Coffee Break (鴻輝大廈)

營業中

休息中

簡約風咖啡屋旺角行完街，拎住一袋二袋，一於食下野break一break，今日黎到coffee break。香烤番茄芝士烤薄餅薄底脆邊有小小燶邊的薄餅，脆口唔易濟，熱溶既芝士配上新蕃茄，一個字：fresh! 薄餅中採用兩種不同的芝士，味道非常有層次。野菌黑松露忌廉意大利燴飯黑松露的味道非常濃烈，每口飯也充斥著松露香，而意大利燴飯時間剛剛好，飯有點微硬，也不會過乾或過濕，再加上粒粒蘑菇增加口感。大烤菇芝士牛肉漢堡配薯條比巨無霸更巨大，厚厚烘過的漢堡包、熱溶芝士、大烤菇、手打漢堡扒，洋蔥，蕃茄和生菜，非常正式正宗的漢堡，每口也非常飽滿札實，很實在的感覺，大烤菇的加入簡直是令整個漢堡更加完整，不但增加口感層次，更令本身帶點濟和肥膩的肉得而中和。另上更附上厚薯條和黑醋沙律菜，絕對是性價比超高的一款菜。意式泡沫咖啡、拿鐵飲品方面也不過不失，下次試試其他特色飲品！

放工約咗朋友係旺角食飯，突然好想食burger ，本身想食個間餐廳book 極book 唔到，朋友建議coffee break，一望地址係女人街，覺得有少少伏，因為試過太多次女人街既cafe 都中伏，所以好多年都無試過女人街搵cafe 食。呢間cafe 係近廣華醫院個頭既女人街街尾，一入舖頭，裝修新穎似新開，感覺好relax，晚餐選擇尚算多，鋸扒、意粉、飯、burger 都有，不過我無諗得多，因為好想食burger，我心目中burger 就係牛肉、芝士、牛肉、芝士😂 最後我揀咗份大烤菇芝士牛肉漢堡配薯條厚厚的一份burger ，望見好滿足，好厚既牛肉，仲有好多芝士😍牛肉唔係乾爭爭👍🏻唯一缺點就係太大太厚，擘極個口都唔會一口咬得晒成個burger 😂😂好正， 值得一提既係粗薯條係熱辣辣☺️呢個餐有$30飲品，我補個差額配埋杯朱古力咖啡沙冰，好爽👍🏻 呢個配搭即使知道係好heavy 都仲係值得一試再試🙈朋友叫咗個香辣芝士牛肉配薯條，又係厚厚一份，芝士已經受熱力溶緊👍🏻另外佢配咗個水蜜桃果粒花茶，有陣陣蜜桃味👍🏻真係估唔到女人街有驚喜👍🏻食到自己想食既野，好滿足

天陰陰, 涼涼地, 個人好無精神, 返工又無咩野做, 行遠D食lunch消磨下時間,coffee break環境舒適，靜靜地，食得開心。最近愈來肥，食烤雞凱薩沙拉，好多烤雞呀，沙律醬不多不少，剛剛好，每塊沙拉菜都有醬，唔酸。櫻花蝦明太子忌廉汁意大利粉。好多櫻花蝦，入口脆脆，明太子好好味，濃厚的cream,非常好味，一點也不膩。熱chocolate,甜味剛好不甜，感覺無咁肥，拉花好靚。店員服務態度和藹，野食好快到。

一行4人去旺角簡䕶膚品～周圍逛見到依間野感覺幾舒服就入去試一試店設計簡潔又舒服最適合三五知己聚聚叫咗4個dinner set餐有沙律、主食同$30内飲品～其他飲品補差價黑醋沙律都算新鮮～份量適中～如果醋多D會更野味沙律加$8轉南瓜湯🎃濃濃的南瓜味可惜南瓜蓉打得唔夠細滑～囗感麻麻感覺有渣～加D忌廉會香D滑D温泉蛋卡邦尼意粉～温泉蛋生熟剛好～有流心效果～白汁充滿忌廉味配上煙肉、磨菇好味野菌黑松露忌廉意大利飯～野菌味濃意大利飯軟熟適中又入味櫻花蝦明太子忌廉汁意粉～櫻花蝦粉紅賣相吸引配上紫菜碎～好少意大利餐有依款選擇～似意日fusion多D～不過出奇地夾到飲品有可可涷飲、熱朱古力、卡布奇諾、梳打～咖啡冲得唔錯奶香豆香依個價錢大眾接受到～服務還可以除咗漏單結果等咗半個鐘

