Cocolo Tokyo Cake Factory (利東街)

營業中

休息中

灣仔站D出口一出嘅利東街地庫商場，有間日本過江龍蘋果批專門店，一直都好想試架喇。今次行入舖頭認真望下價錢，原來只係賣$35一個蘋果批，勁抵wor🤩即刻買左個黎試。然後望望下見到原來除左批類，店舖仲有售好多cake款，又有馬卡龍同日本汽水，又估唔到原來細細一間店舖，又有售幾多款式嘅野食同飲品。特別想一提蘋果批個酥皮做得好香同薄脆，平時我至驚啲一咬成陣油浸味咁會覺得好heavy, 但呢個酥皮係完全唔會架！蘋果餡份量適中亦都唔會過甜，配搭埋少少吉士，口感好豐富，一人分一半食真心唔夠喉😂除左蘋果批，仲嗌左個紅茶奶油蛋糕食，呢個都只係$28咋。三層戚風三層cream, 紅茶味唔算好濃，蛋糕質感非常之軟熟，日本cake果然係唔同啲

香港有三大日本過江龍蘋果批專門店，而Cocolo Tokyo Cake Factory正是其中之一，雖然分店由香港人主理，但蘋果批及吉士醬均從日本冷凍直送到港，確保原汁原味。西貢店開業以來大受歡迎，後來再下一城在灣仔及元朗開設分店，灣仔店內亦有數個堂食座位。而除了招牌蘋果批外更有藍莓批、栗子蓉批、和風檸檬批，以及其他同樣由日本直送的蛋糕。青森蘋果批 ($35) 口感酥脆而且層次分明，底部亦沒有因餡料而變得濕軟，雖然內餡份量較少，但除了蘋果醬外更加入粒粒蘋果肉，保留適量爽脆感之餘亦令味道更加清爽自然，加上吉士醬幼滑稠密，甜而不膩。北海道草莓忌廉蛋糕 ($28) 由士多啤梨忌廉及海綿蛋糕梅花間竹而成，奶香醇厚並帶陣陣士多啤梨甜香。

我好鍾意食蘋果批，今日終於去試下Cocolo，見到隔離櫃嘅蛋糕選擇都幾多，咁就買多個做晚餐啦～青森蘋果批 $35必試嘅招牌，咁啱新鮮出爐，前面嘅客都買得幾多，原來做緊買四送一嘅優惠。買返屋企先食，隔咗成個幾鐘，外層嘅皮都依然咁酥脆，切開見到內裏嘅蘋果餡同埋吉士醬非常足料，味道香甜，口感柔軟👍🏻梳乎厘芝士蛋糕 $28通常坊間嘅會比較實，食完比較飽滯，不過呢間嘅芝士蛋糕口感就相對軟腍，味道亦都唔會太甜太漏，比較輕盈、冇負擔感～見到原來仲有馬卡龍賣，下次可以試下😍

利東街地庫其實有唔少店舖，其中尼間專賣熱門蘋果批好受歡迎。經過店舖，聞到好香嘅酥皮味，窗廚櫃放住個個飽滿嘅蘋果批，好治療~~點選咗兩款甜點。青森蘋果批($35)，個個都脹卜卜，扇子形狀，見到層層酥皮，拎上手好有重量，而且熱烘烘添~口感方面，日本青森出產嘅蘋果甜中帶酸味，令內餡酸甜唔會膩，蘋果蓉量足料，啖啖都好滿足。酥皮酥脆，食到唔停口。三層朱古力蛋糕($28)，蛋糕層真係做到層層分明，每層都好平均，就咁望已經靚。朱古力味濃郁，cream層唔會甜膩，蛋糕輕型。店鋪仲售賣多款切件蛋糕、慕絲絲、批類、大蛋糕等，全部嘅賣相都靚一靚。如果口渴，亦有幾款日本果味飲品揀，啱哂邊嘆cake邊飲一杯。店鋪除左提供數個位置堂食之外，外賣嘅盒子更得意，蘋果公仔好搞笑，盒子會用黎裝住蛋糕，而單個批類就會用紙袋，打卡一流。

灣仔利東街在重建後一直是各種新美食的兵家必爭之地🥳因為一首囍帖街令這個重建項目大受關注，吸引大量人流，儘管近兩年少了旅客卻仍有不少本地遊人在此打卡消費。 重建後利東街多了一條地下商街，當中卧虎藏龍，其中Cocolo更是一間零負評的甜品店🤓在西貢名氣相當大的日本過江龍蘋果批專門店，在灣仔也吸引不少人慕名而來。 甜品店設計主打日系木調簡約🏠有一個熱批櫃、一個蛋糕櫃、一個即製飲品吧檯和一個飲料櫃，輕鬆配搭出想要的輕食組合。 🌰栗蓉批 | $38 | 7/10早已品嚐過招牌的青森蘋果批，趁著最近寒意甚濃，就來試一個栗蓉批。下單後店員會再簡單加熱，令外層酥皮口感變得更crispy，餡料亦經過調配，除了日本甜栗蓉外亦有一小粒完整栗子，添加了層次感😋不像蘋果批有另外的卡士達醬，比較沒膩感，適合愛簡約甜品的小資族😉 🍫三層朱古力蛋糕 | $28 | 7/10一冷一熱才是最佳拍檔，店員提醒需解凍15分鐘才有最佳食用品質。朱古力蛋糕的忌廉帶有雪糕像冰碎的口感，濃淡的朱古力蛋糕進行交替衝擊🍪令甘味和甜味在嘴巴回轉。

