Ciao

營業中

休息中

呢間食過好幾次，通常保持到水準，佢除左南瓜飯好食之外，就係卡邦尼意粉同蜜糖雞亦。雞亦今次食落有焦糖味，外皮脆脆地，肉就軟。意粉d醬剛好濃得黎唔會苦，有次食落偏苦。

我幾鍾意去石門京瑞廣場，因為入面都幾多餐廳選擇，好多小店經營但食物質素唔錯㗎。其中一間我好鍾意嘅，就係Ciao啦。.我之前都食過幾次，外賣堂食都試過。佢外賣可以做到好高質，我搭車返到屋企啲食物仲係熱辣辣的。而堂食就更加正啦！.今次同老公拍拖嚟堂食，舖位好細，座位目測大約16個。我哋去到已差不多滿座，剩返最後一張2人檯，真好彩！下次再嚟記得要book檯先。.我哋叫了一個2人餐，有頭盤、湯、意粉、主菜、甜品及飲品，好豐富呀！頭盤 — 凱撒沙律，另加錢要煙三文魚餐湯 — 南瓜忌廉湯意粉 — 黑松露野菌忌廉汁意粉而主菜我哋加錢要法式羊架，因為我好鍾意食羊😍甜品 — 法式焦糖燉蛋飲品就可以喺drink menu任揀無酒精飲品，我揀咗杯mocha；我老公就飲latte.呢間餐廳有樣要讚，係樓面會留意顧客進食的進度，食完一碟先會叫廚房準備煮下一碟👍🏻 我好怕有啲餐廳會一次過煮晒出嚟，食物易灘凍，檯面又會好迫。..煙三文魚凱撒沙律 —煙三文魚有4大塊，卷到花花咁，拉開原來每塊都好長；沙律菜好新鮮、夠爽口；沙律醬、麵包粒同芝士粉都有好多。..南瓜忌廉湯 —呢度啲湯用杯仔裝住，好搞笑😆 呢個湯好飲！好香南

😎😎星期六晚上幾個知己良朋出嚟聚吓，諗邊間餐廳都諗到頭都爆。😁又要坐得舒服，又要唔趕你走，又要好食，又要方便，選擇真係唔係太多。沙田呢間好好味的Cafe小店🤩好多款式可以選擇，樣樣都好好味。唔只主菜好食，連side dish都非常出色，回頭率100%。油封鴨好有特色，其他地方唔係咁容易食到。pizza意粉樣樣都好掂。個人最最最喜歡side dish厚切牛脷，食落去好Juicy，味道啱啱好，真係非常出色。👍🏻👍🏻😋😋

整體滿意度90%值得一試既小店安格斯牛肉漢堡🍔Burger大份又好食沙田區漢堡好食的不多，中意食漢堡要黎試下菠菜忌廉汁雞肉意粉🍝個汁整得好好👍🏻略嫌雞肉有啲（鞋）整得嫩啲就滿分💯

安格斯牛肉漢堡麵包皮用牛油烘香, 配上juicy多汁的牛肉,再加上芝士蕃茄和生菜, 非常滋味!芝士煙肉焗薯皮吃的時候很香脆, 但不知為何比較有油膩感,  或許薯皮是經過油炸再加芝士用焗爐再焗, 好吃但做不到乾身的感覺, 比較滯熱鮮奶咖啡味道一般, 不過不失最出色還是安格斯牛肉漢堡

7點幾收工，想不到原本想去的cafe竟然已截單準備8點關門，看來晚市生意還不太繽紛結果去了隔壁的這間鵝肝意大利飯：鵝肝是比較薄切，但煎得夠香，鵝油的香氣滲透每一粒意大利飯，飯質軟硬適中，配上忌廉汁和爽口的雜菌，還有少少酸甜的陳醋汁吊味，份量也夠飽自家制手撕豬肉漢堡：餡料的手撕豬肉份量不少，可惜照片角度問題看不到，沾滿醬汁酸甜夠味，但是肉香不足不夠香口，可能豬肉沒有烤過？但漢堡包鬆軟薯條鬆脆沙律菜新鮮，總體來講還是可以的廚師手打餐湯：這個要加$18，是南瓜粟米湯，質地濃稠吃得到有南瓜和粟米味，只是味道有點太「鮮甜」有點味精感。涷檸賓：濃縮提子汁本來就係偏甜，所以如不是特別嗜甜，還是叫其他飲品會比較合意另外店內的油煙問題真的有必要改善一下

