Coti the Bistro (企業廣場)

營業中

休息中

食都未食就嬲到走人，從未試過！經openrice 訂台，去到員工叫自己搵台坐，因為一個客都無。想坐低見到張椅污糟，就轉前面張台，點知一鬼樣，阿仔就用 tissue 想清走椅上件食物。有個男性員工全程企響我地隔離，只顧懶懶閑咁睇手提電話，完全不聞不問！攪好耐張椅重係污糟，我哋清咁耐果個員工翹埋雙手睇電話咁耐！我忍唔住開口，你哋張椅好污糟，佢唔出聲繼續睇電話！嬲爆我話點解你可以剩係睇電話見到咁可以完全唔幫手？！佢只望住我，好吋咁繼續唔出聲！嬲爆我同屋企人講唔響到食，去第度食！個職員一句道歉都無就咁行開！希望呢間食店既老闆可以睇到呢個post, 正視下幫手趕客既員工既態度！唔係因為openrice 有人讚食物，呢個地段點會專登來食？！食物幾好都無用！出來玩飲飲食食都係想開心，無理由要谷住氣咁委屈！

平時好少去九龍灣呢邊朋友係附近番工 決定等佢收工食個early dinner佢就帶咗我嚟呢間隱世嘅西餐廳因為係星期六日 所以係weekend menu朋友話平時weekday menu更加抵食！法式燉煮羊膝 可配飯/意粉羊膝燉得好入味好腍身 鍾意食羊膻味嘅人一定會覺得好正雖然個意粉冇汁 但本身燉煮羊膝個汁都好多 可以撈埋一齊食！煎慢煮西冷配薯條及沙律個西冷好大塊 啖啖肉 建議食medium rare/medium 會冇咁鞋奶醬啡覺得佢地嘅嘢飲都幾特別揀咗好耐最後揀咗奶醬啡 飲落去真係飲得出好香花生醬味 咸咸地咁飲到底仲有花生碎Tiramisu 窩夫個窩夫其實應該叫croffle 係牛角包整成的 就咁食已經好好食配埋個濕潤嘅tiramisu 苦苦地咖啡 再加埋甜甜地嘅cream 口感同味道更豐富

公司位於工廈區，附近有間企理舒適既cafe。上菜快、靚、正。🍴煎慢煮西冷及沙律：西冷煎到大約6成熟，keep 到juicy，又有牛味。🍴烤牛肉芝士墨西哥餅：墨西哥餅好似薄餅咁脆，中間夾著薄薄的芝士、雜菜同牛肉碎，好充實而唔油膩👍🏻🍴焦糖香蕉窩夫:香蕉🍌表面是脆焦糖，配埋脆croffle ，味道好夾。🍴芝士蛋糕：正常發揮。🍵抹茶鮮奶：抹茶濃中帶少少澀。☕️鮮忌廉朱古力🍫：冇想像中咁甜，是濃郁朱古力味！味道：🔅🔅🔅新鮮：🔅🔅🔅🔅衛生：🔅🔅🔅分量：🔅🔅🔅速度：🔅🔅🔅

上星期日約左朋友敍舊，朋友帶我去企業廣場既Coti the Bistro 食weekend lunch，餐廳座位舒適闊落，環境舒適，播放住舒和既輕音樂，絕對係一個可以慢慢享受星期日下午既好地方。🥂✨煎慢煮西冷配薯條及沙律七乘熟既西冷牛扒最合我口味，不過太生又不會過熟，牛扒肉質嫩滑得離有咬口，份量大塊過我成隻手掌✋🏻，而薯條香脆好味，但一d都唔油膩😋，再配合新鮮沙律菜，多重口感，十分推介。👍🏻烤慢煮BBQ豬筋排慢煮豬筋排肉質細膩，BBQ醬汁唔會蓋過肉香，而配意大利粉相當合適，非常好味。🐷🍝芝士蛋糕我最喜的蛋糕🍰New York Cheesecake 芝士味濃郁，口感軟硬適中，而且份量剛剛好，配合少量cream更好味。🫶🏻提拉米蘇咖啡可以一次過食到提拉米蘇甜品，又可以飲到咖啡，將提拉米蘇同咖啡攪勻後就令甜味和咖啡好平衡敢就更好味。🧋🍺綿花糖朱古力香濃好味既凍朱古力，加上綿花糖及cream，口感好味。😋

