Coti the Bistro (五芳街)

營業中

休息中

今日同老公去新蒲崗整車，喺等緊架車嘅時候就喺新蒲崗搵嘢食！上OpenRice見到呢間Cafe，評價唔錯，見近近地，就試吓啦！烤美國西冷10安士配燒汁佢嘅西冷品質好！肉味好重，肉質好，一啲都唔會韌！絕對唔係出邊揦過嘅牛扒！配埋佢個燒汁，簡直絕配😋 辣蕃茄蟹肉意粉個意粉好足料，個辣味唔會太辣，不過就好香，個汁同個意粉好夾，加上個意粉口感唔錯，值得一試👍🏻炸魚手指薯條薯條香脆！啲炸魚一啲都唔乾身，入邊又唔會係一pat pat，好味！棉花糖泡泡咖啡面頭嘅棉花糖有略略燒過, 飲完一啖咖啡冷榨鮮橙汁好fresh! 夠天然！帶小朋友嚟，嗌佢冷榨果汁啱晒！呢間Cafe坐得幾舒服！服務都好好！食物好味得嚟，又幾抵食，嚟新蒲崗想食西餐嘅話，係一個唔錯嘅選擇！

周圍冇咩嘢揀，所以睇到好似好多like就入去。我要講明，我係晚上7:15入鋪頭，入面得一台人食嘢。我地揀咗坐中間位，四眼男侍應指指我哋叫我哋坐卡位，我哋拒絕。講真全間餐廳得一台客，用機關槍亂掃都唔會打中一個人，坐邊咪坐邊囉，你又唔駛手指指叫我坐卡位嘅。坐低menu都冇，四眼男侍應匿埋一二角撳電話，我哋好大聲叫先聽到。點咗三樣野四眼男侍應都冇出過半句聲，點完轉身走。嘢食來到都係擺低就走番去撳電話。叫佢俾三隻碟我，佢又一副「你叫我做嘢呀？」嘅樣。食完三碟嘢佢就光速行埋嚟唔出半句聲就拎晒成台野走。我都係七點三入嚟啫，你間鋪收八點半，入嚟就已經一副「點解會有客㗎？！」嘅氣氛，咁亦解釋緊香港餐飲業嘅情況點解係咁！野食味道都一般，唔值呢個價位。一次就夠。

在新蒲崗工業區的一家餐廳，適合下班後放鬆享受美食的好地方，裝潢典雅，氣氛輕鬆，非常適合與朋友聚餐慶祝🎈或是商務晚餐🥂煙三文魚藜麥沙律🥗這道沙律色彩繽紛🌈，煙三文魚的鮮味與藜麥的堅果香相得益彰，搭配新鮮的時令蔬菜🥦，口感清新，酸甜平衡得當，讓整道菜更加開胃😋芝士卡邦尼意粉🍝這道意粉的芝士醬濃郁滑順，每一口都能感受到濃厚的奶香，搭配意粉的彈性，讓人一試成引。不過，若能加入更多香草或黑胡椒，會更添風味💖烤美國豬胺配芥末汁🐖這道主菜的豬肉烤至外脆內嫩，肉質多汁，搭配的芥末汁則為整體增添了一絲微辣的風味，讓人欲罷不能。配菜也是精心搭配，薯條亦十分香口🩷焦糖布甸咖啡☕焦糖布甸咖啡的第一口便令人驚豔。咖啡的濃烈香氣迅速撲鼻而來，隨之而來的是焦糖的甜美與布甸的柔滑口感。這種層次感讓整體風味更加豐富，咖啡的苦味與焦糖的甜味完美平衡，帶來一種令人愉悅的味覺享受， 正呀💖整體而言，這家餐廳的菜式都充滿創意與用心，每一道菜都能讓人感受到廚師的巧思與熱情。無論是聚餐還是隨便來一餐，都非常值得一試！💯💖

