COMEBUYTEA (T.O.P This is Our Place)

營業中

休息中

Comebuy開既一條line 主張用較靚既茶葉沖茶 而且每杯都係即沖既 經過佢既舖頭果然聞到好香茶味 所以就去試一試佢啦😀試左杯Top 5入面number 1既厚奶烏龍小芋Q 大約10分鐘就有得拎飲品 飲落果然無介紹錯 炭焙烏龍味好出 唔會比奶蓋過左茶味 飲完口入面仲有烏龍茶香 加上每啖都食到小芋圓 煙煙韌韌 好好飲 下次再試會叫半糖 相信茶味會更出😋👍🏻

我不嬲都好鍾意飲茶，比起珍珠奶茶，都係茶較為討我歡心！當中我最鍾意飲排行No.1既厚奶烏龍配小芋圓，加咗厚奶後，茶味同鮮奶既味道完美地合二為一，既有茶香，又有奶滑，整體唔會太甜，就算唔嗌少甜個味道都岩我口味。而芋圓亦都非常好食，口感Q軟，水準唔錯，所以我次次黎都係嗌呢一款！我朋友嗌左清香烏龍加寒天晶球加少甜，雖然嗌咗少甜，但係個甜度偏高，感覺似飲緊大量糖水加茶。而茶味帶點微酸，味道比較一般，下次應該唔會再就咁嗌茶，推薦加奶會比較好飲。

平時唔經的入口，今次剛巧經過見到，給小芋圓吸引著，標明台灣冷藏直送，必定要試試。以前幫襯過荃灣分店的果茶，今次試小芋圓就一定要飲奶茶了。不改專業風格，此分店放有多部蒸氣製茶機，亦有茶師調製的特調冰茶可免費試飲，令等出飲品的人可以邊等邊試入，唔使齋企。講番飲品，選了厚奶炭焙烏龍加小芋圓，小芋圓細細粒，感覺上比珍珠細，夠味有咬口有芋頭味，但較出色的是茶底，很出味。不得不提醒大家，我當日眼見有香港人拿起別人用過的杯子試入茶，相信是因為此種試飲茶服務在香港少有，為免吃人口水尾，大家要小心喔

Comebuy而家多左一條高級啲嘅飲品製作線，叫Comebuy Tea。主張每杯飲品都即沖，茶葉都用得比較靚啲，所以今日就黎試下😋😋😋Comebuy Tea 係可以tailor made 自己杯嘢飲，首先揀茶底，再揀洗唔洗加邊隻奶同埋唔同配料👍🏻今次我叫咗一杯熱厚奶鳥龍小芋Q,芋圓煙靭，細細粒，配埋個茶底真係幾好飲。茶底幾香，啲奶唔會覆蓋哂茶既香味。包裝爲左迎合聖誕節呢個節日都轉埋👍🏻👍🏻店內仲有小量坐位供客人休息架～

好耐無同男朋友拍拖行街，行到攰，經過左comebuytea，見到門面好高檔，都聞到陣陣茶味，於是就俾佢吸引左。見到menu有好多選擇，茶底，奶，配料都有得俾你揀，花多眼亂，結果揀左Top1試下，個收銀員仲主動問需唔需要半糖少冰，睇黎都預左大多數香港人既口味。厚奶炭焙烏龍小芋Q。$30。奶味唔算重，不過茶味夠哂濃，飲得出炭焙味，芋圓我覺得份量有d少，如果多d成個口感會更加好。不過而家周街都係台式飲料店，店裏面仲有位卻同差電位，咁既價錢咁既質素都值得再翻撻

呢排台式飲品開到成行成市，見旺角又開咗一間裝修得幾靚嘅Comebuy Tea,就入去睇下佢主打竽圓Q,原本打算嘗試下，但因為11點，所以賣晒冇得試，只好try下其他野。✅炭焙烏龍厚奶黑糖晶球$30烏龍茶味幾香幾濃郁但厚奶唔夠，而且佢唔用透明杯，睇唔到個層次分明🤔初初以為黑糖晶球係黑糖珍珠，但原來唔係，係類似台式QQ的口感，好難形容，但無咩黑糖味不過呢間鋪好有心思去裝修，好似專賣烏龍茶葉咁，仲有部機係沖茶嘅時候噴蒸氣出嚟，但飲品質素就一般