今日黎到位於九龍灣既Coti the bistro食飯，餐廳既裝修走西式路線，以木材為主要材料，簡單得黎又新潮。慢煮西冷配薯條及沙律西冷好大塊，又多肉汁，牛肉味道都幾特出。薯條炸得好香脆，新鮮炸起仲熱辣辣，好味。法式燉煮羊膝配意粉羊肉煮得好入味，肉又冧，仲好多肉汁添。焦糖香蕉窩夫窩夫牛油味好特出，入口香脆，製作好認真。最後要左兩杯飲品，份量都唔少，朱古力凍冰冰，好滿足。整體黎講，餐廳既食物質素唔錯，價錢亦都好合理。

“豪華週末早餐"有酵母麵包，雞扒，煙肉，煙三文魚，松露炒蛋，沙律菜和矜貴的蜜瓜。酵母麵包面上有牛油果粒同蕃茄粒，三文魚有兩大片，炒蛋嫩滑有好香嘅松露味，幾滿足下。"烤慢煮BBQ豬肋排"由於係慢煮再烤過，所以啲肋排好腍，我諗就算老人家小朋友都可以容易入口。啲薯條又好鬆脆亦都好大條，即係用啲大嘅薯仔做嘅，幾好吖。飲品多樣化，嚴格啲嚟講係啲咖啡產品多樣化，我就揀咗"棉花糖泡泡咖啡"，只有凍嘅選擇，夏天的絕配飲品，又有棉花糖喺面同埋有啲cream，喜歡喜歡。朋友叫咗"抹茶鮮奶"，有香濃抹茶味仲有拉花，圖案係隻貓，我諗如果係貓迷未必捨得飲落肚。是日精選蛋糕係"布甸蛋糕"，也是靚靚的。

約朋友去九龍灣見下面，除左去大商場，平時喜歡去工商區搵食。網上搵到有間西餐加咖啡 好多介紹，係企業廣場，即係megabox對面，食物同咖啡都好吸引 一於去食個brunch。食物選擇多，除了有幾款咖啡，仲有扒類、all day、窩夫、蛋糕等等。而且座位夠多，裝修以英倫古典風格，深色木系設計，加上掛畫十分精緻，最後我地叫了幾款share食，大滿足 😋=煎慢煮西冷配薯條及沙律 $188=身為牛扒控的我地，見到有西冷就必叫，原來今次餐廳用慢煮方式，外表以為會平平無奇，但食落十分有驚喜。首先是牛扒的肉味濃郁，比平時的西冷發揮到牛本身的原汁原味；其次是肉質嫩口，唔會太韌，5成熟的生熟程度控制得好，同時慢煮不怕因高溫流失營養，配菜有香脆的薯條和醋伴沙律菜，令人滿足。=豪華週末早餐 $ 118=食物擺放用心，十分吸引。先有砌成玫瑰花形的煙肉和煙三文魚，大大片又夠香口。牛油果蓉配上多士，滋味又健康。而炒蛋有黑松露調味，炒得滑身又不會油膩，另外有煎雞扒和沙律菜，能夠令營養均衡又夠飽，差點兒食唔晒。=鮮奶咖啡 ( 熱 ) $38=熱latte的杯子和拉花很有誠意，拉花有更鵝圖案，奶泡不算太穩，但食落的確很香

