Coffee Corner

營業中

休息中

為咗同女女過生日，專登去咗Coffee Corner想買佢最出名嘅芒果拿破倫蛋糕。Coffee Corner位置其實都有啲難搵，去到沙田新城市有條通道過去，但行過幾次都唔知係個到入^^" 過到去發現原來個到都有咖啡賣仲幾香Tim。不過去到櫃檯先知芒果拿破倫賣晒，得返士多啤梨拿破倫，本來有啲失望，但店員力推話士多啤梨味都好好食，加上都有少少怕芒果會酸，最後都決定買嚟試下。 返到屋企拎個蛋糕出嚟，女女見到都好開心，紅色士多啤梨裝飾得靚靚仔仔。切開蛋糕，層層酥皮包住士多啤梨忌廉，咬落去酥皮好脆，忌廉輕盈滑口，唔會太甜，士多啤梨夠新鮮，酸酸甜甜幾平衡。 呢個意外驚喜反而令成個生日更特別，大家都讚蛋糕好味。職員服務真係無介紹錯，態度友善，仲幫我哋配返個生日牌。下次再有朋友或者屋企人生日一定要早啲嚟買芒果拿破倫，希望唔會再賣晒啦！🎂🍓😊

酒店嘅coffee corner🧁竟然價錢比出面買嘅馬卡龍平之餘，味道同口感都好好👍🏻士多啤梨味同檸檬味酸酸甜甜好有層次😋咖啡味同朱古力味好香🪄不過綠色果一粒就食唔出咩味喇，我估應該係開心果味吧😂食落好清香又唔會好甜

Coffee Corner地址: 沙田白鶴汀街8號帝都酒店3樓日式芝士蛋糕 🍰$70由小學開始，我已經好鐘意食 @royalparkhotelhk  嘅日式芝士蛋糕🤤。大家千祈唔好俾佢簡簡單單嘅外表呃到，蛋糕味道真心好好食，未切開已經聞到芝士香味，而且質地濕潤程度岩岩好，香滑細緻，又唔會太甜，真係性價比好高。溫馨提示： 如果芝士蛋糕再配上紅茶，感覺會更加滿足～#nicefoodie沙田 

🍰親民價錢品嚐酒店餅房蛋糕🍰推介指數 ❤️❤️❤️❤️🤍身邊不少朋友不吃甜，是因為甜品胃消失了嗎？大慨人生會少很多樂趣吧！酒店餅房蛋糕比連鎖店價錢更親民，款式多而且新鮮，件裝及個裝蛋糕均受歡迎。想多點選擇，建議早一點來喔～🥭芒果千層酥 HKD35✨必食推介當然係芒果千層酥啦～鬆脆千層酥配蛋黃色鮮甜芒果及香滑吉士，甜度剛好而不膩，幸福🥰🫐藍莓芝士蛋糕 HKD35✨頂層有藍莓及藍莓醬，芝士蛋糕綿滑紮實有口感，滿意。🇮🇹意大利芝士蛋糕杯 HKD42✨ 外觀吸引，手指餅位於頂層，旁邊有咖啡試管自行調味，芝士蛋糕質地軟綿滑溜，嗜甜者大愛。🪵木糠布甸 HKD26✨雪凍更美味，甜度另外幾款輕身點，質地細緻軟滑。.··🔖 Coffee Corner (沙田)🪑沙田白鶴汀街8號帝都酒店3樓

第一次買酒店餅房蛋糕，見價錢吸引比一般連鎖店便宜而且又近火車站，於是打算買一個做生日蛋糕前一日上網落order比錢點知失敗，打去問職員要等一個小時後先有回覆話冇扣到錢要再落訂單，雖然冇得透過電話落單，又要再上網落訂，但職員在期間都算熱心幫忙生日當天攞蛋糕，拎餅時係有比人望過，但原來蛋糕另一邊既糖裝飾斷左，只好怪自己冇叫佢成個拎出黎睇。另外因為係幕斯乳酪蛋糕會以為有冰袋或者冰墊，可惜並沒有。味道方面老實真係好一般，過甜冇咩難忘可突出點評，不過不失。下次再買蛋糕應該都係買返做開既現有款，唔好貪新鮮買精選了