今晚落旺角買嘢，買完之後由於天氣太熱唔想逗留向街上，於是四周圍睇下有咩食，行到入女人街記得有間不錯的西餐廳，於是就決定過去食晚餐。餐廳門口超易認，有個超大玻璃窗，店內裝潢舒服。環境令人超放鬆，而且店內放有桌上遊戲，旅遊書供客人享用，又有提供wifi ,叉電服務，真係超貼心。我已經好肚餓，所以先order咗2份set dinner + 1份小食前菜: 黑醋沙律沙律菜新鮮爽脆，黑醋酸酸甜甜好開胃南瓜湯加$8 就可以將沙律轉成餐湯，今日餐湯係新鮮南瓜濃湯，南瓜味清甜，口感順滑。店家入咗款新的果味啤酒，我當然要叫返杯試下。奧地利西柚味啤酒西柚味超香濃，口入果味重，好好飲喔！香烤蜜糖雞翼配沙律蜜糖雞翼外皮金黃酥脆，雞肉嫰滑，蜜味香甜。溫泉蛋卡邦尼意粉醬汁香滑濃郁，拌上溫泉蛋增加蛋香味，更添滋味。鮮茄蓉大蝦意大利燴飯新鮮蕃茄加上菇粒瓜粒燴飯，意大利飯軟硬度適中，茄味濃郁，大蝦肉質彈牙爽口，好好味喔！紐約cheeses cake 蛋糕質地結實，芝士味濃，略嫌餅底偏淋。

依家都好少可去cafe 食飯，今晚d姊妹話黎呢間cafe 食，就試下啦「靚女係要人等下既」所以....我係第一個到，cafe 雖然係女人街，但裝修幾好，幾文清feel見到cafe 有提供旅遊書 同 board game，俾我睇住旅遊書等佢地黎有一個朋友要ot 遲大到...所以我地叫左一客蜂蜜薯條食住先齊人後叫左個兩人餐 同 一個set dinner餐湯加錢要左蘑菇湯二人餐既煙三文魚凱薩沙律有成5、6塊煙三文魚，配埋新鮮沙律菜二人餐既忌廉白酒藍青口個汁真係好味...係咁沾飽食～青口肉質都👌🏻厚切豬扒第一次有點唔熟...有血水出...始終係豬肉驚驚地，叫廚房再煎一煎雖然比較鞋...但都好食！辣帶子意粉唔知佢係特登煮到意粉偏硬定煮得唔夠時間但汁係好味既...辣辣地set dinner 既明太子櫻花蝦意粉好食！個人鍾意明太子同櫻花蝦...配以忌廉汁...好食既...但就好似冇乜料咁～二人餐既甜品： 紐約芝士餅又估唔到佢既好食...埋單一人$240...坐得幾舒服唔逼，都算唔錯既！

去年聖誕節前曾經來過這間位於大街上的恬靜Cafe，就一直記住。喜歡它沒有強加的文青風，沒有讓港孩吵鬧的角落，樓底之高，即使全場滿座都沒有很嘈吵，大家都可以專心於自己的世界，吃著食物，舒服地過一個晚飯時間。說真的，餐牌上的意粉/risotto都是大眾路線，上次沒有試過漢堡，今次點都要試。在香港一般的Cafe，我都希望飲湯多於吃跟餐沙律，雖然要加$8，但這個打得幼滑的雜菜湯仍然值回票價，當中甘荀的甜味和西芹的清新很配合。跟餐的青蘋果/士多啤梨梳打。黑蒜露荀蟹肉意大利飯，蟹肉和Sauce的配搭出奇地滑溜，黑蒜味不算太現，不過當中的粒粒露荀為creamy的飯身帶來爽脆的口感。鵝肝芝士牛肉漢堡 配薯條各款漢堡飽都可以隨餐牌上的價錢加配，見到有芝士就好想加隻蛋，沒有問可否要太陽蛋，但竟然心靈相通地出現了！漢堡飽很滿足，首先是飽面的芝麻面又香又脆，緊接住就是澎湃的芝士和蛋香，再有牛肉和鵝肝，說實話，鵝肝這樣高成本食材在這小cafe出現已經是bonus，當不可以要求大份量啦，但鵝肝滿滿油感，滴落牛肉汁上，食完我地都只係識：嘩～好滿足的一個晚上，很久沒有兩個人一起吃飯，一起談心，慢慢的，整個地方只剩下我

Portobello Cheese Burger w/ Fries | 大啡菇芝士牛肉漢堡配薯條.雖然已經有大啡菇 但也加錢追加多一份大啡菇🤤 追加後 漢堡變得非常高😂 大啡菇厚肉juicy 而牛肉漢堡都不會乾韌 帶點肉汁! 漢堡包鬆軟🍔 薯條炸得香脆 份量也不少☺️Scallop Spaghetti in Spice Sauce | 蒜香辣帶子意粉.看到名字 還以為是蒜香炒意粉 但原來是蕃茄底😂 醬汁有蒜的香氣 留在口中不散😈 辣度較低 是所有人都能接受到的程度! 意粉不會煮的軟淋淋 是有口感的😉唯一略嫌帶子的鮮味不足Fruit Slush | 果味沙冰.沙冰有多款選擇 而我們選了蜜桃! 上枱後發現份量好多 沙冰基本上超出了杯的容量 可以裝到兩杯😂 蜜桃味很容易變藥水味 幸好這杯還好 又不會過甜!

