Coffee Break (TKO Gateway東翼)

營業中

休息中

#豬同鴨講 #Pig2duck 💝 本豬私心推介 🍝 聯想到我心中第一名意粉 🦘 係澳洲珀斯嘅 Ciao Italian 🐨 下次去旅行一定會介紹比大家 ✈️▪️【 溫泉蛋卡邦尼意粉 】 HK$83🥓 煙肉菇類用料充足 🍄‍🟫 份量控制得好好 🛹 完全攞到個平衡點，唔會太多而過鹹 🤏 最Like係意粉口感彈牙，唔會淋啤啤好易爛 🍝▫️【 蒜香辣雞肉意粉 】 HK$83🧄 蒜香味濃郁 🌶️ 少少辣反而食落更開胃 👶🏻 小朋友都食到▫️【 松子仁青醬帶子意粉 】 HK$96🍃 最Like青醬意粉，羅勒同大蒜味突出 🦪 帶子爽口彈牙，同意粉嘅口感都係爽口嘅，Win Win 🙌▫️【 Tiramisu Latte 】 HK$42☕ 有啲苦，因為好重烘焙味 🫘 真係適合俾啲嘆咖啡人士 🙈 本豬都係飲返汽水啱啲。▫️▫️完！▫️▫️

Coffee Break喺屋企附近嘅商場已經開咗幾年（好似係），但位置差唔起眼，從來都無去食過。今晚約咗屋企人食生日飯，本身想去嗰間小店原來已經執咗，所以近近哋搵咗Coffee Break試吓。本身對佢無咩期望，所以都無影相。最初上嘅龍蝦汁海蝦忌廉意粉不過不失，但點知D其他餐點陸續送上嚟之後，越嚟越有驚喜。牛扒同豬架都好味，肉質嫰同juicy；魚柳肉質OK，但配搭開胃醬汁同豐富配菜；牛肉漢堡雖然我自己無食到，但屋企人讚咗幾次話好食；特價小食拼盤絕不敷衍，有薯條同炸雞、雞塊、炸蝦各兩三件；肉桂炸雞腿一上枱我小姪仔已經話好香，食落口好惹味。每款菜都感覺廚師製作好用心，在配搭、烹調、擺盤都兼顧到同唔錯，而且每碟份量十足，比一般餐廳份量大。每款都可以以$18加一份沙律同一杯飲品，真係幾抵。我哋仲發覺佢個menu好多選擇，我哋花咗好多時間先落完單。呢間小店絕對值得支持，我哋會再encore，希望佢喺而家香港咁差嘅環境下都可以繼續做落去，祝佢越做越出色！

今早11:28分到門口，坐滿人，即刻同侍應講兩位佢叫我等一等，態度冷淡，於是乎喺出邊排隊。跟住嗰兩個侍應繼續自己忙沒有理我哋，我哋喺出邊排隊後邊並沒有任何人。5分鐘後有三個人直入去自己搵位，係一對男女加一個兒子，我望咗佢哋幾眼佢又望返我哋幾眼，並無排隊嘅意圖。跟住佢哋左望右望似乎搵到個空位，仲同侍應講咗兩句，侍應並冇阻止，咁幫佢加咗一個位，我入去睇吓佢哋坐低咗。咁都得😡😡非常憤怒，所以走咗，以後都唔會再幫襯。

成日都會經過但一直都無試過今日試左 有啲後悔點解我唔早啲食🥲松子仁青醬帶子意粉$88有兩粒帶子，煎得香口得黎唔乾青醬份量好足，而且好creamy每一啖都食到青醬x芝士味加埋松子仁一齊食好滿足巴馬火腿芝士pizza 11” $108上面鋪滿我最鍾意既火箭菜巴馬火腿唔係勁咸配埋蕃茄醬既pizza底好好食 而且熱辣辣！兩個lunch set 跟左飲品我地揀左美式咖啡 正常水平午市黎講呢個價錢+食物質素絕對ok!

