價比很高呢。芝士蛋糕幼軟稠密，味道頗濃，但不會很膩，更有大版本讓客人選購哦。

柴田西點是來自日本名古屋的殿堂級甜品字號，由國際甜品大師 Takeshita Shibata 主理，特色是結合法國甜品的精緻及日本的手藝，賣相精細漂亮，人見人愛。七月上旬的一個星期六我專誠拜訪，兩件蛋糕一壺花茶，靜靜享受休閒的下午。半熟芝士蛋糕 $32 野莓心形蛋糕 $36 碟豆花水蜜桃花果茶 $38蛋糕食落口感輕盈，選用了上升忌廉，無膩感；糖度輕手，唔似不少日本甜品超靚但勁甜，適合香港人的口味；造型漂亮，野莓心型蛋糕帶自然酸香，切開中央質感滑，與脆脆地的外殼成對比，可口味香。浪漫的紫色，迷人的意境，碟豆花水蜜桃花果茶令人動心，輕輕桃子甜，越飲越輕鬆。空間足夠，環境舒適，過得真不錯的一個周末。