之前也來過這間cafe吃晚飯, 今次我又和另外一位朋友到這裏吃個輕食。餐牌上多了一些食物款式, 我點了一個煙三文魚班尼迪蛋牛油果醬多士, 而我朋友很喜歡吃意粉, 所以她點了晚市套餐的蒜香辣帶子意粉。 另外, 她也追加了一件藍莓芝士蛋糕。飲品方面, 我點了一壺菊花茶, 菊花茶亦附上一小壺蜜糖, 蜜糖是用來調味, 令菊花茶變得更香甜, 因為菊花茶的味道不重, 偏清淡。晚市套餐: 首先會呈上一客沙律, 然後再呈上蒜香辣帶子意粉。蒜香辣帶子意粉的賣相很吸引, 我朋友說味道很夠濃, 辣度剛剛好。煙三文魚班尼迪蛋牛油果醬多士的賣相也不錯, 上面有三件煙三文魚, 班尼迪蛋的份量偏少, 麥包上搽上很多牛油果醬, 班尼迪蛋是流心的, 不錯!

黎到食下午茶，店家環境幾好，木色做主調，枱同枱之間空間幾大，所以坐得幾舒服🙈2，3個人傾計就啱啱好啦溫泉蛋卡邦尼意粉 $68評分: 7/10下午茶食個唔錯既意粉，賣相還不錯!味道幾creany同濃，意粉口感岩岩好，唔會太淋或太硬，撈埋隻蛋一齊食，蛋香黎了haha黑松露巴馬臣火腿班尼迪蛋多士 $68評分: 7/10遠遠已聞到黑松露既香！蛋係流心的，配合帶鹹香既巴馬臣火腿一齊食，更添滋味😈下面香脆多士草莓沙冰評分: 7/10大大杯沙冰，面頭係突哂出黎既冰👍🏻🤣賣相霸氣，原本以為會淡，但味道都幾夠☝🏻但就甜左少許

上星期同個好耐冇見既朋友聚會 大家各有各忙 要見一次面都可能要隔幾個月 難得咁齊人 我地想去間寧靜舒適既餐廳小聚 食下晚餐 傾下計🤗我地本來想去食日本菜～但喺我地行行下既途中 竟然見到呢間叫coffee break 既餐廳 佢既門牌十分搶眼 一眼望入去 感覺好悠閒 好舒服😌餐牌好簡潔俐落 總共有三、四款不同既餐牌～ 食物方面 有餐湯、頭盤、主菜同埋甜品 每一道菜都非常吸引 至於飲品方面 佢地有果汁、汽水、茶等等 應有盡有 😍事不宜遲 我地立即開始點餐 😝 點餐之後 我地一路等野食 一路玩佢地既board games 打下啤牌～ ♠️♥️♣️♦️冇幾耐 店員就端上飲品🍸🍫🍌Oreo chocolate 🍫朋友點既係Oreo chocolate 🍫🍪 朱古力同oreo 既味道本身就好夾 而家兩樣擺埋一齊 味道特別濃郁 😋另外佢啲cream 好正 好好味 唔似啲勁重奶味但又唔鮮既cream 呢個好香滑🍼👍🏼Banana Yoghurt 🍌🥛香蕉乳酪既面頭鋪滿一層泡泡 🍌 香蕉同乳酪既比例唔錯 香蕉既香氣冇被牛奶味蓋過 反而令整本飲品更細滑 相得益彰😆田園沙律因為點左一個set 所以包埋田園沙律 我最

好耐沒和朋友約去旺角食飯，周圍揾食下，路過coffee break的門牌閃閃金光吸引我，決定入去食餐好，。餐廳設計簡約，比較寧靜，環境好大又靚，感覺好舒服。前菜有蔬菜沙律溫泉蛋卡邦尼意粉勁多蘑菇煙肉！食前一定要混合好温泉蛋！意粉軟硬度啱啱好~醬汁勁惹味！我和朋友好愛食，食到不停，秒清自家製芝士漢堡 配薯條薯條勁粗，又炸得熱辣辣漢堡包餡料多，蔬菜又多，快滿出嚟。面包烘得香香，又有牛油香，半溶芝士夾住漢堡牛肉，啖啖滋味。我和朋友ko二個餐，已經飽飽地。決定嘆飲品，因為天氣熱，所以我地叫了青平果和荔枝沙冰消消暑。一送嚟，哇～好大杯！青平果沙冰荔枝沙冰下次一定會再約朋友嚟食，補食芝士cake。

