Chickee's (西九龍中心)

營業中

休息中

今日放假走左轉深水埗。行過西九龍中心，行到有d攰，上8樓美食廣場醫下肚。竟然有以外驚喜8樓重新裝修左，多左好多野食。今日試左間食意粉的。估唔到深水埗都有間咁好食既外賣。

我勁少去西九，咁岩朋友帶我上黎西九8樓食好西簡直大開眼界，原來有咁多好野食，有選擇困難症出現，最終揀左間食意粉試下叫左一個海鮮龍蝦汁意粉及牛油雞翼海鮮有魷魚圈大蝦青口，比我想像中份量都多，好抵食😋牛油雞翼就細左d另外朋友叫左個青咖喱雞肉意粉及黑松露爆薯青咖喱好味道岩岩好，雞肉唔鞋口，辣辣地勁鐘意個黑松露爆薯，炸得岩岩好，我都係第一次食lee種炸薯仔，好好味😋想像唔到係lee到食到有質素既美食😂

琴日咁岩行開西中心！順便行下8樓睇下最近有咩新野食！一搭電梯上到去，見到間賣意粉！即刻行埋去一試。店員推介左泰式香辣肉碎意粉黃金雞翼等左10mins左右 好快就有食香味十足！一食落去更加停唔到一定會再黎，試晒全部！意粉控一定要去食。價錢唔貴！酒店級味道！極力推介去試！

因為係叫Deliveroo, 所以費事upload 外賣相。不過已經叫咗兩次，第一次係叫卡邦尼意粉，唔好睇小呢種度度都食到嘅意粉，其實要煮得好食同味道剛剛好一啲都唔容易，食得出佢哋起材料同埋醬汁調味上去好用心機，意粉軟硬度適中，味道很好很入味，就算係外賣送到你都唔會軟咗；第二次係叫咗青咖喱雞肉，一款我覺得同意大利粉完全唔夾嘅味道，但係食咗之後先發現原來青咖喱同creamy汁係好夾，我會慢慢試晒佢所有味🥰；爆薯味度設計好有心思，推薦班尼迪和黑松露味。總括來說係一間性價比好高嘅意大利粉！

Lunch Time上咗西九8樓 見到新開咗間賣意粉嘅鋪頭 見好多人買嚟食 決定叫咗個Carbonara試試佢$39 另外加$16有2隻雞翼 意粉有驚喜味道一流 有口感 又唔漏 正呀！！😋😋黃金雞翼都唔錯 都好味 咁嘅價錢咁嘅質素真喺冇得輸😍😍😍佢仲有啲幾特別嘅意粉都好想試仲可以加十幾蚊配埋爆薯 有個Egg benedict爆薯 出面賣緊過百蚊 呢度加$24己經食到🤤可惜今日太飽驚食唔曬 下次一定試曬佢👍🏻👍🏻