Color chacha (已結業)

葵涌廣場一向小食多多！食完當然想飲杯好喝的解解渴吧。近年台式飲料店真的太多選擇，而且開到隨處都有一間但今次選了這間就在2樓的誠意小店！沒有分店只有一家！🙈其實都是被這個樽身吸引過來的粉紅+粉藍怎麼抗拒啊☺這樽就是夢幻雙子星基本是由草莓鮮奶加蝶豆花鮮奶組成明顯地草莓味蓋過蝶豆花味道，鮮奶不太甜，整體入口清甜會偏天然的感覺！仲有其他款就下次再試試吧！可以拎這個樽帶水了😛

放在雪櫃內，五顏六色😍，色彩繽紛😍，吸睛能力一流👍🏻👍🏻👍🏻👍🏻👍🏻但花多眼亂，一時想飲果d,一時又想飲果d,望左好耐，都係呢款吸引到我去試😊

食完飯行入少少就有間叫colours 的台式飲品本地人開ga, 點左奶蓋鐡觀音及奶蓋紅茶奶蓋可選芝士味, 抹茶味, 栗子味等, 但當晚只淨栗子味不過整體麻麻地, 鐡觀音唔夠濃, 紅茶又太濃, 奶蓋偏稀而且唔平, 廿零蚊杯, 貴過其他連鎖台式飲品店, 但又唔夠人地好飲

今日晚飯就係去葵涌廣場掃街啦！先行咗一圈，見到Lee間飲品店感覺都唔錯，係入咗小小，不過黑色舖面都幾有型。細看一下，好多色彩繽紛嘅飲品，有幾種不同系列，果汁，北海道鮮奶，芭樂汁，珍珠奶茶等等... 仲有每支飲品都有唔同嘅名，顯得店主好有心思。天氣熱熱地，我當然係揀支果汁消下暑啦！心大心細，最後就揀咗支“吸血鬼”，我鐘意個名，佢入面有西瓜汁，菠蘿肉，最低有層果凍，店員話要攪一攪連果汁一齊飲，感覺好fresh，又唔會太甜，Lee支飲品係我今期至愛，下次我要試埋黑天使先得。

It was the colour that caught my eyes! All the juices were presented in a clear bottle so you can see what's inside. I got the guava mango juice because I like mango. The staff told us to shake it before drinking so everything is all mix well. To be honest, I could only taste mango and very fresh indeed. It was very sweet as well.

依個布甸奶茶勵害喇！啲布甸竟然係用芒果布甸！真係唔知可以講啲咩...奶茶係香，但一飲就係有芒果味，啲布甸好淋，入口即溶，但芒果布甸溝奶茶....又甜...又唔夠凍...唔得

粉紅+粉藍，被佢美美既顏色吸引了！感覺很夢幻，就買了黎試！宜杯名叫夢幻雙子星，其實係士多啤梨奶!但味道方面，我就覺得麻麻地，士多啤梨味唔太重，奶味濃但唔算香滑。影相幾靚既，但味道不出眾，唔會再飲！

葵芳剛剛新開左呢間台式飲品店，睇佢廣告就有好多唔同口味嘅珍珠啊或者飲品選擇，但係去到都係得幾樣選擇，有啲失望囉因為沒有太多選擇，就選擇了這支朱古力珍珠配朱古力，奶味偏重的朱古力奶，我都接收到嘅，但係朱古力珍珠太林、沒有Q彈的嚼口，這樣令人失望。價錢有點貴，但是我很喜歡這個樽的設計，所以洗乾淨再用了。

我好似成日到葵芳又好似唔係成日咁，呢一度嘅變化好似都有啲多，而我一般唔留意就真係唔覺有特別嘅改變。我都係偶爾見到有人拎住飲先發現佢。佢最特別嘅地方我認為係佢個樽，因為可以一眼就發現到係呢間店賣嘅。而呢一個樽又可以循環再用，的的骰骰，我幾中意呢種設計。呢一度嘅飲料其實唔係張list全部都有，佢每日售賣嘅都應該會唔同，所以我今次就揀左仙草凍奶茶。奶茶都幾好飲嘅，唔會有重澀味，仙草凍就同一般嘅差唔多，所以整體黎講都好飲嘅。不過成支野飲我都應該係為左個樽而買，因為我覺得佢真係幾特別幾有趣。

葵涌廣場又有新飲品店進駐，就係color chacha，雖然menu有好多款野飲揀，但係店員最後同我講只有白板上既飲品是日有售，士多啤梨粉既我就揀左牛奶草莓珍珠，據聞珍珠係店舖自家製，所以同出面一般既有啲唔同。珍珠都幾煙韌有咬勁，士多啤梨味都幾出，仲有啲果籽係珍珠裡面。不過配牛奶就有啲單調，如果可以配上果茶應該更加好飲。