新蒲崗工業區內小清新咖啡店，晚市供應扒類、意粉及小食，咖啡選擇多樣化而且幾高質，環境舒適，係個悠悠閒閒食晚餐嘅好地方🎈煙三文魚藜麥沙律沙律份量比預期多，色彩繽紛🥗新鮮沙律菜加上煙三文魚、溏心蛋及藜麥，健康滿分小驚喜係配有黑松露醬，令整體味道更提昇🎈燒美國豬鞍配芥末汁豬鞍帶點點肥肉，肉香油香兼備，肉質鮮嫩，醬汁調味適中，芥末味唔會太搶配上香脆薯條🍟及沙律，成個感覺好豐富🎈鰻魚蛋包飯大大條鰻魚好吸引，醬汁甜甜哋真係好好送飯，炒滑蛋亦有水準，滑溜有蛋香，配搭得好好🎈Flat White咖啡味香濃，最重要係夠熱，好加分

朋友約咗我去呢間穩世小店Coti the Bistro試試西餐！結果……因為個門口唔明顯，經過咗幾次之後終於搵到門口……炸魚薯條，食落一啲都唔普通，啲薯條竟然係炸到鬆脆唔乾身，岩岩炸起熱辣辣咁食停唔到口🤪炸魚肉身好厚啖啖肉！pasta揀左個香港少見既貓耳朵粉，好特別！本身個粉既形狀好易掛到汁，配合明太子非常好食！仲有帶子添！最後叫左份十安士既西冷+薯條。一開始口快快講左七成熟，都擔心會唔會over cook，點知食起上黎完成冇問題，啖啖嫩肉仲好juicy🤩如果叫返五成熟應該會更好食😫最後食完再點左兩杯清新小小既餐飲，蘋果新鮮又冰凍，可以緩解返油膩感！完滿！

媽咪想食西餐就帶佢嚟到新蒲崗一間工廈，之前自己嚟食過覺得不錯，今次就帶埋媽咪嚟試其他菜式。烤美國西冷10安配燒汁配薯條西冷牛排點了七成熟，外焦內嫩，肉質鮮嫩多汁。薯條炸得好香脆可口，煙三文魚藜麥沙律沙律清新可口，煙三文魚的濃郁風味與藜麥配搭得好既健康又滿足，加入麻醬一齊食，食唔停口。鰻魚蛋包飯蛋包飯口感滑順，鰻魚的外皮燒得微脆，蛋皮包裹著香滑的米飯，淋上特製的醬汁，味道非常出色。冷壓蘋果汁冷壓蘋果汁清新可口，保留了蘋果的天然糖分和營養。每一口都充滿果香。提拉米蘇和咖啡提拉米蘇口感輕盈，咖啡香氣與提拉米蘇層次分明配上濃郁的咖啡，可以一次過品嚐甜品同咖啡，超滿足。

呢間新蒲崗嘅西餐廳好有驚喜😍 位置好近鑽石山地鐵站，約朋友都好方便～餐廳環境大，坐到好多人，適合聚餐，氣氛一流🥰🍽️腐乳蒙古羊鞍選用新鮮的羊肉，羊膻味道剛剛好，煎得好有水準，肉質鮮嫩有咬口，醬汁鹹香惹味 風味十足！仲有大量薯條做伴菜，好飽肚啊🍽️鰻魚蛋包飯推薦😚 大大條鰻魚好吸引呀！以柔滑的蛋皮包裹著香噴噴的日本米飯，口感豐富😋 鰻魚色澤誘人，仲香噴噴，見到都流口水🍽️酥炸單骨雞翼外皮金黃酥脆，內裡肉質鮮嫩，好適合作為開胃菜或分享小食～🍵抹茶鮮奶帶有濃郁的抹茶香氣，口感滑順，微甜的味道剛剛好💚☕️鮮奶咖啡咖啡香濃順滑，咖啡的苦味與鮮奶的香甜相互平衡🤎

好多時去開鑽石山MIKIKI都無咩餐廳選擇，原來喺呢邊都有Coti the Bistro，之前食過九龍灣嗰間今晚經過就搵到佢。環境好寬敞空間充裕，番工一班同事嚟一齊聚餐多幾個人都夠，餐點選擇好多，唔同嘅肉肉，意大利粉同飯類都有，咁我哋今日揀咗佢嘅烤美國西冷10安士配燒汁，鰻魚蛋包飯，酥炸單骨雞翼。份量嚟講都好足夠，西冷扒烤熟度適中，配埋薯條同沙律無論Lunch Dinner 嚟講都好夠。另一款係鰻魚蛋包飯，半熟蛋上面原條鰻魚，撈埋鰻魚汁食夠豐富滿足。酥炸單骨雞翼炸到香脆可口，而且做法食起上嚟唔會好輪盡。飲品方面選擇都好多，咖啡類茶類都有，佢哋嘅拉花技巧都好好㗎，夠哂賞心悅目

