Colours Cafe & Bar (已結業)

Cafe 始終係cafe～考試在即很想找個地方溫書，適逢肚餓，於是心血來潮來到Colors坐下看看餐牌，物價反彈喔！雖然有＄２４的意粉，但卻不太吸引。雞球石頭鍋飯看似很吸引吧～賣相蠻不錯，又紅又綠，味道則怪怪的，飯又不夠乾，就是沒有韓式石頭碢飯的味道～好失望

經濟差係人都知, 但都要食飯, 星期五六又驚貴, 所以約咗女朋友星期四晚出街, 希望慳得一蚊得一蚊啦! 行過銅鑼灣,記得果道有個平價飲食廣場, 咪推個女朋友上吓去咯, 第一間比我見到既係italian tomato, 成七十幾蚊, 個賣點只係得件用油推出來的"蛋糕" , 第二間係中式大排檔格局但係賣緊$300 幾蚊的火鍋, 第三間就係cheap 到爆的越棧, 幾間都唔合我口味, 行到最後, 有間叫colours 的 物體, 唔知賣咩, 但見到佢地有做宵夜, 咪試吓咯, 果時十點到, 成個埸都冇人, 係得佢果間有d人氣, 仲要我地坐門口, 有冇咁爆呀?睇個餐牌, 嘩, 終於明白點解咁多人, 我地叫咗個日式便當, 同個鰻魚石鍋飯, 兩樣加埋都係$88蚊, 仲有餐湯, 餐包同餐飲...之後, 我地比佢地d遊戲吸引咗, 掛住玩, 有個侍應好心走埋來提我們個石鍋飯如果唔趁熱食, d飯會變硬架, 我女朋友話超細心... 咁既服務加咁既價錢, 我覺得好抵玩咯!

今晚落老銅搵食, 原先一心打算同gf去Italian Tomato的,但見好多人,跟住 gf提議行入小小睇埋其他舖有咩食,行到最入個間就係 colours,有個女人好努力咁hardsell佢d食物(睇得出應該係老板娘),咁我地見到價錢又唔係貴,同貪cafe d位坐得舒服d就入左去.點知.....見到佢本 menu有d 套餐 $68,同未入黎前係門口派比我地睇個張單張既套餐差唔多咁,問下佢地有咩分別啦,點知.....佢應我地"哩個無ga la",咁我地再睇其他....跟住我地點左個d餐,個餐湯無得揀,咁都無所謂啦,等左一陣,就黎左個好細塊既蒜蓉法包+雜菜湯,但個湯一飲就知溝過大量既水,再加返大量既糖同鹽調味(無料湯), 而我 gf order個個白汁焗意超喊,佢食左幾啖頂唔順,咁我就比我 order 個個鰻魚石頭窩飯比佢食,但係我地個好多飯都好硬,不過叫就好過佢個個一d既...食食下,我地 order埋d野飲,點知攪笑地個staff應我地咖啡同奶茶唔好飲,叫我地揀多個小食仲低,因為佢地有張 coupon 食夠 $ 128 可以加$1 可以換杯綠茶紅豆冰..咁我地就再睇多次 menu 有咩

星期六下畫甜心妹妹又出動，這幾天病了，沒有吃東西的意欲，所以上了cafe hea～這間colours 在星期六下晝比起同區的cafe 分外寧靜，最適合我這些病人在寧靜的環境下度過這白色情人節的下午。雖然下午茶餐牌上的選擇不多，但價錢不算貴，由＄２２－＄４０左右有焗飯，意粉，多士，小食等配飲品，任君選擇～吃飽飽後，還可以和三五知己談天玩耍真好！