Coffee corner 係沙田酒店cake 一cake的首選，蛋糕有D色彩繽紛，有D生果滿滿，又甜度適中，好OK，好健康好味，仲可以在熱鬧嘅城市裡忙裡偷閒有幸福嘅感覺！

以前一直都有食開佢嘅芝士蛋糕，都係又平又好食，但係今次因為想試吓新口味，所以就揀咗個海綿蛋糕食下今次揀嘅係士多啤梨焦糖海棉蛋糕，非常好食，中間嘅焦糖夾心同海棉蛋糕仲有忌廉非常之夾，食落唔會偏甜，味道適中，絕對係間鋪嘅蛋糕首選🤩🤩🤩完全係我心目中既焦糖蛋糕第一

屋企嘅小朋友鍾意食拿破崙蛋糕，今次工人生日又買個拿破崙蛋糕試吓，見近近地就去咗帝都酒店買，懶得去帝苑買。帝都酒店嘅拿破崙平過帝苑，不過我覺得比帝苑嘅水準唔會話爭太遠，性價比高。外貌相當唔錯，芒果亦非常足料，啲芒果一啲都唔酸，而且相當甜，估計足足用左兩個芒果。每層酥都好厚實，用左好多層既牛油去製成，中間啲cream 唔會好溜，襯埋啲酥係一流。最後，加上啲新鮮藍莓，同少量既金泊，令個蛋糕錦上添花。下次可以再試埋佢其他蛋糕。

最好食嘅芝士蛋糕店，眼見預訂都有30個。未計佢地雪櫃入面個啲。見到咁，當然就買一個試一試啦。佢地個日式芝士蛋糕，簡直可以講係超晒班。雖然 design 平庸咗啲啲。但真心好好味。可以封佢為"實而不華嘅芝士蛋糕"。

今日約咗閨蜜去沙田市中心shopping，經過附近嘅帝都酒店，俾佢嘅甜品吸引左入去！店舖裏面賣好多款甜品，其中我就俾佢呢個德國芝士蛋糕吸引着，所以就買咗一個返屋企試吓啦！🔥六吋大嘅德國芝士蛋糕$80芝士餅嘅外圍係一啲白朱古力碎，面頭係烤過嘅芝士，中間有兩層薄薄的海棉蛋糕同埋兩層厚芝士！食起上嚟比較軟綿綿，有別於厚實嘅cheese cake! 食落都重芝士味， $80來講算係一個唔錯嘅選擇！個盒都好特別！

之前生日試過呢款蛋糕 , 覺得好好味 , 所以今次忍唔住又揀左呢款蛋糕 😍1 磅裝 $190, 呢個係 2 磅裝 $380有圖有真相, 個蛋糕實物同圖係一樣, 表面鋪滿曬藍莓, 超市藍莓特價都要廿幾蚊 2 盒, 呢度都已經值幾十蚊 🤑🤑, 仲有 d 金箔同白朱古力片圍邊 紫色部分係黑加侖子味 ge 乳酪蛋糕, 味道突出, 唔係化學味 白色部分酸酸地, 有少少沙冰 ge 感覺, 食落有冰涼口感, 好正 !白朱古力片正正常常 ~成個蛋糕酸酸甜甜, 一啲都唔膩 ! 仲越食越想食 !一啖食落去, 有藍莓, 藍莓醬, 軟滑乳酪蛋糕, 冰涼沙冰, 口感好豐富 😆😆😆 強烈推介 !

行開沙田不防去帝都酒店coffee conrner盼下有無心水甜品啱食。以前會有counter係橋位，而家要行入少少到餐廳入口。其實有好多款色，而價錢唔貴，算好抵食。今日買咗個6吋大嘅柚子芝士蛋糕。樣子睇落去唔差，食落柚子味較濃，芝士較輕，唔太覺芝士味，但質地反映到。柚子味酸甜，有柚子皮，唔算太甜，覺得係較「健康」的甜品。