見都幾多好食評，咁就去試下。坐低叫完野食先細心望下周圍，店舖比較細，大慨有四分一空間係開放式廚房，見到都有抽油煙機既。但係陣油煙味實在太煙，對一個食客黎講，實在不能接受。野食都叫左，唯有耐心等食，睇下係唔係驚為天人。食物質素唔係唔好，但又未致於超級好好食。一般啦。出到門口，空氣質素明顯好好多。但頭髮同埋成身上上下下都係油煙味。其實食物幾好食都假，食完成身味又真係卻步。建議真係搵人攪攪個抽氣，陣油煙味真係趕客。

難得與朋友聚舊，既然友人介紹吃呢間，話啲西冷好食就即管試吓，點知件西冷扒乾憎憎，完全冇肉汁可言，似擦子膠，本來都算。但有個侍應傳菜時，聽到朋友分享時講話，竟突然怒睥我朋友，仲叫佢咪大聲講粗口，成枱人都愕咗然，大家都係細聲講，隔離枱都即刻望住個侍應，搲哂頭。其實煮得唔好食已係一個問題，環境亦唔算闊落，本來呢一切主觀+客觀嘅不足，仲可以勉強講過去。但現牘最弊連客人講乜都要偷聽然後加把口，仲要老屈客人爆粗，呢下真係講唔通。店門口就貼住張「我好X鐘意香港」，原來用個X字就係助語詞，唔係粗口，朋友講個妖字就要接受侍應教化，雙重標準，正一垃圾服務態度+垃圾食物。呢種餐廳，早日結束好過。最後講番二百幾銀食擦子膠咁乾硬嘅西冷同埋受果位垃圾侍應嘅氣，真係非常唔抵。👎👎👎👎

石門既飲食，真的可以說是多姿多彩。原因就是成個京瑞廣場及周邊，要找可愛的 "个体戶" 小店完全不難。這一次，我選中了《Ciao》這一間小小餐廳。因為間餐廳實在係細，來遲一點都會等到你傻。去到意大利店，理所當然既事，就係食意粉。但我決定吃的，卻是牛扒。我在12:45 到來，早已經坐滿了食客。幸好是一人來，好快就有位了。而點了牛扒套餐的我，Starter 就是一個忌廉粟米湯。甜甜的，亦充滿了奶油香，是一杯很濃郁既甜的西湯。甜的主要原因是粟米蓉。粟米蓉直接令到個湯非常之甜，飲了一半，已經覺得好滿足。對，來到意式餐廳，卻不想吃意粉。因為我看見鄰檯吃的牛扒，又的確係吸引，所以，我都來一片紐西蘭西冷牛扒。歐陸式的牛扒，通常都會鮮美多醬汁。這一個也不例外，有 "汁" 的加持，更突顯那肉味道。而且，紐西蘭的牛扒質素都很高，味道濃濃的，感覺非常好。最後，是一杯跟餐飲品，而我點的是美式咖啡 Americano。飲 Americano 雖然很不意大利，但他們沖出來的咖啡，絕對是香及濃，吃了濃濃味的牛扒，再加埋濃郁的咖啡，可真是心舒暢。如果不是中午很多人，這真是一間悠閒舒適的小小餐廳。一個人獨樂樂，或兩、三人

