Chill Cafe Bar & Grill

營業中

休息中

第一次喺呢度食lunch，叫咗個黑松露Risotto 配燒雞 $148。-1. 個Risotto啲飯超硬，完全唔似Risotto，可以話係食過最難食嘅Risotto😵‍💫2. 啲雞肉都係好硬，完全唔嫩滑，同埋舊雞好似冇醃過，無味3. 成個飯都無味，完全無黑松露味，就連忌廉味都冇。4. 份量少，女仔都食唔飽-其實好少寫到篇食評咁差，但真係可以話食過最難食嘅Risotto。完全對唔住個價錢，唔值得收呢個價，成個Lunch Set $148仲要唔包沙律同餐湯，剩係得呢個飯同飲品，通常呢個價錢嘅Lunch Set都會包沙律/餐湯/餐包。哩度真係咩都無，重點係真係太難食，希望可以改善下🥲

公司初來九龍灣，一行15人，諗極邊度訂枱都無頭緒，幸好同事搵到Chill cafe，網上訂枱，即時放心哂。食物味道唔錯，慢煮雞胸好嫩滑，溫泉蛋剛好，初初諗住無湯無飯意粉份量會唔夠，點知都好飽。咖啡尚算ok， 不太特出。店員有禮貌。環境舒適。坐得都好舒服。

Ordered tiger prawn risotto, it use to be very tasty with a big prawn with it , but today really disappointed me, the risotto has only 4 small prawn but they are charging same price 148$ , and the soup and bread need to add extra 15$ where it used to be in the set.. the restaurant is trying to saved cost on the food ingredients even a french fries they changed it to mcd standard 🍟.. super disappointed and will not visit again !!

星期五約咗九龍灣舊同事聚一聚，佢哋訂咗呢間Chill Café Bar & Grill, 其實我兩三年前都嚟過。今次再嚟，我仲認得個女經理，服務依然周到。 Outdoor 座位比較搶手，我哋7點到已經係得返最後一張枱。餐牌多咗好多選擇，最驚喜係有1.5KG 安格斯斧頭扒，星期五唔使預訂，我哋一行4個人就決定KO佢，$1,188 確實唔平，不過一出嚟見到個賣相未食先興奮😆 足足有2吋厚，支骨長過我手臂💪。我地叫五成熟，燒得啱啱好，跟埋少許沙律菜同粗薯條，肉汁豐富。淨食呢件扒4個人都飽咗八成😅 叫咗支佢哋嘅House Red, $280 性價比好高。另外小食個炸意大利雲吞好值得推介👍

第一次打食評就係因為今次完全有hard feeling。。。由一開始第一次黎，一路都好好，食物質素高，員工服務態度好！直到近幾次去就每況越下。。我地每次去都係叫牛扒，因為好鐘意佢d牛扒有碳燒味，雖然而家都keep到有碳燒味，但廚師完全唔識分5成同7成，次次黎親都全熟。。配菜係數得出既5條薯條，3條幼蘆筍加2粒蕃茄！食過幾次都係甘忍唔住開口同shop in charge講話以前有包湯同沙律，而家cut左之餘所有份量都少左，質素又差左，點知位男同事態度勁差，我都講明係俾番d意見佢，唔係要R咩，只係希望佢地有改善，但佢竟然同我講我唔知你之前係講緊幾時黎過啦，我由上年10月入職已經係甘，我又唔見有其他客投訴，我會反映番俾老細同大廚聽，睇下係咪有需要改善。。真係嬲到我一個點！試問而家仲有服務行業態度甘差架咩？你簡單講句唔好意思，會幫我地反映意見就已經可以平息到成件事你都做唔到，難怪以前甘難訂枱而家即日訂都仲可以有位啦！CS最基本既態度都無，哩間餐廳只會愈黎愈少客幫襯，最少今日已經又失去左9位客！

黎到九龍灣返工，成日都想搵啲特別嘅餐廳試下。想試呢間一段時間，拉埋大佬黎食。幸好我哋食得早，booking係full，食得快就可以入座。價錢算中上，另加錢先有湯或沙律。入到黎係幾chill，有啲陽光射入黎係幾好。巴馬火腿卡邦尼扁意粉，128元，整得幾好，唔係落cream，ham都幾多，係份量就少咗啲。燒新西蘭肉眼扒10安士，168元，一上就上哂汁俾你自己點，幾好。室外係幾好，即使咁熱都多人坐㗎，下午黎飲杯野係幾正。

