Concept 品穀

營業中

休息中

以前真係唔係特別鍾意食麵包，自從香港開咗好多高質嘅麵包舖之後，就發現原來麵包都可以咁好食。蒜香墨汁🥯焗返熱之後，外脆內軟好煙韌！！蒜香簡直為個包畫龍點睛😍唔會好膩！芋泥盒子勁大個勁飽，好香芋泥味，焗返熱之後表皮仲係好脆😍 芋泥同麵包比例啱啱好😍店裏面仲有好多唔同麵包同cake，每次去都有唔同野想試，另外買咗個紫薯麻糬麵包俾屋企人，雖然甜咗啲，但個包好軟熟😍 麻糬又拉絲~之前食過蘑菇包、芝麻mochi，都覺得偏甜，蘑菇料同個包唔係好夾，但包本體係好食的！芝麻mochi就甜得滯🫠😮‍💨

兩日前早上去訂啦八件西餅，當時一個年青男士替我下單，告訴我取餅時以電郵為準，今天早上十一點去擺餅，同一位男店員話無餅，要十二點後先送到，話我應該睇電郵上面有寫，我打開電郵問佢邊度有寫下午才有，當然係找來找去都無寫，佢只係木口木面咁指住個櫃重申無餅，叫我十二點後來，無道歉，好似係我錯晒，無下次啦！

一年多前誤打誤撞發現了品穀🥰🥰相見恨晚，從此變成我的最愛。每次經過都要買些回家。起初是被它的原味比高吸引，口感香氣做到無可挑剔，非常煙韌有咬口。後來發現其他包品也做得很不錯，牛角包、法棍、茶底麵團類的款式、雜糧乳酪等，都十分推薦。更主打無添加，食得安心又放心。這次回購布甸撻。$21一個。起初嫌略貴，但嚐過後只覺很值得。外層的曲奇皮，厚薄適中，入口鬆化。😍牛油香非常足夠。內餡滑溜充滿蛋香，加入雲尼拿籽，濃郁的味道，讓人着迷🤤。每當碰上出爐時間，總忍不住買幾個。唯一可挑剔，是有明顯甜度（不愛甜的人可能稍覺太甜）。但只要配上一杯黑咖啡，便是完美的下午茶了。🥰🥰

一年一度抹茶祭返黎啦🌿今年都係分左三個星期五同六下午1點開賣，灣仔分店打響頭炮率賣先，1點前去到已經見人龍相當長，排到對面公園，約45分鐘終於排到門口，會有職員落單同比號碼籌，整體順暢唔算混亂☑️今年出左四款產品🥐抹茶牛角$40、抹茶生乳$28、焙茶生乳$26、八女抹茶圓頂$50，每款同上年都有唔同，改良左或是全新推出‼️焙茶生乳｜$26｜7/10上年食過呢個最好味，所以今年再買多次，好貼心用盒裝，但外貌上有少少失望，中間鮮忌廉好似冇上年咁澎湃🙈扁身左少少，不過焙茶味依然好香好濃🤤上層菠蘿皮幾脆，中間cream好滑身，我試埋雪返凍黎食，口感似食緊雪糕咁，好似仲好食😋抹茶生乳｜$28｜8.5/10呢款包係新推出🫶🏻以韓式菠蘿包為靈感而製作，外層有抹茶奶酥，脆脆地幾有口感，中間係抹茶忌廉同麻糬😍麻糬都好大件且有拉扯度，cream濃但唔苦😋配搭真係幾好食，唔怪之得最早就賣哂

