影片
更多
2008-05-09
26 瀏覽
尋日與朋友一共12人約左去銅鑼灣食飯, 因為諗住食平平地, 本來打算去沙嗲王, 但其中有幾位之前食過都有不快經歷, 所以就決定轉場. 因為有幾個遲黎, 我地近10個人經過優食橫丁, 有個嬸嬸好大力推介, 又話免我地加一, 再加上我地見到有$58既晩餐, 覺得價錢ok, 就入左去.果度環境其實尚算唔錯, 係樓上cafe格局, 重有一個開放式既房仔.雖然間餐廳得2-3台客, 但我地因為有10人關係, 我地就要求坐房仔, 一個看似老闆娘既人都俾我地入去坐.之後, 果位老闆娘就拎餐牌俾我地, 個餐牌得一個選擇: $110一位. 我地本來就想食平d, 所以問佢有無第二d餐牌, 佢又拎左第二個黎, 但就話$110一個人係party size, 可以share黎食, 餐牌就一人份量. 我地本來都無打算要咩party size, 最主要係$110一個人真係唔ok. 老闆娘拎左個餐牌過黎, 但睇極都無$58個餐, 我地就問返佢, 我地門口見到$58個餐, 可唔可以俾我地睇下. 個老闆娘即刻變面, 之後重拎得1個餐牌過黎 (10個人睇1張!). 最後我地覺得湯好難分, 咁就無叫餐, 散叫餐牌裏面
因為有幾個遲黎, 我地近10個人經過優食橫丁, 有個嬸嬸好大力推介, 又話免我地加一, 再加上我地見到有$58既晩餐, 覺得價錢ok, 就入左去.
果度環境其實尚算唔錯, 係樓上cafe格局, 重有一個開放式既房仔.
雖然間餐廳得2-3台客, 但我地因為有10人關係, 我地就要求坐房仔, 一個看似老闆娘既人都俾我地入去坐.
之後, 果位老闆娘就拎餐牌俾我地, 個餐牌得一個選擇: $110一位. 我地本來就想食平d, 所以問佢有無第二d餐牌, 佢又拎左第二個黎, 但就話$110一個人係party size, 可以share黎食, 餐牌就一人份量. 我地本來都無打算要咩party size, 最主要係$110一個人真係唔ok.
老闆娘拎左個餐牌過黎, 但睇極都無$58個餐, 我地就問返佢, 我地門口見到$58個餐, 可唔可以俾我地睇下. 個老闆娘即刻變面, 之後重拎得1個餐牌過黎 (10個人睇1張!). 最後我地覺得湯好難分, 咁就無叫餐, 散叫餐牌裏面既野.
因為打算邊食邊叫, 不竟第一次黎食唔知好唔好食, 我地就叫左1個pizza, 2個意粉, 2個飯, 3樣小食share. 老闆娘落完單, 就問: 駛唔駛double個size, 我地話: 唔駛喇, 我地重有朋友黎, 一陣再加. 老闆娘話: 我地份量唔大, 你地咁叫一人得一啖架咋喎, 叫返$110個餐就大碟d (又sell $110個餐). 我地一樣話唔駛, 佢就話: d野可能要耐少少喎 (得幾台人都要耐少少?) 跟住就黑面走開.
講返食物:
意粉2碟味道都係一樣, 無乜味...
飯, 一碟牛油果鳳尾蝦焗飯, 個汁係千島醬, 好怪味.... 另一碟炒飯, 有炒燶, 但又係無乜味.
海鮮pizza, 罐頭吞拿魚味好重, 其他海鮮無乜
芝士雞翼質感幾得意, 蜜汁雞翼普通
食物黎左之後, 台面只有6份刀叉, 又無碟仔, 所以問waiter拎.
最後waiter只係放6隻碟落黎, 最後個朋友唯有自己去後面水bar台拎碟仔同去後面無人既台拎刀叉. 當然我地可以問佢再拎過, 不過我地廢事, 其實當初點菜果刻我地就應該起身走人.
之後, 因為覺得意粉無乜味, 所以叫老闆娘拎tabasco, 我地一招手, 個老闆娘第一句就話: 想加d咩野食咁呀? 我地話想要tabasco..... 最後當然係無拎到黎.
當時重有2位朋友未到, 不過咁既服務態度我地真係留唔到落去, 終於過左澳門茶餐廳. 走果時, 老闆娘黑住面講多謝, 但一下正眼都無望過我地.
無諗過咁既服務態度重會出現響香港食肆, 如果係唔歡迎細單既, 佢地就唔好放個$58餐牌響門口作招徠, 嬸嬸就唔好話免我地加一, 果d客唔會係佢地想要果d.
張貼