聽朋友介紹喺九龍灣有間唔錯嘅al fresco餐廳，趁今日黎開Megabox順便過嚟試菜。我哋一行四人行完街晏晝五點幾黎到，嗰時仲未多人，職員姐姐可以俾我地坐露天最近圍欄個位睇風景。我叫咗杯凍mocha，幾香滑，打卡一流。但值得推介係女朋友杯Mocktail Strawberry Frozen，$68超·大·杯，試咗啖好香士多啤梨味。我地嗌咗Nacho同牛仔腸，特別鍾意佢腸仔有咬口同肉味濃，配埋茄醬我忍唔住連續食咗三條。喺夕陽下遠眺維港對岸，寫意咁飲嘢食嘢，同一街之隔商場入面嘅熙來攘往恰成對比，我地好似置身繁囂鬧市中嘅綠洲，享受慢活。同行朋友之後叫咗支Rose一齊飲，佢仲嗌埋隔離餐廳嘅生蠔黎食，幾鮮甜有酒店水準。之後再追加兩個海鮮熱盤，牛油焗帶子最鍾意反而係佢塊蒜蓉包，沾埋牛油、帶子嘅醬汁，鹹香中帶有鮮味。而兩款焗蠔分別係蒜蓉牛油同煙肉，煙肉幾足料，但個人都係鍾意生蠔鮮甜啲。朋友想試吓佢迷你Ham & Cheese Platter，$108原來都有Blue Cheese一共三款火腿兩款芝士，不過可能係Mini Platter關係未有配水果。最後我地都飽飽地，唸住share個Main，侍

到附近工作空檔，吃一頓好的再開認真mode這間餐廳是吃環境的，算是光猛，估計晚上配合暗暗的燈光，情調上升，有加分作用。Lunch Set有不少選擇，有沙律、有pasta、有扒。Pasta控的，特別是Penne，想也不想便叫了。有希臘沙律或橙甘荀餐湯，再配餐茶。希望跟著環境飲食去，寧可加錢配英式早餐茶享受去。餐包沒有想像中的熱力，不燙手，配牛油也是可以有熱餐包的感覺。橙甘荀湯就真是太“有機”了，淡口得來就像水+甘荀的味道，不濃郁，可能沒有加上忌廉及奶，令其本身就是水+甘荀。相反的，長通粉很入味，入味得來頗鹹，鹹又不是黑松露的鹹，真的吃得出鹽味的鹹，不知是否煲長通粉時鹽下重手了，再炒時出水把鹽味透出了。正餐吃完，剩下早餐茶慢慢嘆，希望食下環境氣氛時，店員走過來說“因為外面有人在等位，我們給你九折，可否為你先買單?”。被店員突如其來的舉動打突，雖然不好意思的“佔桌”，但序前入座時又不見你說有“限時”，當本人還剩下四分三壺早餐時才說。無可奈何下，匆匆的買單，急急喝完還有小燙口的早餐茶，帶著感覺不良好的氣氛走了。

行開九龍灣MegaBox當然唔會甘輕易放過附近嘅餐廳就上咗一間好舒服的天台餐廳🍴有風景睇之餘，仲可以吹住風傾計🗣✨水牛城辣雞翼🐥醃得入味，初初冇辣味但食多兩隻，辣味就岀黎啦😅果然唔可以睇少🤷🏻‍♀️外脆，但入面的肉汁仍然鎖住推薦⋯⋯推薦⋯⋯👍✨龍蝦汁香草海鮮扁意粉🍝濃烈嘅龍蝦汁味豐富嘅海鮮🦞再配上微微嘅香草味意粉🍝完全吸收哂全部汁的精華🥰一食就愛上❣️✨黑松露薯條🍟份量有啲多✊炸得脆卜卜，唔會好乾身黑松露味十分濃郁👏🏻