灣仔期間限定甜品抹茶祭 因為出左4款期間限定產品 勁多人排 最後大概排左40分鐘（人龍可睇影片）簡單紀錄下（13:00開賣時間地點可睇圖）.⭐️抹茶牛角$40👎🏻牛角包唔夠酥脆 表面泡芙都係淋左🤔始終人太多 量產之下 感覺放咗一段時間除咗個抹茶cream之外 其他抹茶味都唔夠 抹茶味主要係個cream到 👎🏻但咬到最中間先得少少雖然係好食 但呢個價錢同排隊時間可以搵到其他更好選擇(如果佢地一個一個整 應該會出色好多 但排隊時間會再倍增）.⭐️抹茶生乳$28表面有抹茶奶酥 包體用咗菓子麵團中間有抹茶忌廉 拉絲麻糬👍🏻呢個餡 同頭先牛角包一樣 好濃抹茶味👍🏻但相對爆cream 食落抹茶味豐富👍🏻麻薯煙韌有咬口 .⭐️焙茶生乳$26😍最高分呢個 而且都係最平👍🏻爆餡程度最高 表面焙茶菠蘿皮脆👍🏻生乳部份焙茶味好濃麵包用咗布里歐包體 有微牛油香.整體三個甜品麵包 都特別三個甜品都唔會太甜 食完三個都唔洗飲水佢地灣仔店只做到12號 即係今日 之後其他分店仲有有興趣留意佢哋IG.#hkfunfoodrecord窮遊香港#hkfunfoodrecord_灣仔.#Concept #品穀 (灣仔) @big_

🥭 伯爵愛文芒 $36見到呢個組合唔常見所以就諗住睇下係咩味🧐首先俾佢嘅size 吸引呈大S形狀 好似幾大個叮完後 陣伯爵茶味好濃烈入面有啲🥭同cream cheese ⁉️有啲似食緊楊枝甘露嘅感覺但個人認為佢同earlgrey 唔算太夾 但伯爵茶味係唔錯嘅而且餡料都算幾多 有粒粒🥭肉好似食緊🥭乾咁 幾得意😂😂

Lunch唔知食咩好就過去品穀睇下有咩包，順便想買布甸撻，不過呢次俾前面買晒所以試唔到(無限每人購買件數)，好彩隔幾日同事成功買到，請左一隻我食🥺，所以順便share埋。🔅宇治納言比高 ($25)品穀既bagel咁出名，梗係要試下。包體超煙韌，紅豆唔會太甜，麻糬就偏軟糯，不過抹茶味唔算好濃，但覺得餡料可以再多少少🙈。🔅經典牛角 ($25)Croissant見佢焗得咁靚都買左個試。之前自己分別試左 @bakehousehk 同 @sourdoughcafehk既，前者較甜較鬆軟，有蜂巢pattern，後者就脆啲牛油香啲。品穀牛油味無咁搶，食落都唔會油淋淋，口感比另外2間酥脆😍，不過真係酥脆到一路食一路跌🤣。🔅布甸撻 ($21)撻約6cm高，撻皮唔算厚。拎返屋企焗熱食聞到好香蛋味，蛋漿加左雲呢嗱籽，所以食落又香又嫩滑😋。不過加左雲呢嗱籽可能就令個撻定價稍高😂。💬最出名既bagel食過覺得無咩特別，但croissant幾出色，撻幾好食就但偏貴。排隊見佢既甜品櫃既撻仲吸引，有機會會再試😋。

最近同朋友去灣仔shopping 臨走時想買啲飽點返屋企囤貨 就黎左係地鐵站附近嘅Concept品穀喇～ 呢間主打健康無添加嘅穀品我想試好耐㗎喇～ 入面嘅飽點賣相精緻 仲有五款口味嘅Bagel 鍾意食bagel嘅朋友一定要試下喇～🍫☕️朱古力咖啡骰仔 $25推薦：🌟🌟🌟🌟🌟呢款最surprise到我～睇賣相以為係無餡料嘅普通麵包 一切開係濃濃嘅朱古力餡 外層係偏硬嘅麵包 內層咬落濕潤 似食緊綿密嘅朱古力蛋糕 又有淡淡嘅咖啡香味 🍫☕️味唔會互搶 朱古力餡中和左偏苦澀嘅外層 口感豐富有層次🤤🍘海苔肉鬆bagel $23推薦：🌟🌟🌟🌟對鹹點麻麻地嘅我都覺得呢款🉑️～聞落淡淡嘅海苔香 內餡嘅肉鬆好足料 食落口唔會乾爭爭 熱食十分惹味❤️🍵宇治納言bagel $25推薦：🌟🌟🌟我最愛抹茶紅豆嘅配搭❤️ 呢款bagel採用左小山園抹茶粉～整體味道偏淡口 適合我呢啲唔太嗜甜人士 內餡有軟棉嘅紅豆+煙韌嘅麻糬 略嫌餡料較少🥯原味bagel $19推薦：🌟🌟🌟煙韌 咬落有小麥香 建議加埋cream cheese同煙三文魚 口感超正～