話說突然想食burger 就諗起佢，因為我最欣賞佢塊安格斯扒係可以揀幾成熟😅但可惜我同V小妹食，所以只能揀全熟！不過我偷食左Daddy C.嘅六成熟安格斯黑松露漢堡😆真係超級Juicy，而且勁香嘅牛味！份量都唔少，咁大食嘅Daddy C.都夠晒飽😋#mamim #v小妹 #hongkong #hk #香港 #香港好去處 #成長日記 #親子 #親子日常 #子供 #親バカ部 #こども #女の子 #成長記録 #育児 #4歳 #hkfoodie #hkdessert #香港美食 #將軍澳 #將軍澳美食 #坑口 #西餐

難得放假，行完東港城一田購物後，又係搵食時間，估唔到將軍澳TKO Gateway這個小型商場也有一間很Chill 的cafe，Coffee Break位於將軍澳TKO Gateway厚德商場角落，餐廳環境十分舒適，座位濶落，地方整齊乾淨，裝修擺設都好靚，枱凳同餐具都係雲石紋，超級靚，侍應都好有禮貌，而且價格親民，食物質素都好有水準，可以舒舒服服食個晚餐，適合情侶同埋朋友食飯閒聊。第一次來食晚飯，叫了一個松子仁青醬帶子意粉墨西哥粟米皮捲配沙律及烤豬肋骨配薯條，還叫多個墨西哥粟米皮捲配沙律，意粉煮得不錯，硬度適中，南瓜湯好足料，南瓜打成蓉。松子仁青醬帶子意粉兩粒帶子都好厚身煎得好香，內裏保持了鮮嫩同爽口，火喉啱啱好。意粉質地都唔錯唔會太淋或者太硬，而青醬意粉既醬夠濃稠，掛滿在意粉上。香烤美國豬仔骨配薯條+沙律豬仔骨份量偏少，好少肉！呢個麻麻，唔抵食。墨西哥粟米皮捲配沙律用塊粟米皮包裹着生菜沙律、煙三文魚和牛油果，蕃茄，羅馬生菜，香草醬，拿上手是有重量感的，足夠的飽肚感，食材用料新鮮，感覺清新健康又好吃。繽紛樂朱古力我見到Menu有呢杯野，所以即叫，出黎效果好吸引，好邪惡，朱古力味好濃郁，甜

作為街坊，一路有幫襯開，覺得佢地食物ok,價錢公道。星期六一行三人午餐，唔想食茶餐廳，就決定去coffee break...去到門口視覺上見到餐廳一半空枱，但侍應話要等，再望真，入面幾張枱放咗reserved牌留位。心已經覺得奇怪，從來冇見過佢地留枱俾訂位客，係香港100蚊唔駛就可以食午餐嘅平民地方通常都係walk in。但嗰一刻見我地係第一個等位，就冇諗太多，照排，兼且侍應話好快，下張枱到我地，過咗一陣，有客走，望一望應該有4人枱。但侍應竟然走出嚟問要唔要坐bar枱，因為仲要等，望下頭先走了那枱張連鄰近幾張枱又放了reserved 牌說9人訂了。那為什麼跟我說下一張枱到我哋呢？為什麼不一開始就問要坐bar枱呢？雖然呢個係你地點樣run一間餐廳嘅決定其他人冇權過問，但餐廳空了一大半等訂位客，係出面等嘅人又唔知幾時有枱，到有枱時又話有人訂咗，好趕客囉! 二話不說就去咗幫襯第二間....