Team Lunch 老細想搵個地方可以輕鬆下傾下計，咁岩天氣又唔係好凍，露天都坐得幾舒服。叫左個精選午餐，普普通通咁椰菜花忌廉湯忌廉味係有，飲到底先有淡淡的椰菜花味菲力牛柳（medium rare) 味道一般，醬汁略嫌蓋左牛肉既味但因為餐具把刀係普通刀，完全唔好切同事就算肉眼扒同豬柳都係比較難切價錢188，仲未計加一以午餐黎計係中上價位可惜cp值不算高環境係靚既老細又可以食煙如果普通午餐，可能揀其他西餐會比較划算或者happy hour飲杯野就推薦下黎

holiday 梗係約朋友出去食飯啦啦，指定動作哈哈哈！！！ 本身就諗住喺九龍站搵間平平哋，又有質素，環境又舒服嘅餐廳，食下中午，同埋順便慶祝朋友生日 ，咁啱上網就搵到呢一間 。 坐低嗰陣都覺得舒服因為室內設計都好新潮。 員工服務態度都好好，滿面笑容……………………………… 呢個餐牌見到好多選擇 ，雖然唔可以話全部都好精緻，但都不過不失。喺 九龍灣 嚟講，係一間值得去嘅餐廳。性價比高， 咁樣我叫咗一個海鮮飯， 海鮮嘅質素都非常好，而且飯前有一個湯 感覺好舒服 ，質量有保證 ，食得出同出面普通甜品舖 分別。最開心嘅係可以喺尖沙咀，食到甘嘅質素，絕對比出面嘅質素好 ，而且食落都唔會好油膩，口咁啱啱好。 開心今次揀啱咗餐廳朋友嘅生日亦圓滿慶祝。 地點方便好近megabox食完之後仲可以去旁邊行下。 員工態度都好有禮貌………… 總體嚟講係值得推薦， 我諗如果之後仲有朋友生日 都可能會再嚟呢一間

前兩日到九龍灣搵朋友食lunch，朋友話食好D，介紹來這間。餐廳環境不錯，見有露天位，雖然嗰日都好熱，但仍然有不少外國人坐露天座位，不過我哋就怕熱，坐咗入裏面。雖說坐indoor啊，但全餐廳都落地玻璃，環境都幾光猛，幾舒服嗰日我地食咗個肉眼扒及牛尾，真的不錯👍🏻肉眼扒肉質軟稔，跟我平時自己到City super 買百幾蚊一塊的Ribeye 質素都差不多。而家Set lunch都係$178，連湯連飲品，真心抵朋友食牛尾，份量多到食唔曬。佢話都好ok. 下次可以試試happy hour

今日team lunch 選了這間西餐試試，有lunch menu 和daily special menu 兩個選Starter 可揀紅菜頭salad or 忌廉湯可選，忌廉湯材料十足，還有麵包粒做裝飾，紅菜頭salad用料十足，配搭火箭菜，另外有餐包配送Mail dish 選了紅酒燴牛尾配薯蓉，牛尾燴得非常入味，入口即溶，而且份量很多，應該要兩個人share，性價比頗高薯蓉very creamy and soft, 配菜有mushroom, carrot 和洋蔥，非常match

當晚一行四人在露天的位置用餐, 剛好中秋臨近, 開餐前先借餐廳內的雪櫃放著我們的雪糕月餅我們各點了四選一的晚餐, 一道一道菜慢慢送上來前菜, 湯, 主菜, 甜品.. 不錯不錯主菜我點了魚, 魚是柴了一點但都可以接受一直服務都不錯, 突然餐廳內熄了燈,  門鎖了, 員工走了!! "我們的月餅呢!!"立即打回餐廳的電話, 已飛往留言, 打了20分鐘. 終於有員工接了電話她說我可以明天取回..  真的感激第二天無奈地又來了一次餐廳我一進餐廳並沒有理我我要"唔該"她才起身應我  (真是打擾你了)她在雪櫃拿回月餅給我跟我說: 你自己檢查下, 雖然我地放左喺雪櫃, 但係會溶雪多謝你話我知你餐廳個雪櫃唔夠凍咁你d肉類放左喺雪櫃咪會滋生細菌? OMG好在我前一晚食完餐飯無肚痛

九龍灣返工，來來去去都係嗰幾間餐廳，呢間之前食過麻麻哋！今次俾多次機會佢，一行幾人去呢間餐廳，晏晝1:00等左一陣位就可以入啦。鋪頭好闊落，有好多位置，但係下午時間都繁忙。今次我就叫咗燒西班牙豬柳配雜菜$138跟一個餐湯或者沙律、同埋飲品。佢個沙律好有誠意，仲有啲芝士係上面，我幾喜歡😋😋另外燒西班牙豬柳都有份量，唔錯！豬樓上面個醬汁略嫌清淡左少少。今次比我嘅印象成功洗底，食物質素同埋速度都好過上次好多，但係總括嚟講價錢都真係比較貴。