前日阿風突然打來話阿be 生日, 要攪一個"別開心面"的生日會, 臨急臨忙都唔知去得邊, 記得銅鑼灣有間叫colours 的好耐之前去過, 幾有氣氛, 咪打去訂位咯, 點知聽電話個哥哥又問長又問短咁, 又問我會唔會帶蛋榚咁? 有點hard sell 咁 ! 不過時間關係, 都係book 咗先...我們一行十數人大約八點到到, 嘩, 好彩有book 位咋, 前半場爆哂, 但一到我地book 果個vip 專區, 好大呀!!! 突然間覺得好靜, 同出面好似兩個世界咁, 因為之前訂咗個多人套餐, 所以一坐底就簡野食, 雖然係cafe 格局, 但份量同選擇絶不欺場頭盤餐湯, 法包同法律就唔講啦, 基本野, 不過都幾好味...先講小食 , 我地簡咗"蝦多士球" 唔太覺有蝦又幾有口感, "水牛雞翼" 有點辣但較港式化, 網皮春卷反而係我至愛, 似越南野嘛主菜有鰻魚燴飯 黃金蝦飯同野菌尖通粉等( 下刪幾十字) 因為d名實在太長, 不過都幾好味...還有薄餅同燒排骨, 樣樣野都好大碟, 好似驚妳唔飽咁, 雖然d野食唔錯, 但我地仲有個大蛋糕, 所以都係放棄但有個女waitress 好落力咁介紹d"特飲

或者一向依靠下午茶及晚市，否則周日午市時間全程由我倆包場，如何生存？！選擇相當多，而且有些幾特別，吸引你去一試。香草雞扒伴意大利栗子飯就是一例，可能因為我喜歡栗子，不作他想，就即下決定。雞扒的皮炸得脆脆，肉質亦不鞋。飯則並不立口，加入的栗子粒也夠腍，不錯。韓式泡菜豬肉醬石頭飯是註明香辣的，不過味道其實偏甜，不夠辣。泡菜也少，沒有韓國泡菜的辛辣感覺。如果以肉醬飯的角度去看，用滾熱的石頭窩奉上，其實也令人滿意的了。可是餐湯不濟，不夠熱，還要內有不少未溶的粉粒！咖啡、奶茶亦只是濃澀而不香。是可以做得更好的。

今次係第二次來, 上次入來係因為知道colours 開了新店, 事隔幾個月, 咁啱有朋自遠方來, 即刻諗起呢度, 我們一行六人, 7點到到, 商場內人流唔算多, 我朋友以為呢間係pancake , 我同佢講, 兩間係唔同架, 除咗裝修似外, 呢度d野食好食好多, 我哋叫咗個六人餐, 有餐湯,法包, 沙律, 小食有得七款選兩款, 我地簡咗芝士焗西蘭花, 薯蓉焗田螺, 兩樣小食都恰到好處, 好好味 , 不過略嫌有點漏 , 主菜方面, 我地簡咗千島汁鴨胸焗飯同卡邦尼意粉, 千島汁果個個味幾特別, 好似食緊沙律咁, 但好漏, 卡邦尼意粉, 冇我地預期咁好味, 一般咗d, 可能我地咀尖尖啩 之後有個咩咩薄餅, 味道幾好但我地成班女仔己經好飽了, 所以冇咩點食到, 跟住waiter 哥哥, 專登走來問我吔夠唔夠食, 我心諗, 有點多咗添,但佢話仲有個重點甜品拼盤叫我地幾飽都要試吓, 嘩, 甜品一到, 簡直嚇我一跳, 一個字, 勁呀!!! 真係規佢諗得出, " 雪糕免仔"好cute !!總括來說., 約朋友聚餐又唔使比人趕, 呢度不失係一個好去處, 我地由七點坐到人收工都冇比人白眼就己經抵讚啦,

其實colour 已經係第二次食了, 還記得第一次同 Carmen 響佢開張第一.二天便去試了, 當時雖然稱不上很好, 但acceptable.但近來去, 沒想到, 水準下降得恐怖我一向很愛 Carbonara,但這裡的天使麵好林...海鮮粉意大利, d油多到我唔識形容pizza, 冇諗過只係一個冇料既pizza, Service方面: 我地一坐低既時候, waiter即卡sell drinks, 當我地唔要之後, 完全冇意識比杯水我地, 等左勁耐依然冇, 唯有自己叫環境好嘈!

第一次食...都算啦...覺得無乜特別..唔諗住食第二次..第二次組過比fd拉左去食...開始有d反感...甘既 Pasta...真係唔值長期第1位第三次再去...真係覺得難食...個沙律汁好似水甘...塊排散到不堪..屋企都整得到..真心覺得有d搵笨..

