6
2
0
| 餐廳: | CHICKEN FACTORY (愛民商場) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
11:00 - 21:00
星期一至日
11:00 - 21:00
公眾假期
11:00 - 21:00
以上資料只供參考, 請與餐廳確認詳情
唔講你可能唔記得，雞，除咗炸，其實仲可以拎去“烤“嘅。講到烤雞專門店，以前有紅極一時嘅《La Rotisserie》，而家就好似得返大型連鎖店嘅《Chicken Factory》 (簡稱“雞廠“)。星期二，12：25，愛民商場嘅雞廠俾學生同外賣專員佔領咗。今日唔嗌1/2隻雞嘅一人餐，同新同事玩大啲嗌原隻烤雞手撕兩份分，12：30落單，差唔多13：05先有得食，等到人去樓空外賣變堂食：〰️〰️〰️🍗 原隻烤雞 ▪️ 賣相一絕，無穿無爛，烤到金黃焦香！熱辣辣原隻上喺唔同啲，有啲位烤到脆皮，撕開雞脾有肉汁滴出嚟！有雞味、無雪味，調味啱啱好，雞胸位唔乾又唔老，同事大讚“🉐️喎！"。▪️ 二人餐default跟黑椒汁，唔似一人餐甘可以揀牛肝菌，麻辣醬果啲，體驗差啲。🍚 雞湯油飯，蘑菇飯▪️ 今日嘅飯喺飽滿粒粒分明嘅珍珠米，同記憶中一人餐用普通米煮嘅飯好大對比！雞湯油飯幾香，蘑菇飯個醬汁唔Hea，OK喎真喺。🥗 牛油粟米，烤雜菜，焗薯▪️ 粟米正常發揮，甜嘅。▪️ 烤雜菜(四季豆 x 椰菜花 x 紅蘿蔔)同焗薯一樣，烤到焦香焦香，本質上喺OK嘅，純粹調味出咗事，鹹到要預約洗腎。🥤 檸檬洛神花茶 (+$2@)▪️ 洛神花味唔突出同甜咗啲，都喺奶茶出色啲。〰️〰️〰️《Chicken Factory》▪️分店：愛民商場▪️價位：1/4隻烤雞套餐 ($46) ~ 皇牌滋味原隻烤雞二人餐 ($138)▪️配套：烤雞爐✅️ (唔喺炸雞扮烤雞)，即棄膠手套✅️，洗手✅️，BAR枱叉電✅️。▪️環境：主打外賣，BAR位連枱有15個位左右，堂食喺有啲迫夾。〰️〰️〰️💸 埋單$142 (人均 $71)，❌️加一，滿足飽肚離場。🗣 唔喺第一次食嫁啦，雞廠嘅水準時好時壞，唔排除今次好食純粹喺巧合。🗣 唔知喺咪原隻雞上同啲雞去得快唔駛翻丁出餐，今日隻烤雞喺皮脆肉嫩嘅，除咗出餐安排得亂咗啲同調味兇狠咗啲，其他無投訴！
繼續閱讀
本身我下午茶買咗麻辣海南雞飯，加左錢想要個湯，結果佢沒俾我仲話返我 唔跟湯，之後睇返單先俾返我第二次去買同一個飯，結果整左個唔辣嘅俾我，草草了事。一言難盡，本身好多野都自助，但d人嘅態度十分差！！！
繼續閱讀
食完打算離開，點知一名大陸店員講普通話大聲呼喝，叫人番入去收拾食完既餐，超無禮貌，完全令人回望都唔敢，仲要普通話講：「下次還來吃！」我真係服左佢，本身想番入去執都令人卻步！食餐飯都令人咁不安，真係「下次不來吃！」 唔期望有咩服務，亦都唔係唔會幫手，食餐飯令人哋咁尷尬，你個店員真係做得好好～
繼續閱讀
其實間舖頭人手唔夠就唔好賣咁多樣食品，等個外賣都要等半個鐘，張單完全冇人手去理，我果張27號單仲插住係度，但係人地4x都已經拎得，決定以後唔去果度買外賣，食其他野好過!!!
繼續閱讀
一直都好想試呢間烤雞店 去到2點30分 但下午茶個烤雞脾已經賣完了🥲 所以就同屋企人叫左個皇牌滋味二人餐升級店員態度好友善 我麻煩佢幫忙將原隻雞切開4件方便share食烤雞真係非常大隻 肉質嫩滑好多肉汁 配上微辣嘅黑椒汁增加風味 而佢本身既調味亦都恰到好處 跟餐有雞油/磨菇飯 2客點左雞油飯 飯質軟硬度適中 帶有淡淡雞香味 份量大約都滿一碗 烤薯＋3隻瑞士雞翼 薯仔用香草烤 好入味好香 雞翼正常發揮 2罐汽水 (可以加錢轉其他飲品) $158我會形容係超值 值得試
繼續閱讀