這間蘋果批專門店來自日本東京，店裏嘅蛋糕同蘋果批都係由日本空運到港，之前經過已經好想試。店舖鋪面不算大，但五臟俱全，店內有蛋糕櫃、飲品櫃，亦有兩張小餐枱俾客人堂食。好彩我當日係晏晝去到，蛋糕櫃入邊仲有好多款蛋糕可供選擇，全部賣相都好吸引，如果再夜少少應該會賣晒。大部分蛋糕/蘋果枇都係大概$20至$40，呢個價錢食到日本嘅質素真係好值得一試。🌟青森蘋果批 $33青森蘋果批作為呢間舖頭嘅王牌，我哋當然要試一試。熱辣辣嘅蘋果批香氣撲鼻，外面嘅酥皮焗到金黃色，咬落口感香脆。蘋果批入面更有蘋果蓉同吉士醬，甜而不膩，味道非常豐富。🌟香橙芝士蛋糕（切件） $38香橙芝士蛋糕亦都係人氣之選，蛋糕上鋪咗原片橙皮，佢嘅芝士帶有橙味，唔會太甜同太漏，味道清新，有驚喜！📍 Cocolo Tokyo Cake Factory (利東街)地址：灣仔皇后大道東200號利東街地庫一樓B36號鋪

行過附近聞到好大陣新鮮出爐嘅味道，發現前面有條人龍排隊買蘋果批🥰咁岩spotify音樂響起Edan呂爵安新歌“My apple pie”嘅前奏！作為一個爵屎覺得一定係上天用心嘅安排🙌即刻拉埋男朋友去排隊買🤣 青森蘋果批 $33雖然人龍好長，但係店員們爽手快腳服務！好快就輪到我啦🥰Oh My Pie😍我小心翼翼熱辣辣咁捧上手🎵“不管命裡 風吹日曬 我都來陪伴這可愛批”🎵享受第一啖My Apple pie🥰表層酥皮鬆脆香口🤤內層餡料豐富香甜🍎啖啖都充滿蘋果肉同埋蘋果蓉🤩🎵“甜蜜 Apple Pie 有我伴”🎵內層深深處仲有吉士醬增加甜蜜氣息☺邊聽住Edan首新歌 邊享受新鮮出爐高質Apple pie😚果然別有一番風味☺爵安Fan屎真心推薦🍎🍎🍎🍎🍎 特濃雙層朱古力蛋糕 $35當我邊FF自己係MV女主角嘅時候🥰🎵"Always on my side & Always by my side"🎵嘅男朋友一邊無奈地睇住花痴嘅我，一邊享受哩個特濃朱古力蛋糕🤣身為前夫嘅佢話佢就好似哩個特濃雙層朱古力咁😌第一口朱古力嘅苦澀係口中散播開去，就好似初初成為前夫失寵嘅心情！但係細味之後，朱古力嘅甜味反而更加濃

之前喺西貢食過Cocolo Tokyo Cake Factory嘅蘋果批，一試難忘。今日喺灣仔又巧遇佢嘅分店，就試吓另一款批同cake樣樣都好吸引咁，今次我揀咗藍莓批同三層抹茶蛋糕。除咗甜品，呢度都有賣一啲比較少見嘅日本飲品，都係日本直送！可以堂食或者外賣，我今日就外賣返公司食喇。店員包裝得好細心，批同蛋糕會分開包，蛋糕重會另外提供一隻可愛嘅叉仔。藍莓批　$35數唔到有幾多層酥皮，食落非常酥脆，牛油味好濃郁好邪惡中間藍莓醬酸度適中，味道同牛油酥皮好夾，香而不膩，好味三層抹茶蛋糕　$25海棉蛋糕有三層，焗得幾好，口感軟棉；抹茶cream打得好滑，味道唔會太甜，重帶幾分抹茶嘅清香。暫時食過呢度嘅幾款出品都有驚喜，見佢重有賣個裝蛋糕，有機會下次朋友生日就喺呢度買

無得去旅行, 總要搵方法平衡心理，Cocolo採用日本產地直送製作嘅青森蘋果批，相信可以望梅止渴，滿足口腹之樂吧!Cocolo推出有兩款甜批包括青森蘋果批同埋檸檬批。青森蘋果批$33選定了青森蘋果批，粒粒的青森蘋果果肉，清甜有果味，配上吉士達奶油，流心口感，幼滑誘人。日本栗子蒙布朗蛋糕 $28另外點了店員推介的日本栗子蒙布朗蛋糕，單是層層栗子的賣相已經很討好，內裡是鬆軟的蛋糕和奶滑忌廉，每一口都很rich。

