Cozy Coffee

營業中

休息中

南豐紗廠好多打卡位，仲要唔少靚靚cafe😚今次去左係南豐紗廠既一間cafe☕️ 有室外位置假日可以帶埋毛孩🐶黎食野添，環境夠哂chill坐得好舒服，同朋友傾半日計都冇問題😗⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬👈🏻向左拉睇menu👈🏻🐟經典炸魚薯條($128)即叫即炸上菜果陣🐟同🍟都係熱辣辣脆卜卜啊😆薯條係幼身款有咬口，🐟都好食！不過略嫌炸粉有啲多，價錢都定得有點貴🤔.🌼煙三文魚牛油果班尼迪蛋($108)食物擺設美美的🥳流心水波蛋+superfood牛油果🥑+煙三文魚絕對係我最愛😍💗我叫咗蛋黃醬另上，因為班尼迪蛋中最肥既就係個醬🙊覺得唔加個醬已經好好味了😋.🔸評分: 7/10💰人均消費: $100-$200

趁端午節放假(o^^o)緊係要去下cafe嘆下，過返個悠閒假期，所以今次簡左去狗狗友善的南豐紗廠🤤chill一下（不過原來假日好多人😂差唔多間間餐廳都排長龍）好彩我地訓晏左，2:30先到～過左peak hour，所以等左5分鐘就入得啦😛😛1. 黑松露帶子意粉🍝🍝好似$9x黑松露味超濃！！好入味😋要搶住食😂😂2. 培茶latte🍵佢係比抹茶烘得更耐 😄所以更加有茶香味～好大杯 $58！飲完都幾飽😂3.All day breakfast🍱不過不失🧐麵包看得好脆好有牛油味^_^ 大啡菇都好香好鮮甜😋（利申：我無食🤣聽返朋友講）不過又唔係話特別推介咁🤭可填飽個肚咁囉！

是日元朗形點1坐68M出發 都係愉景新城站落 入誠品上一層經天橋行過去都好快到（上次去勁🐷 搭去荃灣地鐵站再慢慢行去😅）11時多去到 比預期中多人多寵物 隨意睇下邊間餐廳容納到我地先 呢間店子小小 竟然有BB凳（雖然最後我地坐梳化😌）餐單睇落都岩食 就佢啦！Souffle Cheese Cake $46老公多手叫左俾湯圓妹 無咩賣相可言 就一舊糕囉 口感都幾綿密 但就無期待中好跳脫既質感 同埋唔太食到芝士味 帶子黑松露白汁扁意粉 $108都唔會對呢類咖啡店既熟食有太高期待 不過要果腹唔理啦😝結論都唔太差 賣相算靚既 車厘茄同黃茄都好大粒甜美 帶子亦煎得香 意粉對我黎講就硬左啲 黑松露汁亦不夠香 CP一般啦Cozy 全日早餐 $118賣相普通啦 炒蛋都香滑 湯圓妹愛 香腸我地覺得好味 湯圓妹就嫌皮硬 煙肉亦唔柴皮 大啡菇就調味重手左 落多左黑醋？結果只有酸 完全無晒菇味 焗豆就無得輸湯圓妹例牌食晒 多士就騎劫左1塊 唔錯既蘋果汁 $32好飲喎 感覺係即榨 有蘋果果種天然澀味 湯圓妹表示欣賞焙茶拿鐵 $50 夠甘苦既 但就粉左少少 有少少卡喉 索價也偏貴鮮奶咖啡 $42呢個唔錯 啡味偏重

第一次去南豐紗廠荃灣地鐵站外有免費穿梭巴士去南豐紗廠見到好似好多人推薦食cozy cafe於是就決定試一試店內有wifi環境舒服 寬敞舒適適合朋友或者家人聚餐由於下午茶時段就叫左個薯條 同小食拼盤配一杯飲品我就點左波羅汁同蘋果汁比起主食呢兩杯果汁反而令我十分驚喜佢d果汁唔係超級市場個d果汁真係超級好飲 正好想飲多幾杯！薯條味道雖然唔錯但d芝士痴晒落張紙到芝士分量唔係好夠不過薯條質素唔錯夠熱夠脆得閒無野做試下都好

第一次去南豐，特登留肚去食野，太肚餓，去到求其搵一間就坐底食店舖環境都算ok，坐得都叫舒服價錢唔叫平，百幾蚊一碟意粉，2隻蝦都霉，意粉味道一般，唔叫難食但都真係唔叫好味，普通貨，同出面68蚊一碟個d意粉差唔多質素但要讚下個龍蝦湯幾好味，幾濃味個牛肉漢堡又係賣百幾蚊..塊牛幾厚身，但味道都係好一般...服務態度一般，係香港地大家都唯有體諒服務性行業整體來講唔值咁既價錢...唔知佢係租貴定特登賣到咁貴先唔講地區位置但希望至少俾咁既價錢可以俾返咁既食物質素..