呢間同旺角分店都真係差天共地！先係廳面員工公然喺客人面前講粗口、睇手機、傾偈，有客詢問一啲餐飲事宜，態度表示極不耐煩，枱客走咗之後就話人不是！以為自己身處一個高級餐廳嘅侍應，但其實佢哋嘅行為，仲衰過一間茶記夥計！食物就一般，西式名堂中式做法，醃肉方面，食得出用酒劈去不鮮肉味，上碟嘅煎肉油淋淋，配襯一碗勝在夠熱，但欠缺調味嘅通粉！其實之前都有幫襯過，都發覺同旺角分店有差別！諗住隔咗一排會有改善！可惜，情況仍然一樣！其實咁嘅服務質素又點樣同人哋比較落去呢？直得反醒！目测老闆係個埸，啲廳面咪冇咁過分囉！

有咖啡店的外觀又可以抖一抖食埋晚餐行街行到夜～又係時候諗食咩既時候咁就比我見到間寫住 coffee break 咁就入去試下新野啦入到去見到環境寬敞，簡約舒適，好岩同朋友傾下計✨點選了二人套餐✨✨餐湯：味道口感濃郁順滑✨前菜：白酒蕃茄青口配香草包蕃茄醬好濃郁可以配上外脆內軟香草包進食青口配上白酒🍶提升鮮味、爽口，打開胃的味蕾✨主菜：龍蝦汁海蝦忌廉意粉海蝦鮮甜彈牙配上龍蝦汁鮮甜creamy，可以掛到軟硬適中的意粉上🍝龍蝦汁濃郁鮮味，將整菜提升到另一個層次✨主菜：香煎紐西蘭羊架賣相相當吸引，擺盤精緻又可觀外層煎香，容易切開呈淡粉紅色，肉質滑嫩和多汁，帶來美味的烤肉香氣整體來說：在一個舒服的環境中可以與朋友共聚晚餐又可以品嘗美食

性價比高餐廳，千祈唔好比個名呃左 以為飲下咖啡，食吓甜品。其實晚餐都非常之高水準。二人餐絕對食到好飽。每道菜味道都出乎意料之外地高水準!甜品心太軟，雖然不是非常之熱，但甜度十足!絕對值得一試再試!

平時經過見到都有人排隊，今日終於同仔仔的起心肝去試一試個午餐---------------雜菌菠菜黑松露廉燴意大利飯💲76一上碟已經聞到好重嘅黑松露味，而且佢呢個意大利飯比較濕潤而入口，雜菌同菠菜份量亦十分足---------------松子仁青醬帶子意粉💲93帶子十分厚，唔係將一粒分兩粒，煎完再擺落意粉到，十分香口，而青醬意粉係我鐘意既較為硬身既意粉---------------追加黑松露薯條💲+32薯條上面除左黑松露仲有芝士碎片，份量都唔算小，薯條配黑松露醬無得頂---------------抺茶拿鐵💲+8抺茶香濃，仲有埋拉花整體：價錢大眾化，價錢大眾化，餐牌都尚算多選擇👍👍，每個lunch set 都包一杯30蚊飲品

Coffee Break在TKO Gateway二樓中央近扶手電梯位置，感覺上比較闊絡開揚。餐廳裝修帶文青風，適合與三五知己共聚。二人套餐包餐湯前菜主菜意粉或飯甜品及飲品，十分豐富。南瓜忌廉湯南瓜忌廉湯用料十足，南瓜味道香甜暖胃，很適合秋冬天飲用。烤羅馬生菜配煙三文魚半棵羅馬生菜略烤，配上煙三文魚及流心蛋，顏色配搭及賣相均美絕。羅馬生菜淋上少少沙律醬及芝士碎，入口清爽開胃。松子仁青醬帶子意粉帶子略烤，入口依然食到絲絲質感。青醬意粉較為少見，多以羅勒、橄欖油、巴馬臣芝士、松子仁打成，味道既清新又濃香。香煎西班牙橡果級黑毛豬扒主菜西班牙橡果級黑毛豬鞍，豬鞍入口味道濃郁爽口，配上底下顏色豐富的配菜，吃得賞心悅目。朱古力蛋糕朱古力蛋糕小巧精緻，配上忌廉及生果，賣相既漂亮，亦豐富口感。玫瑰花茶粉紅玫瑰花茶茶味芳香濃郁，蜜糖另上。