見Comebuy開左高級版，就走去試吓。買咗杯賣得最好嘅烏龍小芋Q。烏龍茶泡得幾好，夠茶味，唔會好淡。芋圓幾有咬口，成杯野飲幾正，一杯野飲三十蚊，可接受，下次會再試其他款。

初頭覺得佢係comebuy水準，開左一直冇飲，今日好想飲珍珠，老x堂太多人排隊，就去左呢間。睇落好多人，但原來一早叫左野飲，側邊唔係日本人就韓國人，仲聽到台灣口音，唔講都唔知呢間野咁出名唯一缺陷係呢間冇珍珠，我以為黑糖晶球係珍珠，點知口感完全不一，而且係類似(一片)既珍珠，唔識講，唔係QQ果種，可以唔洗試但要試既係佢個茶，等既時候睇住佢後面既茶葉，有種真材實料感，我叫左茉莉綠茶加奶加黑糖晶球，無糖走冰，出奇地好飲！有茶味而且唔苦，無糖都唔苦！！feel到佢真材實料，可以一試！

呢類型既台式飲品店越開越多，多到有少少麻木感覺，個人五喜好濃味既珍珠奶茶呀果類型，反而中意陣陣既茶味，飲落舒服 我叫左佢個top 5紅柚烏龍蘆薈 少甜, 有果汁味至於個茶味夠出，五會得翻紅柚酸酸甜甜既果汁味，但佢d 蘆薈好少 ，起碼我飲左好耐先飲到佢 d 蘆薈。

同朋友都叫左微糖鮮奶烏龍加黑糖寒天 因為唔想咁甜 點知出到黎嘩根本同出面嘅全糖/少糖冇分別！！好鬼甜！其實呢間之前一直都有飲開但係都冇咁甜...而家唔知點解愈來愈重手（糖水方面）真係好似飲糖水咁

旺角的comebuy tea, 開於TOP 入面，好似好高級的樣子，內有堂食，可惜坐的位置一般，而且很多遊客。叫了厚奶烏龍，茶味特別濃。友人叫了茶加咖啡粒，口感特別，不太Q,也不是軟身的。可以一試。芓丸就不太推薦了。值得一提，一邊counter 有試飲茶，茶味好香。

係門口就已經聞到好香茶味，點左厚奶烏龍$30。。。。。。等左1分鐘到就有得飲啦。點知茶味唔係好重，應該係俾奶沖淡左。但芋圓幾好咬幾Q。我就覺得呢個一般般，可能其他飲品會較好飲。

今日去咗旺角comebuy試佢gei厚奶烏龍芋圓, 職員服務質素很好 , 下單已主動問是否要半糖少冰, 很了解顧容需要. 等的時間不是太久, 有座位可坐, 整間店鋪都是茶香味｡終於等到可以拿飲料, 芋圆q軟彈牙, 奶茶茶香夠濃, 很濃香的鳥龍味，而且性價比高, 可以有一杯咁香gei奶茶而且仲要700ml裝其實比市面上某些黑糖系列店舖都抵, 埋單都係30蚊一杯，而且環境同埋服務質素都很好，不用顧客在門外等太久， 喺寸金尺土嘅香港有座位可以慢慢等一杯奶茶其實都幾好。

黎到見到唔少人排隊，環境唔錯，又有地方坐低慢慢飲，當然有手快有，手慢冇啦。可以望住店員沖茶究竟蒸氣沖出黎嘅茶係咪茶味重啲好飲啲？有介紹不同種類嘅茶可以試飲唔知揀咩飲好？唔緊要，可以試下top5嘅熱買飲品唔啱心水？可以揀自選見到呢個好吸引，但友人試過黑糖Q, 一般，叫我揀第二款。最後揀咗Top 1 嘅厚奶炭焙烏龍小芋Q以為茶味會好重，點知唔係有啲失望，奶味一般，但芋圓細細粒，好有咬口唔錯總括來說一般，用呢個價錢，我會選擇其他。

路過看到有趣的霧煙情景，好奇內進看看。一進門就聞到濃濃的茶清香！看見店內貼出來的報章雜誌報導，原來是高價的高壓機做茶。我不在乎講到天花龍鳯，只信鼻聞到和口嘗到的。雖然menu一般，但味道非凡！咖啡因敏感唔飲得茶的人，聞下都好😜