CHIMAC (德福廣場2期) (已結業)

中午想搵間餐廳食野，搵搵下搵到chimac，點左五花肉飯同辣炒年糕，之前完全唔知佢出名炸雞…但我只可以講佢既哩兩個餐真係超難食…年糕味好淡，一點嚼口都冇，五花肉臭臭地，飯一啲味都冇…我當時仲同frd講點解咁難食都可以開店🤦🏻‍♀️之後上網睇評論先知佢出名炸雞😅好心佢就專注炸雞啦，做咩開發其他產品出來禍害人…一次最差既體驗…

第一次黎食 見個餐牌好似幾吸引兩個人叫咗半份原味炸雞套餐（$58+18）加一個炸醬麵（$58） .見到個炸醬麵心諗中伏點解完全唔係相入面個種麵條而係公仔麵咁款食落去根本完全唔係韓式炸醬麵好似一個煮到淋哂嘅印尼撈麵淋咗啲中式肉躁上去咁👎🏻呢碗咁嘅野賣$58 得半隻烚蛋完全係搵笨 餐牌上面仲寫話推介等咗咁耐個炸雞出餐都根本唔熱完全唔脆 個皮淋哂👎🏻👎🏻食落去仲有陣南乳味 以為自己食緊中式野仲話係韓式炸雞墊底個啲薯條好似擺咗好耐咁又凍又乾又硬成餐飯唔知食緊乜野所謂嘅紫菜飯就係半碗白飯擺小小紫菜碎係面 紫菜都唔係好貴啫 洗唔洗咁姑寒😅.絕對冇下次👎🏻👎🏻

CHIMAC提供地道韓國炸雞，韓國盛行的炸雞口味，除了炸雞，還提供韓國非常盛行的厚吐司，如直奔韓國街頭。 今次叫韓式伴飯，泡菜辣度十足，蔬菜新鮮，牛肉肉質鮮嫩。前菜入味爽口。

第二次食CHIMAC，之前係觀塘食過，原來九龍灣都有間店，一直無留意到一於今次食九龍灣既分店。我係外賣app落單及送餐，見到有炸雞套餐，lunch炸雞加個細飯同餐飲夠曬啦，又大份又抵食！炸雞份量依然好足，而個飯就細細個甘，但作為午餐一定夠食！一個套餐包左醃蘿蔔、炸雞、飯同野飲，呢個叫左原味炸雞，無任何醬汁係面，外賣返到屋企仲脆。其中一個餐叫左牛肉飯，牛肉都好入味，白飯應該係珍珠米黎，呢個配搭一定唔會唔好食啦！第二次食CHIMAC感覺唔到分店都有keep到水準，都仲係覺得好好食！而且份量又大份，好滿足！我覺得炸雞配可樂真係好爽，食住啖啖肉，再飲一啖可樂，正呀！

黎到德福食午餐，Foodeli雖然唔係間間有開，都總算各國料理都有得揀。菠蘿莎莎醬炸雞 ＄58除左正餐之外，仲係CHIMAC散叫一份炸雞做小食，揀左小朋友最鍾意嘅菠蘿。要細份炸雞腿肉，細份有八件，價錢都合理，小食多滋味。炸雞都炸得好脆，勝在唔太油膩，仲保留到啲肉汁。加埋菠蘿莎莎汁酸酸甜甜仲更加開胃。另外有兩大片新鮮菠蘿相當甜，好多汁，正好解膩。不錯。炸雞下面仲有一堆薯條，薯條都係新鮮熱辣，幼身的，落少少茄汁就係小朋友最愛。

💔昨天去九龍灣的德福廣場逛了一會兒，肚子有點餓餓，然後就來了這家炸雞，點了一份炸雞吃。我選的口味是蜜糖焦糖味的，因爲我比較喜歡吃稍微帶點甜味的炸雞。🤎他們的價格真的非常的便宜，小份的炸雞？好像是48大份的炸雞，是78，我點了小份的，但是已經覺得有個八九塊了，下面還鋪滿了薯條，真的性價比超級超級高。炸雞的味道非常非常的不錯，又香又脆，吃的很上頭。我看到非常非常多人打包這家店的外賣，因爲價格實在太便宜了，味道又太好了，你們下次一定要試一下。

其實呢間炸雞店都想試好耐🙉朋友屋企有分店可以叫外賣直送一於叫左兩份半隻炸雞，蔥蒜醬油味同蜜糖牛油味😋朋友們都讚好味👍但我個人偏向中意葱蒜醬油味炸雞肉嫩又多汁，雖然係外賣但仲暖熱🔥作為party小食可推介！😋😋

菠蘿莎莎醬炸雞 （雞腿肉、細份）set $76個莎莎醬汁係幾好食，甜酸適中且帶微辣，不過啲醬似乎太多，如果唔加埋舊菠蘿一齊食就有啲漏口，皮入邊嘅雞肉質鮮嫩同埋唔鹹，就算嗌細份雞腿肉都有九件，喺個食物籃嘅底下有幾條薯條，不過就比較幼同埋硬身，整體來講係性價比之選！💕喺德福food cort 遊蕩之際，見到呢間炸雞🥹 $58唔算貴！不過事後諗返其實唔使加$18 餐食，我一個女仔都已經夠飽，我完全冇食到佢嘅前菜，不過個牛肉飯啲飯攞嚟送炸雞會冇咁膩😙