將軍澳宜家都有好多嘢食，當中不乏好味嘅餐廳，今日同朋友嚟到coffee Break食個dinner，吹下水，幾寫意。叫左dinner set for 2 $398，有齊餐湯，前菜，主菜，甜品。餐湯西蘭花忌廉湯，熱辣辣，質感順滑，唔錯。🥓白酒蕃茄青口配香草包菜色彩鮮豔，青口新鮮，而且蕃茄的酸甜味與白酒的香氣幾夾，感覺清新。香草包則外脆內鬆軟，完美搭配了蕃茄青口的風味。 🥩香煎美國安格斯肉眼扒肉眼扒煎得剛好，切開後肉色粉嫩，散發著濃郁的肉香，令人食指大動。搭配牛油同蒜頭，更惹味。 🦞龍蝦汁海蝦忌廉意粉龍蝦汁濃郁香濃，蝦肉質鮮嫩，每一條意粉都完美地沾滿了龍蝦汁，入口滑順，唔錯。🔸雜莓乳酪 +$18🔸香蕉乳酪+$18雜莓乳酪酸甜可口，有益力多味。而香蕉乳酪則帶有濃郁的香蕉香氣，幾好。甜品係朱古力蛋糕質感軟綿濕潤，味道唔太甜，為呢餐作結。

晚市二人餐只係$398，我同朋友食每樣都大讚高質，呢個價錢又好味又飽真係好抵，真心推薦！好彩住得算近之後可以放工再黎食😚✨是日餐湯🥣是日餐湯係南瓜忌廉湯，南瓜味濃郁，好香甜又夠creamy，我同朋友都大讚好飲過好多餐廳😆✨意大利火腿拼凍肉拼盤拼盤肉類份量好多，麵包出邊脆脆地，包體好軟身香草味重。✨香煎美國安格斯肉眼扒🥩叫咗五成熟，熟度啱啱好。嚟到好香上面有香草，焗蒜同埋牛油，隔離仲有少少海鹽調味，令牛扒更香，牛嘅鮮味更突出。塊扒雖然比較薄，但係肉質軟腍有肉汁，高質。✨野菌菠菜黑松露忌廉燴意大利飯菠菜同埋野菌份量真係好足，基本上每啖飯都配到配料😇黑松露味勁香，飯有口感唔會太淋身，加左芝士，好creamy！鍾意黑松露嘅一定會覺得好好味🤤💜✨荔枝梳打甜度好適中，好解渴，啱晒啲唔鍾意飲咁甜嘅人～✨夏威夷果仁鮮奶呢杯有驚喜，面頭層泡好順滑，飲落有淡淡果仁香，唔會太膩。✨Tiramisu cake擺碟有心思，個甜品幾靚🥳。蛋糕體夠軟淋濕潤，唔會太甜，咖啡味如果再濃郁啲會正啲，不過以套餐甜品黎講我已經覺得算係幾好味。

坑口街市樓上有間幾舒服開揚嘅餐廳，裝修得唔錯。落地玻璃嘅設計 ，溫暖嘅感覺 ，休閒地用餐。夜晚嚟到見到有個二人餐，都幾豐富可以選擇嘅配搭，都幾多。$398 dinner set for 2 🤍餐湯 蘑菇忌廉湯幼滑嘅口感同埋香濃嘅蘑菇味道，暖笠笠，令人開胃。🤍白酒蕃茄 青口 配香草包呢個真係超級好食，搭得好精緻，好香嘅蕃茄味，配以青口係完美嘅配搭，加上鬆軟嘅麵包可以點汁食，令人回味。Main :🤍香煎西班牙橡果級黑毛豬扒豬扒份量都唔少，質地多汁，啲配菜充滿着唔同嘅蔬菜都幾好食🤍松子仁青醬帶子意粉幾鍾意呢個忌廉汁，加埋兩隻香煎帶子，水準唔錯Drink :🤍繽紛樂朱古力係原汁原味嘅繽紛樂，好滿足仲有多cream 。🤍雜莓乳酪酸酸甜甜好清新，雜莓味好重，口感都幾清爽Dessert 好可愛嘅造型