Ciao

營業中

休息中

呢間石門小店食過好多次，今次終於寫食評🤭因為唔係住附近，所以其實每次都係突登入去食嫁！加$18蚊要左個是日餐湯（今日係粟米湯）不過不失，正正常常咁。香煎慢煮牛脷，唔好睇佢賣相唔係咁靚仔，但好好食嫁，味道濃濃又好淋，$58有成8塊，推薦👍👍👍👍每次黎都係為左呢個明太子意粉🤩🤩佢個醬唔會好漏，真係會令人一啖接一啖咁食🤤係我心目中明太子意粉top 3其中一間🤗🤗🤗仲叫左個鵝肝意大利飯，鵝肝偏薄好細塊。個飯落左好多蘑菇，正正常常咁🙂店員服務好好，好有禮貌，會成日主動幫客人加水。但鋪頭有d細，坐位有d逼夾，同埋油煙味都幾大。

今日約咗個喺同區返工嘅朋友食飯本身都冇book枱經過見到依間餐廳就俾個餐牌吸引咗入去雖然鋪位好細張枱都好細不過啲嘢食真係出乎意料地好食係少有足料嘅西餐廳今日冇叫lunch set 單點咗個鮮茄忌廉汁三文魚意粉茄汁味好濃郁鹹度適中三文魚有兩片呢個價錢算啦份量算幾多之後再叫咗個蒜香雞肉薄餅因為即整嘅關係都要10分鐘先可以上碟一睇就知好足料個pizza餅底好薄，但啲材料好厚入邊嘅肉醬同芝士都好多入口嘅口感好好總括而言，呢間餐廳完全冇吝嗇到食材同佢嚟講，性價比好高！

Ciao呢間餐廳我應該都幫襯過4-5次，只要經開石門就會心思思想食，或者放假都會過黎食🥹白酒忌廉青口配香草包 $88青口數量都有十幾隻 兩個人都唔會唔夠喉👅size唔算好大但一定唔係細隻，有好多蒜片（正阿岩晒我呢啲勁中意食蒜既人🤩），汁都有好出既白酒味，配埋香草包好夾👍🏻鮮帶子配明太子汁意粉 $98每次黎我都一定會叫呢個意粉食（食左咁多次對唔住我而家先寫食評😛），明太子汁唔會係好稀，所以非常掛到係意粉上面，咸度適中，撈埋意粉食岩岩好，意粉口感亦唔會太韌或者太淋。以前用帆立貝會大粒啲，而家用鮮帶子無左裙邊不過照舊煎得香口👍🏻香草檸檬燒香雞 $158呢張相我影得比較衰🙇🏻‍♀️佢有薯蓉，西蘭花同埋車厘茄伴碟，呢碟燒雞就較為失望，因為顯然佢唔係燒雞，只係煎左隻雞，皮亦無好脆，香草味亦有啲太多，食落有少少酸味，不過份量都算大，有半隻雞，肉質正常，但薯蓉好滑👍🏻支持好食又用心經營既小店🙆🏻‍♀️不過希望餐廳將來可以改善下油煙問題🥹每次都冒住啲衫或者個頭好大油煙味都要黎食😣，或者餐廳都可以考慮下提供熊寶寶呢類噴噴比客人臨走前噴下🙏🏻廚房哥哥加油阿，之前仲有食過burger pizza 雞翼都好好食😋

這間餐廳都來過幾次了, 地方細細但是食物質素吾錯既。午市套餐, 前菜可以選湯或沙律主菜有burger, 意粉, 飯, pizza 都吾少選擇架。仲包一杯飲品, 大概$100一個set。今次選了黑松露野菌意大利飯, 這次落味重手左, 咸左D.另一個是安格斯牛漢堡, 這個burger 次次來都一定order, 牛是juicy 的。 不過今次包皮冇左一忽, 賣相扣分。餐廳即叫即整, 所以食物都是熱騰騰的。呢度是開放式廚房, 地方吾大, 難免食完後, 衫有油煙味。這次發生小插曲, 可能吾夠人手, 一個廚師要頂全場, 我見有好多外賣單, 廚師做到甩碌, 佢做到著哂火(個人), 又擲野。 佢只係對住死物燥底, 不過吾多吾小都影響到食客既心情。如果, 廚師哥哥睇到, 希望你加油。因為, 你煮得好食, 所以先多人欣賞, 先做到冇停手呀。