品穀一直都係好出名食bagel 但原來甜品都好出色綠茶Tiramisu 面頭有一粒馬卡龍 外層入口一咬即化 中間既cream 好濃抹茶味 甘甘地 抹茶控一定唔會失望加上微甜既紅豆 好夾不過無酒味亦無cream cheese 味好似唔太應該叫Tiramisu喎🤣Tiramisu 撻層次分明一層Mascarpone Cheese 帶酒香一層蛋糕 好濕潤一層Chocolate Mousse 夠軟滑撻底都係濃濃朱古力味 🍫質素絕對對得住價錢👍🏻

今日行過，記得朋友同我講過呢間嘅麵包出色，尤其是係貝果系列。一入到去，香濃嘅麵包味傳出來，原來啱啱係新鮮麵包出爐，我對呢種味道係完全沒有抵抗能力，咁就唯有放低幾兩。最後買咗一個蒜香墨汁貝果，一個原味貝果，仲買咗一個大嘅合桃農夫包。個蒜香墨汁貝果幾特別，算係一啲幾新派嘅味道，不過個人比較傳統，都係喜歡原味，然後自己塗上 cream cheese. 兩個貝果食落去都算幾煙韌，幾好咬口。蒜香貝果蒜蓉味都幾重，適合一啲喜歡重口味嘅人。 合桃農夫包切落去都見到好多合桃好多餡料，不過食入口比較硬身，相對之下，個人覺得背果比較出色。

品穀喺灣仔都已經開業咗有一段好長嘅時間，一直聽聞佢嘅品質好好，成日經過但一直未有機會品嚐。今日終於可以試到啦😚✨🍵宇治納言bagel $25Bagel麵包煙靭，富有🍵抹茶香😳 中間紅豆餡煮得軟綿，完全冇豆衣，亦不太甜👍🏼 麻薯軟糯。抹茶紅豆麻薯係天作之合，三者配合令口感層次十分豐富🌟🥯原味bagel $19Bagel 麵包口感比宇治納言更煙韌😳 （可能因為冇中間的餡料，全是bagel 麵包的原故）越咬小麥嘅香味越出👍🏼 不過建議都係配合cream cheese，個人覺得味道會更好。食物：4.5/5🥯Bagel 十分出色，價錢合理（相比起係Cafe食）。尤其推薦宇治納言🍵

🍞松露蘑菇包 ✍🏻 先喺俾佢嘅🍄外型吸引 其次係因為佢係 松露➕🍄 兩樣都有‼️‼️ 所以唔使諗 「一秒間」🤣🤣 決定入手😂😂😂😂✍🏻包皮食到鹹香 內有松露蘑菇filling 我係第二日食 texture keep 到鬆軟 似P字頭嘅包✍🏻 Filling 食到重🧀？？❤️ 好似食緊松露蘑菇意粉 嘅麵包version咁 好過癮 如果一啖過嘅話 就會有啲鹹 可能包皮可以再大少少 或者調節咸度 建議可以配杯咖啡 一啖啡 一口包 會中和返⚠️只係$24 😍😍 我自行另加cheese ⚠️食完個包 人哋一定知你啱啱食完 松露蘑菇🤣🤣🤣🧀芝士多過蘑菇 蘑菇粒底部 用咗芝士黎做「膠水」 我估應該係😂😂😂 咁會再濃🧀得黎 又可以穩定到個包🍄蘑菇比例可以再多番少少 松露味再多番啲啲🆙🆙💰呢個價錢收貨 有打卡造型 唔係空心包 呃到❤️ 又好味👩🏻‍🍳仲有bagel 同🍠包都想食 我會再回購‼️‼️‼️‼️