最近我有機會品嚐了一系列獨特的菜式，讓我對餐廳的創意印象深刻。首先，🥗 煙三文魚藜麥沙律 🥗，不僅色彩繽紛，還充滿了健康的元素。煙三文魚的鮮味與藜麥的堅果香氣相得益彰，搭配新鮮的蔬菜，令人回味無窮。特別是那一抹酸酸的醬汁，為整道菜增添了層次感。接著是🍖 腐乳蒙古羊鞁 🍖，這道菜讓我驚艷。羊肉的鮮嫩結合了腐乳的濃郁風味，令人一試成主顧。配上香脆的薯條，簡直是完美的搭配，讓人忍不住多吃幾口。飲品方面，我選擇了 🍫 朱古力咖啡 🍫 和 ☕️ 泡未咖啡 ☕。前者的濃郁巧克力香味讓我心情愉悅，而後者則是清新提神的選擇，兩者都各有千秋，適合不同的口味需求。最後，🐟 鰻魚蛋包飯 🍚，是一道充滿日本風味的佳作。柔軟的蛋包包裹著香氣四溢的鰻魚，口感滑順，令人滿足。這道菜不僅好看，味道更是讓人驚喜。總的來說，這頓餐讓我感受到食材的多樣性與創意，實在是一場味蕾的盛宴！

📍Coti the Bistro (五芳街) 新蒲崗五芳街31-33號永顯工廠大廈地下C號舖新蒲崗有好多cafe ,今次呢位於永顯大廈地下，門口比較隱蔽，要細心留意，內裏五臟俱全，文青簡約裝修，坐得舒適，適合朋友聚會的好地方☺️☁️烤美國西冷10安士配燒汁$198西冷七成熟，肉質柔軟粉嫩，口感嫩滑，厚度適中，切開中間微微粉紅色，配上燒汁，旁邊有大量粗薯條，炸得香脆。沙律可以平衡返西冷油脂，好食☁️明太子三文魚籽貓耳朵粉$108好鍾意食貓耳朵意粉，煙靭有口感，加上大量三文魚籽和明太子醬，食到舔舔脷，有兩粒厚身香煎帶子，適合同朋友分享，好快清晒☁️酥炸單骨雞翼（5隻）$78即叫即做，熱辣辣，雞肉嫩滑，店員好細心已將雞翼切成單邊，方便小朋友食用這間cafe 飲品非常吸引，好飲又特別，外表打卡able ☁️有汽檸檬咖啡（凍）$42Espresso 會另上，倒入去檸檬soda 入面，口感好特別，檸檬微酸，咖啡不苦，兩者加埋好夾☁️提拉米蘇咖啡$48賣相好吸引，表面灑上厚厚的可可粉，中間Tiramisu 忌廉好好厚實，不會太甜甜，手指餅脆口，加上咖啡濃郁，好似食緊甜品 ，雙重享受#新蒲崗#新蒲崗美食#香港#h

去新蒲崗搵朋友 佢帶咗我嚟呢間cafe☕️話係佢平日嘅lunch飯堂餐牌選擇都幾多 有扒類、意粉飯類、沙律 同埋各款咖啡🌟雞扒藜麥沙律 $88沙律本身已經落左麻醬 撈得好均勻 沙律菜新鮮爽脆 雞扒煎得好 肉質幾嫩滑 仲有隻溫泉蛋🌟烤美國豬鞍配芥末汁 $168豬鞍都幾大份 有啲似斧頭扒 食落肉質就似厚豬扒咁結實 薯條好食 乾身香脆🌟明太子三文魚子貓耳朵粉 $108 貓耳朵粉好煙靭 啖啖充滿明太子味 好creamy🌟提拉米蘇咖啡 $48 推介呢杯👏🏼上面嘅Tiramisu好厚滑 底下咖啡味道fruity 可以撈勻晒成杯飲 又可以用飲筒吸左底層嘅啡 再慢慢食返上面嘅cream 當甜品咁食😂🌟蕎麥茶 $30離遠已經聞到陣米香 解膩一流🌿

