Come Buy (已結業)

今次沒有光顧奶茶，而點了一杯在這裡久沒嘗試的蜂蜜蘆薈和百香果QQ，就簡單點評一下～味道：令人失望...今次的蜂蜜蘆薈對比我上一次喝的時候，明顯地「蜂蜜水」得多，而且蘆薈粒還要有點苦味...友人的百香果QQ亦見退步...環境：在旺角鬧市的當眼位置，位置就腳之餘亦算方便，不過如果認真是說「環境」的話，基於是台飲外賣店就沒啥好評了服務：台飲外賣店應有的～都應該有 - 基本笑容、「公式」指示、客套詢問...都應有盡有衛生：常言道～開放式的廚房最「實際」的用處，應該就是讓顧客放心吧抵食：12元+14元兩杯中杯Size台飲，對比其他店舖還算「不分上下」吧...有的都不會是十元八塊的差別總的而言，對在港「歇腳」的各式「臺北」茶質數而言，這一次的質素明顯令我不太「Happy」，希望它們可以回去好好「水研」一下，讓我在下一個「日出」之日，有一杯能令我「Come Buy」的好茶吧！

熱黑糖巧克力(L）$14 06：50趕住返學無食野底下又經過comebuy就買杯朱古力嘆下，叫左熱既半糖，等左幾分鐘好快已經整好，可能佢係用膠杯，模上手已經知道唔係好熱，飲落都幾香黑糖味，不過巧克力唔係純朱古力只係谷咕粉味，完全無朱古力既味道…

自輕鬆飲後，自己覺得旺角是沒有一間珍珠奶茶可以比得上~貢茶就喝「茶」好...試了太多新開的台式店鋪，總是一次比一次失望!所以一般都沒有太大興趣這次被Come Buy 的counter 吸引住了~所以決定試試...繼續迷你珍珠奶粉，等了十分鐘左右吧!加大的....首先吸了第一口就有驚喜重拾真正的奶茶味，不會只喝糖水似的，而且珍珠份量多，每一淡都吸到少量!做得很好，絕對要給笑面。繼續支持

晚上人很多, 要了一杯芋香奶茶, 少冰少糖等了十分鐘, 入口, 很失望芋香和茶味都十分淡薄, 相信走冰也不會好多少而且味道單一, 愈飲愈寡而最重要的是, 我飲到疑似膠味 雖然只是淡淡的但都夠噁心了....

朋友請飲~叫左一杯黑糖奶茶...唔知點解有粉條...粉條係白色的...很怪,,,可能喜歡食珍珠的朋友會中意啦~不過....絕對唔岩我飲....害我飲得勁辛苦..要隔走哂d粉條黎飲~><不過好大杯呢~~

經過時看到好多人排隊~終於比我等到佢開分店了...叫左一杯"黑糖朱古力",免費加埋粉條...日本黑糖不是好甜味道剛剛好啊~加上好濃的朱古力,正!!!下次要再encore多一次~

自從上次行過見到推廣波麗斯奶茶只賣$11 (中杯)就試下一邊等一邊見到雜誌勁多間比併 其他間間都係7-9分唯獨呢間有成14.5分!! 好似好強勁咁!!但我就迷上左喇 果d波麗斯原來係POLICE咁解-.-(不過即係點解呢? 呢個名我只係聯想到愛麗斯)好好味呀 一條條好煙un 奶茶夠甜我最中意!!自從飲過一次 成日行過都買 前排仲有買五送一!! 今日行過又買 見到有新產品 - 粉條奶茶就問問同波麗斯有咩分別原來一樣架 只係要改名 (又做多次推廣!) 其實咩名都冇所謂 不過個名好娘(haha)都係中意叫做九唔搭八的波麗斯奶茶但真係好好飲 !! 真係要試下今日去等左5分鐘 放工時間算係咁有次等左成20分鐘tim呀!!!

第一次到此店, 見到人山人海, 是美食信心保証指標, 於是幫親一下!最穩陣是買- 招牌珍珠奶茶 (回饋價大中一樣 $12)- 半糖- 選大珍珠由於天氣凍, 回家後用煲煲熱少少, 稍滾後即熄火, 發覺很美咪, 半糖已經夠甜, 煲滾後內裏的珍珠十分美味, 很好咬口!!!絶對直得再試, 在天氣凍時, 用此方法更加美味!!!不過, 大柸裝的Size比另一間"貢茶"的柸矮了2 cm! 同樣都係$12, 都係"貢茶"抵飲D, 美味D!

27-11-2009食完石鍋烏冬, 又由旺角行路返屋企, 又買珍珠奶茶邊行邊飲. 呢頭選擇多得很, 行了一圈睇中了兩間, 最後決定試試新寶戲院呢間 Come Buy.買了「中」size 珍珠奶茶「少糖」($12)... 唔知「少糖」的所謂「70%」即係幾多, 不過飲落係覺得完全唔甜, 早知要「正常」甜度吧; 奶味近乎零, 茶味就都有的, 不過好淡, 加埋「溶冰效果」, 愈飲愈覺得似一杯冰水 珍珠 Q 度不錯, 份量好多, 但完全無味0架喎, 感覺像食「膠」一樣, 唔掂. 好啦, 當水飲吧, 沿亞皆老街一路行一路飲, 但行到中電, 都係忍唔住送佢最後一程.呢杯「咁嘅嘢」令我諗起紅磡嗰杯嘢 (即係邊杯: http://www.openrice.com/restaurant/commentdetail.htm?commentid=2021771), come 完呢次, 下次一定唔會再 buy 了, adieu au revoir auf wiedersehen and goodbye!