今日同朋友去旺角附近搵嘢，見到喺通菜街度有間環境幾好嘅cafe, 於是就入去試下。 入面裝修幾新有啲格調。坐低左後，我哋叫咗個DP6 鮮茄蓉大蝦意大利燴飯，同叫咗嗰DP5 蕃茄忌廉煙三文魚意粉。我哋仲叫咗個香烤蜜糖雞翼沙律，另外跟餐叫咗個藍莓果粒茶同一杯芒果紅茶。 過咗五分鐘侍應首先送上跟餐嘅沙律，上面有兩舊番茄同新鮮蔬菜，配上啲沙律醬同橄欖油。 跟住店員送上藍莓果粒茶，藍莓果粒茶用個茶壺裝住。另外有個細杯同埋一罐蜜糖，果粒茶味道幾新鮮，同埋啲茶可以無限refill。 跟住店員送上烤蜜糖雞翼沙律，雞翼好入味，烤蜜糖味好濃。 鮮茄蓉大蝦意大利燴飯跟住都送上，入邊有兩隻大蝦分別切開咗，方便我哋食入邊啲肉，大蝦好鮮甜好好食。意大利燴飯同鮮茄蓉都好夾。 最後係蕃茄忌廉煙三文魚意粉，番茄同忌廉汁好多，意粉食落都好入味，上面部滿曬煙三文魚同埋唔同嘅菇菌。

今日朋友推介一間餐廳，佢話呢間cafe係旺角中最好食既1間，既然佢講到咁，無理由唔試的一入門口，感覺很簡潔而非簡陋，都很舒服的我地加左$8轉個daily soup鮮蕃茄茸湯味道好清新，蕃茄茸好豐富，而且味道很淡，岩哂我清淡既口味美國豬仔骨配沙律薯條首先，份量好足，燒烤醬岩岩好，所以唔太膩不過肉質有d韌，而薯條炸得好乾身鮮茄茸大蝦意大利飯呢個意大利飯我鍾意，d飯軟硬適中，所以即使好飽都成碟食清光我朋友特別喜歡食薯條，特別叫左1份俾佢，點知佢眼闊肚窄，食唔哂雜莓乳酪特飲好香益力多味，加埋d莓，有點開胃，不過飲到最後，就會飲到一粒粒既莓籽蜂蜜綠茶唔太甜，好fresh食物質素真的不錯，但服務質素就有待改善，個餐具tray無哂餐具，叫服務員俾叉，佢只係俾叉，但不會留意其實個tray仲有其他餐具都無，另外我地好明顯係share一齊食，但服務員不會主動提供餐碟的，所以希望這方面可改進

我同男朋友係旺角行到無嘢好行有少少口痕而且又太潮濕有啲攰所以就搵咗間可以坐下relax下的coffee shop。第一個小食叫咗蜜糖雞翼配沙律 沙律係呀啲火箭菜加埋番茄造成二雞翼表面嘅蜜糖味唔算好重，不過都炸得夠脆，因為可能有少少翻炸又或者炸得太耐，表皮上有少少硬。不過整體上都係脆的，入面嘅肉幾嫩滑，都算有肉汁而且夠晒熱唔會出現有血嘅狀況。而且啲雞翼算係交大隻嘅所以都夠肉地雞翼算係較大隻嘅所以都唔少肉。第二個食左黑松露薯條，薯條都幾粗，分量都幾多，完全夠慢慢食。薯條炸都幾脆不過都算係偏硬果種，不過入會都會有少少流質的薯蓉。而黑松露係係個沙拉醬入面，唔算好多好香不過都食到有，所以如果係坐好耐呢個係食得過。最後食多左個黑松露野菇義大利飯，班嘅份量俾一般的多少少， 而且硬到適中，有得咬下。而入面嘅故係撤到一粒粒所以每一啖都食到。不過，如果菇嘅份量再增加返少少同埋咸反少少應該會更加好。黑松露都唔少見到同埋完全食到個味。凍mocha 飲之前一定要攪勻如果唔係好甜。草莓乳酪入面都會見到好多整碎左嘅一粒粒草莓，飲到後期會好酸超正。去嗰時咁啱遇到一個唔係好識講廣東話嘅待應，所以有啲語言障礙。搞到最終吾