We were walking around The Mills and wanted a place to grab some snacks and coffee. We ordered some truffle cheese fries and for drinks I ordered the Golden Dreamland (basically kind of like a lemon soda) while my girlfriend ordered their siphon coffee. My drink came first, then the fries came shortly after. The fries tasted alright, not bad for $58. My drink was good too, but $56 may be a little overpriced for what it was and it was a really small cup. Now the siphon coffee ($70) was nice too I

昨天發現荃灣地鐵站原來有免費穿梭巴士接駁南豐紗廠，今天立刻去。穿梭巴士每20分鐘一班，裝潢很有特色。本來打算吃著名的honbo漢堡包，誰知道原來逢星期二休息，於是亂找到這家cozy cafe點了一個安格斯漢堡， 並且加了$16把餐飲轉為凍朱古力。先上來的是朱古力，雖然只加$16 ，但份量少得令人有點失望，而且有兩三塊大大的冰塊，可以想像冰塊溶化後會溝淡飲品味道。朱古力味不算濃，飲品不算甜，比很多朱古力死甜死甜好。餐廳說是特意用比利時朱古力，但這個質量並沒有令人驚喜。漢堡包整體不算乾，但也沒有很濕潤，明明有肉汁滴落，但感覺就是不濕潤。漢堡點了全熟，但牛扒中間仍然帶紅，不過沒有任何血腥味。麵包鬆軟，但質感有點韌。番茄生菜味道正常，新鮮。薯條是幼身的薯條，不算非常脆，但也OK。餐具有點浪費，都是包好的，我只需要用紙巾，但也要整個拆開，浪費了沒需要用的餐具。如果疫情過後，餐具能開放自取，那就不會造成浪費了。店員服務態度很好，而且堅守防疫政策，有客人沒有量體溫走進來，他也會禮貌地請對方先出去，量體溫後才能進餐廳。

［荃灣］Cozy Coffee💛.白酒牛油汁帶子意粉食剩指數 0/100帶子有4大粒都幾彈牙牛油汁超正一撈落去已經好香意粉軟硬程度都剛好整體好高水準.龍蝦包🦞🦞食剩指數 : 0/100龍蝦肉都幾多味道好新鮮個汁好特別有啲似蛋黃醬咁又有啲似沙律醬Anyway食落好match個包食落係排包果種甜甜地既唯一挑剔係啲薯條太幼太似m記質素如果換第二種薯條會開心啲😂.之前一直以為紗廠呢度得展覽睇估唔到而家多左幾間餐廳有機會再同大家分享一下

今日趁着長假期就帶父母出外走走。來到了南豐紗廠閒逛，最後來到這家cafe坐坐兼且在這裏吃晚餐。點了一份意粉、一份pizza和一份豬𩣑。餐廳只坐了半數座位。但我們的食物是吃完一碟才上一碟。最後豬𩣑等了九個字都未有，就讓店員幫忙跟進，但他完全沒有告訴我們什麼情況、或者是否漏單。最後等了一個小時我們再去問店員，他就說1分鐘，一句道歉也沒有，最後真的整整1小時上菜，才但用餐卻限時1個半小時。With 1.5hr time-limit the cafe set, we waited 1 hour for the pork rack... no one clarify or apologise. I feel sorry and regret to bring my parents to have meal here. Bad service. Food are just soso. Not recommended

在南豐紗廠裡面有很多咖啡廳，這次找了一家位置較隱蔽的咖啡廳來飲咖啡打打卡。在這咖啡廳附近就是南豐紗廠打卡後樓梯次可以一次過打卡到兩個地方挻不錯。店舖有三個位置提供，鋪外位置(紗廠大堂)/吧枱/餐桌，我們坐了吧枱位置，用來打照片確實不錯，再點兩杯咖啡休息一會兒放鬆一下。💥Ice Americano 凍美式咖啡 HKD$38，相比起常見咖啡廳的凍飲來說算是細杯，冰塊不算很多，咖啡味道不過不失。💥Hot Cuppuccino 熱泡沫咖啡 HKD$42，價錢一般可以接受，面頭還有美美的心型拉花，咖啡味道挻香濃感覺不錯。