路過見好多人趁吓熱鬧買番杯珍珠奶茶 ,我知一向 d 台式飲品都好似糖水唔使錢咁一個正常人跟本無可能飲到咁甜所以我每次買珍珠奶茶我都會叫半糖今次也不例外 果然無錯 半糖味道 MM 好 有奶味 又飲到茶味 如果大家唔想患糖尿病既危機下次唔好飲咁甜喇 !

想不到剛剛出食評，今晚又去到comebuy 買了珍珠奶茶，就把最新的食評先出吧。先要謝謝openrice送來的戲票呢，我真的感覺到今次的戲好看多了。說最好的，就是上年的送的吸血新世紀，今年有第二集，應該會去看。可能香港太多戲上畫，openrice 送的戲票，每次也是一星期左右就落畫。明明收到戲票不久，昨日竟然全港只剩下三家還有上這齣戲，還要剩下唯一一場，就在奧海城，所以才要老遠來看。看後又回到旺角，我又想飲台式飲料，女友就嚷著要試comebuy 的珍珠奶茶。其實本人自珍珠奶茶風吹來香港，已經飲過很多杯，著實有點厭倦了。珍珠奶茶是要奶和茶的比重相近，這杯的確做到，茶味有，不算濃，奶味也有，沒有蓋過茶味，兩者不是同時感覺到，甜味方面，點了少甜，可能半甜更岩我。上次說Q度不錯的珍珠，今次要了細粒版，也是那個Q度和味道，每飲一口，珍珠是湧上來，滿口也是，不過細粒哨感會少一點。有時候比較珍珠奶茶，就如評國際級跳水一樣，動作是很接近，分別可能是壓水花做得好一點，就多了零點一分。我不能否定這杯的水準不錯，但如何評價做第一名，是否真的做到茶奶五十五十，第二名的就是四十九五十一的比例輸了? 是雜誌噱頭吧

上次試了期望很高但很失望的師太芒果，今次來到come buy，又見到它們的人氣第三名金芒果優酪很吸引，我就來一杯。從等候時間得知，comebuy 可以說是新力軍中比較受歡迎，比較兩間龍頭輕鬆飲和貢茶有過之而無不及。到了大約晚上十一時，還要我們等了幾十個號碼，等上二十分鐘，人氣不能忽視。它們聲稱用上台灣道地土芒果和香甜的愛文芒果。第一口就感覺到芒果味道香濃，芒果本身不帶酸，不算杰但見到有很多一絲絲的芒果，配合輕輕的優酪味，酸酸甜甜，兩者很夾，加上有Q度適中的珍珠，珍珠暗發糖水甜味，比茶太的好多了，只比這一杯，高了幾個級數，這杯才算是好的芒果汁麻。看到它的珍珠奶茶被雜誌評為第一名，將來也應一試。

平日咁大杯一個人真係飲唔哂，而且媽咪又話成日飲奶茶對身體唔好，所以後期都好少飲啦已經。今日我地買左一杯 3 個人share，咁就唔怕飲唔哂啦! 哥哥話買呢間飲，我都贊成，因為我發現咁多間係呢間我未飲過。之前一直睇d食評講到呢間好似麻麻咁，所以都無咩信心，但哥哥又話飲過ok，咁就一於試下啦。要左最基本既大珠奶茶，因為我最鍾意飲呢個。$12一大杯，如果好飲既話都算係一個可接受既價錢，因為真係幾大杯下。無叫少甜少冰，飲落去反而甜度剛好，一D都無過甜，我諗如果叫少甜應該會變得無咩味，因為而家都係剛剛好。茶味都算足夠，當然再濃D就更好啦，但起碼唔會得個甜字，真係唔錯呀。勁多珍珠，啖啖都飲到，而且珍珠煙UN有咬勁，口感OK! 飲完覺得真係唔差喎，可能好唔好飲都要撞手神，睇下邊個整。點都好，下次有機會再買黎飲下先。

我飲過2樣野咋珍珠奶茶,半糖,細珠good茶味夠,奶味剛好,唔會好甜,最鍾意d珠,夠多又煙韌,唔會黐埋一o舊,甜甜地,好味最怕d珍珠冇味,好似食擦膠咁....3Q百香果ok,係太多冰,3Q太大粒,搞到飲晒D茶都仲有一大堆渣o係底服務態度ok啦,正常囉同埋都唔係話要等好耐, 一般黎講5-10分鐘,可以接受啦有次我等野飲冇野做就睇下d人做野有個人係負責沖野飲,真係堅快手,首先洗左個量杯,加茶,加糖醬,加三匙奶粉,喪搞十下,得左佢隔離已經有個人拎住個入左珍珠既杯等緊佢,一倒落去即刻封口平均20秒之內就可以整一杯,所以我地先唔駛等咁耐有時佢都連續沖好多杯珍珠奶茶.但佢次次都有洗杯先再沖另一杯架喎,又唔會偷懶唔洗喎不過老實講,我好appreciate佢咁勤力,但同時又覺得佢幾慘,因為好"庇護" feel囉

第一次買還ok噶細珠第一次試幾好食不過下次都系揀翻大珠可能太多冰飲下飲下就會淡