其實麵包店有好多，除了舊式也有不少新式的都很吸引 位於灣仔的 Big Grains 品穀 是一間製作健康、美味麵包的店。款式看起來很多，而且有些麵包還頗特別，好像也很少店面那麼大！✦ 粟米太鼓 ($19) -帶回家後發現被我壓扁了 🥲 不過不影響味道喇口感很鬆軟，內餡的忌廉粟米帶有微微的胡椒味。✦ 品穀菠蘿 ($16) - 味道不像傳統的菠蘿包，只有貌相有點像。菠蘿皮很香脆，頗香但吃落不甜的包。✦ 芋泥小盒 ($23) - 這個生吐司超級鬆軟 🍞 內餡的芋泥也很香甜。三款中我最喜歡這個！

品穀呢一間嘅烘焙店出名無添加，全人手製造，除咗麵包仲有甜品同嘢飲等，而家暫時有三間分店，如果喺港島嘅朋友想食的話就要去到灣仔，暫時港島只係得一間，香港人就係咁，無論有幾咁遠都好，只要好食幾辛苦都會去試😌😌😌今次介紹咗三款嘅麵包，其實佢哋都有唔同種類嘅麵包，法包，方包等，款式都算多，其實我款款都想試，佢嘅手工精美之餘味道仲超多選擇，所以品穀就成為我嘅喜愛麵包收藏之一👍🏻👍🏻👍🏻🍠首先第一款麵包叫{紫.糬}，呢款就係長條型上面有啲紫薯粉，顧名思義裏面嘅餡料係有紫薯同麻薯，首先麵包真係超軟熟，裏面嘅餡料都超多基本上你由頭食到落尾都係有紫薯餡了，紫薯方面唔算太甜麻薯都夠多，成個包個口感一流，軟熟又煙韌🤤🤤🤤🍍另外一款叫{金鑽鳳梨比高}，近年好hit既bagel 佢哋都唔輸蝕，有超多味揀，其中就揀咗比較特別嘅鳳梨比高，佢嘅做法質感比較煙韌，入面都係有配料，又或者裏面冇配料，但外面係有味嘅包，佢呢款就係入面釀咗爆多餡嘅bagel， 鳳梨餡肉都幾多，切成碎粒甜度啱啱好，連埋一齊食真係正😋😋😋🥐經典牛角包:最尾呢款就係原味嘅牛角包喇，佢有手掌咁大，絕對係採用咗無

.一直好欣賞呢間店精緻甜點每款蛋糕麵包都做得好精美每次睇見都有種魔力令人好想食真係好想每件都試一啖今次有呢款========================🍞檸檬茶麵包好好食，好清新麵包口感軟熟真係有淡淡檸檬茶味道入面仲有小小檸檬皮丁🍋每啖口感都好好仲加入合桃將成個層次昇華左好滿足=====================所以話真係好易肥唯有係邊食邊減😂=====================後記:📍首店佐敦 佐敦白加士街61號地舗📍灣仔 Concept 灣仔太和街10-20號福和大廈地下B舖📍荃灣 荃灣大河道100號海之戀商場地下G18號舖..📍地址: Big Grains 品穀G/F , 61 Parks Street ,Jordan@big_grains ...賣相❤️❤️❤️❤️價錢❤️❤️❤️❤️好食程度❤️❤️❤️❤️環境❤️❤️❤️服務質素❤️❤️❤️...#eatwithpankie #foodstagram #foodphoto #photooftheday #foodporn #hkfood #香港美食 #相機食先 #hkfoodstagram #foodblogger #foodlover #f