Coffee Talks (已結業)

難得平日放假，可以忙裡偷閒，就落去旺角走一轉，順便去魚街補充一下🐠🐠日用品，一袋二袋拎住走個陣行過見到有間新開cafe, 肚子又唔爭氣打鼓，就一於推門入去醫醫肚啦😛新開張地方好企理，座位又寬敞，岩晒我可以放好晒所有野慢慢食😄Menu 都算多野揀，但本人有選擇困難症下，便舉手搵店員介紹算喇。簡介左幾個主菜後，就點了白酒大蜆意粉， 有驚喜😍味道一流，酒味好香但又唔會蓋過晒d蜆味，正👍🏻👍🏻👍🏻跟餐仲有免費美式咖啡☕️ 咖啡好香，係即磨先會有既咖啡香😆見到隔離檯有人飲latte, 師傅仔仲拉晒公仔圖案，好有心，最岩後生仔黎打卡影相呃like扮文青😂😂 好鍾意呢類小店，加油💪🏽💪🏽💪🏽

係附近返工，見到開咗新鋪所以就黎試吓。環境幾好 位置都算寬敞 老闆笑容親切 服務員態度良好 所以我決定打篇食評支持下佢地！重點推介2款菜式 南瓜蟹肉法邊豆意大利飯 蟹肉味濃同南瓜好夾 價錢ok 食物夠熱 絕對食得過呀！焗芝士大磨菇 酱汁美味帶出磨菇香味，即叫即焗，等一陣都值得！不得不提，佢杯特色苿莉花水果茶 清新怡人。見佢地仲有唔少自家蛋糕，黑松靈芝士蛋糕同埋一款有粟子泡芙（其實唔記得叫乜）下星期再黎試。整體黎請唔錯，會再番轉頭，希望老闆可以保持水準^^

呢次係我第二次去Coffee Talks, 上一次係試業所以無打Comments。入到去個妹妹好快咁招呼我坐低，見到個靚仔老闆同另一個客傾緊偈，咁我唔理佢正打算叫野飲嘅時候，佢突然另轉頭， 就對我講：“咦你黎左啱嘞，我哋轉左豆。”然後我先醒起我上次同佢講話我鍾意飲烘焙味重小小。丫～咁都記得又幾叻喎！咁一於要杯Americano啦，試真啲味丫嘛。一試之下都發覺今次都幾對我口味，咖啡烘焙度足夠，小酸小苦中帶丁香同焦糖香，正！之後吹下水啦，咁佢又同我講搞緊啲Cup Cake呀，切餅之類。咁即係迫我日日吞Pop過黎唧！