CHICKEN EGG BOY

營業中

休息中

今天路過上環發現了這家不一樣的雞蛋仔咖啡店。靚仔店長推介我試他們的菠蘿包雞蛋仔，嘩！果然不同凡響。菠蘿包雞蛋仔皮非常脆香，甜度適申，超好味！朋友試了腸仔蛋雞蛋仔，口味與別不同，用料十足，置得一試！加上他們的港式奶茶及鴛鴦，絶配！

竟然有人做咗我細個諗過嘅嘢 - 菠蘿包雞蛋仔!所以今日特登放工去上環試!Ok喎新鮮整熱辣辣好脆，裏面唔係死實麵粉嗰隻，係鬆軟嘅!外脆內軟嗰日食唔晒拎到返屋企都仲keep到好脆! 同埋以為會好甜，又唔係喎，ok啱啱好!自己點咗奶茶幾香，朋友點吃花茶，好夾可以解膩。雖然$59一底少貴，但都值得一試! 下次想試吓腿蛋治味雞蛋仔同咖啡不過記得要早啲落定order ，因為都要等幾耐，上次等咗大概45分鐘，不過都值得嘅

估唔到經過一間充滿街頭風格既Cafe☕️，原來裡面係賣雞旦仔。好高科技可以自己落單🧾，店員就可以專心咁整雞蛋仔。一場黎到緊係揀左呢到每日數量有限既菠蘿包口味雞蛋仔同埋揀左三拼雞蛋仔（雞蛋🥚、火腿🍖、咸牛肉🐄）加兩杯咖啡。菠蘿包口味雞蛋仔🥧✨有一個好香港街頭風格既紙袋裝住，見到成排一粒粒菠蘿包造型既雞蛋仔好冶癒，同埋好有心機每一粒都有酥皮喺上面，每一啖都係外脆內軟😋擺左工段時間食都仍然好脆身。三拼雞蛋仔（雞蛋、火腿、咸牛肉）✨‼️呢個超出想像，因為竟然係同蛋牛冶神一般似既味！我會形容呢個味道係最驚豔，同埋爆多餡料，一定要趁熱食！估唔到依家食雞蛋仔都可以坐喺到嘆杯咖啡☕️咁休閒，其實食成排雞蛋仔加杯咖啡，都係一個好豐富既早餐。呢間店保留所有🇭🇰香港既風格設計以及食物同味道可以設計到大家對於香港形象既雞蛋仔，👍🏻咁有心機既店喺香港真係愈黎愈少。

係門口見到好多人排隊，好在有得坐，唔使係街邊無冷氣熱辣辣咁等。仲可以係度食，打破街頭小食邊行邊食嘅傳統，仲有套餐選擇。以為有排等，點知未夠15分鐘就拎到，果然人多好辦事。店內裝修幾潮，仲有打咭位😆。🥚Q版菠蘿包雞蛋仔呢個係心機之作，原來係整好雞蛋仔後，一塊塊菠蘿包料放係雞蛋仔面，再放入焗爐焗脆。雞蛋仔內軟，菠蘿包勁脆，口感豐富，一次過滿足晒兩個喜好，值得試，就算放涼左仲好脆👍🏻。🥪雞蛋仔自選(蛋、咸牛肉、餐)本身好鐘意食咸牛肉蛋治，今次將啲餡包係雞蛋仔入面，每粒雞蛋仔都好有份量，咸嘅雞蛋仔又幾好食喎。🍵菊花杞子明目茶對電腦多，係要補下眼，飲到真料實料。未試過食雞蛋仔係店內用餐，而且個養生茶係成set咁上，咁配雞蛋仔好浮誇🤣。🍵無花蜂蜜潤咳茶呢排轉天氣，成日敏感咳。個潤咳茶甜甜地，入面有雪梨無花果，飲落唔怪得咁舒服。

近排喺網上見到好多人洗版，全部都係呢隻"Q版菠蘿包雞蛋仔"，真係超級得意🤩鐘意試新嘢嘅我一定走嚟試吓!我同朋友一入到鋪頭，已經見到好多人，我哋喺自行係售賣機度買咗:🌟Q版菠蘿包雞蛋仔 $59🌟餐蛋治雞蛋仔 $39🫖無花蜂蜜潤咳茶$49☕️泡沫咖啡$44人龍真係勁長，我哋等咗差唔多40min先有得食!😋但係Q版菠蘿包雞蛋仔，每粒雞飯仔上邊都有菠蘿包嘅皮，店員簡單咁解釋俾我聽，首先要整好底雞蛋仔，之後再逐粒鋪上菠蘿皮，再攞去焗，心思十足，味道濃郁又好食!果然系鎮店之寶!而餐蛋治雞蛋仔味道都好唔錯，好有茶餐廳食蛋治嘅感覺，非常有創意!我地再加埋兩款嘢飲，做下午茶真係一流!

堅係做到粒粒雞蛋仔變粒粒菠蘿包整好件雞蛋仔再入爐烤聽到厨房叮一聲然後就見到呢底 #菠蘿包雞蛋仔 熱辣辣出爐講真一開始唔為意反過另一面先「嘩！」出聲真係每一粒雞蛋仔上面都舖咗菠蘿酥皮我諗我邊打卡邊重覆呢句「好cute囉」好多次店員都忍唔住行過嚟介紹返菠蘿雞蛋仔口感好脆係小店自家硏發嘅雙重酥脆工法打咗成幾分鐘卡再邊行邊食都仲係keep到口感加埋個菠蘿包皮本身又係鬆脆啪每粒都仲有「啪」一聲另外鹹甜組嘅鹹牛肉蛋都幾得意茶記經典

可能係香港第一間專賣雞蛋仔嘅𝒄𝒂𝒇𝒆？可以堂食/外賣 雞蛋仔套餐配咖啡奶茶花茶～店面好得意 係街頭塗鴉風嘅設計 係自助落單口味超創新！鎮店之寶有菠蘿包雞蛋仔 勁𝐟𝐮𝐧 (☉∀☉)賣相好可愛 每粒雞蛋仔上面都有菠蘿脆皮 脹卜卜雖然價錢唔平 但真心考功夫 而且口感好好 雙重酥脆！見店員先整好底雞蛋仔 再逐粒鋪上菠蘿皮 之後再焗 成底都好脆有蛋香 中間半空心～菠蘿皮更多一層口感其他口味都好盞鬼 有餐蛋治腿蛋治/鹹牛肉/腸仔包味可以自己𝐦𝐢𝐱口味 整個雞蛋仔版嘅四寶飯！不過店家都講明三/四拼嘅鹹味配搭 相對會淋身啲見到佢真係粒粒都好足料 蛋香夾雜鹹香 味道取勝！

想Chill 住食新鮮即做雞蛋仔🧇但又想坐低嘆番杯港式絲襪奶茶、意式咖啡☕️又或者花茶？仲有充滿玩味特色打卡位📸味覺、視覺同時滿足呢間充滿街頭藝術風格嘅新派小食店CHICKEN EGG BOY 以香港經典街頭小食「雞蛋仔」為主題🐥將懷舊街頭小食融合本地文化除咗經典雞蛋仔外仲有餐蛋治雞蛋仔、鹹牛肉雞蛋仔、腸蛋包雞蛋仔同埋每日限量嘅鎮店之寶「菠蘿包雞蛋仔」 👧🏻 囡囡仲話好好食 要我下次再帶佢黎試埋其他味道雞蛋仔迷記得嚟試吓啦 💛～CHICKEN EGG BOY 香港上環永樂街148號地下2號鋪* CEB盈餘全數作慈善用途*