Coti the Bistro (五芳街)

營業中

休息中

新蒲崗有唔少餐廳，今晚同朋友揀咗間西餐咖啡店 Coti the Bristo。估唔到都幾近地鐵站，幾分鐘路程，好方便。7點左右到，一入門已經有幾張枱坐在人，整個空間整潔，裝修簡約。我哋order一份西冷，一份辣蟹肉扁意粉同埋一份小食炸單骨雞翼，叫咗兩杯抹茶latte，一凍一熱。西冷10安士，配薯條。牛扒算係薄身，要求五成熟，有牛肉味有肉汁，邊邊有少少筋，唔差。辣蟹肉扁意粉算幾辣下，見意粉𥚃里有乾辣椒皮，食得辣嘅人應該接受到，味道尚可。查單骨雞翼，size 較細，但係都有五六隻，味道較為清淡。抹茶latte 甜度適中，可能用咗茶底，有一陣淡淡嘅茶香味。