主菜：烤慢煮BBQ豬肋骨 $128法式燉煮羊膝 配意粉 $138 今日第一次週末嚟，試試呢個假日menu。兩個主菜都好高質～慢煮BBQ豬肋骨煮得好淋，而且好大份！燉煮羊膝同樣軟淋入味，份量感人，而且羊膝旁的醬汁俾得夠多，撈意粉好正！甜品：是日精選蛋糕 $32今日嘅精選蛋糕係芝士蛋糕，係紐約芝士style，芝士味濃郁，而且唔會太甜個人好滿意。飲品：提拉米蘇咖啡 $48 紅豆鮮奶咖啡 $48 提拉米蘇咖啡喺凍咖啡，上面有手指餅，同埋cream，成件事幾新奇。個人比較推薦紅豆鮮奶咖啡，雖然味道偏甜，但係紅豆同咖啡好夾～賣相仲好fancy 小總結整體嚟講，餐廳環境、擺盤都唔錯，食物價錢都抵，尤其我平日嚟食lunch先$68一個set，推薦大家食平日lunch嘅滑蛋雞扒飯！一定會encore~

九龍灣翻工都3年，難得放假都經開，就去試吓長期有人龍嘅西餐先 (平時趕頭趕命都冇機會試到) 睇睇menu (ง ˆ̑ ‵̮ˆ̑)ว゛決定試試牛+ 豬 慢煮西冷（5成熟）🐮值得一讚真係5成熟剛好，一切啲肉汁好似等咗好耐準備湧出黎咁，價錢係偏貴188$ ，但份量同質量佢對得住個價錢慢煮BBQ豬肋骨 🐷肉質軟腍唔靭而且骨肉分離，Juicy多汁，豬味十足推薦P.s太大份，食唔哂啲薯條☕️☕️☕️☕️☕️☕️☕️☕️☕️🍶🍶🍶兩個咖啡愛好者，當然要coffee time🤎兩杯嘢飲靚到⋯好似去咗打卡啲cafe⋯仲要價錢算中下 ⋯咁係幾啖飲哂個隻份量㗎⋯Tiramisu Coffee（$48）集甜品+飲品於一身，一次過滿足哂兩次願意，味道則好唔算太甜，充滿咖啡濃甘香，好彩有試。奶醬啡（$48）花生愛好者必飲，濃濃花生味加埋奶香，完美句號

平時自己一個都好鍾意坐下咖啡店☕️呢間嘅all day breakfast 價錢唔貴 而且非常之豐富！最正係佢地個牛油果醬酸種多士 外脆內軟 仲有一大塊厚切雞扒、煙三文魚、黑松露炒蛋 仲有哈密瓜🍈抵食呀！

全港都有幾間分別既coti 九龍灣呢間面積比較大 有indoor 同半outdoor lunch time 叫左2個lunch set 半乾蕃茄雞肉意粉 意粉炒得好香而唔油 炒乾蕃茄加雞肉係絕配 另外叫左赤味噌慢煮五花肉 五花肉係我食過最好食 有一層肥肉 怕肥既女仔可能好驚 但呢條肥肉先係精髓 配埋薯蓉100 分泡沫咖啡 飯後一杯咖啡醒哂咖啡果皮茶配蜜糖 果皮同咖啡估唔到可以咁夾 食完飯飲可以有消滯既作用手工巴斯克芝士蛋糕 賣相靚到唔捨得食 但略微唔夠實淨 呢間九龍灣返工既朋友絕對要試下佢

《🍽假日西餐》🍳豪華週未早餐💰$118有sourdough、雞扒、煙三文魚、松露炒蛋、蜜瓜，好豐富，最鐘意牛油果醬toast，夾埋食好正，好少地方all day breakfast有埋生果，多汁健康👍🏻🥩煎慢煮西冷配薯條及沙律💰$188好大塊西冷，好腍身，薯條好食🍰A Choice Of Daily Cake💰$32呢日係cheese cake，質感幾好☕️Tiramisu Coffee💰$48賣相特別，有手指餅插咗係飲品入面，飲品上有tiramisu 同朱古力粉，味道幾好，打卡啱晒🍵Matcha Latte💰$42有公仔拉花，睇到都笑咗笑🥰🚩Coti the Bistro (企業廣場) (九龍灣)📍九龍灣常悅道9號企業廣場1期1樓4號舖