有朋友試過石門呢間西餐廳話唔錯，一直都想試下，今日終於黎試🤤1️⃣味道✨自家製手撕豬肉漢堡個人會推薦呢道菜式‼️啲手撕豬肉好入味，雖然係邪惡，但係真係好juicy! 仲有我鐘意食嘅粗薯條，係即炸架，絕對唔係冧曬嘅🍟，而且啲沙律菜都好足料，配埋黑醋食可以消滯！✨意式辣肉腸意粉個人覺得呢道菜式冇乜特別同驚喜，而且意粉份量偏少，辣肉腸份量適中，賣相一般✨飲品叫左一杯凍朱古力咖啡同凍焦糖咖啡，覺得偏甜，味道ok, 但係要散叫！2️⃣服務服務方面普普通通，冇咩特別！3️⃣環境餐廳好細間，大概只有6-7張枱，而且枱隔黎就係個open kitchen! 而且環境靜靜地，好啱朋友想食下野同靜靜地咁傾下計👍🏼

之前喺石門返工間唔中都會嚟呢一間食午餐，佢係一間得好少位置嘅西餐廳，所以每次要食我哋都會早少少出嚟去攞位，如果唔係就要等好耐啦印象中食咗佢差唔多一年啦，餐牌都係冇轉過嘅有幾款pizza、有幾款意粉揀。我差唔多次次嚟都係叫卡邦尼佢哋個廚房係好似日式拉麵店咁，可以見到廚師喺入面煮嘢食，呢度係即刻叫即刻煮嘅，所以嘢食上到嚟都係熱辣辣Lunch嘅套餐會包一個湯同埋一杯飲品我自己覺得太多嘅，通常我都飲唔到杯嘢㗎喇因為佢本身個主食嘅份量都幾大今日嘅餐湯：南瓜湯雖然我覺得佢哋嘅卡邦尼意粉唔算太好食，因為味道唔係好正宗。啲煙肉煎得唔脆，而且啲汁太水啦，亦都唔係好重芝士味，但佢都唔難食嘅，非常足料，有好多煙肉同埋蘑菇

幾年前好鍾意去石門，入面有好多唔錯嘅食肆。今日久違地返黎食吓飯，搵到一間唔太起眼嘅餐廳，價錢唔貴但質素唔錯！前菜揀左芝士煙肉薯皮，非常軟屬，薯皮味道偏淡，較突出係芝士同煙肉嘅香味。餐湯南瓜湯似乎加左粟米，口感豐富同順滑。鮮帶子明太子意粉嘅醬汁好厚身，所以好掛意粉。而且食到粒粒明太子，感覺係新鮮明太子而唔係沙律醬做出黎。不過正因為太厚身，所以食完非常飽。鮮帶子新鮮而且煎得好香。T骨排比想像中大份，我地叫五成熟，上菜時依然唔老，肉質仲鬆軟，非常抵讚。烤蒜同薯蓉淋上燒汁非常香，整體好高質。心太軟係我地食完牛之後無耐先即做，仲非常熱同流心，配住冰凍嘅雲尼拿雪糕食係另有一番滋味。士多啤梨一啲都唔酸，好難得。整體全餐都好滿意，員工都非常友善，下次會再黎試吓其他肉類！

安格斯漢堡扒，個漢堡牛肉新鮮，麵包外脆內軟，薯條炸得好鬆脆，配上一個沙律，絕對不油膩。鮮茄肉醬意粉，意粉口感適中，蕃茄鮮味，配上一杯。即磨咖啡，非常滿意。Pizza面佈滿芝士，味道相當不錯，如果餅底換上鬆軟餅底，效果更佳。之前試過燒春雞，都好好食，下次可以再食。， 午餐有餐湯或沙律，主菜，飲品，相當超值。

其實呢間餐廳整體嘅食物質素尚算還好 環境相對比較迫夾 如果想同另一半黎呢度食氣氛就唔洗諗啦 最嚴重嘅問題係呢度員工同廚師對食客態度極為惡劣 甚至同食客對罵 我真係第一次見…………………………..……………………………..…………………………..…………………………..…………………………..…………………………..……………………………..…………………………..…………………………..…………………………..