因為工作關係來了銅鑼灣數次,每次都係獨個兒吃飯.餐湯不足半滿...但幾好飲.叫了一個白菌鴨胸火腿會意粉.吃時卻奇怪點解無鴨胸?但見鄰座的客人也沒有,心想可能沒有鴨胸吧....誰知吃到一半,卻驚見另一檯的客人叫的那客卻是八片十片鴨胸的!便立刻問侍應,但又立刻走了去問..結果等了幾分鐘,不再作解釋的便將一堆鴨胸放到我和鄰檯的客人檯上.咁...究竟頭先係漏左?未煎熟?還是....無人解釋,隔鄰那檯更加是O咀,一時反應不切,因為係佢地掛住傾計,根本都唔知仲乜無端端有堆鴨胸放到檯上(係.係一堆,因為無賣相的,一隻白碟放一堆就算了).價錢係CB黎講算OK,仲要唔駛加一添,服務都OK,只係個湯唔滿和漏料要扣分.

我一路都唔明點解優食橫町喺銅鑼灣市區~但都冇咩人知...........佢個位幾好呀~又多唔同餐廳~3年前開幕時我做mc的~當時同嘉賓袁彩雲食晒咁多間舖~而呢間colours係後期先開的星期日上去左~2點前~好少人~門口個staff落重咀頭...好啦~試下啦~$38一個焗飯+湯+drink~唔算貴~亦坐得好舒服~似cafe~仲有大富翁等game俾人玩~不過當時我一個人食...坐下~看下電視就走了~喺銅鑼灣~唔貴又任坐的地方~算係咁啦~雖然~個焗飯好得意...一邊肉醬一邊白汁但得白汁火腿嗰邊好食咋姐...............................另外~叫人加水時~唔知點解~佢係都要拎過新一杯俾你....奇怪~

類似茶餐廳食物, 但裝修靚d一個午餐,日式薄切牛肉飯$38 有羅宋湯, 蒜蓉多士,飲品來到原來是吉xx牛肉飯相似做法, 但肉汁和牛肉就是吉xx入味些個湯好''水'' 淡左些, 而且只有一半多份量, 但飯的份量都足夠可能有些茶餐廳做羅宋湯會好過佢也未定, 但不用加10% 算係咁

明明就唔值$5-60位佢日頭食都平一d都可以接受,食物方面就平平冇其 都係茶記食物只係個地方唔似,先可以收多咁多錢ja,如果唔係見到個fd係入面食緊野我都唔會去食.lunch食左就覺得d野飲唔得.點解野飲唔得因為你地有冇出去飲野要加冰?我第一次ja ,d冰溶左係我個飲品到.重要我叫野都冇人應=.=我都知午餐會旺一d但係都唔好應左又唔記得左我先得ka.=.=

星期四既下午茶...成間cafe得2客(包括我地2人)入黎坐低冇餐牌...叫佢比...比一個...finally叫左1 set lunch + 2 tea sets.........................得到結綸：開cafe只係需要ham, mushroom, cream, tomato根本叫乜都比呢的料你,唉!得係$37, $19, $27 (+ 10% service charge) 都算ok 啦*的後生全部都係新入行,黎湯唔比spoon,spaghetti冇比叉...=.'"食呢餐tea,叫左的waiter 10次以上...唉

尋日與朋友一共12人約左去銅鑼灣食飯, 因為諗住食平平地, 本來打算去沙嗲王, 但其中有幾位之前食過都有不快經歷, 所以就決定轉場. 因為有幾個遲黎, 我地近10個人經過優食橫丁, 有個嬸嬸好大力推介, 又話免我地加一, 再加上我地見到有$58既晩餐, 覺得價錢ok, 就入左去.果度環境其實尚算唔錯, 係樓上cafe格局, 重有一個開放式既房仔.雖然間餐廳得2-3台客, 但我地因為有10人關係, 我地就要求坐房仔, 一個看似老闆娘既人都俾我地入去坐.之後, 果位老闆娘就拎餐牌俾我地, 個餐牌得一個選擇: $110一位. 我地本來就想食平d, 所以問佢有無第二d餐牌, 佢又拎左第二個黎, 但就話$110一個人係party size, 可以share黎食, 餐牌就一人份量. 我地本來都無打算要咩party size, 最主要係$110一個人真係唔ok. 老闆娘拎左個餐牌過黎, 但睇極都無$58個餐, 我地就問返佢, 我地門口見到$58個餐, 可唔可以俾我地睇下. 個老闆娘即刻變面, 之後重拎得1個餐牌過黎 (10個人睇1張!). 最後我地覺得湯好難分, 咁就無叫餐, 散叫餐牌裏面