講到石門一定就會諗起京瑞廣場，廣場分別有兩期入邊都有好多小店，今次就搵咗間唔太起眼嘅餐廳試一試西餐🍽️Lunch Set - 菠菜忌廉汁雞肉意粉 $78Lunch嘅套餐會包一個湯或沙律同埋一杯飲品，今日嘅餐湯係粟米湯，因為唔食粟米，所以叫咗沙律，沙律係蜜柑沙律，酸酸甜甜幾有驚喜由於係小店所有意粉都係即叫即煮，所以嘢食上到嚟都係熱辣辣🍝個忌廉汁好creamy但唔會太膩，好掛汁，每條意粉都食到忌廉汁，而且個雞肉煮得好嫩，非常足料@ciao_shekmunCiao📌沙田石門安群街3號京瑞廣場一期2樓210號舖🍳🍴味道: 9/10👩👨服務: 9/10🏠💺環境: 7/10💰💸抵食: 8.5/10

嚟過幾次，喺繁忙時間俾我哋一大一細坐四人枱，感謝招待🙏🏻。今次嗌個特別啲嘅菜式：紅菜頭意大利飯（睇相都睇到幾eye catching 同啲煙），加咗個湯同side dish 蒜蓉牛油炒雜菇。個意大利飯係微硬有口感嗰種，好睇又好味，個紅菜頭仲係清甜嘅☺️。我嗰粒bb今次好鍾意佢個炒雜菇同湯，上次嚟佢就第一次愛上薯條（由嗰時開始佢見親我哋食薯條都會搶😅）。諗返有啲surprise, 細細嘅餐廳，都會有小童餐具。食物熱辣辣，人情味暖暖。下次希望避得開bb監視嚟試吓佢嘅burger

之前同朋友嚟試過呢間餐廳發覺佢幾抵食同埋幾好食 會再嚟幫襯 我同朋友嗌咗個黑松露薯條同埋明太子意粉仲有個Pizza 咁我自己覺得黑松露薯條同埋明太子意粉都值得大推嘅！首先佢嘅用料都幾足啦 份量都幾大 兩個女仔食絕對係冇問題仲會有啲飽添 黑松露嘅醬嘅味道好濃啦唔似得出邊啲餐廳咁冇乜味道 薯條又得幾條然後明太子意粉係好濃郁嘅 每一啖都好creamy 仲會有幾粒帶子鍾意食明太子嘅人一定唔好錯過然後食到Pizza已經覺得有啲太飽啦但係都係好食嘅佢係啲小店地方唔大但係我覺得絕對係值得大家去支持！

網上見到呢間餐廳既黑松露野菌意粉只需要$78評價又唔差就想嚟試下網上見到既lunch set餐牌平日先有但差別好似係多個湯/沙律 價錢一樣嚟到就試左個黑松露野菌意粉汁夠多，野菌都多，黑松露味都夠有機會既話都應該會再嚟！

約左朋友黎食晚飯，兩個人嗌左兩個小食，一個意粉同埋一個意大利飯。見到好多人話個牛脷好食，一定要試下，平時牛脷食得多係日式燒肉，估唔到西式做法一樣咁腍，又入味，唔用刀都可以切開，好不得了。另外個小食就係焗薯皮，因為出面好少地方有薯皮食，熱辣辣脆卜卜配埋芝士煙肉，可以食多幾件都得。跟住叫左個野菌意大利飯同埋白酒大蜆意粉，個大蜆粉好香，因為係open kitchen, 所以廚師炒白酒大蜆意粉既時候已經聞到好好味😋總結，一定會返黎再食，正👍

雖然環境不是十分好，但食物質素真係一流，我們點的是488元的雙人套餐，頭盤的牛舌又好食又大份，餐湯是粟米湯，主菜選了蟹肉蟹膏意大利飯和T骨。蟹肉蟹膏意大利飯賣相沒有什麼特別，不過食落有蟹膏味，飯的軟硬度也適中，整體來說不錯。T骨也處理得好好，五成熟剛剛好，配菜十分出色，有焗蒜和焗蕃茄，配埋主菜一起食唔會太膩，我最喜歡的是甜品的心太軟，朱古力汁份量剛剛好，蛋糕鬆軟，唔會好乾，配埋雪糕和草莓一起食，十分美味，一定會再來。