空間好大，而且唔會好多人(始終係工廈)所以啱哂一大班人一齊，好似包場咁呀！！中間有張大長枱，坐10個人都得！烤美國豬鞍芥茉汁配薯條 $168大大塊豬鞍，邊位有啲肥，令佢無咁鞋口！芥末汁唔會好嗆，反而有少少似黑椒汁添😂薯條係粗個種😍正呀！！仲有啲沙律菜，成碟都好健康，有唔同營養✨✨明太子三文魚籽貓耳朵粉 $108相對咸咗小小，不過似係明太子嘅咸香味🫶🏻好creamy，再有啲三文魚籽卜卜脆，再多咗種鮮味添！貓耳朵嘅口感好唔同，有啲咬口，而且好方便一舊一舊食，唔怕整污糟件衫👍🏼雞扒藜麥沙律 $88雞扒竟然係全晚嘅highlight!!超嫩，入面咬落去係略略帶啲粉紅🤭外脆內嫩😂仲有塊雞皮係度，唔多肥膏！都健康！！沙律菜好多，有啲藜麥增加口感✨再溝沙律醬🤭好食😋抹茶鮮奶(凍）$42好靚咼賣相！不過里個抹茶相對甜啲嘅，喜歡甜野嘅人一定鐘意！！！鮮忌廉朱古力(凍）超濃呀！！仲有一大層忌廉😍絕對係童年回憶！

新蒲崗有唔少餐廳，今晚同朋友揀咗間西餐咖啡店 Coti the Bristo。估唔到都幾近地鐵站，幾分鐘路程，好方便。7點左右到，一入門已經有幾張枱坐在人，整個空間整潔，裝修簡約。我哋order一份西冷，一份辣蟹肉扁意粉同埋一份小食炸單骨雞翼，叫咗兩杯抹茶latte，一凍一熱。西冷10安士，配薯條。牛扒算係薄身，要求五成熟，有牛肉味有肉汁，邊邊有少少筋，唔差。辣蟹肉扁意粉算幾辣下，見意粉𥚃里有乾辣椒皮，食得辣嘅人應該接受到，味道尚可。查單骨雞翼，size 較細，但係都有五六隻，味道較為清淡。抹茶latte 甜度適中，可能用咗茶底，有一陣淡淡嘅茶香味。

新蒲崗工業隱世cafe，選擇都唔少，地方幾大，可以包場搞party～腐乳蒙古羊鞍 $178好特色嘅fusion菜～醬汁係用腐乳打成，唔會太濃烈，食落係啖啖嘅腐乳味，惹味～羊鞍煎到5成熟，肉質juicy，肉唔算羶，易入口～明太子三文魚籽貓耳朵粉 $108香濃又creamy嘅明太子醬，配埋口感好正嘅貓耳朵粉，非常開胃～仲有香煎帶子粒同三文魚籽做點啜，level up～炸魚手指薯條 $68炸魚好香脆，魚肉滿滿的～薯條係帶皮嘅肥薯條，好中意啊～玫瑰鮮奶咖啡 $42好香嘅rose latte，唔會甜～岩哂唔嗜甜的朋友～提拉米蘇咖啡 $48面層係tiramisu cream，底層係咖啡，先試左一啖cream，甜而不膩～建議可以撈埋一齊飲，飲飲下仲會飲到陣陣嘅rum酒味～

新蒲崗呢個小區 我都幾鍾意去 呢一日 陪老媽子去買即食燕窩 轉場買完貝果 然後食港式西餐-🥗煙三文魚藜麥沙律雜菜爽脆新鮮 藜麥健康低卡 加上我大愛嘅胡麻dressing 好快將佢K.O.😜-🥚雞扒蛋包飯蛋䊢色澤鮮黃有些少流心效果 啱晒撈飯食 雞皮煎得焦香 如果件扒厚身啲 咁就更有口感啦-🥩烤美國西冷西冷有十安士 七成熟 牛味濃郁 燒汁惹味少辣 原來裏面有黑椒碎 薯條係我鍾意嘅粗條型😍-☕️Tiramisu coffee飲得嘅tiramisu😘 仲有原條手指餅俾我浸住食 入口先有可可粉苦澀 跟住係香滑淡芝士味 然後咖啡味漸強 味道豐富👍