ᴄᴏᴢʏ ᴄᴏғғᴇᴇ☕️.Eggs Benedict 🍳 $108呢個勁推介❣️流心嘅水波蛋+鹹香嘅Parma ham+煙韌嘅包 好普通嘅料但係真係好好味😋雖然佢真係好似豬柳蛋漢堡🤣最重點係佢個蛋黃醬😍好濃好香 將成個味昇華左💓.明太子醬虎蝦扁意粉🦐 $110每一條麵都沾滿晒明太子醬😍鹹鹹地帶點微辣 食落一啲都唔漏🤤雖然好多醬 但係啲麵冇淋到 仲好彈牙‼️個醬索晒啲蝦味 食落好似飲緊龍蝦湯🦞🤫虎蝦都煎得好香 肉質夠爽口👍🏻..Orange Cake🍊 +$46呢個cake有驚喜🥰食落好清新‼️不過成件蛋糕偏鬆散 好易碎🧐可能因為加左好多橙乾入去 所以蛋糕比例會少左🤏🏻除左啲橙乾碎 佢仲放左兩塊橙肉喺面😍橙乾幾煙韌甜甜地 好味😋食落口感幾豐富👍🏻.Iced Mocha 🍫 +$16朱古力味幾濃 唔會話太甜 ok!.Milk Coffee🥛 +$8佢可以免費轉skim milk~呢杯咖啡飲落好順滑🤤奶同咖啡味balance得好好😚

下雨天行到南豐紗廠搵間cafe住低扮下文青見到呢個有個玻璃天花透入外面既光線好似坐室外既感覺人叫左杯熱Latte估佢唔到係好好飲價錢合理仲可以hea足咁耐下次一定會再黎

整體黎啊講都唔錯，雖然價錢偏貴（意粉加飲品加甜品要$150…文青就是貴價的🙈) Café 主食唔多，只有All Day Breakfast，幾款Salad、Toast、Pizza同Pasta家。小妹叫咗脆焗慢煮雞脾橄欖油香草意粉，雞脾做到微微脆皮，而雞肉保持嫩滑；意粉軟硬都適中，不過略嫌橄欖油太多，食食吓有D油膩🤨飲品無論係Coffee定Green Tea Latte 都只屬中規中距，反而甜品俾到驚喜小妹。Orange Cake鋪咗大大片橙係面，賣相吸引🤩。蛋糕口感係pound cake個種，但唔會太乾，幾濕潤。每啖都有淡淡嘅香橙味，好鍾意；，配咖啡認真唔錯😋! Souffle Cheese Cake 真係如其名般口感好soft，蛋糕帶有淡淡芝士味🧀，整體感覺好鬆軟舒服；小妹一啖接一啖，令人毫無罪惡感，超推薦俾鍾意食芝士蛋糕但又怕膩怕肥嘅朋友。如果想慢慢嘆，小妹建議大家12點前黎，因為中午之後就坐滿，free flow 嘅關係，側邊都係等位嘅朋友，會令人有d壓力。

同朋友行完元荃古道，4點肚餓到即刻搵一間cafe坐低抖下醫肚。Bookmark左好耐大圍嗰間兩層既分店，今次唯有黎呢間位於南豐紗廠內嘅Cafe，裝潢舒服，連埋店外空間好適合靜靜地坐係度做野，都唔係好多人，可以放心係度食朋友叫既龍蝦湯超濃郁，叫既AvocadoToast份量啱啱好，野食全部都係合理價錢，加$8就可以轉White coffee，Flat Coffee好香而且拉花圖案好靚好特別，可惜依家無做All Day Breakfast

一場黎到荃灣，梗係要去一去大名鼎鼎嘅南豐紗廠行返轉啦，扮吓文青都好黎到搵咗間咖啡店坐低，雖然係黃店，不過好失望囉... menu 上面無mocha, 但係原來又有得叫喎... 但叫到黎都唔好飲嘅。朱古力味又唔係，咖啡味又唔重 😓牛油果蟹肉塔沙律 📍$78呢個價錢好似有少少太進取，少量嘅沙律加埋一個牛油果，再放啲蟹肉係中間 🤔食唔飽之餘啲材料又唔係貴，仲係荃灣咋喎白酒牛油汁帶子扁意粉 📍$98醬汁比較乾，味道可以再濃啲，不過帶子都尚算ok