午餐餐牌寫明套餐會跟「酸蘿蔔、泡菜」，而我嗌嘅豬手飯嘅相上面都有泡菜嘅樣，但出到黎我嘅前菜得返一碟酸蘿蔔，我碗飯上面都係得酸蘿蔔😅問返店員，原來前菜係酸蘿蔔「或者」泡菜..🥲而豬手飯上面都冇泡菜🥲建議你地嘅餐牌寫明「酸蘿蔔/泡菜」，餐牌都唔好將啲冇嘅材料放埋入張相誤導食客😅因為我係以為有泡菜先會幫襯，而家好似比人呃左咁，就算整得幾好味，都會印象分大減🥲

呢間Chimac 韓國餐廳, 係九龍灣德福廣場二期Foodie food court裡面。德福廣場想食炸雞，除咗M字頭嗰間就係K字頭嗰間。終於搵到一間係可以食到韓國炸雞嘅餐廳。我叫咗呢個無骨嘅芝士炸雞套餐，配卡邦尼意粉，送一杯飲品我就揀咗Zero。餐牌上睇到嘅芝士炸雞套餐，我仲以為係好多炸雞，但出到嚟見到係只有幾兩三少塊，同埋我冇諗過佢係放埋喺卡邦尼意粉裏面。我問個服務員乜唔係跟個餐牌相一機用個籃出嘅咩？個服務員話係要叫單點先至會用個藍出。成個賣相冇咗食韓國餐廳feel有點失望。好彩個芝士炸雞味道都唔錯，如果芝士粉可以再多啲就好了。成個套餐$62都算抵食。

2021.11.24 lunch開咗咁耐都冇試過，係一次等緊拎外賣，見到人哋食炸雞+toast 就好想食。 之後呢日就嚟買外賣，本想一個餐加一個多士⋯⋯點知⋯⋯居然今日無多士供應，不知所措之下，加多個意粉。 見佢pack 時已經整到一袋都係汁話都有點唔係幾滿意㗎嘞😒返到公司一打開，真怪，將沙律放埋入去意粉到，即係變咗乾式牛肉沙律汁意粉。。。已經收3蚊外賣錢，沙律都唔分開裝，會唔會有啲過份呢😒 牛肉就得幾丁塊，完全唔值咁嘅價錢⋯⋯另外個炸雞餐，揀咗甜酸炸雞+卡邦尼意粉+檸檬茶。呢個都將唔同食物放埋一齊，但呢個好啲，話晒個雞炸雞唔係一大堆汁，唔會撈到亂晒咁。 個雞係好味嘅，肉質仲好ok 滑👍🏼至於意粉，算啦，都唔好有期望。 不過，有機會都想試佢個toast，炸雞都可以再試其他味。 意粉就⋯⋯一定唔會再食😑

餐廳位於九龍灣德福二期，無印良品樓上既food court.入到門口轉右就會見到呢一間餐廳。我叫嘅係芝士炸雞配卡邦尼意粉。飲品個方面有檸檬茶同汽水兩個類別。睇落去似係檸檬茶太好賣啦！所以我唯有飲可樂。叫早餐之後，唔需要我等好耐，大概10分鐘左右就有得食。芝士炸雞上面沾滿晒芝士粉，因為我揀咗無骨雞所以咬落去啖啖都係肉。肉汁一咬即刻彈出嚟，好juicy. 一啖雞一啖意粉，滋味真係非常配合。意粉要自己撈勻先至好食。意粉上面本身都有少少芝士粉所以如果撈得唔勻嘅話呢系好容易食到顆粒感。意粉入面仲有好多嘅煙肉同埋蘑菇。意粉軟硬適中，唔算粗身。配炸雞嚟食係相當特別嘅一種食法。講真，以$65嘅價格來講算係值回票價，性價比好高。

韓國炸雞正！行下行下黎到9龍灣，再行下行下見到原來新開左個food court, 好oppa korean style. 感覺好似去左韓國旅行食野 比俾佢地既意粉併炸雞吸引左(hkd$6x)包汽水。炸雞有好多種不同味而意粉也有好多味道選擇。我選了芝士炸雞併肉醬意粉。OMG! 個肉醬意粉好掂，甜酸味道恰到好處，意粉不是煮到好林好粗個種而是煙煙韌韌perfect timing boiling. 到炸雞，咬落去好juicy同滑不是乾身和鞋 好好食。 可惜原來得德福先有分別店掛住食….無影到相sor。 淨係得朋友影個碟甜酸炸雞併菇意粉😅

我雖然在附近上班，但今天才發現原來德福裏有一個這樣的Food Court，各式其式，但相逢恨晚！且竟然還有韓式炸雞店，怎可錯過！總體來說，炸雞夠滑、夠香、夠脆，完全不柴，只是雞胸例外，哈哈！（廢話）“招牌炸雞”的汁酸酸辣辣，不錯，挺醒胃的。至於那“蜜糖炸雞”，其實它的味道跟“招牌炸雞”挺像，真的只是多了一點點蜜糖味和牛油味，還可以。那沙律只是一個side dish，只須加18塊，份量還可以，略厭胡麻醬多了點，而且沒撈勻，於是有點鹹，菜也算新鮮，還有幾粒車厘茄，合格。

究竟我有幾耐冇去九龍灣呢？德福廣場很多店舖變了新面貌，新裝修後還有Foodeli嘅美食廣場。場地很大，枱與枱之間不會太近，環境乾淨整潔。疫情下冇得去旅行，又掛住韓國既我，就決定左食CHIMAC。叫咗套餐人氣蜜糖牛油無骨炸雞+黑豆炸醬麵+零系可樂罐裝 ($63)套餐分別有5件一口炸雞，本人認為炸雞既甜度稍為略甜，而且雞件既温度係微暖，不是即時炸。炸醬麵既麵係意粉，份量多。黑豆醬不會太鹹，吃得到豬肉碎，切得細緻。