喺石門返工，真係有好多餐廳選擇，每日嘅煩惱就係諗lunch食啲乜呢間Ciao係我同同事經常去幫襯嘅選擇，佢哋嘅員工非常有禮～食物雖然唔係特別平，但係性價比都高！Ciao餐廳雖然細，但係唔會話坐到好迫，都非常舒適，裝修簡單今次叫忌廉雞肉菠菜意粉～佢係非常足料㗎～同埋即刻叫即刻整，熱辣辣仲叫咗個Pizza同兩個同事share我就唔係太鍾意食博批，不過同事都話覺得幾好食每個餐都會跟一個湯同埋一杯飲品，今次上嘅係蔬菜湯～好味！

小店一間 但有高級餐廳水準仲要價錢超抵超值 已經多次幫襯 每次都keep到好水準👍🏼蒜香大蜆意大利粉🍝有濃利嘅酒香酒味 意大利粉軟硬適中 大蜆係用新鮮嘅 無雪味 分量都十分足夠蟹肉蟹膏意大利飯有好多蟹肉蟹膏 適合鐘意食重口味嘅人重點係唔會太鹹的 雖然味道有啲單一但都好食黑松露薯條🍟成兜薯條都有黑松露碎 唔止係個表面真係落足料 每次都即炸 唔會油哂嘅感覺分量都好多可以試哂佢地啲菜式 我覺得每一樣都有一定特色價錢好親民又好食

蟹肉蟹膏意大利飯（$108）熱朱古力（+$16）意大利飯煮得唔錯，軟得嚟中間又有少少生米嘅口感。蟹肉蟹膏雖然份量唔算多，但都帶到味出來。三文魚海膽汁意粉（$108）凍檸檬茶（+$18）意大利粉夠哂 al dente，海膽汁味道夠哂濃，咸咸香香，掛哂上啲意粉上面。開頭以為三文魚係碎上撈埋係意粉入面，原來唔係，有兩片，煎得頗香口。PS：另收加一服務費。PPS：餐廳抽風弱咗少少，如果煮啲大煙濃味嘢都幾好聞（笑）。

朋友喺附近返工所以我哋通常都會喺呢一間度約食lunch 有得book枱，唔使同人迫食物都唔錯特別係菠菜雞肉，好濃味又好食朋友食咗漢堡包佢都話唔錯好似不用收加一下次會再食

前前後後都幫襯過4-5次，次次黎Ciao都係忍唔住叫返牛肉burger，今次想試下啲未食過既款式Lunch set 已包 自家製餐湯/salad  及 餐飲：1) 自家製手撕豬肉漢堡🍔 $108- Burger內夾著一大pat手撕豬肉， 豬肉撈埋d醬 (類似BBQ醬味)，醬料有點過多，cover左d肉味。- 豬肉真的撕得很碎，要混合醬汁才不會跌出來，所以我會用"一pat pat"黎形容佢呢個餡- (burger內含幾塊大長酸瓜, 不喜歡的話，建議要求"走酸瓜")個人還是比較喜歡Ciao的安格斯牛肉漢堡 ，這個手撕豬肉漢堡試過就算 ，哈哈2) 西班牙黑毛豬火腿薄餅🍕$128上次試左蒜香雞肉pizza，今次就試第二款。Pizza上的餡料都很足料 (cheese, ham,火箭菜,茄醬etc)，即叫即焗所以餅底得脆，Ciao的pizza真的很合我口味~~~多次幫襯Ciao也未曾失望，餐廳的食物保持一貫水準，當然會繼續支持小店，加油💪🏻

➰鮮茄忌廉汁三文魚意粉 $78蕃茄味好濃🥰三文魚都有幾件唔會好多 啱啱好夠一個人食午餐仲有沙律🥗或者餐湯送食完就啱啱好😆食完都真係幾飽 味道好豐富🤪晏晝記得要book位先好去👀餐廳環境唔係好大 但同朋友黎都幾舒服😌環境 🪴🪴🪴食物🍭🍭🍭🍭性價比💰💰💰💰推薦💟💟💟💟回頭❤️‍🔥❤️‍🔥❤️‍🔥❤️‍🔥