都係周末假日遊,約下朋友食飯,先去MEGABOX行街,再食飯而家九龍灣好多餐廳選,MEGABOX超爆場,GOOGLE搵到呢間CAFE順便可以地鐵拍2蚊優惠添喎~好方便就係隔離呢度有西餐同全日餐,另有甜品選擇~朋友選了全日早餐,我就食慢煮肋骨甜品係巴斯克芝士蛋糕,32蚊,抵!仲要畫左花,好有心機呢度好多款特飲選擇~順便食埋主食甜品先上冷泡茶,清香好飲解油膩夠凍添慢煮豬肋有6支骨,肉很嫩滑,有BBQ醬做底,唔錯,但唔夠脆口,但好食既全日早餐夠豐富,雞扒厚嫩,份量夠1.5人食添,又有生果切片又有炒蛋,炒蛋配牛油果多士食口感豐富~!甜品係芝士蛋糕,帶焦糖香氣,入口即溶,非常濃郁芝士味添呀!Coti the Bistro (企業廣場) 九龍灣常悅道9號企業廣場1期1樓4號舖平均消費$300環境一流,坐位舒服!服務一流

今日約咗朋友喺九龍灣食飯， 呢間餐廳都算隱蔽，我都係openrice嗰度見到好評先去試下👍🏼去到之後好彩啱啱好，等一陣入就得啦， 遲幾分鐘都要排長龍。1.軟殼蟹蟹肉拌飯上到嚟都幾驚喜， 原隻軟殼蟹都比較少見， 個賣相都唔錯，蛋包飯表面有啲蟹子，熟咗之後有啲腥味，除咗呢樣有啲扣分，整體都唔錯 2.日式紅酒燉牛肉飯我自己就冇嘗試呢個飯，我朋友話啲牛肉都幾好食， 有少少似中國feel嘅紅燒肉， 都幾淋套餐包餐湯或沙律，見到隔離枱飲羅宋湯顏色比較清稀，所以就試下沙律啦🤣沙律都係正常啦，橙都新鮮嘅， 冇咩特別🤣飲品都冇咩特別啦，都係正正常常！！因為同朋友太耐冇見，我哋都傾得比較耐 ，坐咗喺度成3個鐘，佢哋又唔趕我哋走 ，而且我朋友不斷揮手叫侍應加水又攞野，佢哋都仍然好有禮貌 ， 呢樣都值得加分嘅👍🏼👍🏼👍🏼#黃怪獸 #黃怪獸覓食#香港特色 #香港 #香港美食 #九龍灣美食 #隱蔽食店 #西餐 #yum #yummy #hk90s #hkfood #hkfoodie #foodiehk #foodie

之前要同朋友去開megabox嗰邊買野，之後就去左附近嘅cafe食野～發現左間環境超cozy同慢活嘅隱世cafe, 啲格調勁似傳統日本洋食嘅cafe～同埋啲野飲都好特別，完全冇飲過咁嘅combination ~🐮煎慢煮西冷配薯條及沙律 $188我叫左五成熟， 切開見到都煎得有啲粉紅色嘅🥰～塊牛扒唔會太薄亦都唔會太厚，側邊仲連住啲脂肪，所以牛味同油香味好濃好足夠～肉質都幾鮮嫩，唔會話好韌或者好柴～然後又唔會太乾，切落去都幾juicy~🐷烤慢煮BBQ豬肋扒 $128其實係豬肋骨黎～舊豬肋骨非常入味，充滿BBQ sauce味～又烤到皮脆肉嫩🥰 燒到岩岩好🤩⠀然後都好容易拆骨，又唔會有雪藏味～而配上酸酸甜甜嘅BBQ sauce都令到豬肋骨十分惹味同埋十分醒胃🤩🍼奶醬啡 $42雖然外表有少少普通（好似同其他人嗰杯有少少唔同🤏🏻）但正所謂野飲野食都不可以貌相，味道都幾有驚喜～ 佢個底部有啲朱古力醬，中間亦加左少許花生醬，然後面頭就有奶醬多嘅花生作點綴，奶味濃郁～但又唔會cover到咖啡味，全部野都恰到好處～ 最緊要係：唔會好甜！☕️提拉米蘇咖啡 $48呢個都好有驚喜！好surprised佢都同真嘅t