琴日母親大人神神秘秘咁，無啦啦話買咗啲好嘢請我食，原來係買咗呢間舖頭嘅批同蛋糕畀我，話慰勞下我。佢買咗一個朱古力杏仁批同埋榛子摩卡蛋糕。因為知我鍾意食朱古力，所以特登買畀我試食。首先講下個批，個朱古力杏仁批嘅杏仁粒比我想像中多，食落去就好像有三重口感—酥皮、朱古力醬、杏仁粒。佢嗰個甜度唔係好誇張，所以就算係一般唔鍾意食甜嘢嘅男士，相信都可以接受。至於個蛋糕，佢嘅榛子同朱古力味都非常之香。個蛋糕底層仲好似有少少朱古力碎咁。個忌廉亦都係好爽口唔會好膩，但係略嫌咖啡味唔夠，如果咖啡味再香啲就好喇~不過配埋杯齋啡飲就啱啱好。

今晚早收工 番屋企食飯 細佬女朋友買左甜品番黎 呢款蘋果批我咁岩想試 一黎因為edan首歌 二黎真係好多人介紹老實講 蘋果批我本身真係冇咩興趣 但食落口就竟然都有驚喜 因為加左吉士醬 皮夠香脆 值得一試

成日都見到呢間鋪多人排隊個個都係買apple pie😆今日特登嚟買個蛋糕仔同蘋果批同朋友一齊食如廣吿所示，店舖最出名的就是日本直送的apple pie😍去到係下晝嘅時間，蘋果批都賣咗好多個除左蘋果批，仲有好多甜品eg蛋糕/birthday cake/macaron可以買😇😇雪櫃全部都係日本直送嘅汽水，有好多唔同產地同袖口味嘅可樂，鍾意可樂既朋友吾好錯過啊😆😆嗌左一個蘋果批同埋蛋糕由於個蘋果批我唔係即刻食，所以食落已經冇一開始咁熱辣辣，不過好多吉士醬😍同埋都多蘋果粒，個蘋果味好出，甜度啱啱好，建議買嘅朋友趁熱食或者叮翻熱食更加好味😛😛嗌埋個日本甜王士多啤梨蒙布朗，被佢個外表吸引左🤓好厚嘅一層士多啤梨cream, 食落有啲似雪糕嘅質感，不會太heavy, 蛋糕好軟😎😎個士多啤梨味夠香甜😆食之前可先解凍10-15分鐘😊😊個外賣盒都好靚😍😍鋪頭吾算大，有兩枱dine in 位, 不過keep住多生意🤓

今日約左係灣仔剪頭髮 之後去左剩東街行 見少少口痕又未食得飯就買左少少甜品食 之前食過一次幾好味 所以就食多次今次叫左青森蘋果批第一次未食之前以為佢會係長方形果d蘋果批 但睇圖先知幾靚 今次終於試左外皮好酥但食落一d都唔油膩 入面係蘋果蓉 味道都幾出 酥皮配蘋果蓉都幾夾 因為兩個都係d唔需咬嘅野成個批都唔細嫁 入面蘋果蓉嘅份量都唔少 確保可以滿足到大家 雙層鮮奶芝士蛋糕作為芝士愛好者嘅我 通常見到有芝士嘅野我都會叫 今次都唔例外 但有少少失望芝士同奶味味唔算好出 味道唔太熟悉如果芝士味可以再濃少少再出少少會開心d芒果慕絲蛋糕杯芒果味都有嘅 亦都唔係d咩芒果精嘅味道不過同我平時食開嘅慕絲有少少唔同 有d唔習慣不過個mousse食落都幾soft

難得星期五可以早收工，當然要獎勵自己啦。3點3下午茶，又係時候要食返個甜品😋經過嘅時候見到店內嘅甜品好吸引，決定要食🤤批有兩款，分別有青森蘋果批和檸檬批。還有蘋果酥。最後我都係揀咗一個青森蘋果批，勁鬆脆，而且蘋果蓉很多，很香很香甜😋😋食完一個青心蘋果批覺得唔係好夠喉，決定叫多一個甜品食🤣🤣🤣又想食慕斯杯，又想食蛋糕。最後我都係揀咗食蛋糕，感覺上飽啲😂😂睇來我真係好肚餓😂叫咗一個二層朱古力蛋糕🍰蛋糕很鬆軟，而且唔會太甜。朱古力味很濃，cream亦唔會太多，剛剛好👍🏻👍🏻店內還有日本直送嘅飲品，而且味道都好特別😋見到個飲品櫃又令我諗起日本嘅便利店，真係好想去旅行。店內有兩張枱，可供客人堂食。

美酒佳餚巡禮用剩最後2張品味券，沿地鐡上見到有哩間店開咗，以前想食要入到西貢，一於決定去捧場，但杯抹茶鮮奶勁失望，奶多抹茶味淡，青森蘋果批內的吉士醬好夾，不過 $33 就貴左少少啦 😅